32 مره نقول يا تري بتعملي الكله دي ازاي ؟ مبدعات مصر القمرات شهر محرم 1433

سلام عليكم يا بنات

انا عارفة انكم ما شاء الله مبدعات

ربنا يزيدكم ياارب

حد عمل تورتة الكراميل ؟

انا اكلتها من لابوار و كانت وهمية

ياريت لو حد عملها يقولي ازاي ؟

انا النهارده عملت محشى بتنجان و فلفل بطريقة شيرى بس من غير شبت اعااااااااا بس حطيت نعناع وريحان اى حاجة تعملل منظر هههههههههههههههه
و شكله حلو هبقى اقوكو النتيجة
و عملت فراخ كنتاكى و سلطة بابا غنوج
شوفتو الشطارة

رورو ايه ده حاجه تجرى الريق كده بس ايه هى ؟؟

قولى بسرعه واعترفى

Bossy22;15827123:
انا النهارده عملت محشى بتنجان و فلفل بطريقة شيرى بس من غير شبت اعااااااااا بس حطيت نعناع وريحان اى حاجة تعملل منظر هههههههههههههههه
و شكله حلو هبقى اقوكو النتيجة
و عملت فراخ كنتاكى و سلطة بابا غنوج
شوفتو الشطارة

اموت واعيد السنه:lol:

نفسى فيه يابنت الايه تصدقى من يوم ما اتجوزت مش عملته

مش بحب اقور البتنجان بيسود ايدى وبيبقى شكلها يععععععععععععع:struggle:

هاتى طبق بقى ولا حطى صورته نتحنس شويه

وطبعا هايطلع حلو مش انتى اللى عاملاه:adore:

الف هنا وشفا

انا واخده دور برد من العيار التقيل وبقالى اكتر من اسبوع مبنمش ساعتين على بعض وبقى شكلى زى اللى بيشم كوله ههههههه

مش عارفه اتنفس من مناخيرى لانها مقفوله ومش عارفه اتنفس لان عندى التهاب فى الحللق وحاسه ان الجلد متشال خالص طب قولولى اتنفس منين

وكتبت على الفيس بوك وفى بنوته ردت عليا وقالتلى ينفع اخد مضاد حيوى

جريت على الصيدلى وقلتله وادانى فلوموكس مع البارامول التعبان اللى انا باخده وقالى مش مسموح بأكتر من كده

وزياد الغلبان خد منى الدور وبقى ينام فاح بقه وطول الليل يصرخ وبعد كده قفل بقه من الاكل قلت يمكن زوره التهب من فتحته طول الليل

ووديته للدكتوروقالى ده زورده قد كده من جوه واللوز ملتهبه واداله حقنه مضاد حيوى قالى لان اللوز لازم تنزل لانها كده هاتعمل صديد وهاينزل من ودانه

وكتبله مضاد حيوى يكمل بيه كل ست ساعات ودوا شرب وطبعا المواعيد عذاااااااااااااااب وجيت الفجر اديهوله رجعه فى وشى وقعدت ازعق واصرخ وروحت جبت الشبشب باباه لمحنى قام جرى وخده منى وقعدنا ساعه نبوس ونحايل علشان الدوا

ورامز زعل منى وقالى المفروض انك متعوده على ارفه ده مش جديد عليكى قلتله بس انا خلاص تعبت انا تعبانه والحمل قارفنى ومبنمش وبحايل فيه دى عيشه تقرف

ربنا ياخدنى وارتاح انا قرفت من دنيتى جوزى زعل وقالى انا قلت 100 مره متدعيش على نفسك ولا على الولد حرام عليكى ياشيخه ده احنا الفجر

واتقمص ونزل شغله زعلان

انا خلاص زهقت يابنات وحاسه انى خلاص مبقتش مستحمله مش عارفه العيشه باتنين هايكون شكلها ايه بس اكيد هانتحر ده واحد خلانى كرهت العيشه

وكره اى حد يجى عندنا من عمايله ربنا يهديه :'(:'(:'(

بنات ان شاء الله هاعمل مسقعة بالبشاميل
طريقتكم فيها ايه بقى؟؟
تصدقو مرضيتش اسال السؤال الصبح قولت اكيد زي كل مرة محدش هيلحقني لقيتكم اهو ههههههههههههههه
وشكل برضه محدش هيلحقني ولا ايه

بووووووووسي ماشاء الله ان شاء الله هيطلع المحشي حلو انا عارفة لا تقلقي ;)

شيري متتعبيش اعصابك كده معلش وانتي بتنيمي ابنك ارقيه لحد ما يروح في النوم
ولما يصحى اديله مية اقري فيها الفاتحة وآية الكرسي والاخلاص والمعوذتان واديهاله يشربها الحاجات دي تهديه شوية يا حبيبتي
وبلاش صح تدعي على نفسك ولا على ابنك ربنا يهديه ياااااارب ادعيله دايما بالهداية يا حبيبتي
والف الف سلامة عليكي ربنا يشفيكي بصي اشربي كل يوم قبل ما تنامي كباية يانسون واعصري عليها لمون ماشاء الله الحركة دي تحفة وادهني زورك فكس واتدفي وربنا يجعلك الشفا في صحتك عاجل غير آجل

مانشي;15825867:
سلام عليكم يا بنات

انا عارفة انكم ما شاء الله مبدعات

ربنا يزيدكم ياارب

حد عمل تورتة الكراميل ؟

انا اكلتها من لابوار و كانت وهمية

ياريت لو حد عملها يقولي ازاي ؟

بصي يا جميل انا مدوقتش اصلا تورتة لابوار، بس سوسي عملتها وانا طبقتها وماشاء الله كانت رااااااااائعة وهي بتقول نفس طعم لابوار بالضبط

هتعملي كيكة تورتة عادية زي اللي معتمدينها هنا بتاعة ناني وشيري
الكريمة بقى اللي تحشيها بيها
ربع كيلو كريم شانتيه + 2 باكو كريم كراميل
تضربي الكريم شانتيه مع الكريم كراميل لحد ما يبقى كريم شانتيه حلو وزيني بيها
وبكيس الكراميل اعملي دوائر واسحبي بالسكينة عشان تعملي خطوط تعرفي الفكرة دي

Emo0o0Z;15822625:
رورو اقول لك طريقتي ف المحشي

هاتي سكينه ومشيها داير كده من عند راس الكرنبه بحيث ان الورقات تتقطع وتتفصل عن راس الكرنبه وشيلي واحده واحده براحه عشان مش تتكسر وسقطيها في ميه مغليه وعليها كمون وغطي وسيبيها لحد ما العرق بتاعها يستوي وتحطي الشوكه فيه تلاقيه استوى تقريبا 5 دقايق على حسب حجم الكرنبه طبعا ولما تخلصي قطعيه امسكل كل ورقه واتنيها نصين واقطعي العرق وبعد كده افردي الورقه وساويها على بعضها وقسميها لتلاته او اربعه بالسكينه وبعد كده هتمسكي كل قطعه قطعتيها وتفردي وتقطعي تاني بايدك كده كل واحده تكون اد كف الايد مثلا او اكبر سنه بسيطه اوي وتاخديها تحطيها ف طبق وتحطي الرز وتلفي وبس كده وعلى فكره لفه سهل اوي عن ورق العنب

الخلطة بتاعتي بقى
حطي زيت ف حله وعليه بصله مبشورة بس بصله كبيره ولما تدبل حطي فصين توم ولما يبقى لونهم دهبي كده نزلي عصير الطماطم وعلى ما يتسبك تكوني غسلتي الخضره شبت وبقدونس وكسبره والكرافس على فكره بيدي طعم حلو اووووووووي وتبلي الطماطم بتاعتك ملح وفلفل وكمون واوقات بحط عليها بهارات لحمه وشوية قرفه وقطعي الخضره وحطيها وبعد كده اغسلي الرز ومش تنقعيه وحطي وقلبي لحد الرز ما يندمج مع الخلطه واطفي وبسسسس كده
:D
ابقي هاتي لي طبق

تسلميلى ياايمى سيفت طريقتك يارب يطلع حلو بس انا عاوزة اعرف اخزنه لانى مش فضياااله خالص الوقتى والكرمبه ف التلاجه هتبوظ
والكيكه فعلا طعمها والله جناااااان اخر حاجه ربنا يسلمها كل خير بسكوته دى كيكه من غير دقيق بالبسكوت وفوقيها وش كده من شويه حاجات وبعدين صوص تفااااح جربوها كل اللى داقها بيشكر فيها :thumbs_up:

♥ندى الأيام♥;15823343:
ازيك يا بنات انا مش عارفة المنتدى لية مستقصدنى كل ما اجى افتحوا يعلق :(

تسلموا كل اللى ردود عليا نور و ام بودى و ايمى

pinkt tears انتى رورو صح ؟؟؟ ازيك انا الحمدلله بخير لسة والله متجوزتش دعواتك اكيد انتم اول ناس هتعروا خبر جوزاى ان شاء الله

ايوه ياشاهى ربنا يكرمك ونفرح بيكى عن قريب F:

ام عمر افندى;15824139:
ازيكم يا حلووووووووووووووووووين

نوووووور مفيش تالت ان شاء الله الف حمد وشكر على كده ربنا يديم ستره عليا ههههههههههههههههههههههههه وعلى رايك والله هطلع فى التى فى اشد فى شعرى واحشاااااااااااااااانى يا مجرررررمه وهعمل السبيط بتاعك شكله جميييييييل ما شاء الله
وجربى دى ومش هتندمى ابدااااا
http://forums.3roos.com/showthread.php?t=303948
مش هتعملى غيرها بعد كده


شيرى ما شاء الله عليكى يا قمر العاشورا جمييييييييييييييييييييييييله تسلم ايدك وربنا يكمل حملك على خيييير يارب

رورو الف سلامه على جوزك انت على فكره ممكن تعملى الشوربه بلسان العصفور والخضار الاتنين مع بعض مش هتقول لا خاااالص بس بعد ما تستوى خالص وقبل ما تطفى عليها قطعى حبه كرفس وارميهم على الوش وغطى واطفى علطوووول هتديى طعم رووووووووووووعه

بصى فص مستكه مع حته زبده وشويه زيت صغيرين وتشوحى فيها كوسايه وجزره وبطاطس وبسله وفاصوليا خضرا نص كبشه ايد من كل حاجه وشوحيهم كويس وانزلى عليهم بالشوربه بتاعتك وحبه فلفل اسمر نونو وملح وتحمرى لسان العصفور فى طاسه تانيه وتحطيه مع الشوربه والخضار كله هيستوى مع بعضه ويبقا حلو اووى ومتنسيش الكرفس لو جوزك بيحب طعمه

وعصااااير بقا كتييييير وربنا يتم شفاه على خيييير يارب

ايموووووووووو يا جااااااامد انا بمووووت فى شوربه العدس مع عيش محمص او مقلى تسلم ايدك يا قمررر

شاهى اخبارك اييييه فيييينك

بووووسى تصدقىوالله على بااااالى جدا ربنا معاكى يا بنتى ويهون عليكى الغربه يااارب

ياارب مكونش نسيييت حد

النهارده مش عارفه اعمل اييييه

جميييله خلاص هعمل كده باذن الله تسلميلى جزاكى الله خيرا :adore:

Bossy22;15824249:
روررو ربنا يتم شفا على خير صعبه اوى العمليات اللى فى البق دى
بوسى ام عمر و انتى كمان وحشانى يا بطة اوى ازى الولاد و ليان بقت اد ايه دلوقتى
انو شجعتونى و الله انى اعمل محشى تانى
رورووو حلو اوى البتاع ده ده كيك و كريم شانتيه و عليه فروت سلاد صح ؟؟

وجعتى قلبى يابوسى منا قلتله كده قالى دى احلى حاجه وبسيطه مااطمنتش الا لما رحت بنفسى معاه والدكتور قال لا طبعا صعبه ف البلع ومش هيقدر ياكل :'(يارب يعديها على الخير ربنا اعلم اناعايشه ازاى ؟؟قاعده اتوهم حاجات غريبه :(وبحاول اطلع من اللى انا فيه عشان عيالى وهوا مايحسش
وده مش كده بصى دى كيكه بالبسكوت بتعمليها وبعد كده تحطى خلطه عباره عن حليب محلى وجبنه وبعد كده صوص روعه والله ف الطعم :thumbs_up:

فراشه فى بيتها;15824393:
ايمى ونور وشييييييييييييييييييييييرى جزاكم الله خيرا

رووووووورو ايه اللى انتى حطيتى صورته ده؟؟

فراشة الإيمان;15827134:
رورو ايه ده حاجه تجرى الريق كده بس ايه هى ؟؟

قولى بسرعه واعترفى

بيرق أمل;15827175:
بووووووووسي ماشاء الله ان شاء الله هيطلع المحشي حلو انا عارفة لا تقلقي ;)

شيري متتعبيش اعصابك كده معلش وانتي بتنيمي ابنك ارقيه لحد ما يروح في النوم
ولما يصحى اديله مية اقري فيها الفاتحة وآية الكرسي والاخلاص والمعوذتان واديهاله يشربها الحاجات دي تهديه شوية يا حبيبتي
وبلاش صح تدعي على نفسك ولا على ابنك ربنا يهديه ياااااارب ادعيله دايما بالهداية يا حبيبتي
والف الف سلامة عليكي ربنا يشفيكي بصي اشربي كل يوم قبل ما تنامي كباية يانسون واعصري عليها لمون ماشاء الله الحركة دي تحفة وادهني زورك فكس واتدفي وربنا يجعلك الشفا في صحتك عاجل غير آجل

:thumbs_up::thumbs_up::thumbs_up::thumbs_up::thumbs_up::thumbs_up::thumbs_up:

شيرى حرام عليكى ابنك زى اى طفل والله بناتى خلونى مره ادخل اوضتى وقاعده اخبط ف كل حته واطلع كل اللى جوايا واما عيطت وفجرت وضربت ههههه طلعت واستكملت تانى معاهم
اصبرى معلش لازم تحسسسيه بكل حنااانك الوقتى لازم واكظمى غيظك وحاولى تربى فيه مش تتصيديله الاخطاء دايما حطى داخلك catch in goodخليه يبقى افضل واصبرى اصبرى اصبرى وكمان تعبان يعنى اصبرى للاحر ووعلى فكره الحمل هوا اللى بيبقى صعب والله الولاده هترتاحى جدا من الاكتئاب والتقل وكرشه النفس هترتاحى خااالص فاصبرى غيرى جو جددى انشطتك ارسمى انتى وهوا العبى معاه مكعبات اقعدى معاه ف البلكونه واكليه قعديه فوق كوميدونو واكليه قعديه فوق رخامه المطبخ والعبى معاه حاولى تحببيه ف البيت وفيكى معلش اصبرى وتعالى على نفسك استغفرى كتير واغسلى وشك كتير رفريش لمزاجك غيرى ف لبسك كتير ؟اخرجى من اللى انتى فيه باى وسيله ان كانت
ربنا يرفع عنك ويخفف عنك ويشفيكم ويصرف عنكم كل سوء قلبى معاكى معلش



بوسى المحشى هيطلع حلو بان الله هاتيلى طبق حتى لو وحش نفسى فيه

نور هجبلك طريقه المسقعه عارفه انك سبقتى بس هجبهالك تسيفيها عندك
انا جمعت كل الطرق اللي عندي وفي الاخر عملت دي بقي وحلوة اوي
طبعا هتقطعي البتنجان وتحطي عليه ملح وتسيبيه شوية ينزل ميته وبعدين تقليه في الطاسة بزيت بسيط خالص لو في تيفال، او ممكن تخليه في الفرن
وهتعصجي لحمة، بس هتحطي مع البصل فلفل اخضر ولو بتحبيها حامية حطي فلفل حامي كمان، وملح والفلفل والبهارات عادي وبعدين لما يدبلوا كده حطي اللحمة بقي ولما تقرب تخلص حطيت معلقة صغيرة صلصة وقلبتها فيها
واضربي طماطم في الخلاط وعليها بردو التتبيلة العادية، واعملي بشاميل بس مش كتير، يعني انا عملت معلقتين دقيق ومعلقتين زبدة واول مرة اجربه بالذبدة وعليهم كوباتين لبن وكده كان كتير كمان ممكن نص الكمية او حسب هتعملي اد ايه الطاجن، انا عملته في البايركس الصغير المستطيل، وبعدين بقي حطي طبقة بشاميل تحت وفوقها طبقة بتنجان وعليهم شوية طماطم من اللي عملتيها وساويها علي البتنجان كله كده بس مش كتير اوي يعني، وفوقهم اللحمة وممكن تحطي معاهم صنوبر بيبقي حلو اوووووووي لو مش بتحبي خلاص، وبعدين بتنجان تاني وبعدين باقي الطماطم وفوقهم البشاميل بقي وبس ودخليها الفرن لغاية ما يجمد حبة صغيرة كده وبعدين افتحي الشواية عشان تحمر من فوق



دى طريقه ايمى كتكوته جربتها حلوة اوى :thumbs_up:


مانتسى تقصدى كيكه قدره قادر ؟؟؟ ولا تورته ؟؟؟عموما معرفش بس فيه بنات هنا عملو قدره قادر يمكن يدلوكى

نسيت اسال سؤالى ههههه بصو طبعا جوزى هيبقى محتاج حاجات ساقعه فانا هعمل جيلى حلو ليه يزلطه على طول انا عندى جيلى اناناس وفراوله وبرتقال وليمون يلا قلولى على حاجه حلوة اعملها بيهم طبقات مثلا ولا ايه ؟؟؟ وماعنديش فاكها الا تفاح وموز وبرقوق وعندى واحده مانجه برده يلا ساعدونى بسرعه



اه اللى عاوز الطريقه بالظبط للكيكه هحطهالكم تانى اهو واللى هيعملها يبقى يقولى عشان اكتبله تكات

نص كآس زيت
نص كآس مية
نص كآس سكر
2 بيض
فانيليآ
شويييييييية حبهان مطحون يعني ربع معلقه صغيره
نخلطهم بالخلاط
وبعدين نكون مجهزين في صحن غويط بيكنج بآودر و2 كآس بسكوت شآي اولكر مجروش ونحط فوقهم الي خلطناه في الخلاط ونقلبهم ونحطهم عالصينيه الي حتدخل الفرن

ندخلهآ الفرن زي أي كيكة
لمآ تستوي
و بعدين نحمرها من فوق شوية بس
الطبقة الثآنية
نص علبة حليب نستله
8 كيري نخلطهم نحطهم فوق الكيكه
وندخلها الفرن على الحرارة بس من غير تشغيل

لما تجمد الطبقة
وخلال الوقت دا نعمل الطبقة الثآلثة
نص كآس سكر
1 ميه
3 معالق نشآ
م ص قرفة
تفاح مقطع
نحركهم عالنار لما يجمد السائل ونحطهم عالكيكه

روروو هو جوزك هيعمل عمليه اللوز؟ظ؟
انا كنت فاكراها عمليه فى بقه يعنى فتح جوه الفم و خياطة و كده اصلى كنت بعمل العمليات دى و كانت صعبة مش فى تاثيرها لا فى الاكل الكام يوم بعد العمليه بس بياخد مسكنات
بس لو لوز بسيطة لا تقلقى باذن الله
شيررررى
المحشى لو شفتى صورته مش هتاكلى محشى تانى
هههههههههههههه
بس العيب مش فيا و الله
هنا البتنجان غير عندنا
بتنجانة طووووووويلة و هبلة كده و انا بقطعها على 4 مثلا و اورها و احشيها و بتكون اتخن طبعاا من اللى فى مصر
و معلش ربنا يقدرك على خدمه زياد و يهديهولك
نوووور المسقعة بالفشاميل
البتنجان تقليه او تحطيه فى الفرن و تعصجى اللحمة بصلصة و بصل و بهارات
و تعملى صلصة بصل و صلصة و تتسبك و بهارات و تدليقها عليهم بعد ماترصى البتنجان و فوقه اللحمة بس متبقاش كتيرة
و تعملى فوقهم البيشاميل و بس
روروووو
مفيش قدامك غيرانك تعملى الجيلى طبقات و عليه الفاكهه ممكن موز و برقوق و المانجه بلاش حاجة ناشفةبلاش تفاح اللا لو سلقتيه و عملتيه كنبوت بالقرفة وممكن تحطى الكنبوت المشمش و الخوخ طرى الجاهز ده و بيرطب و كريم شانتيه و ايس كريم مثلا
ممكن مهلبيه ساقعة
ربنا معاكى و يتم شفاه على خير

هى من غير دقيق ياروروو
حاسة طعمها هتبقى زى التشيز كيك صح؟؟؟

Bossy22;15827394:
روروو هو جوزك هيعمل عمليه اللوز؟ظ؟
انا كنت فاكراها عمليه فى بقه يعنى فتح جوه الفم و خياطة و كده اصلى كنت بعمل العمليات دى و كانت صعبة مش فى تاثيرها لا فى الاكل الكام يوم بعد العمليه بس بياخد مسكنات
بس لو لوز بسيطة لا تقلقى باذن الله
شيررررى
المحشى لو شفتى صورته مش هتاكلى محشى تانى
هههههههههههههه
بس العيب مش فيا و الله
هنا البتنجان غير عندنا
بتنجانة طووووووويلة و هبلة كده و انا بقطعها على 4 مثلا و اورها و احشيها و بتكون اتخن طبعاا من اللى فى مصر
و معلش ربنا يقدرك على خدمه زياد و يهديهولك
نوووور المسقعة بالفشاميل
البتنجان تقليه او تحطيه فى الفرن و تعصجى اللحمة بصلصة و بصل و بهارات
و تعملى صلصة بصل و صلصة و تتسبك و بهارات و تدليقها عليهم بعد ماترصى البتنجان و فوقه اللحمة بس متبقاش كتيرة
و تعملى فوقهم البيشاميل و بس
روروووو
مفيش قدامك غيرانك تعملى الجيلى طبقات و عليه الفاكهه ممكن موز و برقوق و المانجه بلاش حاجة ناشفةبلاش تفاح اللا لو سلقتيه و عملتيه كنبوت بالقرفة وممكن تحطى الكنبوت المشمش و الخوخ طرى الجاهز ده و بيرطب و كريم شانتيه و ايس كريم مثلا
ممكن مهلبيه ساقعة
ربنا معاكى و يتم شفاه على خير

:'(:'(اه ف المناخير وجوه الحلق يعنى عمليتين مع بعض بببينج كلى :'(
مش عاوزة افتكر حاجه الا وانا رحاله قايم بالسلامه
المهم باذن الله هعمل مهلبيه وانا معرفش جيلى بالطبقات عمرى ماجربته مستنيه نور تقريبا كانت بتعمله تقولى عليه وربنا يستجيب دعواتكم ويحسن اليه

Bossy22;15827398:
هى من غير دقيق ياروروو
حاسة طعمها هتبقى زى التشيز كيك صح؟؟؟

لالالالا
كيكة طعمها بجد روووعه مش تشيز كيك انا مادوقتهوش بس انا مش بحب التشيز كيك
دى كيكه فعلا طعمه موت بجد جوزى بيعشقها وعلى طول يطلبها وكتير داقوها عجبتهم اوى
بجد ربنا يجازيها خير هيافين ؟؟البنوته دى اسمها بسكوته


عاوزة اعرف طريقه كفتة الفراخ ؟؟

ربنا يشفيه ويعافيه يااارب يا رورو
بالنسبه للجيلى ممكن طبقات او تخلى كل نوووع فى يوم لوحده عشان مش يزهق من التكرار

وممكن تعملى قمر الدين هيبقا جمييييييييييييييييل

وممكن تعملى مهلبيه وقمر الدين طبقااات بيبقا حلو اوووى وقوليلى التكات بتاعت الكيكه يا رورو لو سمحتى

نوووور اعملى المسقعه من غير بشاميل انا بحبها من غير بشاميل ومن غير لحمه ههههههههههههههه

بوسى ليان دلوقتى يا ستى 5 شهووور

شيرى استهدى بالله يا قمر وروقى خااالص كل ده تعب حمل معلش ربنا معاكى ويعينك ياااااارب

مش عارفه والله كفته الفراخ يا رورو

وجيلى الطبقات او اى حاجه طبقات اعملى الجيلى عادى وطبيه فى الاطباق ودخليه التلاجه يجمد وبعدين اعملى النوع التانى وسيبيه يبرد شويه وطلعى اللى فى التلاجه وصبى عليه النوع التانى ودخلى التلاجه تانى ونفس النظام برضوا بالنسبه لقمر الدين والمهلبيه

تسلمو يا بنات ربنا يخليكم انا كنت عايزة المسقعة بالصلصة مش البشاميل عملتها قبل كده بشاميل بس عايز بالصلصة
وماشاء الله طلعت جمييييييييييييلة وباللحمة المفرومة


رورو ربنا يقوملك جوزك بالسلامة يا حبيبتي ويلأم جرحه ويجعله في ميزان حسناته يا حبيبتي
بصي المهلبية الطبقات دي هتعملي ايه يا ستي
اعملي المهلبية شيكولاتة وهتعملي نص كباية لبن يعني كمية مش كبيرة بس انا مش عارفة مضرة ليه ولا عادي هتدوبي الكاكاو في المية واشتغلي عادي وحطي الطبقة دي في طبق ودخليها التلاجة تمسك نفسها

اعملي نص كباية لبن مهلبية عادي بيضة ماشي واغرفيها فوق الطبقة البيضة ودخليها التلاجة تاني تمسك نفسها

ممكن تعملي بقى كمان جيلي بعد ما تحطي المهلبية في التلاجة على طول اعملي الجيلي عشان عبال ما المهلبية تسقع في التلاجة يكون الجيلي برد في حرارة المطبخ العادية
هتعملي الجيلي عادي مية مغلية تفضي فيها الباكو وتدوبي حلو وتصبي عليه مية ساقعة عادية ودوبي كويس وسيبيه عادي في المطبخ
لما المهلبية تسقع طلعيها وصبي الجيلي عليه بس بالراااااحة المعلقة كمان عشان الجيلي بيخرم المهلبية والشكل مش بيكون مترتب

ممكن تقطعي في المهلبية في كل طبقة نوع فاكهة مختلف عشان تبقى غنية ومغذية برضه

ام عمر افندى;15827472:
ربنا يشفيه ويعافيه يااارب يا رورو
بالنسبه للجيلى ممكن طبقات او تخلى كل نوووع فى يوم لوحده عشان مش يزهق من التكرار

وممكن تعملى قمر الدين هيبقا جمييييييييييييييييل

وممكن تعملى مهلبيه وقمر الدين طبقااات بيبقا حلو اوووى وقوليلى التكات بتاعت الكيكه يا رورو لو سمحتى

نوووور اعملى المسقعه من غير بشاميل انا بحبها من غير بشاميل ومن غير لحمه ههههههههههههههه

بوسى ليان دلوقتى يا ستى 5 شهووور

شيرى استهدى بالله يا قمر وروقى خااالص كل ده تعب حمل معلش ربنا معاكى ويعينك ياااااارب

تسلمى ياام عمر انا هعمل جيلى بس لانه مش بيحب المهلبيه
بصى تكات الكيكه ايه بقى
اولا بتمشى بالمقادير كاس يعنى كوبايه ماشى ومش محدده بيكنج بودر اد ايه انا بعملها معلقه بيكنج بودر معلقه كبيره اللى بناكل بيها
وبتعملى زيها وتعلى الفرن الاول وبعد كده تحطيها على نار متوسطه بصراحه بتقعد معايا ربع ساعه او اكتر عشر دقايق وبحط السكينه فيها الاقيها استوت المهم ايه بقى ان لازم ماتتلسعش من تحت يعنى تفرشى الصنيه دقيق بزيت زى الكيك وتابعيها وهيا ف الفرن عشان ماتتلسعش من تحت انا بحطها ف بايريكس صنيه عشان اشوف من تحت واما اطلعها بسيبها تهدى شويه واقلبها بتبقى فله وبعد كده الطبقه التانيه هيا بتقول حليب مكثف وجبنه 8 باين انا ساعات بعمل الحليب المكثف ف البيت وساعات بجيبه جاهز لو فيه عرض المهم احطه واحط اربع جبنه كيرى مابتفرقش العدد معايا الجبنه وبسيبها ف الفرن من غير حراره تمسك نفسها وبعد كده بطلعها واسيبها برده تبرد شويه واعمل الصوص تفاح زيها ومره عملته بموز
لو تفاح بعمله بطريقتها بس بقلل النشا شويه عن اللى كتباه واما يبرد احطها
لو موز بتقللى السكر شويه والنشا كمان لان التفاح مع السكر مزز وبيبقى حلو انما الموز قللى مقدار السكر لانه بيبقى مسكر اوى فهمانى ؟؟
بس كده واما يتقل معاكى الصوص ويبرد صبيه انا بحب اكلها دافيه وساعات بسيبها تبرد شويه واقطع بجد طعمها حلو اوى ومميزة وخفيفه وشيييك جدا

بيرق أمل;15827525:
تسلمو يا بنات ربنا يخليكم انا كنت عايزة المسقعة بالصلصة مش البشاميل عملتها قبل كده بشاميل بس عايز بالصلصة
وماشاء الله طلعت جمييييييييييييلة وباللحمة المفرومة


رورو ربنا يقوملك جوزك بالسلامة يا حبيبتي ويلأم جرحه ويجعله في ميزان حسناته يا حبيبتي
بصي المهلبية الطبقات دي هتعملي ايه يا ستي
اعملي المهلبية شيكولاتة وهتعملي نص كباية لبن يعني كمية مش كبيرة بس انا مش عارفة مضرة ليه ولا عادي هتدوبي الكاكاو في المية واشتغلي عادي وحطي الطبقة دي في طبق ودخليها التلاجة تمسك نفسها

اعملي نص كباية لبن مهلبية عادي بيضة ماشي واغرفيها فوق الطبقة البيضة ودخليها التلاجة تاني تمسك نفسها

ممكن تعملي بقى كمان جيلي بعد ما تحطي المهلبية في التلاجة على طول اعملي الجيلي عشان عبال ما المهلبية تسقع في التلاجة يكون الجيلي برد في حرارة المطبخ العادية
هتعملي الجيلي عادي مية مغلية تفضي فيها الباكو وتدوبي حلو وتصبي عليه مية ساقعة عادية ودوبي كويس وسيبيه عادي في المطبخ
لما المهلبية تسقع طلعيها وصبي الجيلي عليه بس بالراااااحة المعلقة كمان عشان الجيلي بيخرم المهلبية والشكل مش بيكون مترتب

ممكن تقطعي في المهلبية في كل طبقة نوع فاكهة مختلف عشان تبقى غنية ومغذية برضه

تسلمى ر مى يانور بس انا كنت عاوزة طبقات الجيلى بس بالفاكهه تقريبا انتى ولا حد تانى قال طريقته عموما هعمل كده زى بوس ام عمر

&pinky tears&;15827751:


تسلمى ر مى يانور بس انا كنت عاوزة طبقات الجيلى بس بالفاكهه تقريبا انتى ولا حد تانى قال طريقته عموما هعمل كده زى بوس ام عمر

اه بصي طبقات الجيلي بتعملي مثلا الاناناس وتصبيه في الكاسات وتخليه في التلاجة لحد ما يمسك تماماااااا وتعملي الصنف التاني وتصبيه فوق الاولاني وهكذا
يعني على مدار اليوم بتعملي الكاسات دي ولو عايزة تقطعي فيها فاكهة مثلا هتقطعي تحت موز وتصبي عليه الجيلي الفراولة ودخليه يجمد
بعدين يجي مثلا دور جيلي الاناناس حطي رمان فرط وصبي عليه الجيلي الاناناس وسيبيه يجمد
لو اورانج هتقطعي التفاح قطع وصبي عليه جيلي الاورانج وسيبيه يجمد وهكذا

لو عايزة الكاسات المايلة دي طريقة سوسي هتلاقيها في الموضوع ده

http://forums.3roos.com/showthread.php?t=544513

سلام عليكم
دى اكله كنت عملاها حبيت انزلها
ده رز مدخن بالزبيب طعمه رووووعه


شيش طاووق مشوى وكفته ضانى مشويه


حواوشى مصرى



يارب يعجبكوا

سالى بجدماشاء الله اكلك حلو اوى اوى تسلم ايديكى بالف هنا عليكم

نور متحرمش منك روحى ربنا يديكى اللى تتمنيه ويريح بالك ويجازيككى خيييير

تسلمي يا رورو اللهم آمين ربنا يستجيب دعائك لي ولكي ان شاء الله

ماشاء الله جميييييل يا سالي
عملتي الرز ازاي ممكن اعرف الطريقة؟؟؟