28 مرة نقول يا تري بتعملي الأكله دي ازاي ؟ مبدعات مصر الفمرات و شهر رمضان 1432

شكرا لكل البنات اللى سالوا عليا واللى دعولى ربنا يخليكم ليا وميحرمنش منكم يا حلى اخوات

يارب تكونوا كلكم بخير

ام عمر افندى يارب تكونى بخير طمنينى عليكى وان شاء الله الجرح يخف لوحده ومش يحتاج تدخل جراحى تانى

يوم عزومه اهل جوزى اليوم كان غريب خااااااااااااااااااااالص

انا اتصلت باخت جوزى المتجوزة تيجى معايا السوق علشان انا مش بعرف افاصل انا اصلا هاشترى كميات فلو اتخميت هاتخم فى كتير

وهى بصراحه جتلى الصبح وروحنا واللى عملت حسابه لقيته الاسعار نار والفصال بالعافيه

ودوخت منها هناك وجابولى كرسى وكنت هاقع منها مرتين ريحه سوق السمك بشعه وخصوصا فى الحمل

وبصراحه هى شالت كل حااااااااااااااااااااااااجه قالتلى انتى يادوب تشيلى نفسك ههههههههههههههههه:lol:

واصرت تفطرنى لما نروح

ومسابتنيش طبا فى المطبخ

واول حاجه حصلت وقفت ارص الا طباق فى المطبقيه

وقفلت درفه المطبخ

والا ق ى

دب دب دب دششششششششششششششششش:badly:

فى غمضه عين الا ق ى السيرفيس البايركس نط من المطبخ ازا ى والمطبخ مقفول نزل من فتحه المطبقيه

ونزل عل ى الدورق بتاع طقم الشربات الكريستال مطلعاه للعزومه يوقعه عل ى الر خامه ينزل فتافيت و الكوبايه بتاعه الطقم تجرى من على الرخامه على الارض وتبقى قتافيت والبايركس كذلك احنا صرخنا من الخضه

وتنحت قلتلها الطقم باظ قعدت تهدين وفداكى وهلم جر

واولع الفرن الكهرباء يعمل بووووووووووووووووم وقطع النفس ولقينا اتحرق

قلت فدانا المهم احنا

دخلت اطلع الكاسات من النيش افتح الضرفه يطلع المقبض بتاع النيش فى ايد ى ويتطقم مكنتش اعرف انى قويه كده:worn_out:

جوز ى بيصب العصير وواقف على ترابيزة الكمبيوتر ويلاقى كيس التمر بيقع بيمد ايده يلحقه علشان مش يقع على الكمبيوتر يادوب بيمد ايده لقى كيس السوبيا بيقع لاعرف يلحق ده ولا يلحق ده

بق ى عمال يزعق ادينى فوطه بسرعه اخته بتجرى علشان تلحق وقعت بطبق السمك الطبق اتفتف والسمك اللى كان فيه اتملى قزاز واترمى وكل همنا كان المبيوتر لانه غرق عصير وبقى بيشر والشاسه والكيسه بقت بتنقط من كل ناحيه

وجوزى فكه تانى يوم قعد ينشف فيه وخوفنا لايكون باظ لقينا الكيبورد بس ه ى اللى انتحرت قلنا الحمدلله انها جت فيها

وبصراحه اخت جوزى قامت ب80 % من العزمه انا كانت مخليانى يادوب تحضيرات ناولينى ده قشرى ده قطعى ده وكده يعنى حاجات خفيفه والا كل كان كتييييييييييييييير قوى وفاض كتير

قالولى شيليه وسخنيه فى الفرن بعد كده

حطيته فى المطبخ وقعدنا ساعه ولقيت حمايا بيزعق خرجت اجرى قاللى ايه انتوا عازمين القطه معانا

دخلت المطبخ لقيتها ملتهمه السمك كله واللى فايض هى مقطعاها بسنانها عملت كده:-#:-#


طبعا كنت مستغربه اللى بيحصل ده

ولكن بعد يومينعرفت فين السبب

لقيت اخت جوزى بتزعقلى انى شيلت ترابيزة الانتريه يوم العزومه وانى بقيت اتنطط من فوق الكراسى كنت بلم كراسى السفره فكنت بعدى من فوقيها

قالتلى عماله اقولك اقعدى بقى اهمدى وانتى ولا انتى هنا

فاستغربت قلتلها ليه يعنى قالتلى العين متحه عليك قد كده

وقالتلى على سلفتى فى حوار دار بينهم وهيا عندى فى الشقه يوم العزومه

اخت جوزى بتقولها انى تعبت ودوخت منها فى الشارع فسلفتى قالتلها باستغراب ليه يعنى قالتلها ليه يعنى ايه مش حامل

قالتله غريييييييييييييييبه مع انه حملها حلو يعنى مبتتعبش فيه انا عملت كده:-oردت اخت جوزى قالتلها انا ياللى مش حامل كنت هاجيب اللى فى معدتى من الريحه فما بالك هيا قالتلها اه اصل هى حملها كويس وزعقتلى جامده وقالتلى فتحتى العين عليكى بناصحتك مش انتى اللى قولتلها حملى حلو قلتلها انااااااااااا ابدااااااااااااااا


فكرتنى بحوار كده كنت حكيتلها عليه كانت سلفتى كل ما اقعد معاها تقولى ان انا باخد كل حملى نوم كذا مره تقولى الكلام ده وقدام ناس غريبه عننا

اخر مره كان فى عزا باباها كنت بعزيها وبرضوا قالت الكلام ده قدام اخواتها وقرايبها

روحت طالعه فيها وقلتلها مين دى اللى حملها كله نوووووووووووووم ( انا اصلا كنت بشتغل اول الجواز ) قلتلها انا كنت او 5 شهور حمل كنت فى شغلى بنزل من بيتى 7 ارجع 8 يبقى حملى كان نوم فيييييييييييييييييين


وقلت لحماتى حماتى زعقتلى انى رديت وقالتلى كنتى تسيبيها تهوهو قوليلها اه باخده نوم ماهى بتروح تولد زى اللى بتكون رايحه مشوار تيجى تقولى خدى البت عندك علشان رايحه اولد وساعتين وترجع شايله العيل فى ايدها ماشاء الله عليها ربنا يرزقك ساعه زيها مش انتى اللى دوخت على مولدتى وفى الاخر فتحتى بطنك ابقى اتفرجى بقى على وحمك هايبقى عامل ازاى بعد مافتحتى عينها عليكى

قلتلها ياماما انا اتغاظت اصل سلفتى بتاخد اول 5 شهور فى الحمل نوم بمعنى كلمه نووووووووووووووم وجوزها يحمى العيال ويكنس ويمسح ويغسل والاكل يتجاب جااااااااااااااااااااااااااااهز وتيجى تقولى انا كده وانا مبنمش يوم دى حتى مابترضاش تعمله كوبايه شاى تقول خد اللبن واغليه عند امك اصلى مش بطيق ريحته :| هو انا كده غلطت لما رديت عليها ساعه الموقف ده


اخت جوزى قالتلى علشان كده يوم العزمه كانت عينها عليكى قد كده بقى هى مش قادره تقف تعمل لعيالها وحوزها لقمه وانتى عازمه كام عيله:rolleyes:

ها صدعتكوا اكيد اه ودى محتاجه سؤال:o

طب خدوا بقى حلوا بقكوا بعد الصداع المتين ده

كنافه بالكريمه تستاهل بقكوا








ودى بعد الهجوووووووووووووووووووم





وده نصيبى باكله هم هم دلوقتى

فراشه بقا بما انك هنا
عندي سؤال عبيط جداااا بس متضحكيش عليا

الشربات التقيل بيتعمل ازاي
انا كل مااعمله يطلع خفيف:study:

فراشه انزلي بطريقه لانها شكلها اغرائات جامد ههههههههههههههههههههههه كان نفسي اقيمك لانك تستاهي الصراحه

بناات عايزة لينك رز الريزو بتاعى ايمى ضرورى

فراشة جيت اقيمك معرفتش
ربنا يحميكى من العين ياااااااااااااااااااااااارب
والكنافة فووووووووووووق الفظيعة كالعادة الطريقة بالتفصيل بقا
هههه وعجبتى حماتى فى كلمة خدى الواد ساعتين واولد دى ههههههههههه

يا شبااب

انا نفسي في ممبار اوي
قولولي بيتجاب منين من عند الجزار عادي ولا ايه
انا بعرف اعمله عادي بس مش عارفه اشتريه منين ولا انضفه ازاي

.. Hopes;15491618:
فراشه بقا بما انك هنا
عندي سؤال عبيط جداااا بس متضحكيش عليا

الشربات التقيل بيتعمل ازاي
انا كل مااعمله يطلع خفيف:study:

بقوكوا يا بنات قولولى بليز استخدامات كريمة الطبخ ضروررررررررررررررررررررررررى

عندى بتاعت جهينة وخايفة تبوظ منى

ههههههههههههههه شيري تصدقي انتي فعلا بتستهبلي يا بنتي داري علي شمعتك تقييييييييييييييييييييد ... أنا روحت عند حماتي و أدي أهلنا عادي يعني ايدي اتفتحت من السكينة و وقعت علي رجلي ضرفه الجزامة رجلي ورمت و ايديا اتفتحت من المنفضه بتاعه السجاد هههههههههههههه أخت جوزي بتقولي اشمعني انتي يعني بيحصلك كده بهزار قلتلها تخليص ذنوب الدور و الباقي علي اللي مش بيحصله حاجة خالص هههههههههههه كلهم ضحكوا و ردت و هيا مسخسخة منك لله يا وليه هههههههههه ربنا يكملك علي خير يا رب


كريمة الطبخ تنفع في البيكاتا و شوربه المشروم و شوربه كريمة الفراخ

من ساعه ما جيت من عزومة حماتي و جسمي بيوجعني جدا مش قادرة أعمل حاجة في البيت و صعبان عليا اني مش قادرة أنفض قبل العيد ادعولي يا بنات بالله عليكم :(

شيرى الزمى الاذكار ربنا يحصنكوا يارب من العين والحسد لا حول ولا قوة الا بالله انا مش فاهمه ايه الناس دى و فعلا العزومه دى ما كانش وقتها خالص ربنا يحميكوا يارب
و تسلم ايدك على الكنافه بالف هنا وشفا

Boody we zady;15490716:
سااااااااااااااااااااااره هما كام نفر لكل الأكل ده يا قمر؟؟؟؟؟؟؟؟؟

فراشه في انتظار الطريقه
حابه اخد رايكم
http://forums.3roos.com/showthread.php?p=15493894#post15493894

سارة العروسة القديمة;15493488:

ميرسى لام زوما وسويت روما على ردكم عليا بخصوص العزومة


ان شاء الله يا ام بودى 6 افراد كبااااار


شيرى دارى على شمعتك تقيد وعليكى واذكار الصباح

ام بودى الف الف سلامة عليكى وكل سنة وانتى طيبة



ينفع استخدم كريمة الطبخ فى عمل الجلاش بدل اللبن بعنى احنا بنحط الجلاش فى الفرن واول ما يبقى داخل على سوا بنطلعة ونضيف كوب لبن وبيضة وملح وفلفل

السوال ينفع ابدل اللبن بكريمة الطبخ ؟؟؟؟

كريمة الطبخ أنا عملت بيها الرقاق و طلع وااااااااااااااااااااااااااااااااااااو بجد جربي تعملي رقاق بدل الجلاش

النهارده الفطار رولات الفراخ بالموزريلا و مكروةن لجوزي و أنا حأكل معاها سلطة و العيال حيكلوا شوربه خضار معاها ههههههههههههه

شكرا ياقمرات لذوقكم وكويس ان الكنافه عجبتكم

والطريقه كالاتى

الكريمه بعملها

كوبايتين لبن وعليهم معلقه كبيره نشا ولو عندك كريم شانيه قلبى معلقتين وحطيهم فيها ومعلقه كبيره سكر وعلى النار

وقلبى لغايه ماتوصلى لقوام المهلبيه بس اخف سنه بسيطه لو لسه محتاجه نشا دوبى شويه صغننين وقلبى لغايه ماتوصل للتقل المطلوب

وتطفى عليها وبكون محوشه وش اللبن طازة باخد معلقتين واقلب بسرعه وهى سخنه واقلب من وقت للتانى علشان مش تعمل قشره انا بقلب بالمضرب اليدوى


كده خلصت الكريمه

الكنافه

بحطها فى الفريزر ولما تجمد اطلعها افركها بايدى لغايه لما تتفتفت واكون مسيحه سمنه بلدى واخدها ادلقها عليها واقلب لغايه لما الكنافه كلها تشرب سمنه وادهن الصينيه سمنه واخد نص مقدار الكنافه واحطه فى الصينيه واضغط عليه جااامد وبعدين اصب الكريمه وبعدين احط باقى الكنافه بحرص واضغط عليها خفيف علشان نساويها واحط سمنه بلدى على الوش

وبحطها فى الفرن الكهرباء بتاخد حوالى ربع ساعه

وبتطلع دهبي وجميل واسقيها شربات تقيل

بالنسبه للشربات التقيل سالت عليه

هوبس

كوبايتين سكر عليهم كوبايه ميه وعلى النار واول مايغلو نص لمونه وسيبيه يغلى شويه حوالى 10 دقايق لغايه مايتقل

شيرى الف لا باس عليكى معلش فى ميزان حسناتك ان شاء الله وربنا يبعد عنكو العين والحسد وتسلم اييييييييييدك ع الكنافه شكلى هارجع اتوحم وانا فى التامن ههههههههه

شيرى ماشاء الله عليكى بجد
الكنافة اصلا شكلها بس تحفة ربنا يحميكى يارب
بس سؤال معلش انا عاوزة اعرف قد ايه كنافه عليها قد ايه سمنه
ومش بتحطى عليها سكر بودرة زى ما الشيف بيعمل ولا ايه
اصل الكنافة بتاعتك شكلها ماشاء الله لاقوة الا بالله رووووووووووووعه

banota_helwa;15495291:
شيرى ماشاء الله عليكى بجد
الكنافة اصلا شكلها بس تحفة ربنا يحميكى يارب
بس سؤال معلش انا عاوزة اعرف قد ايه كنافه عليها قد ايه سمنه
ومش بتحطى عليها سكر بودرة زى ما الشيف بيعمل ولا ايه
اصل الكنافة بتاعتك شكلها ماشاء الله لاقوة الا بالله رووووووووووووعه

الصينيه دى نص كيلو شلت منه حبه صغننين وحطيت عليهم كوب الا ربع سمنه بلدى ومحطتيتش سكر لانه بينشفها بطلت احطه بتطلع وهم وبتدوب فى البق من غيره:thumbs_up:

Boody we zady;15494123:
كريمة الطبخ أنا عملت بيها الرقاق و طلع وااااااااااااااااااااااااااااااااااااو بجد جربي تعملي رقاق بدل الجلاش

النهارده الفطار رولات الفراخ بالموزريلا و مكروةن لجوزي و أنا حأكل معاها سلطة و العيال حيكلوا شوربه خضار معاها ههههههههههههه

ممكن اعرف ازاي اعمل العرقسوس يا حلوين