29 مرة نقول يا تري بتعملي الأكله دي ازاي ؟ مبدعات مصر القمرات شهر شوال1432

ام بودى ..........انا زعلانه منك لانى شكرتك على تورت العيد ميلاد وقولتلك انزلى بكل الطرق وانتى مش رديتى عليا
اهئ اهئ اهئ

ra_tamima;15560366:
ام بودى ..........انا زعلانه منك لانى شكرتك على تورت العيد ميلاد وقولتلك انزلى بكل الطرق وانتى مش رديتى عليا
اهئ اهئ اهئ

أنهي تورت يا تميمه !!!!!!!!!!!!! لالا يكون قصدك فراشه الأيميان شيري اللي عملت عيد ميلاد ابنها؟؟؟؟؟؟؟

روجي ميرسي ياقمر و ربنا يحفظهم يارب و يتشاقوا براحتهم.. يا قمرات عايزه طريقة التوست بس يكون طري مش ناشف.. وعندي سؤال مهم و ضروري جدا.. عجينة الفوندان اللي بيتغطي بيها التورت اسعارها ايه و ينفع تتعمل في البيت ولا لا؟ لاني مش لاقياها عندي خالص

~OM-ADAM~;15560997:
روجي ميرسي ياقمر و ربنا يحفظهم يارب و يتشاقوا براحتهم.. يا قمرات عايزه طريقة التوست بس يكون طري مش ناشف.. وعندي سؤال مهم و ضروري جدا.. عجينة الفوندان اللي بيتغطي بيها التورت اسعارها ايه و ينفع تتعمل في البيت ولا لا؟ لاني مش لاقياها عندي خالص

أنا جربت الطريقة دى بس كانت المقادير كتير على القالب بتاعى وطلعت كابسه شوية بس كان طرى وحلو الفكرة فى انه يبقى طرى انك تحطية فى كيس او ما يبدأ يبرد
انا عملت 3 كوب دقيق نص المقادير تقريبا

الطريقه منقوله


المقــــادير :
-كوبين مـــــــاء دافئ.
- 1.5ملعقة خمـــيرة كبيرة.
-ثلثـــين كــوب ســكر.
-2 ملعقة صغيرة ملـــــح.
-ربـــــع كـــوب زيت.
-6 كــــــــوب طحـين.

شوفتو العجينة لا حليب ولا بيض ولا تستغربوا النتيجة هي الحكم .

الان اخلطي الماء الدافئ مع الخميرة والسكر واتركيها ربع ساعة حتى تشاهدي الوجه الدهني على الخميرة



الان احضري الزيت واسكبيه على الخميرة واحضري الطحين واخلطيه بمقدار الملح وخذي كوب من الطحين فقط واخلطيه في العجانة اخفقي ثلاث دقائق واذا على ايدك يعني 200 خفقة تقريبا




ضعي باقي الطحين



اعجني حتى يصبح لديكي عجينة مخلوطة جيدا



ادهني وعاء بالزيت وضعيها به مع تمرير الزيت عليها بحيث يلامس جميع



اتركيها ساعة ونصف حتى تخمر



الان احضري القوالب وادهنيها بالزيت ورشي داخلها طحين على الخفيف وخذي العجينة اذا قوالبك كبار تحتاجي الى 2 واذا نوع صغير تحتاجي 3 ..
**اعجنيها بحيث يخرج جميع الهواء الي بداخلها يعني دقيقتين وقسميها قسمين او ثلاث إفردي كل قسم هكذا








ضعيها في القالب ولا تنسي نهاية الطي تكون من تحت في قاع القالب .هكذا



غطي وجهها بمنشفة واتركيها ساعة اخرى حتى تملئ القالب.
الان شغلي الفرن على 350 وإخبزيها ولا تنسي تجلسي جنب الفرن وتتفرجي عليها منظر حلو كثير لما يبدا الوجه يحمر افتحي الفرن على السريع وادهني وجهها
بالفرشاة زيت على مرتين علشان تكون بتلمع .
اخرجيها من القالب وغطيها بمنشفة واحكمي الاغلاق واتركيها ساعة وبعدين افتحي عليها وقطعيها مثل الصورة ,وعلى فكرة رايحة تطلع احلى من الصورة..والف صحة على قلوبكم

ميرسي يا دودي هجرب و اشوف النتيجة.. تسلمي ياقمر

Boody we zady;15552302:
Desly حمد لله علي السلامة يا جميل و اخبار البيبي ايه

الله يسلمك يارب يا ام بودى و البيبى عايزه تاكل من الاكل اللى انتى بتعمليه و طبعا لازم مامتها تاكله الاول عشان يوصلها:D

ازيكم جميعا انا متجوزه من 10 ايام ان شاء الله هتلاقونى هنا عندكو علطووول لانى مبعرفش اعمل حاجه :)

وطبعا اللى كانوا فى تجمع التجهيزات كانو بيشوفونى لاجئه هناك علطول

انا دلوقتى عندى لحمه ورز بسمتى اعمل بيهم ايه وبالتفصييل اول مره هعمل اكل فى بيبتى

تسلم ي يا دسلي هههههههههههه ربنا يبارك فيها يا رب

عسوله عمرو طبعا أكيد عملتي الأكل جو خلصتي

أم آدم أنا بعمله نفس طريقه دودي بس خليه يخمر أكتر من ساعه جوه القالب عشان يطلع هش و جميل و ان شاء الله بس العيال يروحوا المدارس الأسبوع اللي جاي يا قمر حأبدأ أمارس نشاطي تاني :)

فين الطريقه لا انا لسه معملتش هعمل بكؤه يلا بسرغه بقى

السلام عليكم

عسوله عمرو الف مبروك ياحبييتى

وحشتونى اوى ياقمرات يارب تكونوا بخير

عاوزه طريقه الكب كيك بتاعه لقاء

طريقة الكب كيك يانور اهى والحمد لله على سلامتك ربنا يباركلك ف البنوته معلش متاخرة بس انا مش متااابعه الاخبار اوى
3بيضات
2 كوب دقيق
1 ونص كوب سكر
كوب لبن
نص كوب زبدة او زيت

معلقة بيكنج بودر
معلقة فانيليا



عسولة عمرو مباااارك ياحبيبتى ربنا يهنيكى ويسعدك انتى وكل المتزوجات حديثا ويرزقكك بكل خير
بصى اعمليها كبسه بطريقه سوسى روعه بجد كمان ممكن تعملى رز بالخلطه بالبسمتى ومعاه فراخ مشويه او لو عايزة لحمه بالتحديد كباب حلة ورز ابيض وسلطه ومعاه خضار لان فيه رجاله مابيعترفوش بيها لواحدها مع الرز الابيض وممكن برده مع مكرونة
واعملى بقى بوفتيك ومكرونة اعملى مكرونة بشاميل مره اعملى كوسه بالبشاميل ابهريه بالاكلات المتميزة الاول
اعملى كنتاكى مع ملوخيه ورز اعملى شيش طاوووق مع صنف خضار ورز ابيض

او استنى بتقولى مبتعرفيش تعملى حاجه خلاص ابداى بالحاجات البسيطه الاول اللى فعلا هتطلعيها واااو من اول مره زى الخضار بكل انواعه معع لحوم او فراخ متحمرة
كمان زى البانيه والمكرونات واعملى مره رز ابيض وهوا يجيب السمك المشوى واعملى السلطه او اعملى سمك مقلى ورز صياديه مره
ممكن تعملى كفتة سمك برده سهله والاسماك حلوة عموما للعرايس زى الجمبرى وخلافه
كمان شوفى هوا بيحب ايه ؟ وبيفضل ايه ؟اساليه وشوفى هوا بيميل لايه او شوفى بيحب اكلة ايه مامته بتعملهاله وحاولى تتقنيها
واهم حاجه تجهزى اكلك من بيات وتبقى مرتبه هتعملى ايه بالظبط عشان بكره تبداى وتعملى الاكل قبل ماجوزك ييجى وكده
ولو عايزة حاجه معينه قولى واحنا نقولك طريقتها بالتفصيل

اما بالنسبه للرز واللحمه خدى طريقه الكبسه اهى وشوفى كده لو ماعجبتكيش افكر ف حاجه تانيه
http://forums.3roos.com/showthread.php?t=547058

رورو ربنايخليكى ياحبيبتى ويباركلك فى جاسى وجوجو

وتسلمى على ردك ياقمر

بنات هو انا لو عاوزه اعمله بالشيكولاته ينفع اشيل معلقه او معلقتين دقيق

واحط مكانهم نسكويك وكمان ينفع وانابحط الخليط فى الصينيه احط فى النص نوتيلا ينفع ولا لاء

~OM-ADAM~;15560997:
روجي ميرسي ياقمر و ربنا يحفظهم يارب و يتشاقوا براحتهم.. يا قمرات عايزه طريقة التوست بس يكون طري مش ناشف.. وعندي سؤال مهم و ضروري جدا.. عجينة الفوندان اللي بيتغطي بيها التورت اسعارها ايه و ينفع تتعمل في البيت ولا لا؟ لاني مش لاقياها عندي خالص

انا برضو عايزة المارشيملو بيتعمل ازاى يلا يا مامايهات قولولى ضرورى

بقولكوا
عايزة طريقة تخزين البامية

اللهم امين يانور واياكى ياسكر
ومعرفش اجوب على اسئلتك باذن الله ام بودى او اى حد ييجى يفيدك


شيرى حبيبتى مبااااارك على زهرة القمر ماشاء الله الايام بتجرى معلش متاخره شكلى غبت عنكم كتير اوى ربنا يباركلك فيها
الباميه قمعيها الاول وبعد كده اغسليها واغلى ميه ولما تغلى حطى شويه ملح صغيرين وسقطلى الباميه فيها تاخد غلوة بعد كده سبيها تبرد وكيسيها واقفلى الكيس كويس عشان ماتلقطش اى روائح وعلى الفريزر

ربنا يخليكى يااااااااااااااارب يا رورو يا سكرة وربنا يقويكى يااااااااااااااااااارب
والله يبارك فيكى يا موزة ولا كتاخرة ولا حاجة
وربنا يخليكى والله انا بصراحة كنت محتارة اكتر فى موضوع اقمع الاول ولا اغسل الاول دة ربنا يباركلك
ومستنين اى سوال ليكى متمثليش بقا وتعملى زعلانة :D لحسن احنا الى نزعل منك بقا

قولولى بقا كلكم كلكم
اية ممكن اعملة واخزنة فى الفريز عشان خلاص هنزل الشغل اول الشهر وهبتدى قصة الكفاااااح ومرعوبة والله
انا ناوية باذن الله هخزن باميةو وكفتة رز وهجيب طماطم واعصرها وفى اكياس وعلى الفريز وعايزة بردو افصص توم ها قولوى اعمل اية تانى لحسن والله مرعوبة من موضوع الشغل مع رورو والبيت وكدة فعايزة اسهلها عليا على اد ما اقدر

اشري الباميه نضفيها عادي و حطي مايه في حله على النار و اول ما تغلي نزلي الباميه و يادوب بس تغلي غلوة واحده
تروحي مصفيه الباميه و تحطي عليها مايه ساقعه بتلج
و بعدين تصفيها و تشليها في الفريزر

بنات رشروش في مره عملت بودنج شيكولاته حد يعرف طريقته

مدام/اشرى;15568512:
ربنا يخليكى يااااااااااااااارب يا رورو يا سكرة وربنا يقويكى يااااااااااااااااااارب
والله يبارك فيكى يا موزة ولا كتاخرة ولا حاجة
وربنا يخليكى والله انا بصراحة كنت محتارة اكتر فى موضوع اقمع الاول ولا اغسل الاول دة ربنا يباركلك
ومستنين اى سوال ليكى متمثليش بقا وتعملى زعلانة :D لحسن احنا الى نزعل منك بقا

قولولى بقا كلكم كلكم
اية ممكن اعملة واخزنة فى الفريز عشان خلاص هنزل الشغل اول الشهر وهبتدى قصة الكفاااااح ومرعوبة والله
انا ناوية باذن الله هخزن باميةو وكفتة رز وهجيب طماطم واعصرها وفى اكياس وعلى الفريز وعايزة بردو افصص توم ها قولوى اعمل اية تانى لحسن والله مرعوبة من موضوع الشغل مع رورو والبيت وكدة فعايزة اسهلها عليا على اد ما اقدر

بصي يا اشري الاحسن من انك تعصري الطماطم و تشليها اعمليها صلصه
هتجيبي الطماطم تغسليها كويس و تتحطيها في حله و عليها معلقه سكر او ممكن من غير السكر و تسيبيها على نار هاديه و تغطيها لما تلاقيها كلها طريت تاخديها تضربيها في الخلاط و تصفيها و تشيليها في اكياس كل كيس على اد الاكله بحيث تطلعيه تحطي على الاكل على طول
و كمان البصل ابشري كميه و حطيهم في اكياس و على الفريزر بس ابقي افريه في الاكياس عشان يبقي سهل تكسري حته منه و هو متلج
و كمان ممكن الفراخ البانيه تتبيلها بالبيض و البقسماط و رصيها في اطباق فويل و بين كل طبقه حطي طبقه بلاستك
الفراخ و اللحمه كمان تبليهم و شيليهم جاهزين على التسويه
الخضار كله ممكن تنضفيه و تخزنيه في الفريزر هيسهل عليكي اوى
في فكره كمان واحده صاحبتي قالتلي عليها بتعاير الرز بتاع الاسبوع كله و تحمر الشعريه و تشوح معاه الرز و تشيله في التلاجه و كل يوم بتاخد على اد الاكل تسخنه و تزوده بالشوربه
ممكن كمان تسوي شويه حاجات و تشليهم مستويين عشان لو رجعتى في يوم متاخر او تعبانه يادوبك تسخنيهم بس

عيد ميلاد جوزي بكرة ان شاء الله حد يقولي فكرة تورته جديده

اعمليه تورته بالمانجه او الكراميل
و كل سنه و هو طيب