« تجهيزات عرائس ' ليبيا ' لشهر محرم سنة1433هالجزء : 25»

حبيبة عصوم;15859123:
جواب مخالف انت مش بتمشى لتركيا غادى تلقى موديلات وخياطين غير دورى باهى حتى انا كان سخر ربى بنمشى ناخده انت امتى عرسك والى تمشى قبل اتقول معلومات لتانية

فيكي;15808419:
رد مخالفة لحبيبة عصوم

في عرس اختي جبنا فرقة فاطمة الطرابلسية والصراحة ابداع اني عجبتني هلبة وناشطة هلبة..وفيه زمزامات تقريبا اسمهم نويرة جبناهم في نجمتي وهما مش معروفات لان امالي راجلي فجأة قرروا النجمة وهادم اللي حصلتهم لكن الصراحة قاموها ماشاء الله عليهم ناشطات هلبة ..ولو تبي رقمهم نسأل عليه ونجيهولك..
وبالنسبة للمصورة اني في عرسي وفي اسبوعي اتعاملت مع فاطمة البيباص..وهي خدمتها قنينة لكن مشكلتها الاسعار يعني تتفقي معاها على حاجة وبعدين تغيرلك السعر ودارتهالي مرتين لكن الحق خدمتها ماشاء الله عليها
وفي عرس اختي درنا عند بهاء الدين بعرة..وتصويره الثابت والفيديو قنين وحتي النقل المباشر حلو لكن الريبورتاج ماداراش حلو وممكن لضيق وقتنا وعدم ترتيبنا للصور كويس..المهم حبيت نفيدك باللي نعرفه بالتفصيل..وربي يوفقك

تحكمني قناعاتـي;15861486:
سؤال مخالف :

هايله شنو هما الحاجات الي جايبتيها

اميرة ليبية;15860930:
انا كمشيتلهم بهاء قالتلي البنت علي الاسعار لكن قالتلي بدون فوتوشوب فشن رايكم وقالتلي البروجكتر ب 600 لانها تبعت وحدة يوم النجمة اتدير لقاءات مع العويلة
شن رايكم بدون فوتوشوب

سموحتك;15862239:
سؤال

شن احسن نوع مزيل لي العروس ليلة العرس وباقي الايام والسؤال التاني فيه لقطة ايديروا فيها شوية عرايس انه روب الدخول ترفع اكتر من واحد وتعطيه هوا يختار اللي يعجبه شن رايكم فيها ؟؟؟ ولا حلاوتها الابيض

عروسة ليبيا;15862515:

رد لي سموحتك
حبوبة لو مزيل يشد العرق قصدك

فا انا عندي ركسونا لالالالالالالالالالالالالالا غناء عنه بس يكون اصلي واحلاهم الوردي

ولو كان وحده ماتحبش البخاخ

في عندك نفسه لكن بطشة

وشخصيا درت مسحة شب ومسك عربي ديرتهولي خالتو مخلط بي بودرة الصراحه لا يخلي عرق ولا رطوبه ف جسم وبعدين رشة بعطر دخولك من بعيد شوية

واكيد تمسحي جسمك كله بي بدي لوشن عطر زفتك الي هوا زي العطر وثم تغرقي روحك بعطر دخول
ماتنسي منطقة خلف الاذن والصرة والعنق وتحت شعرك من تالي وامكان النبض

بخصوص شب والمسك للعرايس
ولو كونتي من بنغازي كنت خويلة خليتها اديرلك طلبيه وتخلطة ب بودرة ماركة ترفعيه معاك لان شهادة لله ادير فيه حاجه صح ومعقم نظيف حاجه مجربة من سنين
حتا لي منطقة الحساسه من فوق مش من داخل هو ينشف العرق وتقدر العروسة ادير منه مسحه ف الكولت بتاعها

بخصوص روب زفه
حركة مش نايس انه يختار اصلا العروس من كلامه مع راجلها عارفه ذوقه
والمفروض يا الابيض الناعم يا الاوف وايت النازك حسب شن يمشي معاها

لو سمارا او قمحيه سكري يجنن عليها

لو بيضاء او وردية ف الابيض ثلجي يجنن عليها
اما جو حطيله عرض وهوا يختار حركة مش حلوة الصراحه حلاوة العروس بحشمتها وخجلها ومش من الاول طلة اول يوم مفروض تكون ناعمه محشومه ورقيقه زي البرنسيسه

وننصحك وننصح كل عروسة
فترة اول ايام زينتها الخجل وتاجها الحياء بعدين تبدا الايام العاديه والتعود والروتين وتبدي اكثر جرائه ف لبسك وتعاملك

عشان تكسري الروتين وتنوعي ف لبسك وافكارك لراجلك

اما الخجل وحشمة العروس واحمرار خدودها ولمعة عيونها خجل ودلع
هادي حاجات من البدايه وتتحول ماينفعش بعد الجرائه ادير روحك خجول

ومعش هوا يكون لها اثر زي اول فترة

علا قد مايقول نبيك جريئه لكن مش من الاول

التقل صنعه زي مايقولو والدلع فن بسسسسسسسسسس بعيدا علا التصنع والمبالغة

وهادي كلامات نقولها ليكم كلكم عرايس ليبيا وعن تجربة