« تجهيزات عرائس ' ليبيا ' لشهر محرم سنة1433هالجزء : 25»

عروسة ليبيا;15823104:

شكرا لكل عروساتي يلي ردو عليا

تسلمولي وربي يسعدكن ويوفقكم ف كل خطوة تخطنها

والصراحه باين انها تختلف حسب جو كل عيله وعوايدهم هما

نعرف زمان انهم فعلا يرفعو ف لبس بس وتوة بدن العرايس يرفعن في حاجات للحوش وكل وحده حسب ذوقها والامكانيات

تعرفو كيف مروحه من بنت حماتي يلي عرسها شهر واحد وفعلا شوفت قداش هنا العروسه ترفع وتشيل والراجل عليه يفرش اساسيات الشقه ويجيب الذهب والعرس هنا مكلف للولد والسبيزة يلي يرفعها لي اهلها هلبا هنا

ماعلينا

حتا عندكم

حسيت بدوو يساعدن فالعريس ويرفعو معاهم معش زي زمان بكل مايرفعن شيء

عموما واضح ان العروسه غادي تقدر اتشيال الحاجات الي تبان قدام الضيوف من امور اساسيه اما احتياجتكم العمليه هوا يحطها ف البيت

والواجهه ف وجه العروسه ترفعها يمكن يكون تفكيري او تحليلي صح او غلط بس هادا الي لاحظته

توا بنقولكم انا الخلاصه يلي درتها من اعراس قريبات ليا من اهلي ف تربولي ومن ردودكم اوكين

وياريت تقولوو القائمه باهيه او لا

نكرر اولا انه كلنا حسب الظروف وووهالامور بالاتفاق والرضا موش اجباري زي جهازنا ف شرق هادا الماير ف شرق

اللبس

طبعا شنطة لانجري من روب دخول لي قمصان مابعد الدخول لي لانجري الجريئات والبيبي دول والبيجامات العمليه وملابس البيت زي قفطاين قطني او ميني جيب قونات قصار برمودات الخ الخ لي توت شتويه

+ شخاشير العروسه العمليات لحمي قصير ومرسوم وطلعه كومبليت بيج واسود والصوف شتوي

شبشب للحمام
شبشب للمطبخ حسب الالوانهن

لبس الخروج

2 فستان سهره واحد كبير واحد عادي حوته او مكسم بي ذيل

عدد 4 تيورات كويسات قونات
عدد واحد بدلة بنطلون سوريه بتاع لمات او سبوعات عرايسيه

بدله عمليه جاكيت وقونه بتاع مشي مساولة=قولة لاباس او تعزيه او زياره مريض

شناطي طلعه يركبو ع البدالي هادو

عبايه عمليه نويزكه فيها الالوان
عبايه كرستال وبريق للسهره

بالطو او جاكيت شتوي

لبس عملي تركيبات بتاع طالعات كل يوم بنطلونات تجينز واسود و2 ملونات قونات تجينز واسود ولون اختياري مع تركيب قطع من فوق وقمصان وبلايز + اوشحه وشناطي عمليه ليهم

ع الاقل تركيب 6 لبسات كاجووول

الحوش

دار النوم مملكة الملكة او العروسة

يرغان الدخول اكيد ويكون فخم
يرغان اخر عملي نازك

4 نسولات نازكات بمخادهن غيارات لسرير

بطانيه كبيره نازكه

اكسسوار دار النوم لتسريحه

زي

+ شموع
+بوكس لمجوهرات او الاكسسورات
+ كاتروات فيهم محطوط صور للعروسه
+ابجورتين نازكات زي طقم الاكسسوار
+ مفارشهن
+امشاط
+ صفرة عطور
+وبوكس ميك اب
+صفرة بخور ومعطرات الفراش

بوكس ف الادراج ينحط فيه توكات _ خلاخلات او دبابيس للحجاب

عدة خياطه متكامله

عدة الاظافر

للصالون والمطبخ

تحف للصالون ==تنحط ع طاوله الصالون زي فازات ومكملتهن بالاتفاق مع العريس مثلا الصالون اخضر تحف ع ذهبي وهكذااااا الخ الخ

1 _ سرفيس الاكل او طقم العشاء كلاسيكي الي يكون اما ذهبي او فضي وعاده ينحط ف المكتبه او بوفيه الاكل لو ف طاوله اكل وبوفيه الي يتكون من 100 طرف فما فوق نقصد السرفيس الكبير

2_ طقم سفر مدان مثلا 3 سفر طقم بتلات احجام

3_سفر عمليه لكل يوم عدد2 حجم مختلف

4_ابريق شاي +بكرج قهوة حجم مديم ماركة كويسه

5_كهربائيات مكوي بخار تنوب علا مكوى عاديه _ خلاط للعصاير وكلو_ مضرب كهربائي لي الكيكات_ست البيت للفرم السريع_مكنسة كهربائيه _مكينه توست << وهادووو يمكن يكونو هدايا من صديقات العروسة او الاقارب بالاتفاق والدلاله او تشريهم هيا حسب الاهميه والميزانيه

6_شنطة الكواشيك وادوات الاكل + مفرش اكل لضيوف ياكلو عليه مع مناشفه انقولوله=بخشه

طقم طناجر مع طنجرة وكساس

كرستال للمكتبه
طواسي عصير كرستال12
كاس كرستال=1
طواسي شاهي كرستال12
بوننيرة كرستال لشوكليت لضيوف =1
منداله بتاع مناديل كرستال =1
طفيات كرستال =2

للحمام

طقم فرش حمام =ممكن ترفعوه عرايس مش مكلف ويبان ف التفريش

سلة او بوكس بلون الحمام فيه شامبوات ومنتجات العنايه وفرش الاسنان والصابون وكل ماتجتاجيه لاهتمام وحمامك انتي وراجلك

مناشف لضيوف 2 بحجم مختلف للحمام

روب حمام للعروس والعريس مع مناشفهن

مع شموع للحمام ب لونه

ومعطر جوو ===عدد 2 لازم منه لطوارئ

شن رايكم عرايس ماشيه تمام هههه هادا بختصار جدا جدا جدا جدا مقارنه ب اسبارنا ف بنغازي

انا اختي اتجوزت ف تربولي ورفعت حتى عدالة الشاهي هه يعني رفعت زي عرب بنغازي مع اختصارات بسيطه

سؤال المخالفه

لو ف حاجه اساسيه نسيانها خبرونا باش يكون موضوع يفيد الكل

عروسة ليبيا;15841641:

عروسة بخصوص التجهيزات رد مخالف اميرة ليبيه

اولا بسم الله توكلي عالله
وابدي صدقيني احسن مايحدودلك وتبدي تجري

لو انك تخدمي راتبك عندك ولو ان لا مصروفك وشوي من هنا وهنا

ولو فالحه حتا المواسم لو راجلك دلاله معاك قوله نحب ناخذ بذوقي حبيبي

ويعطيك فلوس ف الايد عمليات

وتشري بيهم لجهازك وكل مره حاجه

حتا كيف يحددوو تبدي الاساسيات بتاع لبسك لزوجك وحاجات خفاف من حوشك حصلتيهم لان الشرا

يبي اختيار ولف وذوق وتذوق هههه مش من اول محل بتشري

بس تصادف مرات حاجات تجنن سعرها حلو حلو ومافيهش موضي

قولي زي شني

وانا نقولك

زي مثلا

يرغان الدخول
ركبي مع دارك مثلا لو هي كلاسيك يكون كلاسيكي لو هيا مودرن يكون مودرن
لونه لو هيا داكنه يكون هافت لو هيا فاتحه يكون داكن

امفارش لي دار النوم + كاتروين لصوركم يكونو مميزات

+شمعات حتا 4 كويسات بس يكونو بالريحه يعني لما تولعي شمعات يبدا جو حلو مش صنة شياط الشمعه
عندك مارك سبنسر فيه وف محلات تانيه بتاع المنزليه فيه

ملابس النوم

روب الزفه _ 2روب كلاسيك محشومات شويه للي الايام الاولى

ماتخشوش ع الجرئة من الاول ههههههه ح تبدو شعبي عام ومعليكمش طلب اتقلو والجرئه تجي بالقطارة حبة حبة فالمحبة

لبس الجرئة == ماتكتريش وخوذيلك الالوان الاساسية احمر - اسود - بنك او وردي
بيجاامات قطنيه2_3 _توت شتوية2

شخاشير شتويه ولحميه خفاف نوعي ف الاشكال
ستيانات طواقم حتى 6 بكولتاتهم
وركبي مع كل طاقم 2 كولت قطني بنفس اللون تبدلي بيهم ع ستيان نفسه زي الغيرات يعني ايامات الدو...وهكي

قفاطين قطنيه كيوت نوعي ف الالوان والاشكال ماتفوتيش 4 5 وهادو حتا ف المحلات الرخيصه في حااجات حلوووووة عند المميز ومحل مرحبا و109 وحتا الصالات الحق في حاجات قطن صافي ومعقول سعرها بس دوري كويس

شبشب للحمام +وشبشب للمطبخ
وشبش اصبع ناعم للحوش

3 _4 كويسات ماتكثروش منهم

للحمام
خوذيلك
طقم روب الحمام ليك وليه ولو عارفه الالوان حمامك نسقي عليهم حاجه تناسبهم

خوذي 4 مناشف 2 كبار و2 صغار لضيوف+شمعات معطره للحمام تناسب الالوانه +ورد مجفف للتزين الحمام ===هادو مافيهش موضى اما الاكسسورات خليه بعدين لو تبي تاخذيهن

خوذي مفارش اكل الي معاهم فوطهم لما بتحطي عليهم سفرة اعزومه لضيوفك

او بتحطيهم ع طاوله المطبخ حتى 2 كويسات

اشري الكرستال == او طواسي عصير نازكااااااااااات

تقريبا ف الكرستال تبي عالاقل بترفعي كاس بكابيه وطواسي عصير
وبوبنيرة = مثرد الشكولاته

الكرستال مافيهش موضى نعرف ناس شاريته من روسيا وبولندا من 20 سنه ومزال تحفه ويهبل

يعني يا اميرة انتي توكلي ع الله وابدي بشوية كل مرة اديري حويجه

بش لما يتحدد تفكري ف اللبس الي ديما نقول خلوووووووووه اخر حاجه

اللبس والمكياج اخر حاجه ياعويله

ان شاء الله نساعدك ولو بالقليل ...واتفكرونا بالدعوات والتقييم

وربي يوفقكم

ميمى جوجو;15851574:
جواب مخالف لحتى صوته ما انخلق متله .....
ميراس حبيبتى انا والله ما ناخد منه ديما بس ناخد في حاجات بسيطة جدا غير صادفتك عنده المدة هادي هلبه حاجات جهلز بخار وبراون سيلك ايبيل والمنتجات هادي وزمالطوات وشموع عنده اخليقت شموع يجننو الحق وحاجات الديكور حتى هماااا حلوات في حاجات توزا امداير تخفيض هوا ننصحك بالشموع منه عنده هلبه حاجات حلوة متاع اكسسوارات للدار النوم للشكماجه

حتي صوته ما انخلق مثله ابد;15851324:
رد مخالف :
متي بتروحين لأسطنبول ؟؟؟ لأن هالشي يحكم في الاسعار
لو بتروحين نهاية يناير 1 وبداية فبراير 2
هالوقت ممتاز ... لأن بداية التخفيضات

بالنسبة للأسواق والمولات ... ما فيه من اكثر منها

اكبر مول اهو مول جواهر
واااااااااااااايد كبير وفيه كل الماركات :

انصحك بماركة حلوووووة اسمها
LC Waikiki
ماركة تركية تعتبر الاولي عندهم من حيث نوع القماش والسعر الحلو والموديلات الحلوة ..." الكاجوال فيها خيال الصراحة "

ماركة RODIMOOD < DEFACTO< KIMLIK

حلوييين حق الكاجوال


واكيد كتون اهو بعد حلوووو

وانصحك بالتخفيضات ب,, بيناتون روووووعة الصراحة

وطبعا فيه واااااااااااااااااااااايد ماركات ... لا يطوفك السيت الكامل حق العروس بتليقينه في كل المحلات الملابس الداخلية حلووو

كمان الاندر وير العمليات حق كل يوم روووووووووووعة
بالنسبة لفساتين السهرة والتايورات ...

شارع الاستقلال ... وشارع عصمان بي

كبار وفيهم واااااااااااايد محلات ,,,

وما تنسين البزار الكبير اللي في وسط اسطنبول لمن بتزرون مسجد سلطان احمد

وسوق مصر ... انصحك فيه وبقوة ,,, فيه شغلات وااااايد حلوة اهو يشبه سوق الربع اللي عندنا
ويبيعون مفارش الحنة ... حلووووين لا يطوفونك


وتري كل هالمحلات اسعارهم حلوة ومعقوووولة لانك بتلقين الغالي والرخيص

:!!: لا تنسين محلات بودي شوب ونكتار اللي هنااك اسعارهم حلوووووة:thumbs_up:

الله يوفقك بسفرتك يا رب

ميمى جوجو;15850791:
بعض الانواع لأرواب النوم اللي ممكن تاخديها انا منقدرش نجيبلك صورة لكل حاجه بس هادي موديلات وخودي الفكرة اللي تناسبك بس انا نقترح ....
اول حاجة من الاساسيات والمهم .... روب الدخول
وماتنسيش شب شب الريش
وكان تبي البرا (( سنتيان )) ومتناضي

اميرة ليبية;15853477:
السلام عليكم
مش عارفة ليش ديما اسالتي ماتلقاش من معدل عليها خيرني انا مش مهتمين بيا
اليوم بنجرب حظي مرة تانية وبنسال اسالة بالك تهتموا بيا وتجاوبو عليا
اولا نبي ماكينة براون silk epil7
تانيا نبي اسم اما احسن زفة
ثالثا نبي مكان نشري منة استشوار مليح
رابعا نبي رقم ابتسام جلول
خامسا نبي رقم اي وحدة اتدير في عشاوات حفلات حلوات
نبي حد ايدير في طورطات حلوات