28 مرة نقول يا تري بتعملي الأكله دي ازاي ؟ مبدعات مصر الفمرات و شهر رمضان 1432

*Om Mo3az & Eyad*;15501673:


بنات انا عندي قطايف من امبارح بس مش حشيتها وسايباها ف التلاجه
لو طلعتها احشيها هتبقى بايظه ولا ايه ؟
انا متعوده احشيها وهي طازه واشيلها ف الفريزر ؟

ولو هتبقى بايظه ايه حلها عشان تبقى زي الطازة ؟

:'(:'(:'(:'(

*Om Mo3az & Eyad*;15503769:
:'(:'(:'(:'(

عادي يا جميل انا القطايف باشيلها كده في كيس مربوط كويس في التلاجة ومش محشية بس المهم احشيها تاني يوم على طووووول ماخليهاش تستنى عشان بتفرول وتتقطع بصراحة
وسعات بلاقيها مش بترضى تلزق معايا فبعمل زي رورو باجيب جمبي كباية مية والزقها بالمية
لو بقى لقيتيها بايظة وبتفتح منك في النص وبتتقطع يبقى خلاص عليه العوض ومنه العوض :)

بنات تعالو الموضوع ده ضرووووووووري عشان نلحقو نفسنا قبل العيد بجد :celebrate:

http://forums.3roos.com/showthread.php?t=632312

تسسسسلمي يا نور يا قلبي
انا استنيت حد يرد عليا امبارح عشان اعملها ومحدش رد ومش عملتها
هجرب كده انهرده وربنا ييسر وتكون لسه عايشه
:)

وحشتيني اوي ع فكره
كل سنه وانتي طيبه

Boody we zady;15502271:
ايمااااااااااااااااان الكحك اللي في موقعي معمول بالزبده و بيدوب دوب و الله ملوش حل حتي لما عملته حماتي مش صدقت و لا اخوات جوزي انه أنا أول مرة أعمل هههههههههه

الغريبه هيا عباره عن 123 يعني كوباهي سكر ناعم و عليهم 2 زبده بدرجة حراره الغرفه و فانليا تضربيهم سوا لحد ما الخليط يبقي هش زي الكريمة كده و يبقي لونه أبيض بعد كده تضيفي الدقيق المفروض تأخد 3 كوبايهت بس انتي ضيفي 2 و نص و شوفي لو مش لمت معاكي يبقي زودي شويه شويه لحد ما تعمل خليط ممكن تعملي منه كور عادي .. ريحيها شويه في التلاجة و بعد كده تطلعيها و كوري في الصينيه و في فرن سخن حطيها علي حراره 120 يعني مش عاليه و أول ما القعر يأخد لون طلعيها و بالهنا و الشفا ابعتيلي طيق ها ههههههههههههه


أم اياد موضوع القطايف ده أنا مش عارفه بس حاسه انها ممكن تشقق

:'(:'( شوفتي ظلمتيني ازاي يا أم اياد و الله رديت عليكي بس انتي مخدتيش بالك

رببنا يبارك لك يا ام بودي
ماخدتش بالي
:)
انا مكسله اعملها اساسا شكلي هرميها والله بس مستخسرت بجد :(

ازيكم يا بناااات عاملين ايه النهارده جايه اسم وامشى

شيرى الكنافه حلووووة اوى بجد تسلم ايدك يا قمر

البنوته اللى بتسال على ورك الرومى مش عارفه والله ممكن يتعمل بيه اييه بس ممكن تسلقيه وتحمريه وتاكليه كده مع محشى او ممكن تعملى كبسه غير كده مش عارفه بجد

ازيكم يا حلوين
بنات انا عندي عزومه بكره ان شاء الله
عاوزه حد يكون عنده طريقه كويسه لعرق الفلتو السخن مش البارد


وكمان قولولي ينفع اعمل الرقرق قبلإا بيوم وتاني يوم اسويه ..ولا يبوظ كدا من الشربه اللي بتبقي فيه ؟

عرق الفلتو اكيد ام بودى وشيرى هيقولولك عليه انا مش اعرف

الرقاق لا هيبوش من الشوربه لازم فى يومها لكن الجلاش عاادى يترص قبلها بيوم

mitcy;15505924:
ازيكم يا حلوين
بنات انا عندي عزومه بكره ان شاء الله
عاوزه حد يكون عنده طريقه كويسه لعرق الفلتو السخن مش البارد


وكمان قولولي ينفع اعمل الرقرق قبلإا بيوم وتاني يوم اسويه ..ولا يبوظ كدا من الشربه اللي بتبقي فيه ؟

عندي في الموقع طريقه تحفه و الرقاق لالا طبعا زي أم عمر ما قالت يبوش

ام بودي بليز قوليلي عليه هنا
لااي معرفتش اسجل في الموقع بتاعك

فراشه...ماشاء الله الكنافه وأو
بس قوليلي هي لما بتتحط في التلاجه بتطلع ماسكه نفسها ولا سيبه...لااي عاوزه اعملها في صينيه واقطعها بعد كدا
ومتهيالي ممكن نستغني عن طبقه الكيك ..ولا ايه

مين سالت عن ورك الرومي انا مشوفتهاش خالص :o

طيب البنوتة اللي بتسال عن ورك الرومي اعمليه في الفرن بالتوم والروز ماري ولو مفيش روز ماري كبري انا استعملته اخر مرة وكنت دايما شغالة من غيره

بس المهم يكون الرومي صغير مش كبير عشان يستوي كويس
هتعملي ايه بقى يا ستي هتجيبي حوالي 15 فص توم كده كبار وتقطعيه اربع تربع بالطول
وتجيبي عصير 3 لمونات يعني يعملو حوالي ربع كباية حسب حجم الورك برضه+ 2 م.ك خل +علبة زبادي + ملح + 1م.ص فلفل اسمر + 1م.ص شطة + 1م.ك روز ماري + ربع كباية زيت
بصلة مبشورة
هتغسلي الورك كويس بحيث تدعكي الجلد بملح كويس قوووووووووي ولمون ودقيق وتسيبيه 10 دقايق وتشطفيه
وتجيبي البصلة المبشورة تدعكيها بملح وفلفل اسمر وادعكي الورك كويس قوووووي من تحت الجلد وبره وتسيبيه برضه ربع ساعة وتشطفيه

هتجيبي بقى الورك نشفيه بمناديل وتعملي فيها شقوق كده في اللحم واغرزي في الشقوق دي فصوص التووم الي قطعتيها في كل شق ترصي كام عود من التوم اللي خرطتيه بس المهم تكتري ماشي

كل بقى المقادير التانية اللي فاتت اخلطي كلللللللللله على بعضه واهم حاجة الملح تضبطيه
تصبي في الشقوق كده بالمعلقة وبعدين تصبي الخلطة كلها عليه وتبيتيها في التلاجة اهم حاجة تقعد 12 ساعة في الخلطة
بعد 6 ساعات تقلبي الورك الناحية التانية عشان يشرب من الملح والتتبيلة ماشي

تاني يوم بقى تجيبي صينية وورق فويل تحطي ورق الفويل وتحطي فوقه الورك وتصبي الخلطة برضه كله جوه الفويل ورشي حبة زيت على الوش نونو واقفلي الفويل كويس قوووووي وخلي الفتحة من فوق عشان لما تيجي تختبري التسوية وصبي كباية مية في الصينية ودخليها الفرن حاااامي
هتقعد في الفرن من ساعة ونص لساعتين على حسب حجم الورك وعمر الديك برضه ميكونش عجوز
بعد ساعة وربع افتحي الفويل من فوق واغرسي طرف السكينة في اللحم المفروض يطلع عصارة لونها شفافة يبقى كده استوت او اقطعي من اللحم ودوقي وعلى العموم هي لما بتستوي بيفصل اللحم عن العضم
لو استوت شيلي الفويل اكشفيه واديها تحمير من الشواية من فوق
ان شاء الله تبقى جميل وهتدووووووووب زي الزبدة جربي على ضمانتي

هي مين بقى البنوتة دي :p

انا دي يانور
تسلميلي ياارب ويكرمك وافرح بيكي قريب :D

mitcy;15506097:
ام بودي بليز قوليلي عليه هنا
لااي معرفتش اسجل في الموقع بتاعك

السلام عليكم يا قمرات
معانا عرق روستو ممكن يتعمل منه لحمة بارده و روست بيف .
المقادير:
عرق روستو أي حجم /بطاطس و جزر / فصوص ثوم / ملح و فلفل و قرفه و بابريكا و صوص صويا و كاتشاب و بابريكا .
الطريقه:
1- حنحضر التتبيله نحط كل الحاجات علي بعض و نسيبها.
2- حنقطع فصوص التوم و نعمل خروم في كذا مكان و نحط فيها فصوص الثوم.
3- حنتبل العرق بالتتبيله اللي عملناها .
4- حنسيبها كام ساعه .
5- نجيب صينيه و نحضرها علي النار و فيها حته زبده.
6- نشوح اللحمة من كل النواحي و نديها لون تحمير.
7- نحضر الجزر و البطاطس شرايح و نتبلها ملح و فلفل.
8- نرص الخضار و فوقيه اللحمة و ندخلها الفرن.
9- نغلفها و نسيبها مش أقل من ساعتين.
10- نسيبها تهدي 10 دقايق قبل التقطيع .


أهو يا جميل :)

ميرسي ام بودي حبيبتي
تسلم ايدك
جزاكي الله كل خير

بنات انا مش فاكره مين كانت بتسال علي اللازانيا اللي بتهبط


اعتقد سبتيها كتييير في الفرن لحد ما البشاميل نشف
كنت عمله قبل كدا واتبقي وكنت بطلعها حالا اسخنها لقيت وحده هبطه والتانيه ماشاء الله عاليه
الاالي كنت سبتها كتير فعلا... ومكنش طعمها حلو اوي والبشاميل ناشف ..والتانيه حلوه اوي وعاليه
فعرفت بقي اجابه سؤالك قلت ادخل اقولك

mitcy;15506100:
فراشه...ماشاء الله الكنافه وأو
بس قوليلي هي لما بتتحط في التلاجه بتطلع ماسكه نفسها ولا سيبه...لااي عاوزه اعملها في صينيه واقطعها بعد كدا
ومتهيالي ممكن نستغني عن طبقه الكيك ..ولا ايه

اه ينفع ياجميل تعملى فى صينيه وتقطعى بس كل طبقه شكله اشيك

وممكن تعملى من غير الكيك بس الكيك مع الفاكهه والركيم شانتيه جميييييييييييل وممكن تجيبى اى كيك ساده جاهز

فى كيكه اسمها باوند كيك بالزبده طعمه جمييييييييييل وبالواحده ب 1جنيه

ازيكم يا بنات كل سنه وانتو طيبين ويارب تكونو كلكم بخير يارب

فراشه الايمان الف مبروك الحمل وربنا يكملك على خير يارب :)

بنات ممكن حد يقولى النهارده على طريقه البيتيفور لان نفسى اعمله وانا اول مره اعمله :)

دى طريقه البيتىفور

المقادير:

2 كوبدقيق

1 كوب زبدة حوالي 200 جرام زيدة

تلت كوبسكر بودرة(انا بضيف نصف كوب)
1 صفار بيضة..فانيليا..نقطتين خل
ذرة ملح..ربع م ص بيكنجبودر

للتزيين:

مربي مشمش

فسدق او شوكولاتة خام او شوكولاتةفرماسيل

نضرب السكر مع الزبدة جيداثم نضيف صفار البيضة مع الفانيليا والخل واخيرا الدقيق المضاف اليه البيكنج بودرشوية شوية وفي حالة عمل جزء بالكاكاو نضيف معلقة ونصف كاكاو خام الي جزء من الخليطمع رفع نفس المقدار من الدقيق

يدخل الفرن علي 200 درجةويخرج بمجرد انه ياخد لون ذهبي من تحت لا نتركه كتير

دي طريقه شيري فراشه الأيمان و ليا أنا كمان طريقه تانيه في موقعي علي طريقه الشيف أسامة

ربنا يكرمك يا ام بودى :)

طب لو مفيش سكر بودره ينفع والبيض بيكون بيضه كامله وله البياض بس