سورية حرة;16059470:
اهلين فيكي نبع الحب
شواخبارك
ويخليلك ولادك يارب
انا اهلي بدمشق وتحديدا بالمهاجرين
الحمدلله مافين شي
الله يحمين ويحمي كل اهل سوريا يارب
فديت عطره;16059943:
السلام عليكم ومساء الخير لكل اللي موجودين بالشات
اتمنى تقبلوني معكم
انا تغريد فلسطينية مولودة بالاردن وحاليا متزوجة وعايشة بالسعودية تحديدا بجدة
حابة كتير اتعرف عليكم واتسلى معكم
روح عامر;16060443:
صباح الخير والفل والياسمين للصبايا الحلوين
اشتقتلكون كتير ان شاء الله تكونو كلكون بخير
انا صرلي يومين نفسيتي كتير تعبانة
قربت وقت الامتحانات وصار لازم قرر انزل على سوريا او لأ
بس بالجامعة وبالأخص كليتي فيها مشاكل كتير يعني ماحدا عم ينزل يداوم
ااهلي وزوجي تاركين القرار الي
وانا كتير عاصصني قلبي ومابعرف ليش
مع اني كنت كتير متحمسة بس مابعرف ليش هالديقة بصدري
وانا كمان اكلة هم النزلة لحالي وبنتي ماعاد احسن احملها
حاسة انو رب العالمين غضبان علي بدراستي وماعم يسرلي هالمادة
استغفر الله العظيم وأتوب إليه
الحمدلله رب العالمين ع كل حال والله يسر الخير
قولولي شو اعمل؟؟؟
سورية وبفتخر;16062489:
هلا تغريد مسا النور الحمدلله كلنا بخير ولايهمك سامحتك هالمرة ههههههههههه
وياستي اعملتي زينة العقل المهم الحمدلله صرلك عرس ومتل ماقلتي هيك الله كاتب والله انا خطبوني عالتليفون وسته يلي هيه حماتها للدمشقية لبستني الخاتم وبعد سنة وشوي نزل شهر كتبنا الكتاب واتزوجنا وبعدين تركني وراح عشان اوراق الاقامة وبعد شهر وشوي لحقته
وسلامتك والله حاسة فيكي بس بدك تحاولي تتكيفي والله وانا مشتاقة لأمي وابي واخواتي الي سنتين ماشفتهم من عمر بنتي هدى اجوني على ولادتي والمشكلة الاكبر انه انا مامعي اقامة هون وشايفة الاوضاع بسوريا كيف يعني لا انا بقدر انزل ولاهنن قادرين يجوا
بقى يلي بيشوف مصيبة غيرو بتهون عليه مصيبته والحمدلله على كل حال
سيمفونيه;16063296:
رباه لي أحبة
سكنوا حشا فؤادي
ألتقي معهم
بروح دعائي
فأحفظهم يارجائي ..
سورية حرة;16064489:
كيفكن ام سنا وام محمود وام عبودي وفديت عطره
والله انا مبارح قضيتيومي بالمستوصف انا وابني
كنت تعبانة وعطوني مغذي وابرة
وابني تعبان صرلو يومين
الحمدلله ع كل حال
وانا اليوم طبخت لحمة بالصينية وشوربة وبطاطا مقلية
وصحتين وهنا ع قلبكن ع هالطبخات الحلوة
حتى انا ماقدرت حب الروبيان استغفر اللله:)
ماعرفتو زهورة وينها
ان شاء اللله تكون بخير يارب
روح عامر;16064714:
مسا الخير صبايا
منيح رحتو ام محمود وان عبودي عالسوق تغيير جو وواحد بيخلص من الملل شوي
سلامتك ام فيصل وسلامة ابنك وان شاء الله تكونو بخير
بس مالكم حق ماتحبو الروبيان انا ياريت اكول منو كل يوم وبحب جرب كتير المأكولات البحرية بس زوجي مالو مراق مشان هيك لسا النق شغال
اما مشان النزلة على سوريا اهلي وبيت حماي قالولي انزلي قدمي المادة
انا رح ادرس المادة وشوف ان قدرت انزل رح انزل اسبوع قدم المادة وارجع والله يقدم يلي فيه الخير
ادعولي بنات الله يسر امري
ام محمود شلون حملك طمنيني ان شاء الله ما عم تتعذبي كتير
نبوعة وزهورة ان شاء الله يكونو بخير
فديت عطره;16064838:
مسا الخير يا بنااااااات ما شاء الله لمتكم حلوة
انا هلأ لئعدت من الصبح وانا شغالة بالمطبخ نضفت الدواليب ومن فوقهم ونظفت الحيطان اااااااااااااخ والله الغبرة قتلتني وايدي تجروحو من الفرك لسة الحملة ما خلصت هاد اسبوع التنظيف العالمي عندي ههههههه
تسلمولي يا بنات شو انكم حبابات
ام سما الله يخليلك بنتك وصحة وهنا عالروبيان انا عكسك تماما مستحيل احطو بتمي
وصحة وهنا عالفاصوليا كتير زاكية ,,سبحان الله احيانا الوحدة بعد ما تتزوج بتطلع مواهبها ههههههه ماشاء الله عليكي
هذا ياخواتي انا كل اللي بطبخو من يوم ما تزوجت "كفتة بطحينية ..مكرونة بالبشاميل..مجدرة..ملوخية..منسف..كبسة..صيادية سمك"
ليش ياترى ؟؟لانو زوجي ما بياكل غيرهم لو تنطبق السما عالارض وما بياكل البصل ولا اي نوع خضار اهئ اهئ والله شي بيملل
نفسي اعمل طبايخ ونفسي يصير اكيل
حاليا زوجي بيشتغل شغلين
صباحي مهندس مهماري
ومساءي مندوب
وما بيروح عالبيت الا الساعة 12 بالليل الله يعينو والله حزنانة عليه
ومستحيل ياكل شي تقيل بالليل عشان هيك ما بطبخ مقضياها خفايف
بالنسبة لمبارح كتير حلو لانو اليوم الوحيد اللي بشوف زوجي فيه
نحن كل جمعة بنطلع عالبحر وبنجيب اكل جاهز وبنئعد للمغرب وبتيجي احيانا حماتي معانا وابن حماي العزابي واحيانا بتتقل علينا وما بتجي وبنت حماي الكبيرة دايما كل جمعه بتجي معنا كتير منيحة معي وانا والله بحبها
وبعد ماروحت من البحر "بعد صلاة العشا رحت على عزيز مول انا وزوجي تمشينا شوي وختمناها ببندة شتريت شوية اغراض تكينا اللي فيه نصيب من المصاري هههههههههه وروحنا عال12
ام فيصل سلامت قلبك انتي وابنك الله يبعد عنك الشر وصحة وهنا عالصينية كتير بحب هيك اشياء
ام محمود وام عبدالله ماشاء الله عليكم حاسة اني بعرفكم من زمان على فكرة انا دايما محظوظة بالرفقات ما بيكونو الا سوريات رفيقة عمري حلبية من بيت النجار وجارتي اللي قبالي سورية من عيلة المليجي يالله شو بحبكم وبحب لسانكم الحلو وعاداتكم
وطبعا انتو الخير والبركة
ماقلتولي وين بتروحو اسواق بجدة؟؟
سورية وبفتخر;16065075:
هلا نبوعة ربي يسعد اوقاتك وان شاء الله ربي يفرجها عليكم وعلينا وعلى الجميع من اوسع ابوابه وتجي تعتمري واكيد منتشرف بشوفتك ليش لأ :)
كيف مجد معك ان شاء الله ماعم تعذبيه هههههههههه الله يحميه يارب وانا بقيدك انه تحطي عباية احتياط مع اغراضه :lol:
الدمشقية;16064903:
اهلين فديت عطره الله يقويكي ويعطيكي الف عافية يارب ويبارك فيكي وعقبال عندك ياااارب انتي واختي مو سورية لا لا اختي التانية ههههه
اميييييييين يارب الله يرزقها بالذرية الصالحة والله يادمشقية انا ماجلة موضوع البيبي بس هالايام عم بحن وقت ما اطلع عالسوق واشوف اغراض للبيبي ههههههههههه
اي والله هلأ انا حامل باول التالت والله يتمملي على خير وييسر ربي امر الجميع && انا معي اقامة الحمد لله عقبال عند سورية ام عبد الله هي اللي عم تستنى
وربي يكرمها عن قريب
الله يتمم على خير ويحميكي انتي واللي في بطنك
والله اهم شي الاقامة الله يفرجها عليها لام عبدالله والله صعبة
والله انا نفسي تجيني الهمة شوي على هالمطبخ لاني حابة اعزله تمام قبل مايجوني الضيوف (( جاييني بنت حمايي وابنها من سوريا شي اسبوعين ))
طبعا لان حماتي ساكنة معي متل ماقلتلك فالطبيعي الضيوف تجي عنا وتبات عنا بسبب امهم
ههههههههه انا اخذت معي شهر لا اجت الهمة والله تحايلت على حالي محايلة لحتى اقوم انظف متل الاوادم بس ما بعرف يا اختي فيني كسل مو طبيعي
انا قررت كل يومين امسك شغلة يومين للمطبخ ويومين للصالة ويومين لباقي البيت الغرف والحمامات
المهم نرجع لسيرة المطبخ ههههه فالله يقويكي ويقويني واهم عليه
استعملي الجف كتييير حلو ومفعوله بيجنن وخاصة للسيراميك والمطبخ بشكل عام
ا بستخدم منظف والله مابعرف شو اسمو هو بودرة جبتو معي من الاردن كتير منيح والجف منيح كنت استخدمو فبيت اهلي
اما عن زوجك غريبة يعني والله اكلاته كتير معدودة يعني مابياكل محاشي ورق عنب اكلات اللبن ؟؟؟؟ !!!!! اي والله عالسيرة سال لعابي خخخخ
الله يعينك وبنفس الوقت خلص مابتحتاري بتعرفي شو تطبخيله ههههه ......
كتير محدودة منشف ريقي دايما بتغلب بالطبخ ممنوع يكون فيه شي متل البصل التوم البقدونس الخضار ماعدا البطاطا عشقو فدايما بطبخ وبصفي الاكل ..هو منيح ومش منيح
صحيح بياكل ورق عنب بيحبو بس لازم بالتفصيل تئعدي وتحكيلو شو الحشوة ولشو وجعة هالراس انسي
انا عكسو تماما شو ما حطيتيلي باكل الحمدلله
وماشالله جمعتك حافلة يخذي العين والجو مبارح كان حلو
نحنا والله رحنا مبارح على سوق الشاطئ في جنبه ملعب بيلعبو رجالنا فيه كورة ونحنا النسوان منجلس بالسوق لحتى يخلصو
يعني اتسلينا وغيرنا جو
اه كان كتير حلو الجو ومافي رطوبة كتير..انا دايما بروح على سوق الشاطئ حتى لو ما بدي اشتري بلفلف وبتمشى
عادة بروح على العزيز مول او الاندلس او مجمع العرب هدول اكتر مولات بنقصدها ومنروح على البحر يعني مو دائما
بتعرفي جدة مافيها الا هالبحر وهالمولات اللي انعمى على قلبنا منها ههههه.... بالاعياد منطلع الطائف او البحر او المدينة المنورة حسب الهمة
يعني وين الواحد بدو يروح مافي غير هيك انا ماخليت مكان بجدة الا رحتو جوزي بيحب الطلعات كتير وبيموت من قعدة البيت والله قبل ما يشتغل مسائي كنا مقضيينها مشاوير وطشات
ودايما بروح عالطايف عاملة اشتراك فيها هههههههه ما بشوف جوزي الا ماسك خط وين رايح؟؟عالطايف هههههههههه
بتصدقي انا كل جاراتي فلسطينة اردنية ومابعرف ولا وحدة سورية ههههههههه يعني ابدا ماكونت صحبة سورية كلهم فلسطينيات اردنيات وبيجننوا
حبوبات متلك تماما
تسلميلي ياقلبي.. سبحان الله والله انا نفسي اتعرف عالجيران كلهم هههه من الملل بس مابعرف الا اللي ئبالي وهي ملتهية فبيتها وزوجها وولادها بيعين الله
انتي وين ساكنة صحيح بجدة يمكن تطلعي جارتنا هههه مابتعرفي
انا ساكنة بالفيصلية بالضبط تقاطع التحلية مع المكرونة عند جامع الخلفاء الراشدين جنب ملعب زهرة الفيصلية ههههههههه هي العنوان كامل بلكي طلعتي جارتي من اي ناحية ههههههههه يارب تكوني جارتي يارب تكوني جارتي
نبع الحب;16064962:
وعليكم السلام
مســـاء السعادة F:
هلا حبيبتي
مية هـــــــــلا فيكي
انا أردنية عايشة بالرياض :)
سورية وبفتخر;16065062:
هلا تغريد لمتنا حليت فيكي والله الف يعطيكي الف عافية والله انا حاليا مالي حيل ساوي شي لتجي الهمة وايمتى بتجي الله اعلم ههههه
تسلميلي ياقلبي الشات منور من الاول بلمتكم وصحبتكم الطيبة
والله يعافيكي والله الحال من بعضو بس شو بدو يعمل الواحد يارب الهمة تجيكي يا ام عبدالله ههههههههههه
وبخصوص الطبخ الله يعينك بس خلص سبحان الله مو بإيده بس انتي لاتحرمي حالك اطبخي الاكلات يلي بتحبيها ولاتكتري لقمة على قدك وساويلي اكله على قده
مستحيل اعمل شي مخصوص علشاني ما بعرف اكول لحالي اصلا انا وحدة من الناس ما باكل من الشي اللي بطبخو ما بحس بطعمو سبحان الله يعني لازم اكون فارطة من الجوع لحتى اكول هههههههههه
والله يقوي زوجك يارب ويكون بعونك يعني تعب عليه وملل عليكي بس يالله بكون الشوق دايما موجود صح ;)
هههههههههه مزبوط بس والله هو تعب علية انا مو مشكلة بس الواحد يزبط وضعو راح خليه يسيب الشغل التاني والله لهلا ما صحصحنا من بعد العرس بتعرفي
وحلو يعني ابن عمك عوضك بهالجمعة عن الاسبوع كله تتهنوا يارب و الله يخليكم لبعض
حبيب قلبي الله يرضى عليه هو والله ما بيقصر ابدا وفعلا بيعوضني يوم الجمعه حتى لو كان تعبان ياحبيبي
وتسلمي هاد زوئك وطيب اصلك والفلسطينيين والله على سلامتهم انا ساكنة بعمارة فلسطينيين هنن عيلة تحت ساكنة الام والبنت وفوق الاخوان ومقابيلي الاخ الكبير وكلهم والله طيبين وانا من جديد اتعرفت على مرت صاحب زوجي وهيه اجت لعندي مرة وانا رحت لعندها مرة وبس
حبيبتي انتي الخير والبركة حلو الوحدة تتعرف على ناس
وبتقصدي برامة يعني بتحكي كتير اذا هيك لأ على سلامتك احكي قد مابدك
هههههههههه ايوة بالضبط
وركزي :confused:ههههههه انا ام عبدالله وما معي اقامة :'( ادعيلي بقى
نبع الحب;16065159:
مساء الورد
الله يعطيكي العافية
والله هالغبرة قتلتنا ..الله يعينا ع هالجو :(
والله انا نفسي اعزل بيتي وبستنى اصح و اخلص الأربعين ع خير والله يهدي هالولد ويصير ينام
والله يقوي جوزك ويعينه
ع فكرة انا جوزي ما بيحب التوم ابدا بس انا بحطه مع الأكل بكمية بسيطة ومابيحس فيه جوزيه
ببشره كتير ناعم بيعطي طعم طيب ومو ظاهر لإنو كميتو بسيطة
سيمفونيه;16065300:
[FONT=arial][FONT=arial][URL="http://go.3roos.com/525d3rwbjy3"][URL="http://go.3roos.com/525d3rwbjy3"][URL="http://go.3roos.com/525d3rwbjy3"][URL="http://go.3roos.com/525d3rwbjy3"][URL="http://go.3roos.com/525d3rwbjy3"]
[/URL][/URL][/URL][/URL][/URL][URL="http://go.3roos.com/525d3rwbjy3"][URL="http://go.3roos.com/525d3rwbjy3"][URL="http://go.3roos.com/525d3rwbjy3"][URL="http://go.3roos.com/525d3rwbjy3"]
[/URL][/URL][/URL][/URL][/FONT][/FONT]
[FONT=Georgia][COLOR=black]صباح الدرب للجنة[/FONT][/COLOR]
[FONT=arial]وبلبل شادى بفنه[/FONT]
[FONT=arial][COLOR=royalblue][COLOR=teal]وريحة الياس والحنة [/COLOR][/COLOR][/FONT]
[FONT=arial][COLOR=purple]اقولها لكل احبابي [/COLOR][/FONT]
[FONT=arial][COLOR=teal]اللهم اجعلنا ممن يتمتعون بروح وريحان[/COLOR][/FONT]
[FONT=arial][COLOR=navy]وجنة النعيم من الرحمن[/COLOR][/FONT]