تجهيزات عرائس ' مملكة البحرين ' لشهر ربيع الاخر 1433 - 2012 م / الجزء : 87 »

هلا بنات شخباركم
يبت لكم صورة يديدة حق شغل عايشة الريس حق العرايس
عاد ان شاء الله تطلع الصور لاني ما حملتها من الموقع ماعرف






واذا عجبتكم قيموني

زووزووو
تسلمين ع الصووور
تستاهلين التقيم


حلوه ودلوووعه
والله والنعم فيج والساعه المباركه اللي شفتج فيها
ااي اذكرج ابوي
عيل دام انتي نفسها الذهب جنج قلتي قبل عن محل في توبلي مال الذهب

وغير هاااي
باقولج الحين اغلبهم يلبسون المطلي بماي الذهب ولايبين انه ذهب لو لا
لبسي الموجود عندج من ذهب والباقي اخذيهم جي
تلقين منهم عند يوسف عبدالله شحلاتهم راهيين

والصور مال البنيه باذن الله الليله بحطهم لج هني او بظرشهم لج خاص

مشكورة حنين تسلمين عيني...

زين احد يعرف رقمها يدزة اليي

مادري من البنات
ردت علي عن كام 4 سيل
اقولج مشكوره حبيبتي هذاني متابعه شغلاتهم بس بعض الاشيه مومتوافره اللي ابيها


بحرينيه حلوه
فديتج يالحلوه بخير انتي شلونج
الاغراض هذاني جفت لي كذا شخص واجوف الانسب لي
وقاعده بعد ادور هني قلت الشي المهم اذا جفت سعره اوكي باخذه من هني اما التناتيش بطلبها
بس ودي اعرف من وكيل النيكوون هني؟؟
اللي تعرف لاتبخل علي
هوم الكترونك يسوي عروض ع معدات الكام او لا بالاحرى يوفر كاميرات بروفيشنال؟؟

اخــ القمر ــت;16001594:

هلوو بنوتات شخباركم عقب الويك اند

هالاسبوع ماسويت شي لان امس كانوا يايين حق بنت خالتي ولهيت معاها انشالله هالاسبوع اروح اجوف الصبغ والمطبخ اذا صار مجال

قلت حق مرت اخوي تجيك اذا تعرف احد يقدر يحجز لي قاعة عوالي اتصلت قالوا لها في 4 اسعار حق البوفيه 6 - 6 ونص - 7 - 7 ونص وياخذون 100 حق القاعه قلت لها بافكر وبارد عليج اذا ابيج تحجزينها وباجيك بعد جم قاعه من اللي قلتوا لي عنهم والله ايسر :)

والله وايد رفعو اسعارهم انا خبري ايام جلوتي كنت افكر اسوي فيها كان ب4 دينار الشخص


الله ايسرلج انشاءالله ابوي

أنا الشوق;15999672:


والبارحه كنت معزومه على خطوبه في الريان، وعندي تقرير صغنون، بس الحين حدي بزي :badly:

**بحرينيهـ**;16001069:
انا الشوق
شسم العروس ؟ شيخه ؟؟ كنت معزومة بس ما قدرت اروح



مس دلوعة
والله الاسعار عنده تختلف حسب النوع .. في ب600 فلس في ب700 في ب800 . يعني يعتمد على النوع . بس شغلهم بشكل عام نعومي عجبني .. حتى في ديزاين صاير مثل البوكس الابيض بس ديزاين الصندوق المبيت وفيه لولو ناااااااااعم وحلو وداخله تصير البطاقة .. حبيته وايد . بس ما سألته بجم . المحل يستحق الزيارة

عروس أمين;16001601:
قوة بنات

جفت مكياج نادية زيد في الفيس بوك و عجبني

ابي استفسر عن كم شغلة و لا عليكم امر

تاخذ لعادي مو عروس؟؟ بكم ؟؟؟

وين تمكيج؟

سمعت وياها وحدة تسوي الشعر..

شسمها و بكم تقريبا تبدا اسعارها ..

بليز محتاجة المعلومات لانه عندنه خطوبة 1 /4 و ابي اقرر اروح لمن

Spoiled Zozo;16001634:
هلا بنات شخباركم
يبت لكم صورة يديدة حق شغل عايشة الريس حق العرايس
عاد ان شاء الله تطلع الصور لاني ما حملتها من الموقع ماعرف












واذا عجبتكم قيموني

بحرينية_حلوة;16001731:

وين كلورة .. ؟!!! فاقدتها اليوم .. مب من عادتها ما تشارك او تطل او عالأقل بـ طلة سريعة ..

اخــ القمر ــت;16001827:

اهلين حبيبتي اي والله ان شغل شدان :lol:

تذكرتج كلورة اليمعه قعدنا نتناقش ويا امه وخواته لان قرر ياخذ قرض قالولنا شنو ناقصكم قلنا لهم المطبخ وطقم حق الصاله امي بتاخذه لنا والالكترونيات قالوا هديتكم بنشتري لكم جم شي امه قالت الايسيه عليها واخته وحده قالت الفرن والغساله عليها والثانيه قالت الثلاجه والمكرويف عليها الحمد الله افتكينا من جم شي :)

تسلموووون على التقييم تراجي وكلووورة

بنات تعرفون احد يسوي مفارش وهالسوالف حق البيبي

تسلمون بحرينية و اخت القمر

=========

أبيك وما ابيهم

ايي وايد فيه .. في المحرق اتوقع اسم المحل سديم

وفي الرفاع في best mom و رويال بيبي ويهالوو ومحل نسيت اسمه يم أقمشة الصديق وفي بعد فن الذوق هاي كانت تبيع على النت والحين فتحت محل ووايد غيرهم

كلووووره
اجر وعافيه ابوي
ومشكوووره ع الصور تعبتج وياي وعرفت اللي تقصدينه انه بعد ماحب هلون


سويت كيك
ايييييييييي حبيبتي انه هلون مابي انطر وايد
ابي عدستين
وفلكتر وفلاش وسوفت بوكس وامبرلا وفلاتر ملونه
كتبت عن احمد بس طلعوو لي وايد
ياريت تطرشين لي ع الخاص الرابط ماله الله يرحم والديج
وانتي نيكونيه او كانونيه هههه عشان اعرف عدساتج اذا من ربعنه

من زمان ماحطيت تقارير ..!!

بحط لكم شيء بسيط :



Fatima's Sweets N Pastries




































F:

حلوووة ودلوووعة;16001513:

صباح الخيرات

حبيباتي وين أحصل قاعة ابي أسوي فيها حنة عادي اي منطقة غير أبا ذر الغفاري و قاعة الشيخ خليفة اللي اهيه حالة بوماهر ؟

والحنة آنه خاطري أسوي ستايل قديم فأبي اللبس اللي أهوه المشمر الخضر والجلابية الخضرة او اللي معاها نفس الصروال وين احصلهم وشرايكم؟ ولا ألبس شيء غير قولوا لي تجاربكم أذا رحتوا حنة

الذهب ذي اللي فوق الراس واللي على الخصر والتراجي والخواتم الشبك اللي فاليد وين احصلهم؟

مشكورين حبيباتي

اكيييد سويها في حالة بو ماهر اتينن وانا حجزتها حق حنتي ان شاء الله واذا تبينها حجزي من احين ما شاء الله الحجوزات كله فل :hysterical: وسعرها وايد زين .. ياخذون 150 وعقب الحفلة يرجعون لج 40 . كتأمين.

المشمر الخضر والجلابية الخضرة شي اكييييييد بتلقينهم عند صالح زري بس طبعا اسعارهم مب اقل من 100 . وجفت عنده الجلابية الي تحتها صروال تهبببببببببببببببببببببببببببببببببببل اتيييييييييييييييييييينن صج رووعة بس سعرها ب260 دينار . اذا ما بتسوين عرس تسوى تاخذينها اما اذا بتسوين عرس ف ما تسوى بس اذا ميزانيتج تسمح اخذيها لانها صج روعه . انا عن نفسي قلت من قبل خذيت لي جلابية وثوب نشل وبلبس الدفة للدزة .. وستايل حنتي بيكون بحريني قديم .. واكيد احلى للحنة جذي .. في ناس يسوون مثلا الثيم هندي والعروس لبسها يكون كله مشكووك يعني قطعه الساري مع المشمر مالها . والاهل يلبسون بعد هندي .. وفي ناس يسوون ستايل مغربي العروس تلبس القفطان . واهلها بعد جلابيات مغربية .. في ناس ما يلتزمون بشي معين ويلبسون ثياب سهره عادية .

اما الذهب الي قلتي عنه .. هذي تلقين منه اشكااال وانواع في سوق المنامة .. طبعا مب ذهب صجي ويصلح حق هالمناسبات وايييييد ..
انا بلبس ذهب يدتي الله يحفظها ومب محتاجة القبقاب مال الراس لاني بغطي راسي بثوب النشل .. انتي جوفي شنو بتلبسين اول وبعدين تقدرين تقررين شنو بتحتاجين من ذهب