29 مرة نقول يا تري بتعملي الأكله دي ازاي ؟ مبدعات مصر القمرات شهر شوال1432

رشا توصلو بألف سلامة و طمنينا عليكي .. ندي تسلم ايدك علي الرابط فعلا كان مفيد ربنا يقومك بالسلامة.. روجي طيب أنتي حطيتي ميه ولا لا؟ أنا عايزه طريقة قبل عيد ميلاد دومي علشان نفسي أعمل كل حاجة في البيت.. طيب ايه اللي مش عجبك فيها وأنتي بتشتغلي؟ رورو أنا ياما عملت الطريقة دي أنا بموت في الشوكولاتة ومش عايزه اقولك تخنت قد ايه بسببها هههههههه تفتكري لو اكلت منها ثاني وأنا برضع كده فيه امل أتخن ثاني هههههههه

الله يسلمك يارشروش

نور بصى انا كنت بحط الكوبايه دى ف التلاجه واما اطلع الكيكه احط شويه صغيرين منها وساعات ماكنتش بحط مش عارفه ليه بس بتحلى شكلها اوى وانا كنت بحط معلقه كاكاو خام وممكن نسكويك على فكره براحتك اما المقادير مظبوطه 100 ميه وقوامها روعه وكمان نانو جربتها اهى وبالف هنا

هدى ازيك وازاى بيلا يارب تكونوا بخير
طريقة الكريم كراميل انا جربت طرق كتير وحسب ماانتى بتحبيه ماسك نفسه ولا بيلظ كده عموما احلى طريقه عجبت جوزى طريقة شيرى الله يصلح حالها
اهى
7بيضات
1.1/2 سكراو 4 بيضات على كوبايتين لبنو4 معالق سكر
كيلو لبن
معلقه فانيليا
ونص كوب سكر للكرمله



بتغلى اللبن وهو سخن قلبى فيه الكوب ونص سكر وتسيبيه يبرد

وفى الخلاط تحطى البيض والفانيليا وعليهم مقدار من اللبن لغايه ما الخلاط ياخد يعنى نص الكميه مثلا
ودرررررررررررررررررررررررررررررررررررررررررررررررر ر ونفصل ودرررررررررررررررررررررررررررررررررررررررررررررررر ررررر

وفى وعاء كبير تحطى الخليط اللى فى الخلاط مع باقى اللبن وقلب قلب قلب لحد مايتخلطوا كويس

وتجيبى بقى نص كوب السكر وتحطيه على النار مع رشه مع شويه ميه نونو ونقطتين لمون وقلب قلب قلب لحد مايبقى كراميل حطيه بسرعه وهو سخن فى القالب اللى هاتعملى فيه ولما يبرد والسكر يجمد صبى الخليط اللى جهزناه

وحطى القالب ده فى صينيه اكبر منه وفيها ميه لانه هايستوى فى حمام مائى


وعلى الفرن بياخد ساعه وشويه بتعرفى انه استوى بتشوفيه بالسكينه زى الكيكه كده بتكلع مفيهاش ساااااااائل منه يبقى تماموز

ولما يهدى حطيه فى التلاجه

وبعدين تقلبيه فى طبق زى الجيلى كده





لو عايزة طريقة شوشو ماسك شويه اجبهالك



رشرووووووووووووش خايفه ليه ؟؟سلمى امرك لله ولو انتى لسه ف الاول خدى مثبت للحمل قبل ماتركبى الطيارة وربنا يرجعك باذن الله وانتى بكل خير وسالمة انتى وبناتك


بوسى ام ادم العسل ده
ههههههههههههههه بتهيالى لو مره عادى هههههههههههه انا برده عملتها مرة وانا حامل واكلت الصنيه كلها ف يومين لواحدى لان الكل عندى مش بيحب الشوكولا ته واخدقطعه واحده بس
ربنا يعينك وتعملى احلى يوم ميلاد لدومى ربنا يباركلك فيه وتعيشى وتعمليله

ربنا يخليكي يا رورو و يحفظلك البنات يارب.. لا ما أنا عايزه أتخن شوية علشان وشي يرجع حلو ثاني علشان أنا الرضاعة مبهدلاني خالص هههههههه أنا كنت بعملها في بيت بابا و أدي كل واحد حتة و اكل أنا الباقي ههههههههه

بنات عايزة طريقة معتمدة للحواوشى بلييييز بالتفصيل

ra_tamima;15575129:
ام بودى..............ميرسى لذوقك ياعسل ياقمر ياسكر

&Nada&;15575196:
تميمة
هوا انتى شوفتى اللينك اللى انا كنت حاطاه؟؟

ra_tamima;15575223:
لا فين ده ياندا؟؟؟؟

تسلمي يا تميمه بس دي ندي الل كانت حطاه في الموضوع مش أنا لكن عشان ممنوع نحط روابط لينكات تانيه أنا حذفته بس بعتهولك انتي و أم آدم و المفروض تشكروا ندي بقه :))

مدام/اشرى;15577217:
بنات عايزة طريقة معتمدة للحواوشى بلييييز بالتفصيل

عايزاه بالعجينة يعني و الا الحشو بس؟

أنا الحشو بجيب بصله و طماطمايه و فلفله رومي أضربهم سوا بالمكسر و أنزلهم علي اللحمه و بهارات و ملح و فلفل بجد روعه عجبت جوزي موووووووووووووووووت

مدام/اشرى;15577217:
بنات عايزة طريقة معتمدة للحواوشى بلييييز بالتفصيل

يعنى يا ام بودى احط اللحمة بالخلطة دى وهى نية فى العيش ؟؟ طب لو عيش بايت هيحصل حاجة اصل مش عندى طازة لسة هطلعة من الفريزر ويقعد اد اية فى الفرن ؟؟ والفة بالفويل ولا لا ؟؟
منافولا
قاهرى يا حبى وممكن بردو نمتعرف بالاسكندارانى

السلام عليكم في حد هنا

اشرى الطريقه دى بنات كتير جربتها وبتقول حلو اتفضلى كانت ام عمر قالتهالى ومجربتهوش بس اكيد رووعه ودى نفس طريقة بسبس برده
الحواوشى بقا يا ستى مفيش اسهل منه هتجيبى برضوا لحمه مفرومه وحته ليه خروف يعنى مثلا على نص كيلو لحمه ابشرى حته اد صوباعين كده وبصله كبيييره ابشريها برضوا وفلفل اخضر افرميه فى المفرمه ممكن تفرمى البصل مع الفلفل الاخضر ولو بتحبى الحراق حطى شطه وملح وفلفل وحبهان مطحون وقلبى كله كويس اووووووووووووى وسيبيه شويه وبعدين هاتى العيش الصاااابح وافتحى فيه فتحه كده ودخلى اللحمه فيه ممكن وممكن تقسمى الرغيف نصين برضوا انا بعمل كده عشان العيش هنا كبيير واحط اللحمه فى العيش واكون حاطه طاسه تيفال على النار وفيها حته زبده او سمنه مه زيت نونو واحط الرغيف واسيبه لحد ما يتحمر واقلب واسيبه برضوا لحد ما يتحمر الوش التانى وبس كده فى ناس بتدهن العيش من برا بزيت وتلفه فى ورق فويل وتدخله الفرن بس التحمير ده احلى بكتييير جربيه ومش هتندمى مع بطاطس محمره ومخلل تمااااام اوى


ام ادم فعلا الرضاعه بتخسس كلى حلاوة طحينيه هتتخنك جامد وحلويات تعوضك وربنا معاكى ومتحرمش من دعوتك واياكى يارب


ام مروان الف هنا عليكم تسلم ايديكى

ام انس وعليكم السلام اامرى

~OM-ADAM~;15576639:
رشا توصلو بألف سلامة و طمنينا عليكي .. ندي تسلم ايدك علي الرابط فعلا كان مفيد ربنا يقومك بالسلامة.. روجي طيب أنتي حطيتي ميه ولا لا؟ أنا عايزه طريقة قبل عيد ميلاد دومي علشان نفسي أعمل كل حاجة في البيت.. طيب ايه اللي مش عجبك فيها وأنتي بتشتغلي؟ رورو أنا ياما عملت الطريقة دي أنا بموت في الشوكولاتة ومش عايزه اقولك تخنت قد ايه بسببها هههههههه تفتكري لو اكلت منها ثاني وأنا برضع كده فيه امل أتخن ثاني هههههههه

انا حطيت ماية يابوسى طيب ابعتيلى اللينك برضو اشوفه عايزة اجرب عيد ميلاد بابا 26-9 وحمايا 29-9 هههههههههههه بينما الانسة هينار 10-10 فاجرب فى بابا بقى :lol::lol::lol::lol:

بصى يااشرى اللى بيظهر طعم الحواوشى الليه وكمان فى طريقه تسويه تانيه بس عندى هنا حبوها اكتر من بتاعت التيفال انتى بتجيبى الرغيف وتدهنى وشه وظهر زبده او سمنه وتيجى ورق ابيض وتبيلى ايدك بيسط وتحطى على طرف الورق عشان مش يتحرق وتلفى الرغيف وتحطيه فى الفرن الظريقه دى بتخليه ناشف سنه بسيطه هو بيعجب جوزى اوى كدا ودى تقربيا كانت طريقه فراشه الايمان

اخباركم يا قمرات لو سمحت طلب عايزه عجينه فطاير مع العلم دي اول مره اعمل فطاير عايزه عجينه سهله وحلوه لان جوزي مش بيعجبه العجيب ميرسي يا بنات انا دايما باجي اسئل وعمركم مكسفتوني

أنا فعلا فرحانه ان الموضوع رجع فيه تفاعل ثاني كده.. رورو ربنا يخليكي يا قمر بس مش عايزه اقولك باكل الحلاوة دي كثير جدا وبعد العيد اكلت كحك ماما و حماتي كله لوحدي جسمي معقول بس وشي خاسس خالص هههههههه كل اللي يشوفني يقولي مالك تعبانة ولا ايه حتي حماتي هههههههههه روجي أنا مش جبت من لينك معين أنا دورت في كل المواقع اللي قابلتني لقيت الفكرة واحدة لما سألتي عليها حسيتها سهله

بكره وشك يحلو ياام ادم اما تفطميه باذن الله
ام ادم روجى تقريبا تقصد اللينك اللى حطيته ندى ابعتهولها وابعتيه كمان لرشا تميمه لانهم عايزين عجينه الفوندام دى


ام جوجو دى طريقة عجينه بيتزا تنفع لكل الفطاااائر بتاعت شيرى واللينك بتاعها اهى
http://forums.3roos.com/showthread.php?t=549555

رور ياريت تبعتى اللينك لى انا كمان اصل يوم ميلاد جوزى اخر الشهر ولسه مش عارفه اعمل ايه

بنات جوزى مليوش فى التورت ول الجاتوه ولا حاجه من دى خااااااااااااالص وعيد ميلاده اخر الشهر ومش علارفه اعمل ايه ينفع اعمل تشيز كيك وخلاص ولا اعمل تورته مختاره والله خااااااااااااااالص

أم جوجو في طريقه عجينة البيتزا و تنفع حاجات تانيه في موقعي روعه جربيها

نانوووووووووووووووو مدام جوك ملوش في التورت اعملي تشيز كيك أو تارت موجودين في موقعي

اوكى ياام بودى اروح ابص هناك على التشيز كيك

يابنات انا عايزه مساعده منكم ضرورى بجد
انا زوجى مسافر وراجع ان شاء الله اول عشره ويوم 4 عشره عندنا مناسبه جوازنا وعيد ميلاده وانا عايزه اعمل تورته فى البيت ونحتفل
المشكله بقى اللى عايزه مساعدتكم فيها
ان ابنى عنده حساسيه من اللبن اللى انا بشربه فلازم علشان ارضعه امتنع عن اكل حاجات كتير جدا منها اللبن والكريمه والحاجات دى
فهل فى اى حل اعمل بيه تورته مستخدمش فيها البان ولا كريمه ولا خلاص مفيش امل يارب تساعدونى
ثانى حاجه
جوزى هيقعد شهر والمسموح ليه باكله بامان هى الفراخ فانا عايزه طرق كتيره جدا لعمل الفراخ علشان جوزى ميزهقش من الفراخ مع العلم ماينفعش بانيه ببقسماط لان البقسماط ممنوع
ربنا يجازيكم بجد كل خير لو تفيدونى