تجهيزات عرائس ' مملكة البحرين ' لشهر ربيع الاخر 1433 - 2012 م / الجزء : 87 »

غلا البحرين

بين هالثنتين أنا عندي صفية احلى
وفي بعد ابتسام كمال حلو وشريفة فولاذ

السلام عليكم ،،، شخبااركم بنوتات
مبروووك للي انخطبوا والي عرسوا
الفال للباقي ^-^
بنوتات باركوا لنا اختي حامل ،، اول حفييييد
تروووج،،
بالنسبة لعدة الكاميرا اقدر افيدج
دخلي موقع cam4sell موقع سعودي يبيعون ارخص من السوق ومضمون
تقدرين تستلمين الاوردر من السعوديه التوصيل بديناربن كأن
او يوصلونه لج البيت بس بيطلع اغلى الشحن طبعاً

تراجي ام الزين كله;15995870:



اذكر انا الشوق سوت عرسها في عايشه المؤيد ومره وحده سوت جلوه

تقدر تفيدج شكثر خسرت ع العرس وكان كلشي حلوو ومرتب ومو مكلف حتى اذكر ان ماخاب ظني كوشتها ب 200 د

انا كنت بعد مخيره بين عرس وسفر
بس سويت لي شي صغيرون، بل أيام كريهه وتعب نفسي :thumbs_down:، اللي تعبني اني ابي اسوي شي عائلي وناس يبون يعزمون الكل :hysterical:
المهم، من بعد عناء طويل استقريت على صالة عايشة المؤيد
وسويت عرس عائلي ملموم
والتكاليف كاامل كانت حوالي ال2000 ++
وسويت حنه في حوش البيت، وكان شهر 3 والجو حلو، وبس حق الأهل الجراب، يمكن 30 شخص جذي ، والعشا كان تقليدي، نخي وكباب ومهياوه ومكرونه ومضروبه ومادري شنو، يعني ما كلف وايد

وعقبها سافرنا والحمدلله حصلت الاثنين ولو ما سويت حفله جان صج بتكون السفره أكشخ :worn_out: بس كان خاطري ألبس الأبيض :o

انزين باسألكم

تسريحات صالون باربي في حدود جم أسعارهم؟؟

والبارحه كنت معزومه على خطوبه في الريان، وعندي تقرير صغنون، بس الحين حدي بزي :badly:

M!ss CoLoRz;15999340:
غلا البحرين

بين هالثنتين أنا عندي صفية احلى
وفي بعد ابتسام كمال حلو وشريفة فولاذ

غلاآ البحرين;16000016:

حياتي مشكوووره وااايد
F::L: ماقصرتي فديتج
ابتسام كمال مالت وووين ؟؟

البسيتين

حلوووة ودلوووعة;15996432:
حلوة ودلوعة
الرياش غالي عالفاضي عمار احسن منه .. وعندج فرق احلى ليش حاطة هالثنتين بس؟

ساعديني أختي بحرينية من الفرق الحلوة

وشرايكم في ليلى دي جي اللي عندها رقمها ممكن تطرشونه على الخاص وجم تأخذ

ساعات افكر اقول حرام أدفع 800 دينار على فرقة أخليهم حق السفر أحسن

ماعندي مشكلة احط دي جي بس أبي شيء يردح

هلا اختي

الحين انتي شنو تبين حق العرس ؟؟ دي جي ولا فرقة ؟؟
اذا دي جي في وايد حلوين .. انا جربت دي جي لوية جلو .. و دي جي المملكة حلو والبنية حبوبة يحليلها وافضل تكون بنية لانها تتفاعل مع الحفلة اكثر ..
. وفي وايد ديجيات حلوين واسعارهم معقولة عاد انتي شتبين ف الرياش وطقته صرف فلوس على الفاضي .. وغير جذي تقدرين انتي تحددين الاغاني ونوعيتها الي تبين الدي جي يحطها لج ..
واذا تبين فرقة في وايد فرق بعد طقهم حلو ... جوفي فرقة الفيروز طقهم حلو وحامي ويطرب .. انا الي بيطق لي في عرسي ان شاء الله هو من ضمن فرقة الفيروز لان اهمه عندهم جم مغني .. وانا سمعت 2 احمد ويعقوب .... والي صوته وايد حلو ويطرب اسمه احمد . عاد هو بيطق لي في عرسي .. وب550 دينار. واهمه طاقين لنا في 4 عروس قبل .. ف ماخذتهم وانا عارفه مستواهم ومتطمنه. وفي بعد فرقة بس ماذكر الاسم .. شي العميري .. او العماري .. او عمار مادري والله .. بس سمعت ان طقهم ب700. ولكن مدحوهم لي وايد .
انتي دوري وسألي وجوفي السعر الي يناسبج لا تستعيلين وتحجزين بسرعه ولا تخلين احد يأثر عليج اول شي سألي وتأكدي ولين تطمنتي حجزي الي يناسبج .

المحل مال البطايق .. ادلين برادات الحجيات ومخبز الاهالي .. خليهم على يدج اليسار وطوفي كله سيده بتييج قرطاسية النجوم على يمينج خليها وطوفي بعد سيده لين اخر شي بتوصلين عند برادة على يمينج اسمها طلحة امشي شويه بجوفني محل اسمه اغراض البنات لاصق فيه المحل مال البطايق .. بس ما ااعرف شسمه بجوفينه وبتعرفينه يبتدي بحرف s

بجوفينه لاصق في محل اغراض البنات ما يضيع .. توه فاتح وقلت باقولكم عنه .. واييبهم من السعودية وباسعار السعودية على قولته لان اول ما فتحوا حطو اعلان شكبره ف الشارع .. واعلام السعودية وجذي ..

جيكي وقولي لي اذا عجبج او لا ^^

ااااااااي دليته :) ورحته بعد

المحل ما يضيع بس الاعلان كلش ما يلفت النظر حسافه عليه الصراحة .. شغلاته حلوة ونعوومة وستايل اوروبي .. في اشيا وايد عجبتني وقال لي انه على نهاية 4 بينزل كولكشن يديد . والريال حلييييييييييييو لاخر درجة وقال هالله هالله في الدعاية والصراحة يستاهل الله يوفقه ويرزقه

بنات مروا عليه جوفوا شغله يمكن في شي يعجبكم .


يزاج الله خير والله ما قصرتي

أنا الشوق;15999672:
انزين باسألكم

تسريحات صالون باربي في حدود جم أسعارهم؟؟

والبارحه كنت معزومه على خطوبه في الريان، وعندي تقرير صغنون، بس الحين حدي بزي :badly:

تبتدي من 15 تقريبا

الريان فتحوها؟ صج؟؟

فواحة أمل;16000479:
تبتدي من 15 تقريبا

الريان فتحوها؟ صج؟؟

F:

اي فتحوها
تابعه حق نادي قلالي
مادري من هني حطت تقرير عنها من قبل، اتوقع ترجيو
هي صارت وايد أصغر من قبل بس أكشخ وتصلح حق حفلة عائليه صغنونه، يمكن ماكسمم 150 شخص
أول ماتدشين على اليمين واليسار حاطين البوفيه ومجابله طوفه فيها مناظر وكراسي حق قعده وعلى صوب كورنر حق تصوير المعازيم وبعدين تيي الصاله
حجرة العروس بره القاعه يعني لين تطلع تصير مكشوفه شوي
والباركات بعد صغيره :mad:
أكلهم ماجربته لأن طلعت من وقت، حزة العشا

سلام بنات
شخباركم؟
الله ييسر للجميع يا رب..
بغيت أسألكم ..
بغيت مصورة (أو ستوديو) - أهم شي شغل عدل
للملجة ..
باكج زين وما يتعدى ال50 .. لأن بس عشان الملجة .. وأحس حرام اقط أكثر من 50 ..
فبغيت نصايحكم رحم الله والديكم ..

بحرينية حاضرين اختي .. بس ان شاء الله الاسعار اوكي مو غالي لان مادري عن اسعاره ^^

يعني بتييبين فرقة في عرسج مو دي جي ؟

مبروك عروسات

انا الشوق
شسم العروس ؟ شيخه ؟؟ كنت معزومة بس ما قدرت اروح



مس دلوعة
والله الاسعار عنده تختلف حسب النوع .. في ب600 فلس في ب700 في ب800 . يعني يعتمد على النوع . بس شغلهم بشكل عام نعومي عجبني .. حتى في ديزاين صاير مثل البوكس الابيض بس ديزاين الصندوق المبيت وفيه لولو ناااااااااعم وحلو وداخله تصير البطاقة .. حبيته وايد . بس ما سألته بجم . المحل يستحق الزيارة

^^اي ان شاء لله اكيد باييب فرقة حجزتهم خلاص :)

بنات الحمدلله افتكيت من شغله

رحت صالح زري وخذيت لي الجلابية الي قلت لكم عنها وثوب النشل .. وأمي موصية لي على الله يعزكم النعال القديمة اظنتي اسمها مداس او شي جذي .. وعلى اساس ان الكل بيلبس دراعات وثوب نشل واليهالو جلابيات وبخانق ..

افتكيت من شغلة والله يعين على الباقي

الله يسر لي ولكم يارب

قوة بنات

جفت مكياج نادية زيد في الفيس بوك و عجبني

ابي استفسر عن كم شغلة و لا عليكم امر

تاخذ لعادي مو عروس؟؟ بكم ؟؟؟

وين تمكيج؟

سمعت وياها وحدة تسوي الشعر..

شسمها و بكم تقريبا تبدا اسعارها ..

بليز محتاجة المعلومات لانه عندنه خطوبة 1 /4 و ابي اقرر اروح لمن

بحرينيه

عليج بالعااافيه ابوي تلبسينه وتقطعينه يارب
والحمدلله افتكيتي


حلوه ودلوووعه
سؤال انتي مو صديقه امبسادور؟؟
والا النكات اختلطت علي؟؟ّّ!!

ماعلينه لي عرفت الجواب باقولج ليش سئلت
بخصوص القاعات
اذا تبين في حدود محرق عندج الشكر حليوه بس عيبها الباركات ازمه

عندج بحرين ليمو في عراد القديمه يم صالون صباح حسب ماعرفت ان ماياخذ عليها مبلغ

والشيخ خليفه هذهي نفسها بوماهر والصراحه حلوه وتستاهل ومو حسافه ال 100 د اذا عندج هالمبلغ
اما اذا مايناسبج انصحج بالثنتين اللي ذكرتهم

بخصوص الثياب اذا تبين عندج نفس ماذكرت بحرينيه عند صالح بس اسعاره ماتقل عن 100 د

وعندج سوق المحرق وسوق المنامه

وعندي بعد بحرينيه تفصل مره حطيت عنها تقرير بس اسعارها نفس صالح وتعاملها كله ويا اهل الامارات اكثر
اذا تحبين بحاول احط لج صور شغلها

واذا تبين دفه الراس ترى ام حسن تعطيها للعرايس بس جنه ضروري من عقب الحفله ثاني يوم تكون عندها