تجهيزات عرائس ' مملكة البحرين ' لشهر ربيع الاخر 1433 - 2012 م / الجزء : 87 »

دهـن العـود;15996981:

أخت القمر

جوفي فديتج بعتبرج مثل أختي
الصغيرة

وبقوولج نفس الكلام اللي بقووله لو وحدة من خواتي أنخطبت

الفستان الأبيض مستحيل تعووضينه

أقوولج مستحيل لأن عمرج ما بتعرفين شنو معنى كلامي الا دشيتي على الناس وعيون الناس عليج

وأنتي لابسه الفستان الأبيض

هني بتعرفين معنى كلامي

بالنسبه حق الألف دينار اللي خاشتهم حق السفر

حق التفسفس

هني لالالا عاد أنتي غلطاانه

يبه الريال ما سوالج حفله ولا شي خيرج بين حفله وسفر

سفر يعني يوديج مكاان سنع
يعيشج ملكه

وكل اللي يدش بخاطرج وبحدود المعقوول هو اللي يشتريه لج

مب انتي تدفعين من جيبج من صجج
ممكن تدفعين حق صوايغ ممكن

اتقبلها

حق أهلج بس بعد حتى حق اهله هو اللي يشتري لهم

بتودين بيزااتج وديهم احتيااااط بس
ولا تقولييين له

ولا تنطقين ان عندج بيزات
أو بعد أحسن خليهم ببطاقتج بالبنك ولو تبين مبلغ تسحبين
منهم

بس مثل ما قلت لج

تحملي تقولين له انج بتدفعين شي من عندج
انتي تقولين تبين تروحين شهر عسل
ونظريتج ان شهر العسل ما يتطووف
خلالاص عيل
مفروض تروحين سفره عدله

يعني يدلعج

مب يوديج وانتي تدفعين حق اللي تبينه

وحتى الفنادق وهالبرامج السياحيه
شي راهي وعدل

انا عشان جذي اجوف اوروبا خيار مب مناسب لهالسالفه

لأن صج صج يبي لج مبلغ وقدرة

حق سفره عدله هناك

ولا تزعلين من كلامي

أدري شوي اسلوبي جاارح
بس والله عادتج مثل وحده من خواتي

ms.dalo0o3a;15997405:
السلام عليكم ..

اختي اخت القمر ..

اهوه جوفي حلاته عرس وسفر بس .. كل واحد وظروفه وريلج صج ما بيسوي لج حفلة بس سووى لج اشيه بنفس قيمة الحفلة ..

بيوديج لندن وفرنسا يعني مو اماكن عادية وفوق ذي فرش لج الشقة يعني المبلغ من بدال ما يقطه على حفلة سوى لج السفرة والشقة ..

بس اذا خاطرج كلش ف الحفلة قلت لج جيكي ملح وفلفل انسب شي اذا من الرفاع او اذا ما تبين حفلة .. اجري لج نفنوف ابيض وروحي صوري وياه مو لازم حفلة وعفسة !

صوري وياه بروحكم ..

انزين انتي بتسوين حفلة حق الحنة وحفلة ثانية حق الجلوة ؟ ولا بس جلوة ؟

وبتسوين استقبال ؟

بحرينية_حلوة;15997988:
صح كلامج عن العرس و السفر 100% .. انا بعد قلت لها خل اهوه يتكلف بمصاريف السفر كاملة هههههههههههههه صج اشرار احنا .. بس هاي الصح .. و اذا فخاطرها شي حق اهلها هني ممكن تشتريه بروحها نفس ما قلتي ..

بس عن مكان السفر .. انا اجوف ما في أحلى من أوروبا حق شهر العسل :adore: .. دامها ما بتسوي حفلة عودة .. تروح مكان كشوخي و تدلع عمرها .. خصوصا ان الحين اهمه بس اثنين فخل يروحون و يستانسون لأن بعدين مع اليهال و مصاريف الحياة بتزيد .. احتمال يعني مب اكيد ان تكون صعبة السفرة حق اوروبا ..

صح في دول وايد حلوة .. و شهر العسل يكون حلو لو وين ما كان .. بس أوروبا غير :L::adore:[/CENTER]

تراجي ام الزين كله;15996884:
حنانووو

مشكووووووره فديتج
بس بنطرها لي تجهزهم وبجوف ان شاءلله


كلووووره
عليج بالعافيه ابوي
بس شنو هاي اللي ماكنتي تفضلينهم صوري لي صوره خلفيه وراويني في الواتساب
اذا ماعليج امر ولا كلافه
او بس شرحي لي هني
وانتي شنو البكج اللي كنتي ماخذته لالبوم عادي او مجله؟؟


حصاصي
مشكوووره ابوي ماقصرتي
عليج بالعافيه وعليها بالعافيه عمتج
بس انتي شتقولين اخلي الخلفيه سووده او اسوي نفس عمتج

smilly;15997600:
مرحبا خواتي شلونكم

بغيت اتساعدوني بكم شغلة

اول شي تعرفون وين احسن مكان اسوي فيشل ؟؟؟
الجوزاء زين وكم سعره ؟

ثاني شي وين احصل اكسسوار حق شعر العروس على شكل تاج

ثالث شي شنو يلبسوون في الصباحية

تحياتي

بحرينية_حلوة;15997988:
صح كلامج عن العرس و السفر 100% .. انا بعد قلت لها خل اهوه يتكلف بمصاريف السفر كاملة هههههههههههههه صج اشرار احنا .. بس هاي الصح .. و اذا فخاطرها شي حق اهلها هني ممكن تشتريه بروحها نفس ما قلتي ..

بس عن مكان السفر .. انا اجوف ما في أحلى من أوروبا حق شهر العسل :adore: .. دامها ما بتسوي حفلة عودة .. تروح مكان كشوخي و تدلع عمرها .. خصوصا ان الحين اهمه بس اثنين فخل يروحون و يستانسون لأن بعدين مع اليهال و مصاريف الحياة بتزيد .. احتمال يعني مب اكيد ان تكون صعبة السفرة حق اوروبا ..

صح في دول وايد حلوة .. و شهر العسل يكون حلو لو وين ما كان .. بس أوروبا غير :L::adore:[/CENTER]

اخــ القمر ــت;15998009:

هلا دهونه انا بعد عادتكم كلكم مثل خواتي وما ازعل من احد

والله ادري النفنوف الابيض مايتعوض وانا كنت راااااافضه اني ماسوي حفله ولا البس الحفله بس جفت الظروف حاولت اقنع روحي ما باليد حيله :thumbs_down:

وعن ال 1000 اكيييييد ماباصرف منها حق كل شي انا باحطها في بطاقتي وماباستخدمها الا اذا دش شي بخاطري لان ابي اشتري شنطه ماركه يعني في حدود ال 500 مابي اقوله تعال ادفع كفايه مصاريفنا ومثل ماقلتي صوايغ حق هلي اما الاشيه الثانيه اكيييد لااا واهوه من اول ماخيرني بين الاثنين قالي باسفرج سفره عدله وباسكنج احسن الاماكن حتى الطياره بنحجز على البزنس يعني بيخسر مبلغ عدل وبيكون اكثر من الحفله بوايد بس ع الاقل هالشي نستانس فيه احنا الاثنين

ادري حبيبتي من جذي انا مقدرة هالشي ومابي اضغط عليه في النهايه انا باعيش وياه

انا ابي اسوي جلوة وباكون متحنيه مثلا اليوم اللي قبله وفي شغلي يوم قلت لهم ماباسوي حفله قالولي نفس فكرتج اجري فستان وصوري بس بعد يبيلها مبلغ حق الاجار والشعر والميك اب بافكر بعد فيها

واي باسوي استقبال :)

هههههههههه قلت لج امس مابادفع حق شي بس اللي بيدش في خاطري وماباقدر اقوله اشتر لي اياه ماباخليه في خاطري وباشتريه :D

وصاجه ما اضمن عقب اذا يبت اليهال نقدر نروح :thumbs_up:

اخــ القمر ــت;15998049:

وياج حبيبتي :)


امس رحت الكوهجي بنوقع على التصميم بعد تمينا ساعتين يمكن اجيك السايزات مال الكبت والميز تواليت والله لاعت جبدي بالزوووور ضبطنا كل شي ووقعنا والجلد اخترت ابيض وقالي مخلص ومابنييب جان اعصب واخترت لون بين الابيض والاوف وايت

جفت الوول بيبر عندهم في جم شي عجبني بس كنت تعبااانه ماقدر افكر قلت لي مره 2 بافتر جم محل وباختار

ورحت المشرق الجذاب على اساس ان حصل لي اللون الاحمر اللي ابيه يوم رحت راواني نفس الالوان القديمه جان اطلع واعصب بعد


ورديت البيت اتناقش ويا امي عن الحفله اقولها وين نسويها وماحسيت ان اهيه في بالها ان اهيه اللي بتدفع بس عقب مادري شله تكدرت وقلت بادبر لي فلوس وباسوي لي حفله صغيره او استخدم الفلوس اللي خاشتهم حق السفر لان ماباقدر اسويها في البيت والحوش لازم نغطيه بيكون حر يعني لااازم اجوف لي مكان بأسرع وقت واحجز

بحرينية_حلوة;15998079:

كلورة .. اللاااااااااااااي وايد عجبني المحل .. تسلم الأيادي .. :thumbs_up:

اخــ القمر ــت;15998085:

ضحكتيني كلووورة ههههههههههههههههه

تسلمين ع التقرير وصاجه حلوييين الصور خاصه صورة الياهل فديتها

بحرينية اهيه قبل ايام الملجه قالت الجلوة علي بس يمكن نست او قصدها بس الجلايه مادري والله افتر راسي امس

الله كريم انشالله

دهـن العـود;15998139:

كلووورة ثانكس على التقرير حبيبتي


صج صج نفعني كنت أدور محل يسوي مثل هالشغلات

:thumbs_up:



ههههههههههه

صج احنا على قولتج أشرار بس احسن تعودين الريال من البدايه

يدفع ويخسر عليج
لأن ما يحس بقيمتج الا اللي لي خسر عليج

المشكله ان هذي رنقهم الرياييل
اللي تخسرهم يحبونها
واللي ما كلفتهم شي يقطونها
:hysterical:
الله المستعان

بالنسبه لأوروبا يختج ما أفضلها
لأن احس ما فيها اماكن سياحيه وايد
حدج أن كثرتي

كنائس وقصوور

وانا ما احب مثل هالسوالف
:-#
والجولات السياحيه مثل جوله بالبحيرة وهالطخه
مب رخااص
والفنادق أنا من طبعي اذا سافرت انقي الفندق
نقوة واايد ادقق بالفنادق
يهمني يكون يم السوق أو يم اماكن حيويه
وبنفس الوقت يكون يا على الأقل 4 نجوم +
أو 5 نجووم
بس

هنااك الفنادق الي من هالطخه وبمكان حيوي يزعم
أسعارها كلش ما تسوة
يعني حتى لو كان 5 نجووم بتحسينه قديم ومب ذاك الزود اللوبي
على الحجرة على الحمام لج الكرامه على
باقي الشغلات الثانيه

مب نفس ماليزيا يهتموون ان الفنادق تحتها كل شي
والفندق اييج من أروع ما يكوون
ومن كل نااحيه

لي دفعتي حق الفندق والله ما تتحسفين

بس فنادق اوروبا :-#
لا تعليق

حتى لو كان 5 نجوم وبمكان حيوي لالازم تلقين فيه شي يبط جبدج انج دافعه له هالمبلغ

8o|

وفي بعد نقطه ثالثه
ما احبها بأوروبا
معامله الناس والشعب لنا هناك الخايسه
والسووق وباقي الشغلات اللي حتى البيبسي والا الهوت جوكليت بالكوفي شوب
تقولين بل بيبسي بهالقيمه
:-#

غير آخر نقطه
وهي ان أوروبا حق الناس اللي طالعني وأطالعك
:hysterical:
كل أمراء وناس رافعين خشومهم ويطالعونك كأنهم
شامين ريحه خياس
طبعا مو الكل
بس انا اقصد ان الناس الخليجيين اللي بتجوفينهم هناك
بعقدوونج :confused:
أنا آخر مرة رحت
يمكن قبل 5 سنوات وكانوا الناس اهون من الحين
الله يعين الحين
اللي الحين الناس همها بس
شنطه هالماركه
وجوتي هالماركه
وهالسوالف اللي ما تخلص
:hysterical:


ززين أشوة والله ييسر لج أن شاء الله
وعن الول بيبر عندج محل أشبال
في الرفاع مجابل مجمع الواحه عند الأشارة بتجوفينه
تدشين له من ورة يم معهد البحرين
عندهم شغلات حلوة :thumbs_up:



وووووووي روحي اليوم وقعدي معاها عدل
يمكن أمس ما كان لها مزااج
والا شي

جووفي السالفه عدل
وتأكدي بعدين خططي على الميزانيه تقدرين
تحددين كل شي

وبعدين اذا في مجاال يم بيتكم
توه من فترة
أمي حضرت خطوبه كانت بخيمه يم بيتهم الخيمه مب واايد واايد عوده

ولا هي وايد صغيرة زوينه
بس ما شاء الله تقول وايد حلوة الخيمه
والله قبل أذكر نص اعراس البحرين

بخيمه يم البيت
:D

والوضع كلش عادي