32 مره نقول يا تري بتعملي الكله دي ازاي ؟ مبدعات مصر القمرات شهر محرم 1433

رورووو العيب فى التلاجة انا تلاجتى كده تصدقى بتجمد البيض :confused: و الله افتح البيضة الاقيها متجمده من جوه
نووووووووووور انا بموووووت فى التشيز كيك تسلم ايدك بجد و حلوة مخبياه ليوم الجمعه هههههههههههههههه انتو الجمعه عندكو سمك فى ناس كتير بتعمل كده و الله شوقتينى للسمك هجيب و اعمله ان شاء الله
و هاتى طريقة الطاجن كده و اللى عنده افكار جديدة للسمك يقول غير المقلى انا عملته المرة اللى فاتت بالصلصىة طلع واااااااااااااااو تسلم ايدى ههههههههههههههه بس اللى عنده اصل طريقة السمك بالصلصة يقول لانى افتكست كده مع نفسى طريقة و جت حلوة بس يمكن الطريقة الاصليه احلى
انا النهارده ماليش نفس اطبخ نهاااائى
امبارح عملت سنكوتشات كبدة اسكندرانى كانت تحفة و بطاطس محمرة و طبعااا بما ان امبارح سندوتشات النهارده لازم يبقى اكله اكله
بفكر اعمل كبسة بس بتفشل منى:(

Emo0o0Z;15813137:
:lol::lol::lol: حلوة مخبياه ليوم الجمعه دي
بالهنا والشفا فين الصور
عمري ما عملت سبيط :D

ومعاذ بقى فعلا بيقول لي هو عاوز ياكل ايه بس غالبا يا يكون فيه حاجه ناقصه من المكونات يا يقول اكله باباه مش بيحبها ههههههههههههههههه
هو اصلا صاحب فكرة المكرونه بالبشاميل بس لما سالت جوزي قال لي لا فمعاذ قال لي كفته احسن يا ماما ههههههههههههه

قولو لي بقى
هموووووووت واعمل بيتزا حلوة زي بتاعة المطاعم كده
عاوزة طريقة بالتفصيل الممل المميت
وسؤال كمان
هو الجبنه الدوبل كريم لو دخلت الفرن لمدة عشر دقايق مثلا يحصل لها حاجه ؟ ولا عادي

هههههههههههههه اه اصلي نفسي امشي النظام هنا في بيتي ان يوم الجمعة الفسفور اسماك وكده زي ما كنت متعودة في بيت بابا
بس كل ما اخبي حاجة اأجلها ليوم الجمعة بيكون فاكرها ويطلبها في نص الاسبوع ومش بقول لا بعملهاله ما بصدق يساعدني ويطلب

البيتزا بتاعة ام بودي في الموقع شوفيها
وانا عملت بيتزا بتاعة ناني فيبس الله يمسيها بالخير طلعت وهمممممممممم والله احلى من بتاعة بره حتى كنا معزومين من يومين وجبنا بيتزا ودي تاني مرة نشتري من بره ويشكر في البيتزا اللي انا بعملها اجدع منهم اول مرة كانت بيتزا هت :D
بصي سر اي عجينة كترة العجن انك تفرديها وتلميها كتير انا بقعد 5 او 10 دقايق اعجن
ولازم تسحبي العجين على الرخامة وتلمي تلتي وتعجني بس متبططيش عشان بيكون في كلاكيع دقيق مش بتندمج

Boody we zady;15813487:
البيتزا و السلطات موجوده في الموقع يا ايمي شوفيها كله بالتفصيل

رورو لالا علي فكره العيب في التلاجة دي كي ديدي حلوة جدا بجد بسيح بيها الشيكولاته بتعملي جناش تحفه

شيري حاكلمها بكره و اطمنكم عليها ان شاء الله

سلميلي عليها بالله عليكي ويااارب تكون العواقب سليمه

Bossy22;15813998:

نووووووووووور انا بموووووت فى التشيز كيك تسلم ايدك بجد و حلوة مخبياه ليوم الجمعه هههههههههههههههه انتو الجمعه عندكو سمك فى ناس كتير بتعمل كده و الله شوقتينى للسمك هجيب و اعمله ان شاء الله
و هاتى طريقة الطاجن كده و اللى عنده افكار جديدة للسمك يقول غير المقلى انا عملته المرة اللى فاتت بالصلصىة طلع واااااااااااااااو تسلم ايدى ههههههههههههههه بس اللى عنده اصل طريقة السمك بالصلصة يقول لانى افتكست كده مع نفسى طريقة و جت حلوة بس يمكن الطريقة الاصليه احلى
انا النهارده ماليش نفس اطبخ نهاااائى
امبارح عملت سنكوتشات كبدة اسكندرانى كانت تحفة و بطاطس محمرة و طبعااا بما ان امبارح سندوتشات النهارده لازم يبقى اكله اكله
بفكر اعمل كبسة بس بتفشل منى:(

ان شاء الله انا هاعمل كبسه انهرده بصره ;)
ومبعرفش اخبي حاجة وحياتك ههههههههههههههههه سيبيها على الله واتفضلي التشيز كيك ميغلاش عليكي :o

بصي يا ستي طاجن الصبيط اللهم صلي على النبي عليه الصلاة والسلام كالتالي
كيلو سبيط
رأس ثوم كاملة + معلقة صغيرة كمون + ملعقة صغيرة ملح
2 بصلة وسط مقطعة حلقات + 1 طماطماية كبيرة او 2 وسط حلقات
حزمة بقدونس قد ضمة ايدك مقطعة + كرفس اللي ورقه اخضر اذا في بس انا معنديش هنا
2 قرن فلفل اخضر حلقات او مقطع عادي بس المهم حراق لو بارد عادي زي ما تحبي
1 م.ك صلصة لو الطماطم عندك مش حمرا وحلوة كده

بتجيبي السبيط وتقطعيه مكعبات بس قد عقلتين عشان بيكش تغسليه حلو وتدعكيه بملح بعدين تغطيه بمية وتحطي دقيق + خل وسيبيه 10 دقايق عشان الزفارة
خلال الوقت ده دقي راس توم بحالها + الكمون + الملح (الهون اللي عندي مش حلو فباعمله في المبشرة بيهرسهولي) بديكي بدائل اهو وحلول :lol:
تشطفي السبيط حلو وتصفيه وقلبيه الدقة ده فيه حلووو ومعاه رشة فلفل اسمر بسيط واركنيه على جمب يقعد في الدقة 10 دقايق او اكتر عادي عبال ما تعملي الخطوات التانية هتاخد منك وقت حوالي 10 دقايق برضه
تجيبي حلة و3 معالق زيت تشوحي البصل فيه بحبة فلفل اسمر ورشة ملح بس عالهادي لما البصل يدبل نزلي الفلفل ولما يبدأ يصفر نزلي شرائح الطماطم والصلصة وزودي حبة فلفل اسمر تاني وكل حبة تقلبي كده لمدة دقيقة او دقيقتين المهم الطماطم تبقى لسه محتفظة بشكلها بس طرت شوية وتفلي بالمعلقة وطفي النار واضبطي الملح بتاعها
هاتي الصينية حطي الصبيط فيه رصيه وصبي الخلطة دي فوقه على الوش وحطي في الحلة نص كباية مية مصمصي بيهم الحلة وصبيهم على الصبيط (ايه رايك في مصمصي هههههههههههه)
وسويه على النار من فوق لحد ما يبقى تلاتربع تسوية
اضبطي الملح تاني لو محتاج حاجة بسيط واطفي النار ورشي البقدونس وقلبي كله ودخليه الفرن يكمل السوا هياخد 10 دقايق منك وشغلي الشوايه يتحمر بسيط من فوق بلاش تنشفيه قوي والف هنا يا جميل ;)

السمك ابو صلصة في موقع ام بودي وانا بعمله كالتالي
هتجيبي السمك
راس ثوم مهروسة + قرن فلفل اخضر + معلقة كمون + ملح

الصلصة
بصلة متخرطة او مبشورة احنا بنحبوها متخرطة
+ معلقة صغيررة ثوم مهروس بالفلفل والكمون يعني خدي من الدقة الكمية دي
2 طماطم كبيرة في الخلاط ومعلقة صلصلة لو الطماطم مش حمرة
فلفل اسمر + ملح

تغسلي السمك وتملحيه ربع ساعة كده وتشطفيه وحطي فيه الدقة واركنيه على جمب

في حبة زيت بس مش كتير عشان السمك فيه زيت يعني معلقتين او 3 شوحي البصل ولما يبدأ يدبل حطي التوم وشوحي كله ولما تلاقي التومة نفسها ابيضت جمد وبتكشف كانها هتصفر خلاص ضيفي الطماطم والصلصة وحطي الفلفل الاسمر وسييبيه يتسبك
بصي في مش بيحطو فلفل اسمر بس انا اي تسبيك بستعمله، ولما الصلصة تتسبك عدل زودي ربع كباية مية يعني لحلحي الصلصة بس خليها تقيله حبه برضه وتغلي غلوتين واطفي
تقلي السمك وعلى ورق مناديل ونزليه على الصلصة وهي سخنة وخليها على نار هادية وخدي من الصلصة تحطي على وش السمك او تقلبي السمكه بعد كل غلوة

وبالف هنا يا جميل

انتى زى العسل يا نور و الله ربنا يباركلك فى زوجك و يرزقك الزريه الصالحة يارب عاجلا غير اجل
تصدقى يا نور انا عملته بطريقة قريبه اوى من دى
بس البصل خليته طرنشات و معاه الفلفل ترنشات برده عشان يتاكلو مع الصوص كانو تحفة و حطيت على الصلصة ملح و فلفل و كمون و سيبتها تتسبك و بعدين نزلت السمك(كنت متبلاه) فيها بس من غير قلى و سيبتة و شويه و قلبته على الناحية التانية و اما استوى شيلته من الصلصة و دخلته الفرن عشان ينشف شويه و ياخد وش
و بعدين حملرت بطاطس مكعبات و بصل زى بتاع الكشرى
و حطيت الرز و علىه البطاطس و البصل ده على الجناب الطبق و فى النص السمك و نزلت عليه بصوص الصلصة دى و البصل و الفلفل الترنشات على الوش كاااان ايييييييييييييه يمممممممممممممى
و طريقة السبيييط روعه هجربه باذن الله
بس انا بردو معنديش كرفس هنا
او يمكن فى و انا معرفوش
بس بحس صينية السمك من غيره ملهاش طعم ايه يغنى عنه البقدونس؟؟؟
تسلم ايدى هههههههههههههه
قولى يا نور قرى و اعترفى بصينية الصيادية و السمك فى الفرن و الحجات بتاعة اسكندريه دى

نور صحيح انا معملتش كبسه
جوزى قاللى اعملى كبد فراخ مع رز ابيض
ريحنى و الله
مش كنت بقولكوو مش قادرة اقوم اطبخ
الست صاحبة الشقة جت تاخد الايجار :'(
و طبعا نضفت و كنس و مسح و عملت الاكل اما هلكت
مع انى قلت ناكل بره
بس الجو تلللللللللللللج و عواصف و جودى عيانة

سلامتها الف سلامه يابوسى دفييييييها اوى وحاولى ماتخرجيش لحد ماالجو يظبط شويه وخدى جاكيت معاكى احتياطى وليمون بقى وعسل وبرتقان اديلها جزرة تارش فيها الجزر بيشيل البرد

ام بودى ياريت وسلميلى عليها كتير عساها بخير


بت يانور ايه الجمال ده بسم الله ماشاء الله ربنا يحرسك نفسى اتعزم عندك على اكلة سمك نفسى ههههههههههه
وانا ساعات ببقى مش عارفه افكر لو لنفسى فبسال هنا دايما كده ببقى مش عارفه الم شتات عقلى هههههه الله يهديهم بناتى زييى كيب ماى هاندز بيزى
والميكرويف بجد هجيب اراره اخر شهر 1 باذن الله كمان فيه خبراء اجهزة كل شئ فاكيد ملمين بكل شئ وانتظرووووونى ههههه

تسلمى يا رورو ربنا يحفظلك بناتك
و اول مرة اعرف معلومة الجزر دى جزاك الله خيرا

Emo0o0Z;15812668:
رورو وموني ربنا يخليكو
انا ميزو قال لي عاوز كفته هههههههههههههههه طبعا هناكل ع مزاجه بقى


نوووووووووووور لا يا حبي دي كانت مشاركه بسلم عليكي فيها وبس
موااااااااااه
وفعلا ولادي شكلهم اتغير اوي خصوصا معاذ هههههههههههههه
وربنا يكرمك يا حبي ويبارك لك ف اخوكي ويرزقك بالذريه الصالحه يااااااااااااارب ويسعدك


هوبس تقريبا 3 كبايات صغيرين
بس عادي اعملي ولو فاض شوية رز اعملي محشي فلفل او طماطم



بنااااااااااااات عايزة طريقة سلاطه جديده
غير السلاطه الخضرا والكول سلو والبابا غنوج والحاجات المعروفه دي

وحشتوووووووووووووووووووووووووووووووووونى

التشيز كيك يجننننننننننننننننننننننننننننننننننننن

وجريتى ريقى تسلم ايدك يانور

وابعتيلى حته بقى لاحسن النونه تطلع فيها صينيه ههههههههههههههههههههههه

رورو وحشانى قوى يارب تكونى بخير انتى والبنات

ام بودى عامله ايييييه

بوسى ايه اخبارك

يا بنات انا جبت اصابع الكابوريا دى المجمده
بتتعمل ازاى بقى
شيرى انتى قصدك بوسى انا ولللا ام بودى
عموما انا كويسة الحمد الله:D
انتى النونو عامل ايه وزياد و المشيمة اخبارها ايه

Bossy22;15814117:
انتى زى العسل يا نور و الله ربنا يباركلك فى زوجك و يرزقك الزريه الصالحة يارب عاجلا غير اجل
تصدقى يا نور انا عملته بطريقة قريبه اوى من دى
بس البصل خليته طرنشات و معاه الفلفل ترنشات برده عشان يتاكلو مع الصوص كانو تحفة و حطيت على الصلصة ملح و فلفل و كمون و سيبتها تتسبك و بعدين نزلت السمك(كنت متبلاه) فيها بس من غير قلى و سيبتة و شويه و قلبته على الناحية التانية و اما استوى شيلته من الصلصة و دخلته الفرن عشان ينشف شويه و ياخد وش
و بعدين حملرت بطاطس مكعبات و بصل زى بتاع الكشرى
و حطيت الرز و علىه البطاطس و البصل ده على الجناب الطبق و فى النص السمك و نزلت عليه بصوص الصلصة دى و البصل و الفلفل الترنشات على الوش كاااان ايييييييييييييه يمممممممممممممى
و طريقة السبيييط روعه هجربه باذن الله
بس انا بردو معنديش كرفس هنا
او يمكن فى و انا معرفوش
بس بحس صينية السمك من غيره ملهاش طعم ايه يغنى عنه البقدونس؟؟؟
تسلم ايدى هههههههههههههه
قولى يا نور قرى و اعترفى بصينية الصيادية و السمك فى الفرن و الحجات بتاعة اسكندريه دى

تسلمي يا حبيبتي انتي اللي ذوق جداااا
بصي السمك الطريقة دي هنا بيعملوها كده في الامارات فعلا ودوقتها بالطريقه دي كانت جميلة بس المشكلة هنا بيحطولها بهارات بقى حبهان وشوية كلام كتير فضيعو طعم السمك وفضل طعم البهارات
لكن الطريقه لو مكانش في بهارات فعلا كان هيبقى رووووعة
وبصي انا ملقيتش برضه عندي كرفس هنا فبحط بقدونس بس وفعلا بيغير من طعم الصينية تماماااااا وان شاء الله هيعجبك صدقيني حطي بقدونس بس مش مشكلة كرفس

Bossy22;15814126:
نور صحيح انا معملتش كبسه
جوزى قاللى اعملى كبد فراخ مع رز ابيض
ريحنى و الله
مش كنت بقولكوو مش قادرة اقوم اطبخ
الست صاحبة الشقة جت تاخد الايجار :'(
و طبعا نضفت و كنس و مسح و عملت الاكل اما هلكت
مع انى قلت ناكل بره
بس الجو تلللللللللللللج و عواصف و جودى عيانة

ههههههههههههه انا بقى عملت الكبسه، والغريب في الموضوع اني بقالي شهرين نفسي فيها واقول لجوزي يقولي لالالا مبحبهاش
لما علمتها عجبته جداااااااااا قالي هي دي بقى الكبسه
قولتله نعممممم :-o انت شكلك متعرفهاش وطلع ميعرفهاش فعلا هههههههههههه قالي انا باكل حاجات تانية بيقولو كبسه ومش حلوة بس عملتها على فراخ عشان مش طالبه معايا اللحمة
وربنا يقويكي .. الا قوليلي بقى سؤال لولبي
هو ايه علاقة التنضيف اللي عملتيه بالست اللي جات تاخد الايجار :D:D:D

&pinky tears&;15814152:

بت يانور ايه الجمال ده بسم الله ماشاء الله ربنا يحرسك نفسى اتعزم عندك على اكلة سمك نفسى ههههههههههه
وانا ساعات ببقى مش عارفه افكر لو لنفسى فبسال هنا دايما كده ببقى مش عارفه الم شتات عقلى هههههه الله يهديهم بناتى زييى كيب ماى هاندز بيزى
والميكرويف بجد هجيب اراره اخر شهر 1 باذن الله كمان فيه خبراء اجهزة كل شئ فاكيد ملمين بكل شئ وانتظرووووونى ههههه

باذن الله يا رورو وعد عليا اذا اجوازنا وافقو يجمعونا على بعض ونجتمع سوا وتيجي عندي والله اعملك عزومة سي فود اجدع من اي مطعم روحتيه في حياتك
بس انا عندي مشكلة ... لما باعمل حاجات مخصوصه في عزومه بتطلع مش حلوة ههههههههههههه :worn_out:

فراشة الإيمان;15814733:
وحشتوووووووووووووووووووووووووووووووووونى

التشيز كيك يجننننننننننننننننننننننننننننننننننننن

وجريتى ريقى تسلم ايدك يانور

وابعتيلى حته بقى لاحسن النونه تطلع فيها صينيه ههههههههههههههههههههههه

رورو وحشانى قوى يارب تكونى بخير انتى والبنات

ام بودى عامله ايييييه

بوسى ايه اخبارك

والله يا بنتي لو ينفع نروحو لبعض اعملك صينية ليكي مخصوص
بقى عندي ميول للحوامل اساعدهم واعملهم اللي نفسهم فيه ههههههههههههههههه
يارب تكوني كويسه طمنيني عليكي؟؟


امبارح عملت رز بلبن وكنت عايزة احط كريم شانتيه وحسيت بتكاسل فظيع مع انه قدامي
هو بيتحط امتى واضربه بره قد ايه؟
مش هو اضربه عادي بالويسك لحد ما يتخن قوامه شويه واضيفه واقلب واطفي النار على طول ولا ايه؟؟

Bossy22;15816133:
يا بنات انا جبت اصابع الكابوريا دى المجمده
بتتعمل ازاى بقى
شيرى انتى قصدك بوسى انا ولللا ام بودى
عموما انا كويسة الحمد الله:D
انتى النونو عامل ايه وزياد و المشيمة اخبارها ايه

انتي جيتي امتى ههههههههههههههه صباح الخير يا جمييييييل F:

اعمليها زي الجمبري واعملي بيتزا سي فود
او اعملي شوربة السي فود وحطيها فيها بس خليها اخر خطوة عشان بيدوب في المية
او اعملي رز الصيادية بدل ما تحطي جمبري حطي الكابوريا دي
وممكن تعمليه بانيه زي الجمبري برضه بس تكون جامده في الفريزر ، بس خلي بالك لو سلقتيها مش هتلاقيها في الميه ده اللي سمعته
ولو عملتيها بانيه اعملي بقى سندوتشات ومايونيز وشرائح طماطم والحاجات دي هتبقى رووووعة صدقيني
على فكرة انا مجربتهاش بس تخيلي هتبقى كده عادي يعني زي الجمبري والتصرفات بتاعته

يا بنتى انا الساعة عندى 7 المغرب
ههههههههههه انا ببقى هنا طول ما انتو نايمين عشان اتطمن عليكووو قلب الام بقى :D
و جامده فكرة البانيه دى بدقيق صح هجربها و كويس انقذتينى ده انا كنت فاكراها بتتسلق كنت هزعل اوى لو ملقتهاش فى الحلة
و علاقة يا ستى الايجار بالتنضيف
ان الست صاحبة الشقة جايلانا البيت
و مينفعش تشوف البيت زريبه ههههههههههههه
اصل انتى متعرفيش جودى و اللعب بتبقى متنطورة فى كل حتة و طول اليوم الم وراها
و الست لو جت و شافت كده هتطردنا بره البيت ههههههههههه
و عشان متجيش فى الاخر و تقول بهدلتو الشقة :|
و جوووودى شخبطت على الحيطان و مش عارفة امسحو:confused:
و هنا الشخبووط بفلوووس متلتلة
يعنى بيبهدلوكى فى الفلوس لو بوظتى حاجة
ناااس ماديييييييييييين:mad: ايه يعنى اما البنت تشخبط على الحيطة عادى ما يبيضوها هههههههههههههههه

ههههههههههههههههههههههه يخربيت شيطانك يابوسى صحيح وماله ؟؟ زى الايجارات ف مصر ههههه
والجزر بيهدى الكحه ومضاد لنزلات البرد لانه غنى بفيتامين الف معرفش علاقه الالف بالبرد بس اللى اعرفه فيتامين الف دايما بيفيد البشره وبالتالى لما نيجى نرشح الاغشيه اللى جوه الانف بتلتهب نوعا ما هوا بيظبطها ؟ايه رايك ف كلامى العلمى هههههه( انا خريجه تجاره )بس بجد هوا مفيد لنزلات البر والكحه

نووور زيى اما بعمل مخصوص تطلع وحشه وباذن الله يجعل اللقاء قرريب


شيرررررررى انتى فين ؟؟؟؟؟ وانتى كمان وحشانا اوى اوى المهم انك بخيييير الحمد لله على سلامتك


نور كنت هنسى ههههه بصى الكريم شانتيه بعد ماتحطى النشا تحطيه وتضربى بالويسك بس هوا يحبذ تضربيه بشويه ميه الاول يعنى كريمه مخفوقه وعادى تضربيه بالمضرب اليدوى الويسك يعنى وبس واما يندمج ويتقل تقفلى عليه وتحطى مع الكريم شانتيه الفانيليا
يعنى بتحطى النشا وبعد كده الكريمه والفانيليا ويندجوا ويتقلو تقفلى بقى

Bossy22;15816133:
يا بنات انا جبت اصابع الكابوريا دى المجمده
بتتعمل ازاى بقى
شيرى انتى قصدك بوسى انا ولللا ام بودى
عموما انا كويسة الحمد الله:D
انتى النونو عامل ايه وزياد و المشيمة اخبارها ايه

ايوه اقصدك انتى ;)

انا سلمت على ام بودى وبعدين قلت بوسى يبقى بوسى مين ياختى:adore:

بيرق أمل;15816141:

امبارح عملت رز بلبن وكنت عايزة احط كريم شانتيه وحسيت بتكاسل فظيع مع انه قدامي
هو بيتحط امتى واضربه بره قد ايه؟
مش هو اضربه عادي بالويسك لحد ما يتخن قوامه شويه واضيفه واقلب واطفي النار على طول ولا ايه؟؟

انا بضربه بالويسك وشويه مايه ولما يتقل شويه ويبقى كريم شانتيه بحطه وبعدين بحط السكر والنشا واقلب بالويسك علشان الكريم شانتيه يفك مش يكلكع

&pinky tears&;15816297:

شيرررررررى انتى فين ؟؟؟؟؟ وانتى كمان وحشانا اوى اوى المهم انك بخيييير الحمد لله على سلامتك

فى الدنيا بس تعبان هواخده دور برد من العيار التقييييييييييييييييييييييل ولسه ماروحتش للدكتور اطمن على المشيمه معادى معاه كان امبارح بس كنت مكسره ومش قادره انزل:sick:

الميه قاطعه من امبارح مفيش ولا نقطه

وعايشين على الميه المعدنيه

بس مقولكوش المطبخ شكله ايه ولا الحمام

عيشه تقرف من غير المايه والاكل تيك اواى

ازيكم يا بنات وحشتونى كل ما افتح المنتدى القى واقع مش بيفتح معايا

وبنات كتير ع الفيس بيقولولى مش بيتجى عروس لسة :( كل ما اجى افتحوا القى واقع او يفتح شوية و يقع تانى مش عارفة لية ؟؟

يارب تكونوا كلكم بخير و سلامى ليكم كلكم

و لنور (بيرق امل ) بلاخص عشان مش عندها فيس

Bossy22;15816226:
يا بنتى انا الساعة عندى 7 المغرب
ههههههههههه انا ببقى هنا طول ما انتو نايمين عشان اتطمن عليكووو قلب الام بقى :D
و جامده فكرة البانيه دى بدقيق صح هجربها و كويس انقذتينى ده انا كنت فاكراها بتتسلق كنت هزعل اوى لو ملقتهاش فى الحلة
و علاقة يا ستى الايجار بالتنضيف
ان الست صاحبة الشقة جايلانا البيت
و مينفعش تشوف البيت زريبه ههههههههههههه
اصل انتى متعرفيش جودى و اللعب بتبقى متنطورة فى كل حتة و طول اليوم الم وراها
و الست لو جت و شافت كده هتطردنا بره البيت ههههههههههه
و عشان متجيش فى الاخر و تقول بهدلتو الشقة :|
و جوووودى شخبطت على الحيطان و مش عارفة امسحو:confused:
و هنا الشخبووط بفلوووس متلتلة
يعنى بيبهدلوكى فى الفلوس لو بوظتى حاجة
ناااس ماديييييييييييين:mad: ايه يعنى اما البنت تشخبط على الحيطة عادى ما يبيضوها هههههههههههههههه

اه فرق بيني وبينك 4 ساعات تقريبا
بصي من مصروف البيت هاتيلك جردل بوهيه وكل ما جودي تشخبط انتي وراها بالفرشه لحد ما تبطعيلهم الحيطة وقوليلهم فن تجريدي ههههههههههههههه

&pinky tears&;15816297:


نووور زيى اما بعمل مخصوص تطلع وحشه وباذن الله يجعل اللقاء قرريب

نور كنت هنسى ههههه بصى الكريم شانتيه بعد ماتحطى النشا تحطيه وتضربى بالويسك بس هوا يحبذ تضربيه بشويه ميه الاول يعنى كريمه مخفوقه وعادى تضربيه بالمضرب اليدوى الويسك يعنى وبس واما يندمج ويتقل تقفلى عليه وتحطى مع الكريم شانتيه الفانيليا
يعنى بتحطى النشا وبعد كده الكريمه والفانيليا ويندجوا ويتقلو تقفلى بقى

تسلميلي يا حبيبتي ياااارب
الرز بلبن اول مرة يطلع وحش لقط طعم بطيخ من التلاجه ولا ايه مش عارفه بس لاقط حاجة للاسف وعامله كتير يلا الحمد لله

فراشة الإيمان;15816419:
ا
انا بضربه بالويسك وشويه مايه ولما يتقل شويه ويبقى كريم شانتيه بحطه وبعدين بحط السكر والنشا واقلب بالويسك علشان الكريم شانتيه يفك مش يكلكع

فى الدنيا بس تعبان هواخده دور برد من العيار التقييييييييييييييييييييييل ولسه ماروحتش للدكتور اطمن على المشيمه معادى معاه كان امبارح بس كنت مكسره ومش قادره انزل:sick:

الميه قاطعه من امبارح مفيش ولا نقطه

وعايشين على الميه المعدنيه

بس مقولكوش المطبخ شكله ايه ولا الحمام

عيشه تقرف من غير المايه والاكل تيك اواى

تسلمي يا حبيبتي
وربنا يشفيكي ويقومك بالسلامة وتشوفي البيبي كويس وسليم ويقر عينك بيه
وفعلا المية دي مأساااااااااه ربنا يعينك

♥ندى الأيام♥;15817957:
ازيكم يا بنات وحشتونى كل ما افتح المنتدى القى واقع مش بيفتح معايا

وبنات كتير ع الفيس بيقولولى مش بيتجى عروس لسة :( كل ما اجى افتحوا القى واقع او يفتح شوية و يقع تانى مش عارفة لية ؟؟

يارب تكونوا كلكم بخير و سلامى ليكم كلكم

و لنور (بيرق امل ) بلاخص عشان مش عندها فيس

شااااااااهي حمد الله على السلامه يا توتا
عامله ايه؟؟
لو على كده مش هيبقى عندي فيس نهائيا عشان اجيبك هنا ههههههههههه متحرمش منك يا شاهي كلك ذوق يا بنتي طمنيني عليكي انتي عامله ايه؟؟؟


ان شاء الله انهرده هعمل قلقاس على لحمة ورز وطبق شوربة لسان عصفور اساسي عشان جوزو

ايه ده يا رورووو انا افتكرتك دكتورة ههههههههههههه
بس بجد شكرا على المعلومة و هو الجزر كده كده مفيد
و نورررر على رئيك فن تجريدى فكرتينى و الله فى الشقة الاولى هنا كنت اما اجى امسح الارض ايييييييه بمية و صابووون و ادلق هههههههههههههههه
اتارى الارض باركيه هههههههههههههه
و مستحملتش المية و فقفقت ههههههههههههههه
الست صاحبة الشقة يوم ما جت تستلمها كانت تدخل كل اوضة تصوت هههههههههههههههه
و الله
و دفعتنا حوالى 2000 جنيه
حار و نار هههههههههههههههه
المهم
انا النهارده محشى كرنب و فراخ
بس محشى الكرنب بيبقى ملوش طعم حد يقوللى الغلط فين الطريقة اهى
ببشر البصل و احمرها و عليها الصلصة و ملح و فلفل و كسبرة ناشفة( هنا مفيس كسبرة ولا شبت) و بقدونس احطه اما تتسبك و احط الخلطة دى على الرز و احشى
و بسقيه بشوربه و معلقة صلصة
ليه بقى بيطلع عجيب:study:
يا بنات اخبار ام مازن ايه
و البت بسبس وحشانى اوى

ههههههههههههههههه هيا الست بتاعت الايجار مصريه ولا ايه ههههههه ده الصينين زووق اوى ؟غريبه؟
بصى اللى اعرفه المحشى صلصته تبقى حلوة وخضرته مظبوطه وبهاراتك معقوله وعقدك مظبوط لكن انا بصراحه صفر ف المحاااشى

ياريت حد يقولنا السر ف ايه ف المحشى ؟؟

شيرى الله يعينك انا برده البيت من غير الميه زريييبه


بصو يابنات باذن الله جوزى هيعمل عملية دعواتكم الله يسددها ويخفف عنه كل الم ويجعلها طيبه عليه دعواااتكم
المهم اعمله اكل ايه؟؟ويبقى حلو وغالبا مسلوووق وانا مش بحب شوربة الخضار ياريت حد يقولى طرق حلوة ليها واعمله ايه تانى يبقى طعمه حلو وصحى