ازيكم وحشتووووووووني يا نايمين
امبارح كنا بره مع جيرانا واحنا طلبنا بيتزا الحمد لله ماشاء الله في وسط الناس جوزي قالي البيتزا بتاعتك تضرب البيتزا بتاعتهم مليون مرة بقيت منشكحة قووووووووووووووووووي
لما مشينا بقوله شكرا بس انت ليه مش بتقولي انا الكلام ده لما بعمل حاجه قالي لو قولتلك ان اكلك حلو هتتغري ويبقى وحش فخليكي كده :mad: بس المهم اتطمنت على نفسي ماشاء الله الحمد لله :o
جارتي طلبت مكرونة لازانيا الفورنو ،، بيني وبينكم اول مرة اسمع عنها بالاسم ده بس خمنت عادي يعني لازانيا في الفرن
دوقت معاها فيها بصراحة ماشاء الله جبااااااااااااااااااااااارة الف هنا على قلبها وكل المكونات فيها سهلة وباينة يعني ومفيهاش طعم مميز بس جامده عشان ملياااانة جبنة
Boody we zady;15808355:
تسلم ايدك يا نووووووووووووووور شكلها واو بجد :) و جربي قيمر كي دي دي روعه
الله يسلمك يا ام بودي متحرمش منك يا حبيبتي
بس الجيلي اتكسر من الجنب عشان فكيت صينية التشيز كيك بسرعة افرجهالك مستنيتهاش تفك بالراحة من جوانب الصينية :D
هشوف القيمر دي فين هدور عليها لاني مش فاكرة اني شوفتها عشان مش ببص على كل حاجة جوزي بيصربعني 8o| واقعد اقول الله يرحم ايام فتح الله كنت مفلياه هههههههههههههه
&pinky tears&;15811155:
نور التشيز رووووعه تسلم ايديكى الاتنين بالف هنا على قلبك قليلى الطريقه واوعى تقولى الزبده على البسكوت ههههههههههه وفعلا قيمر بوك احلى حاجه ف السوق بس عاوزة اقولك حاجه جوزى بيقولى انها دنماركى يعنى صنع ف الدنمارك بلد نشر الصور المسيئه للرسول صلى الله عليه وسلم واتساااائت جدا بس احيانا بجيبها بقوله مافيش بديل غيرها واللى انا بجيبها تبع عماله سعوديه وباخدها بنيه انها تكون برزق العمال دول ومش بجيبها كتير
تصدقي انتي لو اشتغلتي مراسلة هتبقي ميه ميه وتكسبي دهب هههههههههههههههه
وتصدقي بالله وانا بحط الزبدة على البسكويت لقيت نفسي ركزت وافتكرت بقيت بضحك مع نفسي في المطبخ :D
صلي على النبي يا ستي ... عليه الصلاة والسلام (لازم نفكرو نفسنا بالصلاة على النبي عليه الصلاة والسلام ;) )
جبت بسكويت اولكر اللي هو الباكيت الكبير وعملت نصه بالضبط طحنته في الكبة
وجبت الصينية حطيت البسكويت وعليه بالضبط معلقة كبيرة زبدة مش عالية قوي لا عادي مرتفعة حبة وقعدت اقلب وافرك بايدي وبططتها في نص الصينية ودخلتها فرن سخن لمدة 5 دقايق انا نسيتها في الفرن وافتكرتها لما شميت ريحتها كانت زي ريحة الكيكة حلوة يعني وسبت الصينية تبرد عبال ما تعملي طبقة الكريمة
ظرف ديم ويب شانتيه
ظرف كريم كراميل
علبة قشطة قيمر بوك 250 جرام
6 مكعبات جبنة كيري ممكن تقلليها تخليها 4 بس انا حسيت 6 عجبانا لان دي تاني مرة اعملها بالوصفة دي
طلعت الجبنة خليتها تبقى زي سخونية المطبخ وفي طبق حطيت عليها القشطة وقعدت بمضرب البيض اقلب لحد ما ساحت عشان ميبقاش في كلاكيع وسبتها على جمب هتكمل باقي تسييح مع القشطة
في طبق واسع ضربت بالمضرب اليدوي ظرف الكريم شانتيه مع فنجال صغير عصير اناناس اللي في الكومبوت وكان متلج لحد ما تخن معايا وحطيت عليه ظرف الكريم كراميل تقليبتين كده لانه تخن وضيفت كل ده هعلى القشطة والجبنة وهاتك يا تقليب وصبيته في الصينية
وجبت الاناناس الكومبوت القطع ورشيته على الكريمة وبقيت اغرزه بالمعلقة بس مليته فيها ودخلته التلاجة لمدة 4 ساعات لحد ما مسك
كنت عاملة على جمب جيلي فراولة بس معملتهوش بالمية لا عملته بعصير الانانس اللي باقي في العلبة وبقيت بالمعلصة اصب على الكريمة بس بالراحة مصبش جامد عشان ميخرمش الكريمة وتعوم مع الجيلي وده فعلا حصل معايا بس لما مسك مبانش الكلام ده وتدخليها التلاجة لحد ما الجيلي يجمد معاكي
وبس يا ستي بالف هنا
في عيد ميلاد جوزي انا حطيت الاناناس الحلقات رصيته داير ميدور في الصينية وبقيت اقطع كل حتة تشيز كيك بالاناناسه المدورة بس بتطلع كبيرة يعني لو حابة حتة صغيرة بقيت بضغط على الكريمة جامد وتطلع من الجناب وتعبتني يعني القطع احلى
الملاحظات
ممكن تحطي 1 معلقة كبيرة جيلاتين على ربع كباية مية وتضيفيها للخليط الكريمة في الاخر عشان تجمد جامد معاكي
لو هتعملي في صينية تشيز كيك يبقى تطلعيها قبل ما تفكي الجوانب بـ 10 دقايق عشان تفك بالراحة والجيلي ميبقاش ماسك في الجوانب
انا سيحتها بشوية مية سخنة في الجناب بس لقيت الجيلي ساح بقى مية من الجناب ده ايام يوم ميلاده يعني
اخر ملاحظة خاصة برورووووووووووووووو
نص علبة البسكويت عليها معلقة اكل زبدة ههههههههههههه حلو كده مخصوص اهو :lol:
أعمل اكل ايه انهرده بصراحة حاسة زهقت وكل ما افكر في اكل الاقي منفسيش فيه
