تجهيزات عرائس ' مملكة البحرين ' لشهر ربيع الاخر 1433 - 2012 م / الجزء : 87 »

حنانووو
حياكم الله فاي وقت ابوي


وصايف
انه بقترح عليج بس ماجربتهم للامانه

صالون بنت الاصايل للعادي من 35 د وتقدر تجوف ميكبهم اذا عندهم كستمر

غيداء في بسيتين عند حديقه علاء الدين ومركز رميصاء ب 20 جفت لها كذا مره على مرت عمي حليو ومرتب يمكن لان مرت عمي ماتحف حواجبها واوردي غلاظ فويا الميكب مولايق كلمتها مره حدها طيبه وحليوه اكيد مابتقول شي لاقلتوا بتجوفون

امينه بوجيري في صالون كارولاين مجابل سعد الدين بيوت الاسكان بسيتين اليديده

واذا برع بسيتين

شيماء بوجيري

نوال الحسن عراد صالون صباح ناعم وحلوو

جفت ميكب على وحده من اهلي بالجلوه حبيته ب 10 في صالون ورى منتزه عراد يكون في بيت لطيفه المجرن سابقا

اماني فالحد ب 20 هاي بععد حليوو ميكبها مكيجت وايد من اهلي

بس هاي اللي يطرون علي

اتمنى تاخذ زياره لهم دام اغلبهم فبسيتين وتجوف بنفسها وان شاءلله تتوفق

ممكن رقم ايمان ماك وين صالونها يصير..؟

مشكورة تراجي ما قصرتي

بنات شمة المريسي
في وين تمكيج بيت والا صالون

ووين منطقتها

رحله أمل;16030900:
ممكن رقم ايمان ماك وين صالونها يصير..؟

في العدلية. . والرقم على الخاص

شرايكم بـ ميك اب نوره الكعبي - صالون أشرقت ؟

بحرينيه حلوة
وه وه ما عاش من يعكر مزاجج .
نورتي فديتج وعادي طنش تعش تنتعش


اخت القمر
جوفي اختي اذا ميزانيتج تسمح تاخذين قاعة اوال اخذيها بس حطي في بالج بيكون وراج تصوير ودي جي اذا ما كان من ضمن البكج مالهم .. ومادري شنو يعني يبي لج عالاقل 4000 دينار
. اما بالنسبة لطير ان الخليج بالعكس .. الصالة لو بتطلبين فيها احسن منيو للبوفيه وانتي تبينها فرضا حق 300 شخص بيصير لج ب1800 دينار بس . واذا قل العدد بيقل السعر. الاكل بالعكس حلو انا رحتها كذا مرة وما قط سمعت احد يذم في اكلهم الا منج الحين @@ عاد انتي بتسمعين من ريال هو شعرفه على قولة كلور
جوفي نصيحتي لج .. تاخذين طيران الخليج في حالة وحدة بسسسسسسس: ...
اذااااااا بتغطينها كللللها الطوفة والمسرح التعبان مالهم .. وتحطين المسرح تحت .. حزتها بتصير جنها قاعة فندق . انا سألت ياسر قرية الافراح قال بيغطيها ب800 دينار. وسألت الانصاري وقال بيغطيها ب400 دينار. وسألت اماسي قال ب350 دينار .. والايام ما قالت لي السعر بس قالت لي لازم انا اييب القطعة .. عاد ما عندي سالفة الا اروح ادور لي قطعه عشان يغطون لي الصالة . اما المزيونة مادري عنه مثل ما قالت لج وحدة من البنات شكله رخيص وانتي اخذي الانسب لج . اما المسرح بيطلع لج من ضمن البكج بدون الورد مع الدي جي والكيكة والبطاقات جنه مب متأكدة جيكي انتي . والورد ما بيكلفج وايد انتي قولي ميزانيتج للي بتختارين مسرح منهم الي هم 3 يتعاملون مع طيران الخليج : اماسي / المزيونة / الايام >>
انا جايفه الصالة وهي مغطية كلللللها بالشيفون والمسرح تحت وكان رووووووعة الصالة اتينن ولا جنها طيران الخليج. ولما جفتها جذي هني رضيت ان نغير لان كنت بسوي عرسي ف الكراون او الدبلومات .. بس غيرت رايي لاني جفتها شلون بعد التغطية وحجزتها الحمدلله .
دام ميزانيتج تايت انصحج فيها ولا تنسين وراج تصوير وسوالف . العرس بكبره ف طيران الخليج ما بتزيد مصاريفه عن 3000 د.ب وممكن اقل لو حسبتي اختياراتج صح
وعن التجديد صج اهمه المفروض بعد رمضان يبتدون يغيرونها ويجددون فيها .. الطوفة والزل وكل شي . بس هي الحين مع التغطية تصير جنها قاعة فندق وتقدرين تجيكين اماسي قولي له يراويج القاعة وهي مغطية كاملة وبتجوفينها شلون مو جنها طيران الخليج . لين رحتي هناك تجوفينها دشي حق الموظفة الي عندها الالبومات وجوفي البوم اماسي وطالعي شلون الصالة مغطية والمسرح وين محطوط . او دشي موقع اماسي عالفيس بوك جوفي
موفقة .



كلورة
شخبارج .. عاد جفتيني شحلاتي وانا مريحتج من سندارتي هاليومين خخخخ
بتجوفينها في عرسي ان شاءالله


حنانوة
صاجة برستيج كرهتها اتييب الغلقة .. واكلهم كلش مب شي .. وغير موقعها المأساوي . كلش ما تسوى

وصــايــف;16030536:
بنات المحرق والبسيتين بالخصوص او اللي يعرف

رفيجتي من البسيتين وتبي مكياج قريب من بيتهم بس مو لولو لان ملت منهم وغير عن ابتسام كمال لان ما عندها حجز

فمن تقترحون عليها تقريبا مثل ستايل ابتسام كمال وجريب من المحرق واكون شاكرة

غيداء في البسيتين، تبتدي من 20
وشيماء بوجيري اتوقع ب30 أو 35


أخت القمر

عن تغليف القاعه، اذا ماعندج ميزانيه وايد، غطي بس صوب المسرح وبيكون ورا الكوشه وخلي الباقي بدون تغطيه
هو صج اذا مغطيه كامل أحلى بس اللي بيبان في الصور اللي ورا كوشتج بس
وهالجم 100 الباقيين تستفيدين منهم في شي ثاني او حق التسوق في شهر العسل :D

أكل القاعه ماتذكره الصراحه، آخر مره حضرت فيها عرس من جم سنه وتعشيت من جسميز :o لأن تأخروا لعقب ال12 ما حطوا العشا وانا كنت رايحه بروحي ماقدر اتأخر

بس معزومه فيها الأسبوع الياي باجيكه خخخ

اني من ناحيتي طيران الخليج فخمة لين تتغلف كامل وخصوصا الين المسرح تحت اوردي الين المسرح تحت راح يخلونة بالضبط عند الدرج يعني راح يكون ورة كله مغلف .يازعم الحين الثريات الكبار جدد و الكراسي الي على جنب جدد . غلفيها و سويي الممر الارضيه بعد خلق ابيض و حطي ورد وهل اشياء بتظلع فضيعه

ا

عرايس راح يكون في معرض للعرايس في قاعة المؤتمرات في فندق الخليج تاريخ 6 - 7 ابريل. .بيكون شامل القاعات وتجهيزها.. محلات الزهور والشوكولاه. . الميك أب والتسريحات. . تزيين السيارات. . تنظيم شهر العسل وغيره

حبيت افيدكم :-)

السلام عليكم ..

اختي غلا البحرين ..

مبرووك وعقبال العرس ^^ في اي قاعة ملجتج ؟

اخت القمر..

ما انصحج في المارينا تحملي وهذاني اقولج وانتي بكيفج ..

1- رعصة مو طبيعية وكل وحده في جبد الثانية لان الطاولات يم بعض

2- البوفيه ماله مكان قاطينه وره يعني ماله مكان مخصص

3- والايسيات حاااااااااارة ..

القاعة زفت ..

عوالي :

انا رحتها عجبتني .. البوفيه بروحه له قاعة يعني عوودة .. بس الحمامات ماعرف وين مكانهم ..

الدانة اللي في سند :

وايد صغيرة والدي جي يرن صوته فيها .. حته 100 شخص ما تكفي وايد صغيرة ..

ومكانها غلط يم مقاهي من الصوبين وشباب وخبرج ما حبيتها ..

ملح وفلفل ..

اوكي بس الدري عباله بس جيكيها يمكن تبينها ..

ابي ذر ..

انصحج اللي صوب محمد نور المطعم .. زينة وحليوة وما فيها شي ..

برستيج ..

لا لان منطقة خطرة وانا من يعزموني اهناك ما اروح محد بيغامر في حياته !

بس اهم شي المارينا شيليها كلش كلش ..


وعندي سؤال بس لا تضحكين يعني شنو كوشنات وكلوتات اللي شريتيهم من السعودية ؟

وفي وين اماكن عدلة حق اثاث وسراميك اذا تعرفين لان احنه نعدل بيتنه ولا مرة رحنه السعودية حق البيت والمنظرة من وين ؟

وسامحيني على اللقافة ..



وبناات مادري من اللي سالت عن مطعم سمرقند .. تره اكله حلو .. انا اخترته حق حفلة تخرجي من قبل ..

كان بوفيه وانا اخترت الاطباق وكل شي .. وكل من يسالني بجم وجذي كل من مدحه محد ذم فيه ..

وولد خالتي في خطوبته خذو من عند سمرقند من عقب ما جربوه في حفلتي ..