مخمليات;15995430:
شخباركم بنات
اخت القمر ، الحين انتي بتسوين حنة وجلوة ، والحنة على حساب والدتج وانتي عليج الجلوة ، تتوقعين جم بيطلع عليج في النهاية ترى مستحيل اقل من ٢٠٠٠ دينار
ف اشرايج تتفقين امج تزيدج على فلوس الجلوة وتسوين عرس مجكنم ، خاصة انج ما سويتي ملجة عودة ولا شي حرام ما تلبسين الابيض ، يعني تقدرين تسوين عرس
في قاعة المارينا مثلا او حتى ترى طيران الخليج تقدرين تاخذين ٣٠٠ شخص او ٢٥٠ ، بتطلع عليج في حدود ١٧٠٠ او ١٥٠٠ ، وروحي لاماسي وسوي بس الكوشة
لا تغطين القاعة ولا شي بس يسد المسرح مالهم ويحط كوشتج اتوقع في حدود ال ٦٠٠ يقدر يسوي لج، ترى لو تحسبينها ما في فرق بين الجلوة والعرس وايد
الجلوة بتحتاجين فستان او جلابية او نشل مب اقل من ٢٠٠ دينار، بتحتاجين جلاية عدلة وهاي ما تاخذ اقل من ٢٠٠ دينار ، بتحتاجين كوشة تراثية مب اقل من ٤٠٠ دينار
بتحتاجين اكل تراثي والاكل المتفرق بروحه يطلع أغلى من بوفيه يعني بيكلفج مو اقل من ٧٠٠ دينار ، بتحتاجين صالة حتى لو كانت خيرية مب اقل من ١٠٠ دينار ، الميكب والشعر مب اقل من ١٢٠ دينار حق عروس جلوة ، بتحتاجين بكج تصوير مب اقل من ٢٠٠ دينار، وفي النهاية ما بتقدرين تعزمين اكثر من ٢٠٠ شخص لانه الصالات الخيرية
تكفي هالعدد، وبعد حسبي حفلة الحنة يبي لج فستان حنة وميكب وشعر وصالة وتوزيعات وأكل ، لو تقولبينها في مخج حطي الحنة على الجلوة وسوي عرس مجكنم
ترى صدقيني بيحز ف خاطرج ما تلبسين الابيض ومنها انتي سويتي اللي بخاطرج ومنها سافرتي ، يعني اذا ميزانيتكم خلصت بسبب الشقة ، سووا شي بسيط
وترى مب بس ام ريلج اللي تبي تعزم تلاقين حتى امج تبي تفرح فيج وتعزم اللي يعزون عليها، سوي حفلة وحدة عرس وفكي عمرج ولا تحاتين ترى حتى اهل ريلج
بيشاركون يعني اخته مثلا بتسوي توزيعات وامه تشتري موالح والا حلويات ، مني مناك بتضبط احسج وايد متحيرة
تراجي ام الزين كله;15995870:
فتيات سمحولي في شغله اختلف معاكم فيها
اخت القمر واضح ان الميزانيه محدوده عندها وصعبه تكلف على امها مهما كان
ماحس الجلوه تستاهل اكثر من700 لي 800
ووايد اماكن اخت القمر تقدرين تاخذينها بسعر معقول احسن لج عن الخساير
جيكي القاعه اللي بدوار 7 صج عاديه لكن توفي بالمطلوب سعر تاجيرها ب 100 د وفيها طاولات وكراسي
اللهم عليج بس بالكوشه وتصوير وجلايه والاكل
وموشرط الاكل بوفيه اوردي انتي بتوزعين الاكلات الشعبيه سوي لج ارودر من احد المخابز مثل قيصر
العلبه مثلا 800 فلس وانتي فرضا معازيمج 300 بيكلفج 240دينار
وحتى بهاليله تقدرين تاجرين لج فستان او تفصلين لج شي ناعم وتلبسينه عقب مايجلونج وتصورين ويا ريلج
اما اذا ميزانيتج كلش حدها بدها الصراحه مايسوى تضغطين على روحج وراج التزامات اهم
اذكر انا الشوق سوت عرسها في عايشه المؤيد ومره وحده سوت جلوه
تقدر تفيدج شكثر خسرت ع العرس وكان كلشي حلوو ومرتب ومو مكلف حتى اذكر ان ماخاب ظني كوشتها ب 200 د
انه مو القصد اني اقلل من كلامكم بنات بس الظروف سعات تحكم
ms.dalo0o3a;15995951:
السلام عليكم ..
اخت القمر .. باقولج عن عوالي تره عودة وما تنفع حق حنة او جلوة !
ولا تفكرين ف المارينا حدهااااا ضيجة وتره الطاولات يكونون صغار ورعصة ما تتخيلينها .. وفوق ذي دشتها مو حلوة والايسي حااااااااااار .. كرهتها من اخر مرة رحتها .. ضيج مو طبيعي ..
جوفي اختي انا عندي تكنسلين الجلوة وتسوين العرس لان بالابيض احلى .. يعني مجرد راي انا ما احب الحنة يسوون لها حفلة وجلوة ! ما يحتاي تحني بروحج يعني اتييج وحده وتحنيج ماله داعي حفلة ..
يعني يا تسوين جلوة وتكونين قاعدة متحنية وبارزة ..او عرس مرة وحده وذي اللي افضله ..
كانو ف مدينة حمد ما يصير اغاني بس استقبال انا رايحة لها اكثر من مرة ما يرضون اغاني لان يم المسيد ..
وبانصحج بقاعات تنفع حق عرس بسيط مو شرط تعزمين الكل عزمي الربع والاهل الكلووز ..
1- انصحج بملح وفلفل انا ما حضرت فيها حفلة بس رحت فوق ابي اجوف القاعة وما قصرت الفلبنية ودتني عقب ما تعشيت ويا الاهل .. وعجبتني عوودة وجفت ناس يعرسون فيها اكثر من مرة .. وانا جفتها مو حق عرسي ولا خطوبتي ههههه توني توجيهي .. بس جفتها لان كنت ابي احجزها حق حفلة التخرج .. يعني ادور قاعات بس عقب هونت .. بس حق عرس تنفع ..
اتييج حجرة حق العروس صغنونة .. والقاعة ما شاء الله شرحة يعني .. والبوفية حسب القائمة اللي عطتني من قبل فيه بو 5 دينار و6 و7 دينار للشخص .. انتي تختارين شنو تبين .. ذي في سند المطعم وامان ملييوون ف المية لان صوب الرفااع .. ووايد يعرسون فيها لان جريبة وعن الاحداث والمشاكل اضمن لج .. اذا كنتي من الرفاع
2- عندج الدانة بعد في سند بس وايد صغيرة وما عجبتني حته الكراسي كانو وايد نازلين لازم تغيرينهم .. بس وايد صغيرة وما تعزمين فيها احد تقريبا ب 400 دينار حسب اللي اعرفه ..
بس اقترح ملح وفلفل لان اكبر وتقدرين تعزمين اكثر ..
اتمنى اجيكينهم واتقولين لي رايج .. وذلين القاعتين ما بيكلفونج وايد مثل الباقي .. ولا انج ما تلبسين الابيض لان ما يتفوت احس ! والحنه كنسلي وايد عرايس ما يسون حنه بس جلوة وعثب يوم العرس .. تقدرين تكنسلين بعد الجلوة وتخلين العرس .. براحتج بس جيكي القاعتين وقولي لي رايج فيهم ..
**بحرينيهـ**;15996270:
قمووورة البنات ما قصروا كفو و وفوا
بس ترى صج كثر ما بتكلفج الحنة تقدرين تسوين عرس مجكنم على قولة مخمليات فديتها ..
صدقيني بتحسفين على العرس بعدين السفر لاحقة عليه عندج العمر كله تسافرين فيه متى ما بغيتي بس العرس هو مرة وحدة
انا اختي سوت حنه وسافرت وكاهي عقب 10 سنين يانة وقاعدة حاسة بنقص وتقول ما حسيت بذي الاحساس ماسويت عرس ولا لبست الابيض . حتى واحنا نتشرى ونتسأل حق عرسي كل شي تبي تجربه فقيرة خخخخخخ :lol: .
سافري بس روحي مكان ما يكلفج وايد وبنفس الوقت سوي لج حفلة عرس لو بسيطة مو لازم تتكلفين وايد فيها .
فرضا ما تبين عرس ..
روحي طلي على صالة حالة بوماهر .. الصالة عودة وحلوة ويديدة وسعرها 150 ويرجعون لج 40 بعد الحفلة يعني ب 110 .
جوفي لج مسرح شعبي حلو واذا عندج احد من هلج يعرف يصمم هالسوالف خليهم يسوون لج اوفر لج . الجلايات مثل ما قالو البنات مب اقل من 200. الاكل بيكلفج اذا بتسوين بوفيه . والتوزيعات على الاوادم اكيد مب كله عليج شي خواتج شي خالاتج .
وبعدين اذا ام ريلج تبي تعزم المفروض هم يساهمون في الحنة دام ما في عرس ويبون يعزمون .. هذي المفروض .
يعني جوفي انا بسوي حنة طبعا كلها على هلي ويدتي ناذرة كل بناتها لين عرسوا لازم تسوي لهم جلوة .. مادري شكثر بيعزمون بس اهل ريلي ما بيعزمون بس امه وخواته وخالاته وعماته ونسوان عمامه ونسوان خواله وبس. يعني الغرب ما لهم سالفة دام حنة واهلي مسويينها.
حسبي حسابج عدل وجوفي التكاليف ومن رايي لا تفرطين في العرس والله لاحقة عالسفر .
M!ss CoLoRz;15996459:
اول شي المطابخ ... المطبخ اللي أنا جفته اهوه المنيوم بس مغطى بطبقة خشب ..يعني تجوفينه تقولين خشب وما تصدقين الا إذا جستيه ... والمساحة صغيرة ..الناس مسوينه في 2010 وكلفهم مثل ما قلت لج 300 دينار عند الرشيد... سألت لج مني مناك عن محلات رخيصة قالوا لي عن سيدتي بس ما اعرف وين
انيي لقضية الحفلة .... ادري إنتي اولردي مقررة بس شنو اللي قاعدين نقول لج ...قاعدين نقول راجعي كل التكاليف اللي بتصير وقارني شنو الأنسب الجلوة ولا العرس وشنو اللي خاطرج فيه أكثر
اختلفي أبوي إخذي راحتج .... عيل ليش اسمه منتدى ..عشان كل وحدة تقول رايها وتعطينا حجتها
إحنا الملاقيف شنو .... اهيه أخت القمر مقررة شنو تبي بس مجرد ما اهيه قالت كلمة قاعة إحنا نطينا وكليناها بقشورها مسكينة :o
انزين التكاليف اللي إنتي حطيتيها الحين بعد ممكن تنصرف على عرس صغير ... في الأول والأخير هالشي راجع حق رغبة البنت سواء كانت أخت القمر ولا غيرها... شنو الحفلة اللي مستعدة تستغني عنها وشنو الحفلة اللي مشفشفه قلبها ... لو انا كنت مكانها طبعا بختار العرس لأني ما احب السوالف الثانية لو إنتي أدري بتختارين الجلوة :D ولا شلون
بقول لج عن تجربتي مع جست كب كيك ..اكو توني قايلة !!! التشيز كيك فظيع وديزاينات الكب كيك وااايد حلوة وبروفيشنال[/CENTER]
[/CENTER]
بحرينية_حلوة;15996478:
اخت القمر .. عندي اقتراح .. في ناس ما يحبون يسوونه بس جفت كذا عروس سوته و كان والله الوضع حلو .. ان تسوين عرس مجكنم صغيرون و تلبسين ابيض و فوقه ثوب نشل يناسب الفستان و يجلونج و الدي جي اتيبين اي دي جي و انتي تقولين لهم الاغاني اللي تبينها .. مب لازم من الدي جيات المعروفة .. المهم يحطون لج اغاني حلوة .. و عقب تفصخين النشل و يدش ريلج عشان تصورون ويا بعض ..
انا رفيجتي سوت جذي بس بعدين طلعت و فصخت النشل و ردت دشت مرة ثانية .. ما عجبتني هالحركة وايد بس اذا كان خاطرج اتدشين ويا ريلج عادي سويها وما عليج من حجي الناس لأن لو شنو سويتي ما بيصكون حلجهم .. فاللي خاطرج فيه سويه ..
ولد عمتي كان مسوي خطوبة في صاله بحرين ليمو في عراد .. والله حليوة القاعه و بس صغيره .. تشيل يمكن 100 - 120 شخص
مثل ما قالت لج كلورة .. جيكي صالة بو ماهر .. وايد حلوة
او صالة الشكر .. فالمحرق
هلووووو بنات ماشاء الله الردود صارت وايد :p
مشكورين وماقصرتوا ادري ان احلى شي انج تسوين حفله وتلبسين الابيض بس هالشي خلاص شلته من بالي لان اهوه من البدايه خيرني بين العرس والسفر وانا اخترت السفر و الكل قاعد يقولي السفر احسن ويا اسوي شي عدل و الا مابي اسوي والشي العدل يبيله مبلغ وقدره
انا الصراحه كل اللي عندي 1000 خاشتها كانت حق ميك اب وشعر وفستان عرس وشوي من التجهيزات بس الحين قلت باخشها حق السفر ع الاقل اروح وعندي فلوس ولا كل ساعه اقوله ادفع لي و الا خاطري في هالشي احساس كريه :worn_out:
امي ماقدر اضغط عليها ادري ماعندها مبلغ عود واصلا قايلتلي بتشتري لي طقم حق الصاله يعني يا ويه استح
انا يوم قلت لها لازم نجوف مكان حق الحفله بس جذي قالتلي جوفي قاعة عوالي بجم لانها في منطقة امان ولان بيتنا مابيكفي و الا انا لو علي سويت شي بسيط في البيت كل ماكان الشي بسيط صار ارتب واحلى
انا قلت اذا باسوي الجلوة باكون متحنيه مب ان وحده قاعده تحنيني لاااا باتحنى قبلها وباقعد بارزة عن عوار الراس وكسار الظهر
حاليا ماقدر اقرر شي لين اقعد ويا امي واجوف اهيه شتقدر تسوي وماقدر اضغط على روحي ولا عليها ولا حتى على ام خطيبي لان ادري اهيه بعد ماقصرت والله كريم :)
