« تجهيزات عرائس ' ليبيا ' لشهر محرم سنة1433هالجزء : 25»

رد مخالف لميمى
باهى وين نلقاهم الحاجات هادى وخاصة للمنطقة الحميمه النكهات والبدى لوش قوليلى محلات معينة والمنكه الى واخدتيه من وين وبكم؟

راجيه رضا الله;15848452:
بالله الي تستعمل في حبوب بيرفكتل مشو معاكم ؟؟ نبي مكانات حلوه في طرابلس للملابس والارواب انا محتاره ومش عارفه في شن نبدا نشري ومانعرف شي اموري كلها ملخبطه باللهي كيف نضامكم وفي شني بديتو ومن وين راني بنتعبكم معاي سامحوني

رد مخالف ل راجيةرضا الله
قبل كل شيء لازم تكتبي سؤال مخالف قبل السؤال وجواب او رد كان تبي تجاوبي لان الادارة تحجب اعليك التجهيزات معدش تقدري لاتشوفي ولا حاجه وتزعلي المشرفه متاعنا
تاني حاجه الحبوب هادو حااااارات هلبة يوجعو في البطن ويخلو فيا اندوخ بس مفعولهم ممتاز ولازم تكون بطنك مليانه وقت تاخدي منهم وبالنسبة للشراء والتجهيزات متاعك اقري الصفحات اللي فاتو كلهم والله تستفيدي لان البنات كلهم يكتبو في هلبة جدد سألين علي حاجة زيك كانو حايرين وحاجة وحدة بنقولك اعليها وبننصحك اديريها انك تاخدي دكرة صغيرونة وبيرو معاك قبل ماتبدي تقري باش تكتبي كل حاجه تفيدك وتبي تشريها والنعتات كلهم وباش ماتنسيش شيء وتنضمي نفسك بالمدكرة يعنى نصيحة انا مجربتها ولازلت اندير فيها برغم ابتاتي شبه كامل نستنا في الدخول بس :lol::lol::-#:o

نورت ايامى;15848547:
رد مخالف لميمى
باهى وين نلقاهم الحاجات هادى وخاصة للمنطقة الحميمه النكهات والبدى لوش قوليلى محلات معينة والمنكه الى واخدتيه من وين وبكم؟

رد مخالف لنورتت ايامي .... خشي علي مواضيعي تلقي النعته وتلقي الحاجات اللي انا واخدتهم بالتفاصيل

رد مخالف لراجية ... راجية ماتخديش كل حاجة من سوق المشير بدات روب دخولك خودي حاجة باهية تقعدلك وبخصوص انه طويل اوقصير ففنصحك خوديه طويل وفيه فتحه متلا او فيه لقطة شفافة باش متخشيش طول هكي علي الراجل تخلعيه ... وحدة وحدة يا ماما التأنى يشكرو فيه ما تستعجليش جايك العمر كله انشاء الله ....عندك محلات ملابس داخلية في كل مكان في وعندك محلات الجملة اللي في بورقيبه وفي عندك اللي في الصالات هادو اطلعي منهم هلبه حاجات وعندك 109 وصهيب و مرحبا اتحصلي منهم حتى هما هلبة حاجات صالات غوط الشعال بس هدو الحاجات اللي تلقيهم فيهم متاع كل يوم للنوم وفي حتى للاوقات الخاصة بس لازم تاخدى كم قطعه نازكة معاك للفاجات الحلوة شوفي المحالات اللي تبيع في الحوايج الداخلية عندك هلبة مشاء الله واسواق الكبيرة تلقي فيها حتى هيا وتلقي حتى في المناطق اللي سميتهالك بس انتى ودوقك وربي ايهنيك ومتكريش من الحوايج راه بتحصلي في تطبيقهم ابروحك ةمتكتريش من العري راه اللحم ايموت ماتخديش اللانجيري متاعك كله عرياااان غلط خلي للتشويق مكان وللإثارة مكان راااه فكري بكل حاجه تاخديها ومتنسيش تاخي حاجات مستورة مرات ايجيك حد في النهار باش بتقعدي مش ديما بتقعدي امبدلة ولا لبسة ارواب خااااصة ونعاود انقولك اقري الصفحات اللي فاتت تلقي حاجات مقايلنها البنات

رد مخالف لميمي جوجو بارك الله فيك توا مدايره مذكره ونكتب شكرا وخيتي مواضيعك يهبلو الحق وعجبني المنتدي وحا يساعدني بذات انتم الحق ماشاء الله عليكم ايه انا قلت روب الدخول بناخده طويل نبيش نخلعه ههههههههههههههههه من اول يوم
و 109 صح فيه حاجات يهبلو وفيه واحد في بن عاشور انسيت اسمه قلت نمشي نلقط منه باااااااااااااااااااااااارك الله فيكم

راجيه رضا الله;15848845:
رد مخالف لميمي جوجو بارك الله فيك توا مدايره مذكره ونكتب شكرا وخيتي مواضيعك يهبلو الحق وعجبني المنتدي وحا يساعدني بذات انتم الحق ماشاء الله عليكم ايه انا قلت روب الدخول بناخده طويل نبيش نخلعه ههههههههههههههههه من اول يوم
و 109 صح فيه حاجات يهبلو وفيه واحد في بن عاشور انسيت اسمه قلت نمشي نلقط منه باااااااااااااااااااااااارك الله فيكم

رد مخالف لراجية .... ماتخديش كله قفاطي خودي متلا 2 طاوال بروب او لا حسب ماتلقي بس نفضل الروب متوفر للحشمة والحياء مطلوب ... وخودي 2 بيجامات اللي بسروال وفي منهم بشرط وفي نص كم وفي بكم ...انا نقصدلك نوعي وشكلي بس ماتكتريش هلبه خودي قفطينات القطنية القصيرة للنوم وفي كنتيرة وشرط بس الشرط زي الكلوت او الموتاندي حتى هما خودي منهم تلقيهم ترقدي فيهم مريحات لان مش كل اللانجير متاع نوع في حاجات ماتصلحش للنوم خودي طواقم سنتيانات لكل يوم وخودي من الماركات لو تقدري وقت التخفيضات لانهم نازكات بصراحه عندك لاسنزا وماركس سبنسر ونيكست وبي اتش اس طبعا خاماتهم حلوات وانا ننصحك بيهم وهادو ديريهم للغالي مش لكل يوم خودي زوز سنتيانات للملابس السهرة ويكونو شفافات من الظهر و السيور وانتى كان تحصلي من يوسع باله معاك ويطلعك وتلقطي افليساتك باش ما تقعديش في حيرة راه اهلك مش ديما ح يعطوك فلوس لازم تحوشي علي غير طريق مبلغ وماتكتريش خلي عقلك يحكم فيك واسمعي بنصيحة اخواتك او امك او اي حد معاك راه الباتت مسؤلية بعد ماريت وانقولك حتى الفراشين متاع المدينه تحصلي عندهم والله بدات السودانيات ان واخدة منهم نلبس فيهم توا والله مشاء الله غير انا انحافظ ومنغسلش فيهم في الغسالة ديما بشانبو ومنعصرهمش لان كلهم او تلت ارباعهم اسفنج طبعا ضرررروري الاسفنج او البرا البوش اب تاخديه لو مافيكش صدر او فيك بصراحه اكتر شيء مهم انحسه وكل شخص ودوقه

راجيه رضا الله;15848420:
سؤال مخالف:خواتي بالله ملح اليوكو وين نلقاه ونبي منكهات الجسم وين نلقاهم واسعارهم وعطور الشعر

جواب مخالف تلقيه فى حل الفواح فى شارع عمر المختار مقابل زنقة الرشيد او فى محل عالم الجمال فى شارع ميزران اول ماتخشى من جهة الساحة بعد بركيدجو التراب تانى محل . وفى منه بالحليب وشاى الاخضر والبابايا والفوكه

سوال مخالف لميمى جوجو وينه المعطر الى قلتى عليه ملقيتاش فى اما صفحة والمبيض انت جربتيه وبالله قوليلى على اى حاجة للمنطقة الحساسة

رد مخالف لميمي جوجو ايه قلت الملابس الداخليه بنمشي لي لاسنزا ناخد منهم والحق بي اتش اس فيه حاجات يهبلو انا مشكلتي انه انا اول بنت في العيله والكبيره فامافيش حد بنصحني عندي بابا يمشي المانيا شن تنصحوني انوصيه

حبيبة عصوم;15850397:
سوال مخالف لميمى جوجو وينه المعطر الى قلتى عليه ملقيتاش فى اما صفحة والمبيض انت جربتيه وبالله قوليلى على اى حاجة للمنطقة الحساسة

رد مخالف ... لحبيبة عصوم المعطر هدا جل شاور راه مش برفيوم يعنى هوا غسول بنكة التوت او الفراوله وسعره 35 دينار بس مانقدرش نقولك باهي اولا بس اه علي البركة اخديته ;)

راجيه رضا الله;15850446:
رد مخالف لميمي جوجو ايه قلت الملابس الداخليه بنمشي لي لاسنزا ناخد منهم والحق بي اتش اس فيه حاجات يهبلو انا مشكلتي انه انا اول بنت في العيله والكبيره فامافيش حد بنصحني عندي بابا يمشي المانيا شن تنصحوني انوصيه

رد مخالف لراجية رضا الله
ننصحك كان بوك عنده في اخيار الملابس حلو دوقه يعنى .... كبوط للمناسبات وكم برفان حلو اعطيه اسامي وكريمات للبشرة لوبشرتك محتاجه وكريم اساس وبودرة مناسبين لبشرتك كان بوك عادي ياخدلك يعنى

جواب مخالف ... لحبيبة عصوم...وقتلك انا واخدته من قرقارش محل بجانب محل مرحباً وقبل ارض الخيرات وسعره 35 دينار بس واللهي ماحد علق عليه اغلبهم يحتاطو منها الحاجات اللي مش طبية واسمه ...لوف زون ...يعنى المنطقه الحميمة وطبعا هدا الاحلي في الريحه وبالنسبة للمنكهات التانية متاع الجسم كلهم عنده المحل هدا راه بزناس يعنى ماكسيه في السعر لان غالي بلا فايده وديما تاكدي من الحاجه منه لان يحصل فرصة يغشك عادي ولسانه لاخباط علي اساس بس معاي ما يلعبش ...والدكان يجي بين مرحبا ومحل للالعاب الرياضية

بعض الانواع لأرواب النوم اللي ممكن تاخديها انا منقدرش نجيبلك صورة لكل حاجه بس هادي موديلات وخودي الفكرة اللي تناسبك بس انا نقترح ....
اول حاجة من الاساسيات والمهم .... روب الدخول
وماتنسيش شب شب الريش
وكان تبي البرا (( سنتيان )) ومتناضي

عيوون حبيبي;15844601:
شكرا حبيبة عصوم ..وتحكمني قناعتي ...
ان شاء الله نحاول الطرق الي قلتو عليها وان شاء الله خير
سؤال مخالفة ....
عندي عرس صاحبتي قريب ان شاء الله وخاطري لما نمشي للمزين نبي ندير وردة في شعري....زعمة نديرها وردة طبيعية ؟...المزينة تقدر تركبها ؟؟؟ والا ناخدها صناعية واتية بالتوكة متاعها ؟؟؟...وكان واتية وين يبيعو فيها؟؟..وبقداش ؟؟؟؟ ...انا الحق مش جوي الحاجات هده لكن اهو نبي ندير تغيير

نورت ايامى;15846140:
سوال مخالف يابنات بالله الي شابحه عرايس فاطمه شعيب تحكيلي علي مكياجها وتسريحاتها

ميمى جوجو;15839106:
سؤال مخالف.... انتى اما مزينه ماشية ولو كملتى الجيست بوك نزليه في موضوع انشوفوه .... وربي ايهنيك واللهي العظيم انا نفكر في ماما ديما وزدتى انتى كششتيلي لحمي والله ربي ايكون في عونك انتى وامك يا رب

حبيبة تيمو;15851261:

سؤال مخالف

لو سمحتو حبيباتي انا ماشية لتركيا للأسطنول المدة الجاية ونبي لو حد فيكم يعرف مكانات كويسة نشري منها لانجري وقفاطين نوم ، ياريت اللي تعرف محلات و اسواق تقولي عليها تكون حاجات حلوة وسعرها مقبول

رد مخالف :
متي بتروحين لأسطنبول ؟؟؟ لأن هالشي يحكم في الاسعار
لو بتروحين نهاية يناير 1 وبداية فبراير 2
هالوقت ممتاز ... لأن بداية التخفيضات

بالنسبة للأسواق والمولات ... ما فيه من اكثر منها

اكبر مول اهو مول جواهر
واااااااااااااايد كبير وفيه كل الماركات :

انصحك بماركة حلوووووة اسمها
LC Waikiki
ماركة تركية تعتبر الاولي عندهم من حيث نوع القماش والسعر الحلو والموديلات الحلوة ..." الكاجوال فيها خيال الصراحة "

ماركة RODIMOOD < DEFACTO< KIMLIK

حلوييين حق الكاجوال


واكيد كتون اهو بعد حلوووو

وانصحك بالتخفيضات ب,, بيناتون روووووعة الصراحة

وطبعا فيه واااااااااااااااااااااايد ماركات ... لا يطوفك السيت الكامل حق العروس بتليقينه في كل المحلات الملابس الداخلية حلووو

كمان الاندر وير العمليات حق كل يوم روووووووووووعة
بالنسبة لفساتين السهرة والتايورات ...

شارع الاستقلال ... وشارع عصمان بي

كبار وفيهم واااااااااااايد محلات ,,,

وما تنسين البزار الكبير اللي في وسط اسطنبول لمن بتزرون مسجد سلطان احمد

وسوق مصر ... انصحك فيه وبقوة ,,, فيه شغلات وااااايد حلوة اهو يشبه سوق الربع اللي عندنا
ويبيعون مفارش الحنة ... حلووووين لا يطوفونك


وتري كل هالمحلات اسعارهم حلوة ومعقوووولة لانك بتلقين الغالي والرخيص

:!!: لا تنسين محلات بودي شوب ونكتار اللي هنااك اسعارهم حلوووووة:thumbs_up:

الله يوفقك بسفرتك يا رب

:rolleyes:

ميمى جوجو;15850577:
جواب مخالف ... لحبيبة عصوم...وقتلك انا واخدته من قرقارش محل بجانب محل مرحباً وقبل ارض الخيرات وسعره 35 دينار بس واللهي ماحد علق عليه اغلبهم يحتاطو منها الحاجات اللي مش طبية واسمه ...لوف زون ...يعنى المنطقه الحميمة وطبعا هدا الاحلي في الريحه وبالنسبة للمنكهات التانية متاع الجسم كلهم عنده المحل هدا راه بزناس يعنى ماكسيه في السعر لان غالي بلا فايده وديما تاكدي من الحاجه منه لان يحصل فرصة يغشك عادي ولسانه لاخباط علي اساس بس معاي ما يلعبش ...والدكان يجي بين مرحبا ومحل للالعاب الرياضية

رد مخالف:

ميمي فديتك ... اظن هذا نفس المكان اللي مرة هايلة " علي ما اذكر " حذرتنا منه وتقول نصاب وكذب عليها ... اهو يحلف ويقول اصلي ولمن وصلت البيت لقته مو اصلي

حتي صوته ما انخلق مثله ابد;15851342:
:rolleyes:

رد مخالف:

ميمي فديتك ... اظن هذا نفس المكان اللي مرة هايلة " علي ما اذكر " حذرتنا منه وتقول نصاب وكذب عليها ... اهو يحلف ويقول اصلي ولمن وصلت البيت لقته مو اصلي

جواب مخالف لحتى صوته ما انخلق متله .... اي ميراس هوا نفسه بس علي ضمانتى الشخصية انقولك مش كل شيء مقلد عنده والله الدكان فيه هلبه حاجه باهية ولكن يبي وحدة فايقتله يعنى انا مانسكتلاش كان حسيت حاجه غلط انولي ونرد الحاجه الحقبس هدا المنتج اصلي وهوا ابروحه وقت تخزرطيه ايخاف بس مش كل شيء عنده مقلد واللهي العظيم لا بس غير هايلة سكتتله بس انا انحلف فيه قبل ماناخد اي شيء والحاجات اللي نعرف عندها وكيل مستحيل ناخدها منه