32 مره نقول يا تري بتعملي الكله دي ازاي ؟ مبدعات مصر القمرات شهر محرم 1433

بفكر اعمل مسقعة بالبشاميل و رز
مع اننا امبارح اكلنا مسقعة اللى هى بالبطاطس و الفلفل و البتنجان دى من غير لحمة و اخدت اللحمة عملت بيها سندوتشات كفتة :lol:
بس مش قادرة اقوووووووووووم من مكانى

ياجماعه عندي طلب اهبل شويه ممكن تفكروني بطريقه العدس :o:o عشان كل مره أنسى تكه كده فيه فيطلع ناقص حاجه

فراشه فى بيتها;15787709:
مبروك الجزء الجديد

عاوزه طريقة البطاطا وتكون مهرييييييييه اوى

بصي لو هتشويها في الفرن هترصيها على الصاجة بس بلاش تغسليها علشان هتاخد رطوبة وهتاخد وقت طويل في الفرن امسحيها كده بفوطة مبلولة وطبعا لما تيجي تاكليها هتقشريها اوك
وهتاخد في الفرن وقت طويييييل يمكن ساعة او ساعة ونص وتغرزي سن السكينة فيها او خلة هتلاقيها بتدخل بسهولة زي الزبدة
لو مش عايزة فرن هتغسلي بقى البطاطا كويس بالسفنجة بتاعة المطبخ وتجيبي ورق ابيض او جرنال تبطني بيه الحلة وترشي عليه مية كده بحيث يبقى رطب وترصي البطاطا عليه بعد ما غسلتيها وصفتيها وتحطيها على نار عالية بحيث بس الحلة تسخن وانقليها على نار هاااادية وسيبيها هتاخد معاكي ساعة برضه الا ساعة الا ربع واختبريها نفس الحكاية
ومتغليش بالك لو الورق اتحرق علشان ده السكر بتاع البطاطا هو اللي نزل عليها وعمل لون كراميل

Bossy22;15787924:
بفكر اعمل مسقعة بالبشاميل و رز
مع اننا امبارح اكلنا مسقعة اللى هى بالبطاطس و الفلفل و البتنجان دى من غير لحمة و اخدت اللحمة عملت بيها سندوتشات كفتة :lol:
بس مش قادرة اقوووووووووووم من مكانى

بتفكري طيب ما تنفذي ولا هتجوعي الناس اللي معاكي هههههههههههه

marioum27;15788435:
ياجماعه عندي طلب اهبل شويه ممكن تفكروني بطريقه العدس :o:o عشان كل مره أنسى تكه كده فيه فيطلع ناقص حاجه

انهي عدس اصفر ولا بجبة؟؟
قلبي حاسس انه الاصفر :D
بصي الاصفر هتعملي التالي
تغسلي العدس وتحطيه في حلة ومعاه شوربة وجزرة حلقات وبطاطس مكعبات وطماطماية هتعصريها باديكي وترميها فيه وبصلة متخرطة ورشة فلفل اسمر وتسيبي كل ده يستوي مع بعضه لحد ما البطاطس والجزر والعداسية نفسها تبقى مهرية ماشي
لو مفيش شوربة ممكن مية ومرقة ماجي
لما يستوي سيبيه يهدى خااالص واضربيه في الخلاط ضربتين تلاتة بس متخليهوش مهري لالالا خلي فيه خشونة كده، انا سعات بحط الكلام ده في المصفى المخرمة الكبيرة واللي يتبقى في المصفى من الجزر والبطاطس والبصل اروح اخد دول اضربهم في الخلاط بس المهم اهرس العدس انا بالمعلقة يبقى فيه شوية خشونة
هتجيبي بصلة حلوة تخرطيها نااااعم او تبشريها زي ما تحبي وتجيبي حلة تحطي فيها حتة زبدة على زيت وتشوحي البصل ومعاه كبشة مكرونة شعرية وتشوحي ده كله لحد ما يصفرو تروحي ضايفة عليه العدس وترشي كمون معلقة صغيرة بس الكمون كتير بيكون حلو ورشة فلفل اسمر بسيط وتضبطي الملح وكل دقيقة تقلبي وتخليه على نار هادية علشان المكرونة بتلزق في الحلة خلي بالك كل شوية تقلبي لحد ما المكرونة تستوي
لو مش عايزة مكرونة ممكن تخلي العدس مركز وممكن تستعملي شوفان كويكر زي ما تحبي يعني

البطاطا انا بسلقها نص عشان مش تنشف في الفرن وتبقي طريه ومليانه كده ومش ناشفه

انا بحط البطاطا في الفرن بتأخد ساعه و حسب نوعها يا بنات لو عجوزة حاطول يعني يا ريت مش تيرخصوا فيها

النهارده بانيه و مكرونة و كول سلو و بنجر

بفكر أعمل تورته بس عايزة تشجيييييييع هههههههههههههه

شيري انتي فييييييييييييييين يا قمر؟

بنات ازيكو
عملت كرنب انهرده بس الكرنبه كانت كبيره وفاض منها كتير
بس هي مهريه شوية يعني مش حمل تخزين
اللي فاض ده اعمل ف ايه ؟
لو حطيته ف الفريزر هيتهري اووووي ولو سبته ف التلاجه هيبوظ بسرعه

بم اني بقى لي قرن ماجتش هنا فقلت مادخلش وايدي فاضيه
وبم اني لواحدي وجوزي مش هنا فماعملتش حاجه جنب المحشي
بس كان طعمه واااااااااو بجد كان نفسي فيه انا ومعاذ اووووووي واكلنا كتير ههههههههههههههههههه

ابعتيلي طبق ياايمي
اقولك ابعتيلي الباقي اللي محتاره تشيليه في الفريز ولا التلاجه ده :p

بجد شكله حلو اوي وبيلمع كده بالهنا والشفا ياااارب

هههههههههههههههههه والله عندي ورق ورز الخلطه كمان يا هوبس متبقيين
مايغلوش عليكي
بس كنت عامله سطرين في حله صغنتته خلصتهم انا وميزو ههههههههههههههه
وكنت عاوزة تاني الطفاسه وحشه والجوع كافر ههههههههههه
اصل كان نفسي فيه اوي

ههههههههههههه بالهنا والشفا ياايموز
انا عمري ماعملته لوحدي بصراحه كنت بشترك مع ماما في العمايل يعني وكده بس من الالف للياء عمري ماعملته وكسلانه بصراحه اجيبه

بنات انا جبت كريمه حلويات اللى هى جهينه
عايزه اعرف كذا حاجه استخدمها فيها ياااااااااااااااااريت

كل سنة وأنتن طيبات.. حلوة اللغة العربية الفصحي دي ههههههه ايمي ما شاء الله جوعتيني بفكر أعمله بكرة ان شاء الله بس اسويه بعد بكرة وعادة المحشي عندي بعمل حلة كبيرة نقعد ناكل يومين مثلا ههههههههه مش بحب أعمل المحشي في نفس اليوم خالص

.. Hopes;15789555:
ههههههههههههه بالهنا والشفا ياايموز
انا عمري ماعملته لوحدي بصراحه كنت بشترك مع ماما في العمايل يعني وكده بس من الالف للياء عمري ماعملته وكسلانه بصراحه اجيبه

انا كمان بعمله قليل اوووووووووي لان اصلا جوزي مش بيحبه
ودايما باكله عند ماما
بس بقى لي كذا يوم ماطبختش وميزو طالبه مني بقى له فتره وانا كان نفسي فقررت اعمله
هههههههه
وكمان عاملاه اصلا عشان اختي الغلبانه نفسها فيه وهي حامل ربنا يكمل لها على خير يارب فقلت اخد فيها ثواب واعمله لها احسن النونو يطلع شبه الكرنبه ولا حاجه هههههههههههههه

ra_tamima;15789980:
بنات انا جبت كريمه حلويات اللى هى جهينه
عايزه اعرف كذا حاجه استخدمها فيها ياااااااااااااااااريت

انا عن نفسي مش بحبها
بس ممكن البيكاتا مممممم مش فاكره ايه تاني
اصلي مش بجيبها خالص

~OM-ADAM~;15790105:
كل سنة وأنتن طيبات.. حلوة اللغة العربية الفصحي دي ههههههه ايمي ما شاء الله جوعتيني بفكر أعمله بكرة ان شاء الله بس اسويه بعد بكرة وعادة المحشي عندي بعمل حلة كبيرة نقعد ناكل يومين مثلا ههههههههه مش بحب أعمل المحشي في نفس اليوم خالص

ههههههههههههههه اه المحشي ده بنعمله في تلات اربع ساعات وبيتاكل في نص ساعه هههههه احلى حاجه اعمليه ليومين

بس متهايالى البيكاتا بتبقى عايزه كريمه طبخ
انا اللى عندى كريمه حلويااااات

رشا الكريمه بتاعه الحلويات وبتاعه الاكل واحده على فكره اعملى بيها اى حاجه بتتعمل بالكريمه حفتكرلك الاصناف واقولك

ياسلام يارشاااااااااااااا
اومال ليه وانا بشترى لقيت كريمه طبخ وكريمه حلويات وحتى نوعهم جهينه؟؟؟؟؟؟؟؟؟؟؟؟؟؟؟

ra_tamima;15790774:
ياسلام يارشاااااااااااااا
اومال ليه وانا بشترى لقيت كريمه طبخ وكريمه حلويات وحتى نوعهم جهينه؟؟؟؟؟؟؟؟؟؟؟؟؟؟؟

اه هما الاتنين نفس الحاجة مفيش فرق يمكن لو هيكون في فرق ان كريمة الحلويات ممكن تضربيها بالمضرب كتير تتحول لكريم شانتيه غير كده نفس بعض ، ويمكن لو عملتي الحركة دي في كريمة الطبخ برضه هتدي نفس النتيجة
انا عملت البيكاتا بكريمة الحلويات على فكرة، وعملت شوربة السي فود مرة بكريمة الحلويات ومرة بكريمة الطبخ بس لاحظت حاجة كريمة الحلويات دسمة اكتر من الطبخ او يمكن عشان غيرت النوع مش عارفة الله اعلم

إن شاء الله انهرده هاعمل مكرونة وكفتة مع اني ملييش نفس اعمل اكل اصلا متخانقة مع جوزو وقرفانة من حياتي

ياا تسلم ايدك يا ايمى انا عملته مرة بس اتهرى منى
هو طريقة سلقه ازاى بقى

ايمييييي ايه الصوابع الكبيره دي هههههههههههههههه ده لو جوزي شافه حيزعل قوي هههههههههههه تسلم ايدك يا جميل

غيرت الموضوع معملتش مكرونة وكفتة
جابلي سمك بوري بسم الله ماشاء الله كبيرة وجمبري
عملت البوري سنجاري وعملت الجمبري وماشاء الله الاكل طلع جميييييييييل