جمعتنا ولمتنا السورية مع احلى رفقة أردنية لشهر جمادى الاول1432... اتفضلوا صبايا

وينكم يابنات من غير شر ماعاد بينتوا طلوا علينا
شامية عروسة الميدان ياسمينة زهورة ان شاء الله كلكم تكونوا بخير

ام محمود الحمدلله على كل حال

انا ساكنة لحالي الحمدلله هههههههه

ومافي مشاكل بس الا ما تتعرضي لمواقف تغص قلبك ربنا بيعين


انا بشهر 2 كنت عند اهلي قضيت 3 اسابيع

هن ما بيقدرو يجو الا بابا حتى عرسي ماحضرو الا بابا لاني تجوزت بالسعودية

لانو عندي اخوي الصغير مريض كتير الله يعافيه

فانا اللي بنزل عندهم

انشالله يقدرو يجيبو اخوي ويعملولو عمرة والله وقتها كتير راح انبسط

هلا تغريد انا ام عبدالله دمشقية ام محمود :confused: هههههههه
والف الحمدلله يلي ساكنة لحالك يااختي العيشة غير انالما اتزوجت كانت حماتي وبنت حمايي وبعد كم سنة توفت حماتي الله يرحمها وبنت حمايي معايي ومو معايي بتروح وبتجي وانا وياها متل الضيفة والضيوف يعني على الرسمي
واكيد رح تصير شغلات بينك وبينهم بحكم انكم بنفس البلد بس ياستي المهم انه عندك بيت لحالك
طب ليش صار عرسك بالسعودية معلش انا اسفة على فضولي بس المفروض هنن ينزلوا لعندك ويساووا العرس وبعدين يطلعوكي لعندهم ومنيح نزلتي وشفتي اهلك وان شاء الله هنن يجوكي وتكحلي عيونك بشوفتهم وربي يشفي اخوكي ويعافيه ويخليلكم ياه يارب

مسا الخير كيفكون صبايا وشو اخباركون

نحنا اخبارنا بتعرفوها بس الحمد لله رب العالمين كل شي بيجي منو يامحلاه
المهم الواحد انو يطول بالو ويتحمل
انا بس حبيت سلم عليكون
دخلكون شو اخبار لولية ومون وشامة ولولوة وبيرل ليه ما عادو فاتو ولا عم يعملو متلي زورني كل سنة مرة ههههههههههه
صبايا ابني عم يجنني مبلش زحف وما عم يخليلي شي بمكانو وما بقدر غض عنو نظر ابدا لانو بحرحر وبشد اي غرض بشوفو وممكن ياذي حالي تخيلو اليوم قعد قدام خزانتو وبلش نكت وزت الغراض كلا وراه ههههههههههه شي بضحك ومافي غير بيوقع وبينخبط براسو
بس والله مشتهية لاقيلو حل

بس طمنوني رح يضل بهالحالة كتير

يسعد صباحكم ياحلوات

روح عامر الله يعينك بس انا بدالك وهيك قلبي مقموط مارح انزل ودخيلك يعني هي مادة اجليها اذا بتتأجل والله يختارلك الخير

********

سوريتي مارح لا اركب ولا ابطخ هي الروحة تكنسلت ههههه
رحنا على الرد سي مول ورجعت بوجع الراس يااختي صاير فيني على قولة ابي اذا اخدتكم على الجنة بلاقي النار ادفالكم هههههه يقبر قلبي هو واقواله
وليش كنتي جايبة سيرتي يابعدي اه من عالصبح كمان ؟؟ خير ان شالله

*********

فديت عطره الله يسلمك ويخليلك احبابك يارب اي والله سورية ونيستي بالغربة
بس انا كمان كنت متلك لحالي يعني انا ضليت ست سنين بالغربة لحالي من غير لا اخت ولا حدا بهالغربة بعدين لاجت سورية
بقى فيكي تقولي تعودت على نظام الغربة ووحاشتها
انتي اهلك ساكنين بالاردن يعني ان شالله طلعتهم لعندك سهلة وخاصة ان باب العمرة مفتوح وميسر فان شالله يطلعوا وتشوفيهم وهنن وانتي بالف خير يارب
والله العمرة بالشام مستحيلة بحكم تسكير السفارات والقنصليات ... بقى الله يفرجها احسن شي

اهلين سمورة طل القمر والله
ياستي الله يفرجها عليكم ويكون الكم معين يااارب
اما عن اخبار الحبايب فمقطووووعة تمامااااا مامنعرف عنهم اي شي لا مون ولا بيرل ولا لولية وكتير بنات ماعاد بينوا ان شالله يارب يكونوا بخير ومابدنا شي

لولوة كويسة الحمد لله بشوفها على الفيس بوك

وبخصوص مازن الله يحميه يارب هلأ سن الاكتشاف بدو يتحرك ويكتشف كل شي اسم الله عنه
انا برايي حطي بالمشاية بيتسلى وبيتمشى هههه وبكون بامان ان شالله ومابأذي كتير بحكم المشاية وابعادها هههههههه
وكمان اذا عندك نطيطة هي اللي تنحط على الباب تبع الاطفال او مرجيحة لسنه كمان حلوة وبيبعد عن الزحف شوي
امممممم واحلى شي في بيت الطفل متل السرير بس عريض وعلى الارض بتحبسيه فيه وبتحطيلوا العابة وكل شي يعني لساعة ساعتين
مو اكتر لان متل ماقلتلك هلا وقته يتحرك ويستكشف
الله يحميلك ياه يارب وتشوفيه عريس

صباح الخير صبايا
حبيت صبح عليكون وبرجعلكون لتهدا بنتي

هلا سمورة ربي يسعدك ويفرجها عليكم من عنده
ويخليلك ابنك ومتل ماقالت دمشقية حطيه بالمشاية او بدك تبعدي كل شي خطر عليه وبيقدر يطوله يعني تغيري ترتيب البيت ههههههههههههه الله يحميه يارب


هلا دمشقيتي اخ لو تشوفي فرحة جوزي مبارح لما عرف انه مو رايحين
ويقبرقلبي ابي شو اقواله حكم هههههههههههه انتي ماانبسطي لأنه ببالك تجيبي شي ومالقيتيه
بعدين مين انتي اه لحتى جيب سيرتك :| خخخخخخخخخ عم امزح طمنيني كيف صار ضرسك اكيد مانيمك مبارح

هلا ام سنا الله يسعد صباحك

مسا الخير حبيباتي

كيفكم انشالله مناح؟؟

لا تواخديني ام عبدالله لهلا ما حفظت الالقاب

والله يا حبيبتي عرسي صار بالسعودية لانو اولا ربنا رايد هيك تانيا اهل زوجي الاوادم ماكانو بيقدرو ينزلو بوقتها لانو زوجي قبل العرس بشهرين لحدد موعد العرس فما عجبهم السرعة ولو ما وافقت عالزواج بالسعودية ما كان تزوجت لهلا وانا طقت مرارتي من الخطبة لاني قعدت 5 سنين خاطبة وبتعرفي لو طولت شوي والله كان تركنا بعض انا وزوجي ربي يحميه بس الحمدلله على كل حال

هاد حكم ربنا والله يختارلنا الافضل


ام محمود ااااااااااخ عقبال عندي ما اتعود عالغربة

والله اليوم صاحية مخنوقة ودموعي ما نشفت نفسي اشوف امي وخواتي تمنيت لو هن عندي او انا عندهم بس الحمدلله على كل حال

وبرجع بقول الله يخليكم لبعض وما يفرقكم يارب

مسالخيرF:
كيفكن شواخباركن
لاتواخذوني انشغلت عنكن
ان شاء الله كلكن تكونو بخير
اهلين فيكي فديت عطره اتشرفنا بمعرفتكF:

هلا تغريد مسا النور الحمدلله كلنا بخير ولايهمك سامحتك هالمرة ههههههههههه
وياستي اعملتي زينة العقل المهم الحمدلله صرلك عرس ومتل ماقلتي هيك الله كاتب والله انا خطبوني عالتليفون وسته يلي هيه حماتها للدمشقية لبستني الخاتم وبعد سنة وشوي نزل شهر كتبنا الكتاب واتزوجنا وبعدين تركني وراح عشان اوراق الاقامة وبعد شهر وشوي لحقته
وسلامتك والله حاسة فيكي بس بدك تحاولي تتكيفي والله وانا مشتاقة لأمي وابي واخواتي الي سنتين ماشفتهم من عمر بنتي هدى اجوني على ولادتي والمشكلة الاكبر انه انا مامعي اقامة هون وشايفة الاوضاع بسوريا كيف يعني لا انا بقدر انزل ولاهنن قادرين يجوا
بقى يلي بيشوف مصيبة غيرو بتهون عليه مصيبته والحمدلله على كل حال

هلا ام فيصل مسا النور ولا يهمك حبيبتي المهم انتي بخير

السلام عليكم


سورية حرة انا اللي الي الشرف بمعرفتك حبيبتي

ام عبدالله الله يعينك اخ عالمرمطة يلي بنعيشها بس الحمدلله لقيت حدن متلي هههههههههههههههه

الله يعينك والله صعبة القعدة هون من غير اقامة الله ييسرلك امرك ويفرجها معك

هههههههههه من اول ما اجيت عالشات وانا بزت هموم خلص خلونا نفرفش

هلا تغريد الله يسلمك يارب والله انا موقصدي زيد همك بالعكس بدي هونها عليكي ولا انا اتعودت على وضعي خلص
وهاتي لنشوف كيفك بالطبخ ولامقضيتيها عند حماتك عشان مايفرق مع زوجك طعم الاكل :lol::lol:

جمعة مباركة على الجمييع وربي يجعلها جمعة خير عليكم والله يكفينا الشر ويبعده عنا يااارب

فديت عطره الله يجمعك باهلك على خير يارب ويقر عيونك بشوفتهم وان شالله بتتعودي على هالغربة وبتتأقلمي معها وربي يرزقك الذرية الصالحة اللي تملي عليكي دنيتك
واسئل الله العظيم رب العرش العظيم ان يشفي اخوكي ويعافيه ... امين امين امين

وباقي الحلوات الله يصبحكم ويمسيكم بالخير والسرور

هلا دمشقية جمعة مباركة عليكي وعلى كل الصبايا وآمين يارب الله يسمع منك

تغريد ربي يشفي اخوكي ويلبسه ثوب العافية ياااااااااااااارب

هلا اختي سيمفونية آمين ربي يحفظلك كل احبابك

مسا الخير حبيباتي

"ام عبدالله وام محمود"

كيفكم انشالله باحسن حال

سمفونيه اميييييييييين ياقلبي


بالنسبة للطبخ لا يا اختي انا ست بيت معدلة وزوجي بموت على اكلي ههههههههههه

يعني بالمناسبات بناكل عندها بس

انا بطبخ من يوم يومي الحمدلله وهو متعود على اكلي من ايام الخطبة قضى 5 سنين عندي بالاردن ايام الجامعه اكل شارب ههههههه

محلاه وهو مو عاجبو ههههههههه الله يرضى عليه كتير هني بالرغم من الاشياء الكتير اللي ما بياكلها "عالاغلب كل الاشياء "هههههههه