« تجهيزات عرائس ' ليبيا ' لشهر محرم سنة1433هالجزء : 25»

رد مخالف لاحلي خيته بدنيا عروسة :

بخصوص كوافير فرح الحدائق :

ليها زمااااان بكل غيرت كوافيره هذي تعاركة مع فرح وسيبت ودارة كوافير باسمها

بس لاسف قالتلي صاحبتي انها رجعت لتونس ومعش تشتغل

شكرتلي صاحبتي اسماء في مزين الوردة الحمراء في شارع 20

وعندك الهام الي مع عايده حتي هيا انا شايفتلها كم وحده منهم صاحبتي حلوة مطلعتها ماشاء الله

فخلي العروسة الحلوة تمشي تشوف وتقرر وان شاء الله ربي يجيب الي في الخير ان شاء الله

وفي وحده مصرية توه اسم طار اول مانذكر نقولك

في امان الله

سؤال للمخالفة

شن رايكم في هذا الفستان ،،، هو موديل فرنسي ، وعلى طبيعة مزال احلى

هل موجود منه في ليبيا وا لا ؟؟

.رد مخالفة ...

.. مروجة بي نقولك دوقي وبي صراحة القفطان مش حلو لا لون لا تفصيله ... وننصحك ما تشريشي ... الانه شوي هو هلبة شعبوطي... ما تمشيش معنا الموديلات هده .... دوري غيره مروجة

للمخالفة

حبيت نوريلكم شوية من تجهيزاتي اني وبنتي .... هذه تعليقة خدمتها لبنتي ذهب عيار 18


وهذا حزام فضي


وهذا اكسسوراته، والجديدة ذهب كوري


وهذا خناق وحديدة على التركواز ... في الطبيعة احلى واحلى



وهذا خناق لولي لونه بيج




وكان عجبتكم حاجاتي قيموني:o

جواب للمخالفة

نجومة باهي اقعدي نوريلك قفاطيني

جواب مخالفة لمروجة :

حبيبتى كلام نجومة صح مش حلو القفطان لا لون ولا تفصيله

جواب للمخالفة

هذا قفطان تصميم لبناني ، هذا من فوق راهو التطريز على برا واحلى في اللبس بهلبة



وهذا من الخلف


وهذا الكم


وهذا من تحت في ذيل بسيط


الصورة حسيتها ظلماته لاكن في اللبس تحفة مش عادي




وهذا قفطان اسمه عيون عليا ، وهو جاي مخصر





وكان عجبوكم قيموني:o

جواب مخالفة

لالالا مش شاريته ،،، حبيت نوريهلكم بس لان صاحب المحل قال هذا بضاعة جديدة كيف نازل :confused::confused:،،،تعرفوا قداش حقه ... الف دولار :-#:-#:-#:|:| لما قالي على السعر تفاجئت هذا علاش صورته:-#:-#:-#

ميمى جوجو;15845363:
رد مخالف لأروي 77..........
[COLOR="Blue"]

[COLOR="Purple"][SIZE="4"]كان تقصدي علي الصورة متاع الحمام تقدري تجمعيهم ... السلة تاخديها من محلات المواد المنزلية وانا واخدة وحدة وحتى انا هدية لصاحبتى زي هادي...وطبعاً يجو 3 قطع مع بعض ب 3 أحجام وب 25 دينار وفي انواع وين ماتمشي تلقي اشكال وانواع وخدة منهم لي روحي ب47 اربعه قطع

بس هادو لصاحبتى




وهدا زووووووووووووووووم





وخديت من ماركس سبنسر كم قطعة بس مش اكتر العبوتين اللي مع بعض وبالحاملة متعهم وباكو فيه 3 قطع صابون وتزدان فيه 3 عبوات بدي لوشن وشاور جيل ورغوة بانيو...ومزال بنزيدها من مستحضرته لان وقت اخديتهم مالقيتش الا المجموعه هادي وناقصة ومزال بنزيدها اربعه فوط 2 كبار و2 صغار بس انا حبيت نوضحلك الفكرة .......




......وللتوضيح حطيتلك من مجموعتى اللي في بتاتى والشيشة الكبيرة فيها شامبو عسلي هي متاعي غير السلة فاااضة لقيتها هدا اعلاش حطيتها واخدتهم حتى هما ماركس سبنسر ......









وفي هدا القردل اللوح حتى هوا فيه حاجات حلوة واستعماله للحمام عادي يعنى يومي ومنظره حلو وب 10 دينار بس حتى هوا اخديته لصاحبتى عجبنى مع السلة......





وهدا شكلهم مع بعض ......






وزووووووووووووووووووووووووووووووووووووووووم لعيونك







وطبعاً بعد ما انتمهم وناخد الفوط او المناشف بنلف السلة والقردل بتول وشريط ستان ح نسق الالوان حسب الالوان اللي موجوده وبس اتمنى انك تستافيدي من الفكرة .....

مرج حمام;15846807:
سؤال للمخالفة

شن رايكم في هذا الفستان ،،، هو موديل فرنسي ، وعلى طبيعة مزال احلى

هل موجود منه في ليبيا وا لا ؟؟

جواب مخالف
مروجه حبيبتى هدا قديـــــــــــــــــــــــــم هلبة موديله ومعدش في الا في الافلام اهنايا في مودليات احسن واجدد علي الطراز الفرنسي وتلقي حاجات احدث نصيحه ليك شوفي موديل بالكورساج او الكوسيه بس علي طراز احدث والله ماهو حلو وخيتى ماتزعليش منى والله نصيحة بس وكلنا نعفسو هههه
واكسسوارتك حلوات وقيمتك اعليهم وبالنسبة للقفاطين والله في احلي هنا بهلبه ونازكات وهما موديل عبايات سهرة وفي احلي غير وتى افليساتك بس ههه

سوال مخالف لى ميمى
حبوبة بنسالك مستحضرات ماركس قوليلى انى نبى جل النكهات للمنطقة الحساسة هل موجود او لا وبكم ؟ وبالنسبة للشاور جل والبدى لوش قداش اسعارهم يعنى العلبة بكم ياريت اتفيدينى شن عنده المحل نستفيد منه والاسعار ربى يحفضك ياعروسة

رد مخالف لنورت ايامى على مأعتقد قولتى عرسك فى 5 ممكن فى بعد شهر واحد يولو ايجيبو منه تانى هو معقم ومعطر وينعم اسمه لفام ايهبل خاص بالاماكن الحساسة ويقعد فترة طويلة

رد مخالف لحبيبة عسوم
صحيتى حبوبة باهى كم سعره؟كان اتفكرتى حاجة تانية قوليلة وبالنسبة لروزة والله الا حق بكرى قلتها بينى وبين نفسى ربى يهنيها ان شاء الله

رد مخالف منعرفش توة لكن قيل الازمة كان 20 دينار

رد مخالف بما ان افتحنا ه ا الموضوع من مجرب طريقة لتبيض الاماكن الحساسة او عنده كريم معين مجربه

رد مخالف للعروسة اللي سألت علي كريم تفتيح المنطقة الحساسة



في كريم اسم بيزيلين وتلقيه في وكيل زين




وسعره اظن ب 45 قالو انا اجلة موضوع التفتيح للشهر اللي فيه العرس باش النتيجه تقعد وننصحك حتى انتى وماتكتريش تخليط وتخليط باش ماتعميش الحكاية وفكيك من الخلطات والحاجات اللي ماتعرفيهاش استعملي غسول خفيف توا انزلك انواع وتكون طبية وبس مش ديما اديريها مرتين في السبوع او 3 سااااادينك لان في درجة حموضة لازم تحافظي عليها والصابون لالالا مااديريشي حتى هوا كل يوم استغنى عليه وخليك مع الغسول ورطبي المنطقه بالفازلين او زيت البيبي بس من السطح لان مانعرفش شن مفعولها وقت تخش داخل الرحم فإكتفي بسطح الخارجي وماتلبسيش كلوت نايلو او بليستر قطن ومش مشحوط هلبه عادي مريح واستعملي الفوط اليومية عندك ليلاس وكارفري وانا ننصح بليلاس قطن سواء كان يومي او تبع الدورة الشهريه وبس هادي نصيحة ليك ديما

سؤال مخالف:خواتي بالله ملح اليوكو وين نلقاه ونبي منكهات الجسم وين نلقاهم واسعارهم وعطور الشعر

سؤال مخالف:بالله الي تستعمل في حبوب بيرفكتل مشو معاكم ؟؟ نبي مكانات حلوه في طرابلس للملابس والارواب انا محتاره ومش عارفه في شن نبدا نشري ومانعرف شي اموري كلها ملخبطه باللهي كيف نضامكم وفي شني بديتو ومن وين راني بنتعبكم معاي سامحوني

رد مخالف لراجية
اول حاجة اهلين وهنى البنات مشاء الله اكيد يفيدوك وانى بنحاول انفيدك طبعا اول حاجة لازم تعرفى انتى الموسم الى بتتزوجى فيه ان شاء الله لان لبس الطلوع خليه فى موسمه طبعا خودى الاشياء الرئيسية الى مطيحش موضتهم
بالنسيبة ليا انقولك ابدى بالارواب وحوايج الحوش طبعا الارواب فى كل مكان تلقيهم محلات العرايس بس انى ننصحك تمشى لباب الحرية الى مقابل ميدان الشهداء اتخوشيله من القوس انى وحدة نصحتنى وبارك الله فيها تعرفى علاش لان غديك ارخص بهلبة متلا انى بعيونى القيت ارواب فى باب الحرية بى 25 ونفسه خوه بالزبط القيه بى 35 فى سوق الشط المهم انتى برى خوديلك اغلب الارواب من غادى ولو عجباتك حاجات تانية فى محلات عادى المهم طبعا الارواب متكتريش الى يكون معاه روب خارجى حسب نصيحة المتزوجات لان اول حاجة بيجيك اغلى تانى حاجة مش حتستحقيه هلبة طبعا خوديلك زوز والا 3 بالروب الخارجى اكيد تلقيهم بالدات فى الفترة الاولى مع الحشم وخودى على قد ميزانيتك منبيش انقولك عدد معين لان كان اتجى عليا حتى 1000 ميعبوش عينى ههههههههه خودى اطقم ستيانات والكلوت متعهم للاوقات الحميمة يكونوا حلوات وركزى حبوبة لو صدرك صغير خوديهم معبيات يعنى شن يسموا فيهم المهم يكون الستيان فيه نشاف من داخل يكبر ويبرز الصدر ويعطيه حجم اكبر ومتاخديش الفاضيات وطبعا خودى اطقم عمليات للطلوع طبعا والاوقات العادية اممممممم وشن تانى متنسيش تاخدى ديزينة كويسة من البوطانتيات القطنية للوقت العملى وخاصة وقت الدورة وطبعا غير تلقى فى سوق الشط حتى هو فيه المهم وخوديلك ياحنة قفاطين قطنيات قصيرونات الى عليهم رسومات حلوة وكيوت خودى العددج عاد على ميزانيتك لانهم هما حتستعمليهم هلبة وخودى حتى هو فيه الكناتيرات ومعاهم بوكسل قصيرون قطنيات حلوات هلبة وشن تانى
خودى روب خارجى وروب حمام ليك ولى راجلك يكون طقم كامل وطبعا متنسيش روب الدخول هههههههه قوليلى فيه حد ينساه طبعا انى انرشح القصير لان الطوال مش حلوات بصراحة ميعجبوش فيا
هدا بالنسبة للبس الحوش ولو تبى حاجة تانية اتفضلى

راجيه رضا الله;15848420:
خواتي بالله ملح اليوكو وين نلقاه ونبي منكهات الجسم وين نلقاهم واسعارهم وعطور الشعر

رد مخالف:

ملح اليوكو هو مح الحليب ... تلقيه عند العطرين ..كانك من طرابلس اعليك وعلي المدينة كل شيء تلقيه من هالحاجات
وبخصوص المنكهات في هلبة ماركات في منها علي فواكه زي ... بدي شوب وهدا عندك مدام هايلة تجيب فيه وتوصله لحوشكم بمندوبتها






وفي بنك شوقر ومعاه معطر للشعر لكن اتجمعيها انتى ماتلقيهاش سيت مع لعضها وهيا زي الحلوة
نكهتها تلقي شاور جل وبدي لوشن













وفي معطر شعر منها وفي نفسها غير مافيها الدنتيل الاسود علي الوردي بس تلقيها وانا واخدة حاجات منها توا انحطلك الرابط شوفيها وراه ماتكتريش منه رااااه هلبه تشيان الحاجه لان عندك حاجات تانية بتستعمليهاا وفي نوع حتى من هدا













منزلين هلبه نكهات تلقيها في البلاد ولو ماقبلتكش انا ننعتك وين وفي نكهاااااات هلبه هلبه
طبعا هدا الكلام في طرابلس ومانعرفش في في المناطق التانية او لا
وفي محل وكيل ايف روشيه حتى هوا تلقي فيه حاجات بنكهات
وفي معطر خاص للمناطقه الحميمه واخداته انا ومنزله اعليه استفسارا بس مافيش هلبه معلومات بس ريحته حلللللوة هلبه بس مزال ماجربتاش







في هلبه ماركات بس كان تحصلي بدي شوب احلاها وننصحك تاخدي نكهة وحده سادتك