« تجهيزات عرائس ' ليبيا ' لشهر محرم سنة1433هالجزء : 25»

رد مخالف: لعروسة بنسبة للهدية زي ماقالت ميراس توه مستحيل تلقي سعر خاتم بسعر هذا

فنحسه 500 احسن من ناحية بس لو ذهب مش غالي كان بسعر هذا يجي خاتم حلو فكنت حنقول خاتم

بنسبة لمدام اعتدال انا شفتها قريبتي خيال سواء الميك اب سواء التسريحة وتسريحاتها كانت بف متاع ايام ستينات

بنسبة لمعاملتها وهكي حنسالها لكي ونرد عليك باذن الله

بنسبة للفلفل حبوبة يقولوله فلفل ابيض وهو مش ابيض بمعني لالا حتي هو اسود بس فااااااااااااااااااتح وباذن الله تلقيه في لوجلي في الببسي

سؤال مخالف ( لكل البنات بليز )

بنات وين عنوانها فيكي لوسمحتوا. وبعدين ميشها لقطه ولا لا بالله اللي مجربه تحكيلي .
خواتي الاثنين يبوا يميشو للفيلو ومفيش وقت للتجربه يعني الغلطه بورطه , وهما طالعين لعيله برانيه:study:
ويطلع الميش مش حلو لا سمح الله كارته بعدين:confused::'( .

عروسة ليبيا;15838718:

سؤال لعرايس ومدامات بنغازي

شنو رايكن ف سحر الشرق كوافير مدام اعتدال


طبعا هوا مشهور من قبل ومن فتره طويله هيا معروفة


بس هالفتره ف بنغازي طاغي ع شاشه بكثرة

خصوصا ف غياب عايدة وشاديه وكوثر وسعديه المشهورين
و قالو اعتدال سحر شرق خشو ع تسريحات الشعر الطويل الويفي التمويجات ع طول شعر

نبي الي مجرب اعتدال يقيم شغلها من رسم العين والفيس كله والتعامل والاسلوب

اناشايفتلها عرايس من 4 سنوات يعني حاجه مش نيو

عروووووووووووووووسة :
بالنسبه للهدية نصيحه وخيتي ظرف فيه 500 دينار ومش ظرف مادبيك كيسة صغيره قماش تكون نازكه أو في علبه أربيسك خشبيه صغيره حطي فيهم الفلوس أحسن بمليون مره لأنه الخاتم أولا السوق نااااااااااار ثانيا توه ازمة فلوس وحتى مصارف مايصرفوش هلبه والعرس يبي وأكيد بتوسعي عليها حتى لو كانت حالتها باهيه بالعكس تشري حاجه ناقصتها أو دير حاجه خاطرها فيها هذا رأي .
بالنسبه لي سحر الشرق نعطيك رأي وبكل صراحه مشيت شفتلها عرايس الحق ماعجبونيش فيهم لمه شعبوطيه وأنصدمت كيف يشكرو فيها الحق ومشيتلها أكثر من مره عشان مانظلمهاش
وعندي صاحبتي طلعت عندها في بيانها الحق طلعت باهيه بس نوعية المكياج قديمه الحطه بس نحسها يعني لو بجو ملاحظاتوتقوليلها الي خاطرك فيه وهكي يصير منها لأنه هي تعرف لكن علي ذوق العروس أو الزبونه يعني ميزتها تاخد وتعطي ويصير منها
وغير هكي عندي صاحبتي تمشيلها ديمه في المناسبات حتى هي تطلع فيها كويسه
عروسةه أني نعطيك في رأي علي حسب ذوقك لأني عارفه شنو تحبي
على العموم مدام ماجده أحسن منها بس من غير لمعه طبعا عارفتيني ههههههههه
بس حبيبتي أعتدال ناقصتها حاجه وحده بس عروس تكون فاهمه وفالحه تاكلها بالدوه وتقوللها شنو تبي لأنها تعرف تمكيج لكن الذوق هو الي قديم ومش حلو

:|مزين فيكى صاحبتى امشيتلها دارت عنده الميش كان عرسها يوم 19-11عادى مش وااا زى ميقولو وحتى اختها ومرت خوها ميشو وقصو عندها معجبنيش بكل

هنو السمحه;15839784:
سؤال مخالف ( لكل البنات بليز )

بنات وين عنوانها فيكي لوسمحتوا. وبعدين ميشها لقطه ولا لا بالله اللي مجربه تحكيلي .
خواتي الاثنين يبوا يميشو للفيلو ومفيش وقت للتجربه يعني الغلطه بورطه , وهما طالعين لعيله برانيه:study:
ويطلع الميش مش حلو لا سمح الله كارته بعدين:confused::'( .

بالنسبة لسحر الشرق
طلعت عندها صاحبتي في 2007 تقريبا
بصراحة تسريحاتها حلوات
يعني عجبتني طريقة التسريحة ابتاع صاحبتي
مكياجها نظيف و مرتب بس ما يرقش لمستوي شادية
ممكن لانها هي اطلبت هكي
مش عارفه
بس انا منقدرش نشكرها او اندمها
لاني شفت صاحبتي بس ليلة الحنة و عجبتني التسريحة
المكياج مش واجد و الله اعلم

رد مخالف هدية الفلوس ولكل شئ نقصان اكيد بينقصها شئ

مساء الخيرات على كل العريسات بالله عندى سؤال وياريت تساعدونى عندى فرح صديقاتى وهما اخوات وفرحهم مع بعض بداية شهر واحد ومش عارفة شن نهديلهم ممكن تساعدونى بافكار وانشاء الله يارب فى ميزان حسناتكم وربى يسخرلكم الحالF:F:

رد مخالف
خوديلهم علبة ضلال اتكون حلوة وكويسة وغلفيها تغليفة حلوة واهديهالها هدا رى والعقبة ليك

جواب مخالفة لي اروى:

ماداما صاحباتك شوفي شن ناقصهم مازال ماخدوشي او خاطرهم في حاجة ،،، هكي تكون هديتك
مفيدة ليهم

جواب مخالف ل اروي 77 ..... انتى وميزانيتك وهما اتنين بنات يعنى ننصحك تاخديلهم حاجه زي بعضهم وتكون حاجه مجربه ولو تحطي مبلغ معقول تاخديلهم سلة فيها 2 فوط للحمام ومعاها سيت للجسم شوفي ماركس سبنسر داير تخفيضات وحاجاته حلوة متاع الجسم






.... او برفيوم عدد 2






.... مانعرفش انتى شنى دوقك وحاولت انساعدك

سوال للمخالفة
بنات لو سمحتم الى تعرف اى علاج او خلطة لتاخر نمو الشعر يعنى تقلل من نموه طبعا الشعر اللى بالجسم

ومشكورين

سوال للمخالفة
ميمى بنسالك كيف نظمتى روحك فى بتاتك يعنى بشنى بديتى
وبنسال الى يسمع يالتخفيضات فى مانجو يقول

سمو الاميره;15841012:
سوال للمخالفة
ميمى بنسالك كيف نظمتى روحك فى بتاتك يعنى بشنى بديتى
وبنسال الى يسمع يالتخفيضات فى مانجو يقول

ابتاتي اول شيء اشريت سيت او مجموعه شنط اللي تجي بأحجام مختلفه وبديت انعبي لكن مع الوقت اشريت تانى شنط لانهم ما سدونيش .....
ننصحك تعرفي امتا عرسك بالزبط وبعدين .... ابدي الشراء لو متلا في الصيف اشري حوايج الصيف في وقتها وإدا في الشتاء اشري في وقته ...باش ماتخديش حاجه والموديلات تتبدل هلبه انا واخدة حاجات من الشتاء اللي فات بس في حاجات ما اطيحش موضتها تقعد ....هادي نصيحتى للملابس الطلعات واللمات والجو هدا ....
اما بالنسبة لقفاطين خودي عادي كان عجبك حاجات ....
ابدي بالمفروشات زي يرغان الدخول وركبيله شرشاف وكوفر متاعه ومخاده واكسسوار لشكماجه متاعك وشمعتين او حسب ماتبي انتى انا عن نفسي واخده شموع لدرجه اختى قتلي زي الكنيسة متاع المسيح هههههههه برغم انهم رااااقيات وحلوات شمعاتى بس هلبه
الحوايج متاع الحوش حتى هما اغرفـــــــــــــــــــــــــــــــــــــــــــــي قد ماتقدري لانهم مهمات بنظري خودي كم لقطة ومعاهم اللانجيري عاااادي ما تطيحش موضة هالحاجات والستيانات والفراعي والشخاشير والكنتيرات وفراعي الدورة.......اه حتى العبايات والاوشحه حتى هما غير ما تكتريش رااااه انا عالقه اقسم بالله في حاجاتي علقه مش عارفه كيف انخش ونطلع فيهم كان نلقا نبعتهم من توا وشوفي الصفحات اللي فاتت واقري انا شن شارية بس انا توا ننصحك ما اتكتريش واي شيء ادللي وبالنسبة لمانجو حاضر اول ما يخفض ح نقولك ......

ميمى جوجو;15841103:
ابتاتي اول شيء اشريت سيت او مجموعه شنط اللي تجي بأحجام مختلفه وبديت انعبي لكن مع الوقت اشريت تانى شنط لانهم ما سدونيش .....
ننصحك تعرفي امتا عرسك بالزبط وبعدين .... ابدي الشراء لو متلا في الصيف اشري حوايج الصيف في وقتها وإدا في الشتاء اشري في وقته ...باش ماتخديش حاجه والموديلات تتبدل هلبه انا واخدة حاجات من الشتاء اللي فات بس في حاجات ما اطيحش موضتها تقعد ....هادي نصيحتى للملابس الطلعات واللمات والجو هدا ....
اما بالنسبة لقفاطين خودي عادي كان عجبك حاجات ....
ابدي بالمفروشات زي يرغان الدخول وركبيله شرشاف وكوفر متاعه ومخاده واكسسوار لشكماجه متاعك وشمعتين او حسب ماتبي انتى انا عن نفسي واخده شموع لدرجه اختى قتلي زي الكنيسة متاع المسيح هههههههه برغم انهم رااااقيات وحلوات شمعاتى بس هلبه
الحوايج متاع الحوش حتى هما اغرفـــــــــــــــــــــــــــــــــــــــــــــي قد ماتقدري لانهم مهمات بنظري خودي كم لقطة ومعاهم اللانجيري عاااادي ما تطيحش موضة هالحاجات والستيانات والفراعي والشخاشير والكنتيرات وفراعي الدورة.......اه حتى العبايات والاوشحه حتى هما غير ما تكتريش رااااه انا عالقه اقسم بالله في حاجاتي علقه مش عارفه كيف انخش ونطلع فيهم كان نلقا نبعتهم من توا وشوفي الصفحات اللي فاتت واقري انا شن شارية بس انا توا ننصحك ما اتكتريش واي شيء ادللي وبالنسبة لمانجو حاضر اول ما يخفض ح نقولك ......

تتهنى بيهم ان شاء الله تعرفى انى شريت ملابس النوم ووقفت معرفتش شنى نشرى لان العرس متحددش وهده اكبر مشكلة ما تعرفيش شنى تاخدى يلا ربى يسخر كل خير انى توا مفكرة ناخد الاحذية وبدالى الطلعة وين تنصحونى ببدالى نازكات

اينااس;15832927:
مساء الخير ياحلوات
سؤال المخالفه بالله مني تعرف وين نلقى قفاطين نااااااااااازكات وبسيطات مش اوفر متاع بيان
والبيان لسلفي معناها نبي حاجه مميزه وبسيطه من غير لاعدس ولا خرز مانحباش بي جو الدانتيل والا التايغر
المهم انقذوني اني في طرابلس

اولا ان شاء الله مبروك علي سلفك ...والقفاطين كان بتوسعي بالك وتطلعي براحتك لان زي ما عارفة البلاد مزال مافيهاش بضاعة جديدة وكلهم يقولو راجي لبداية السنة ...يعني مافيش الا الموديلات القديمة لكن تقدري تلقي حاجة بسيطة ونازكة لانك زي ما قلتي تبي حاجة بسيطة......شوفي اول سبتمبر..والا سوق الشط فيه هلبا محلات ومدايرين تخفيضات...تقدري تاخدي حتى بدلة نازكة جو قونة قصيرونة حتى هي حلوة كان مالقيتيش قفطان .....
سوري طولت في الرد ...اهو عوضت علي التأخير من يومين هههه
وان شاء الله البنات يزيدو يفيدوك بمكانات تانية

سؤال مخالفة
بنات انا وجهي الحمدلله صافي لكن كان عندي جو 5والا 6 حبات مخليين مكان .....اثر الحبة ...مش حفرة .....يعني لون بني شوية بعدما مشت الحبة .....ماتعرفوش حاجة نديرها تنحي اللون .....نستعمل في غسول كلير اند كلير ..غسول يومي ضد الحبوب........وندير في مقشر كل اسبوع من بيبي جونسون ..لكن شي الا هالاثار هده ماقالوش نمشو ...درهولي كبدي !!!

والي تستعمل في حبوب perfectel للبشرة والشعر ....بكم تقريبا سعرها ؟؟؟؟...وبعد قداش تبان النتيجة في تقوية الشعر ؟؟؟

سمو الاميره;15841308:
تتهنى بيهم ان شاء الله تعرفى انى شريت ملابس النوم ووقفت معرفتش شنى نشرى لان العرس متحددش وهده اكبر مشكلة ما تعرفيش شنى تاخدى يلا ربى يسخر كل خير انى توا مفكرة ناخد الاحذية وبدالى الطلعة وين تنصحونى ببدالى نازكات

جواب المخالفة
حبيبة لو مازال فرحك ما ننصحكش تاخدى بدالى لانهم موضات . وكل موسم وموضته . اصبري وخدويهم في موسمهم ............. وربي يسخرلك الحال يارب


سؤال المخالفة .............
ياريت تعطونا فكرة يا حلوات على البدل والتايورات توا في طرابلس ... ودورى مى شخباره .........