28 مرة نقول يا تري بتعملي الأكله دي ازاي ؟ مبدعات مصر الفمرات و شهر رمضان 1432

أم مازن*;15454167:
اكللللللله جديده اممممممممممممممممممممممممممممم^o)

بصى ياستى ممكن تعملى ايه؟
شيش طاووق او فراخ تكا بتاعة بسبس وجمبها مكرونه بالوايت صوص او مكرونه بالصلصه
او مندى بتاع سوسى وجمبه طبق ملوخيه
او مشويه وبطاطس محمره وسلطه
او تشيكن الاكيف بالصدور
او تشيكن رولز بالبانيه
واللحمه اعملى كباب حله
او
او اعمليها فى طاجن زى طاجن اللحمه الضانى

او اعملى مقلوبه لو بتحبيه
او اعملى كبسة لحمه
او اعمليها كباب حله وحطى معاها خضار مشكل بتبقى وهم اوى
ومش فاكره حاجه تانى حاليا


طيب مانت جامد اهو ياعم ماشاء الله
بس انا جاوبت اول ماقريت والله

.. Hopes;15454218:
اكله جديده بالفراخ واللحمة جربي الطواجن المغربيه رووووعه
بتقطعي الفرخه 8 او اللحمه مكعبات مش صغيره اوي اوي يعني
وبعدين بتتبليها بقرفه وجنزبيل وملح وفلفل وبهارات واي توابل تانيه بتفضليها (انا بحط عصرة لمون وخل وشوية صويا صوص صغيرين ومسطرده برضو قليل)
بعدين بتشوحي بصله لما تصفر تنزلي عليها بفلفل مقطع وياسلام لو معاهم فلفله حراقه ومعاها الفراخ لما تتحمر شوية بعدين تحطي عليها طماطمايه واحده معصورة وتزودي ميه وتسيبيها تستوي علي نار هاديه
ولما تقرب تستوي تنزلي عليها بمخلل الليمون والزيتون والكزبرة الخضرا وتقليبتين وتنقليها في طاجن وعلي الفرن
وبالهنا والشفا

ربنا يخليكم ياقمرات تسلموا

وللاسف انا وجوزى ملناش فى الطواجن والخضار خالص

هعمل كباب حله وخلاص

بنات لو عندى لوز مش متحمص وعاوزهاعمل بيه كنافه احمصه قبل ما احطه فيها

ولا هو هيتحمص فى الفرن مع الكنافه

شوشوهههههههههههههه انتى بجد اللى جامده ماشاء الله ربنا يبارك
من غير ماتردى ياشوشو انا متاكده انك مش شايفه ربنا يعزك

نووووور لا الشربات كان حلو جدا وعملته قليل لان الكميه قليله او ممكن تكترى وتحفظيه زى مالولا بتقول بس كان جميل ومظبوط ميه ميه انا مبقولش حاجه الا لما تكون فعلا بيرفكت ولو حد جرب تعجبه وانا برضه عارفه انك مش شايفه نفسى ارغى معاكى على الميل باذن الله بعد رمضان نتجمع تانى كل سنه وانتى طيبه ياحبى

شيرى مباااااااااااااااااااااااااااارك الحمل فرحت بجد وخدى باااااااااااااااااااااااالك من العزومات انتى لسه ف الاول ربنا معاكى يعنى ماتوطيش كتير واعملى الحاجه من قبلها ورتبى افكارك وارتاحى شويه بعد كل حاااااااااااااااااجه ماترهقيش نفسك ياقلبى ربنا يثبته
والله فرحت هيهد زيزو عنك شويه النونو ده
اللى يزعل انهم عارفين الطريقه بس مكسلين ؟؟؟؟عشان ايه معرفش ؟؟؟؟
وربنا يعينك بجد قلبى معاكى ماتبعتى حد من اخواتك يساعدوكى
قليلى بتشوى الفراخ ازاى ف العزومات ؟؟؟وكمان طريقة الرز باللبن بتاعتك وبالمقادير بعد انك
اما تفضى ابقى ردى مش مستعجله

لولا ازيك وازى دومى ماشاء الله كبر كل سنه وانتى طيبه ياقلبى وفعلا ممكن اعمل شربات واحفظه بس احنا مش لينا ف الحلويات اوى بنحب الفاكهه اكتر

بوسى ام عمر وليان وحشتنى وهيا برده بتحب الفاكهه عن الحلويات ربنا يعينها
استودعكم الله

Boody we zady;15455442:
أنا النوع اللي بجيبه مش بيتسلق يا جميل حتي الطريقه موجوده في الموقع و الصورة باينه ان حاطها و هيا ناشفه مش مسلوقه بس بتعملي حساب انها حتفرد يبقي مش تلزقي الحتت جنب بعض قوي و نصيحة مش تعمليها قبلها لالالا اعمليها في نفس اليوم و مش حتأخد وقت ... اعملي المفروم و اعملي البشامل قبلها بيوم بس ركبي الصينيه في يوم السوي و دي عن تجربه أنا بعملها كتير الحمد لله و كل مرة بتطلع روعه

اوكي يا ام بودي هعتمد طريقتك .. واعملها في نفس اليوم
اول مره اجيب اللي مش بتسلق دي.. ربنا يستر

عسولة عمرو;15455445:
بناااااااااات كل سنه وانتم طيبين
انا عايزه اعزم خطيبى وعايزه اكل جديد اعملهوله عشان عملتله قبل كده كل الاكلات حد يقترح ويكون سهل اعرف اعمله
وان شاء الله كلها شهر وتلاقونى هنا عندكو هتجوز واجى اتعلم منك ان شاء الله
بالله عليكوا اقترحوا عليا

شوفي يا عسوله اعملي ستيك باقرفه والليمون .انا هعمله في عزومتي ان شاء الله..بيبقي رووووووعه ماشاء الله
بتجيبي بصله وتحمريها في زيت او سمن زي ما بتحبي .. ولما تبدا تحمر تحطي شويه قرفه صغيرين علشان اللي مش بيحب القرفه ومتبقاش ريحته جامده ..بعدين تنزلي بنص كوبايه عصير ليمون ..اعصري 2 ليمون علي نص كوب ماء وسبيها شويه
لحد ما البصله تشربها ولو عاوزه تحطي شويه صويا صوص .بس اعتقد انها مش محتاجه..وبعدين تجيبي صينيه تحطي فيها طبقه من الصوص وترصي الحم وتغطيه بالصوص..اه وقبلها توني متبله الصوص بالملح والفلفل..
بس يا ستي وتغطي الصينيه بورق فويل وتدخليها الفرن ..
خدي بالك الستيك يكون تخين شويه مش زي الاسكالوب

بيرق أمل;15455343:
ما انتي لازم تقري الخطوات يا ميتسي اقري اول خطوة وترجميها في جوجل هتعرفي لو قالك تتسلق ولا متتسلقش متعمتديش على احساسك
عشان في بنوتة هنا من سنة كانت مفكراها مبتتسلقش وطلعت بتتسلق ويا عيني كانو صايمين والاكلة باظت فاتاكدي الاول
بس انا معرفش مفتيش في الباقي عشان ولا مرة عملت اللازانيا بصراحة

قرتها يا قمر بس خيفه برده . مكتوب no pre cooking .......
يعني مفيش اعدادات قبل الطبخ
وفي طريقه عمل اللازانيا مش مكتوب انها تتسلق مكتوب طريقه البشاميل
واللحم والطريقه وبس

انا مش فاكره مين كانت بتسال علي الكنافه الاساور

شوفي يا قمر انا شفت في محل صواني عامله زي صواني الكب كيك بس
من النص مفرغه او طالعه ببوز كدا زي فكره الصواني بتاع الكيك اللي اللي بتطلع الكيك دايره
بس دي بقي كل حلقه صغيره زي الكب كيك
بس تفتتي الكنافه وتحطي طبقتين وبينهم حشو

sweetyronaaa;15456485:
[/CENTER]
بنات انا ان شاء الله هعمل عزومه ل 9 افراد
هعمل بط و فراخ بالماشروم و كفته بانيه و ممكن بدل البط اعمل استيك او لحمه بالمشمشيه و القراصيا
و هعمل معاهم محشي بتنجان و كوسه و فلفل و لازانيا و سمبوسك لحمه و جبنه

كفايه كده و لا اعمل حاجه كمان
[/CENTER]

بلاش البط تقيل ومش وقته في الحر ده ، دي وجهة نظري يعني هتخلي الناس تنام في بيتك مش هتعرف تنزل بيوتها تروح ههههههههه
تعملي اللازانيا او رز بسمتي والفراخ والاستيك والكفتة كده مع بعض
والمحاشي وسمبوسة محشية جبنة بالزعتر او جبنة بحبة البركة بلاش تحشي لحمة كده لحوم كتير خلي السمبوسة جزء جبنة بالزعتر وجزء جبنة بشريحة زتون وقطعة فلفل رومي هتبقى طعمها زي البيتزا ومتحطيش طماطم
واعملي الحلو بقى اللي يعجبك بس اعملي كنافة بكريم باستري هتبقى جميلة ان شاء الله ولو عندك فسدق رشي عليها في الكريمة من جوه

نور التقوى;15456579:

بنات لو عندى لوز مش متحمص وعاوزهاعمل بيه كنافه احمصه قبل ما احطه فيها

ولا هو هيتحمص فى الفرن مع الكنافه

هتحمصه في طاسة على النار من غير اي نقطة زيت
او انا باجيب صينية واحطه فيها وادخلها فرن بس احمي الفرن قووووووي واطفيه وادخل الصينية

mitcy;15456846:

شوفي يا عسوله اعملي ستيك باقرفه والليمون .انا هعمله في عزومتي ان شاء الله..بيبقي رووووووعه ماشاء الله
بتجيبي بصله وتحمريها في زيت او سمن زي ما بتحبي .. ولما تبدا تحمر تحطي شويه قرفه صغيرين علشان اللي مش بيحب القرفه ومتبقاش ريحته جامده ..بعدين تنزلي بنص كوبايه عصير ليمون ..اعصري 2 ليمون علي نص كوب ماء وسبيها شويه
لحد ما البصله تشربها ولو عاوزه تحطي شويه صويا صوص .بس اعتقد انها مش محتاجه..وبعدين تجيبي صينيه تحطي فيها طبقه من الصوص وترصي الحم وتغطيه بالصوص..اه وقبلها توني متبله الصوص بالملح والفلفل..
بس يا ستي وتغطي الصينيه بورق فويل وتدخليها الفرن ..
خدي بالك الستيك يكون تخين شويه مش زي الاسكالوب


قرتها يا قمر بس خيفه برده . مكتوب no pre cooking .......
يعني مفيش اعدادات قبل الطبخ
وفي طريقه عمل اللازانيا مش مكتوب انها تتسلق مكتوب طريقه البشاميل
واللحم والطريقه وبس

حلوة قوووووووي الفكرة دي بتاعة الاستيك باذن الله اجربها بجد داخلة دماغي
وبصي اللازانيا كده مش محتاجة سلق بترصيها ناشفة زي ما ام بودي شرحت بالضبط

نور انتى بتعملي الكريم باستري ازاى

عسولة عمرو;15455445:
بناااااااااات كل سنه وانتم طيبين
انا عايزه اعزم خطيبى وعايزه اكل جديد اعملهوله عشان عملتله قبل كده كل الاكلات حد يقترح ويكون سهل اعرف اعمله
وان شاء الله كلها شهر وتلاقونى هنا عندكو هتجوز واجى اتعلم منك ان شاء الله
بالله عليكوا اقترحوا عليا

انا مش عارفة ايه الي انتي معملتهولهوش يا جميل عشان اقترح عليكي
بس مدام خلاص كلها شهر وتتجوزي اعزميه على اي حاجة كرري مش مشكلة وفي بيتك اعمليله الجديد ان شاء الله
بس خليكي في الاكل البسيط اعملي لازانيا وجمبها كفتة فراخ او بانيه مقلي او ستيك بالمشروم والكريم وسلطة كولوسلو بتبقى خطيرة مع الاكل ده
وشرائح خيار وشرائح طماطم بلاش سلطة واعملي بطاطس كروكيت محشية جبنة
واعملي شوربة شوفان كويكر بتبقى روعة او لو هتعملي استيك بالمشروم اعملي شوربة مشروم كده يعني ده الي في بالي

Boody we zady;15455463:

حماتي ناويه تعزم أهل خطيبه ابنها قولتلها تعمل رز بالخلطة و عرق لحمة بارده و رولات الفراخ ( انا اللي اعملها ) ههههههههه و جلاش بحشو البيتزا و سلطة و سمبوسه و كول سلو.. ايه رأيكم في المنيو ده ؟

بناااااااااااااااااااااااااااااااااااات النهارده عيد جوازي:o

جامد المنيو تماااااااام
بس بقولك بلاش طيب رز بالخلطة خليها رز كبسة او رز معمر بيكون جميل في كل الحالات وبيتاكل حاف

om_hienar;15456104:
بنات انا عندى ازازة بيبسى الصودا راحت منها عندكم اى افكار؟

لا للاسف معرفش
انتي ممكن تسقي بيها تورتة

ام زوما;15456336:
ازيكم يا بناااااااات

انا عندي عزومه يوم الجمعه ان شاء الله
بس لناس اصحابنا ومفيش فرق يعني فامش هكتر قوي في الاكل
لحسن عملت عزومه الجمعه اللي فاتت وكنت مكتر واتبقي اكل كتيييييييييييييييييييير
هقولكم وتقولو ايه رايكم

هعمل فراخ مشويه مع خضار مشكل مشوي
وكفته وسمبوسه باللحمه المفرومه ورز بشعريه
وكنت بفكر في كانيلوني كمان
ايه رايكم اعمله ولا بلا وازود ايه تاني
وسطله حمص ومعاها عيش لبناني وسلطه تبوله و سلطه خضرا
وطبعا في عصاير وحلو

طيب مدام هتعملي رز بالشعرية فاعملي بقى صينية بطاطس بيضة بالفراخ بتبقى جامدة والباقي زي ما هو

اه صحيح ام روما اعملي جنبها صينيه بطاطس طالما فيه رز



بنات اعمل صينيه الجلاش باللحم المفروم قبلها بيوم ؟؟؟وتاني يوم اسويها ولا هتبوظ ولا ايش ؟

ممكن الموقع يا ام بودى اهو ممكن الحق اعملى كام حاجة قبل الولادة :D

السلام عليكم
ايكو يا بنات
كل سنة وانتو طيبين

رونااااااااااااااااااااااا
ممكن تقوليلى طريقة الستيك بالمشمشية والقراصيا

ام بودى تسلم ايدك ع السفره الروعه

شيرى الف مبرووووووك الحمل ربنا يباركللك

ياشباب

عاوزة طريقة فتة الشاورما

أم هينااااااااااااااااااااااااار البيبسي اللي بدون صودا ... نضفي بيها التواليت حيطلع بيبرق بجد و الله هههههههههه محدش يضحك هههههههههه

النهارده الفطار كان بره في مطعم اسمه بورتوفينو اوبن بوفيه بس كان جميل الأكل الا الشيش طاووق بصراحة بتاعي أجمد هههههههههههه

نوووووور و هبه و بيرق امل هههههههههههه ممكن يا جميل تدينى طريقة الكنافة بالمانجه اللى انتى عملتيها بس بسرعه لحسن فاضل عندى 3 مانجات بالعدد قبل ما افترسهم

شكرا لكل اللى رد عليا ماشاء الله كلها اكلااات جامده جدا وشكلها سهله واول مره اسمع عنها هههه بس انا بقى شكلى مش هعمل عزومه وهاجل الكلام ده لما اتوز وخلااااااص

النهارده عملت فراخ بالروز ماري وطلعت وهميه جداااااااااااااااااا بجد الحمد لله
اول مره اعملها وطلعت جامده جداااا

du;15458560:
النهارده عملت فراخ بالروز ماري وطلعت وهميه جداااااااااااااااااا بجد الحمد لله
اول مره اعملها وطلعت جامده جداااا

انزلي بالطريقه يا غديييييييييييييييير

وحشتونى قوى
يا بنات انا عامله اوبن داى فى الرحاب يوم الجمعه والسبت لملابس الاطفال كلها حاجات مستورده وماركات
ده العنوان بالتفصيل يا قمرات الرحاب المرحله الخامسه مجموعة 110 عماره 8 جنينه 3
الدخول من بوابه 13 نمشي علطول نلاقي صنيه نمشي شمال ونخالى مدرسه ال ايكول على يمنا وندخل في الشارع بتاع المدرسه هانلاقي مسجد تعديه ونكمل علطول علطول علطول تاني لحد ما نلاقي مسجد كبير ندخل اول يمين في اول شمال وهنا بقى البارك بتاع الركنه اركنه العربيه وننزل على بعد نص ثانيه هنلاقي الجنينه ...

وسؤال المنهج بقى الكوسه بالبشاميل بتسلقو الكوسه ولا تتشوح فى سمنة ؟؟