الرئيسية ركن الشات والمواضيع الترفيهية والألعاب شات عروس 28 مرة نقول يا تري بتعملي الأكله دي ازاي ؟ مبدعات مصر الفمرات و شهر رمضان 1432

28 مرة نقول يا تري بتعملي الأكله دي ازاي ؟ مبدعات مصر الفمرات و شهر رمضان 1432

Boody we zady 31-07-2011 597 رد 46,088 مشاهدة
m
mitcy
عروس فضية
07-08-2011 | 11:25 PM
ازيكم يا حلوين
كل سنه وانتو طيبين
عندي عزومه لاصحاب زوجي
وعمل ان شاء الله فراخ مشويه
وستيك وسبرنج رولز.ولازانيا وجلاش باللحم المفروم
قولولي بقي اعمل ايه كمان معاهم
بفكر اعمل رز معمر وصينيه بطاطس جاراتان
وممكن طبق كفته رز...قولولي اوكي ولا عندكم افكار تانيه


الحلو بقي ان شا الله كنافه اساسي...بقكر معاها اعمل كاسات تشيز كيك او جلاش
&
"أم حمودى وفلة"
عروس برونزية
07-08-2011 | 11:31 PM
ايماااااااااااااااااااان ازيك ياقمروحشتينى جدا والله ازيك وازى الولاد
د
دموع اشتياقي
عروس فضية
07-08-2011 | 11:37 PM
ام حمودييييييي وانتي وكمان والله وكل البنات كلنا بخير الحمد لله
B
Boody we zady
عروس ماسية
07-08-2011 | 11:58 PM
الكهربا قطعت 3 ساعات يعني وقفه حال :( يللا الحمد لله ... ايوة العزومة بكرة يا نووووووووووووووووووووور تعالي يللا ههههههههههههه حأعمل فراخ علي صينينه بطاطس بيضا

ايمااااااااااااااااااااااااااان وحشاني جدا جدا عامله ايه و ليه مش باينه ؟

mitcy حلو كده قوي هما كام نفر الأول؟
m
mitcy
عروس فضية
08-08-2011 | 12:07 AM
Boody we zady;15448233:
الكهربا قطعت 3 ساعات يعني وقفه حال :( يللا الحمد لله ... ايوة العزومة بكرة يا نووووووووووووووووووووور تعالي يللا ههههههههههههه حأعمل فراخ علي صينينه بطاطس بيضا

ايمااااااااااااااااااااااااااان وحشاني جدا جدا عامله ايه و ليه مش باينه ؟

mitcy حلو كده قوي هما كام نفر الأول؟




ام بودي هما 4 بزوجي
د
دموع اشتياقي
عروس فضية
08-08-2011 | 12:29 AM
كنت في مصر يا ام بودي شهرين وكان في حبه مشاكل الحمد لله عدت علي خير ربنا لا يرجعها وانا فرياض الان وحشتيني جداااااااااااا
B
Boody we zady
عروس ماسية
08-08-2011 | 01:14 AM
mitcy;15448256:
ام بودي هما 4 بزوجي


يبقي كفايه كده يا قمر بلاش بطاطس جراتان و لا غيره بس اعملي جلاش بحشو البيتزا أحلي من المفروم و جديد عشان كده كتير لحوم يعني و اعملي سلطة ... بنجر و كول سلو مثلا
d
du
عروس مبدعة
08-08-2011 | 01:58 AM
لقيت المعلومه دى ف منتدى تانى قلت اقولهالكم تفيدكم
بتعملى صوانى فى الفرن كتييييييير واصناف وانواع
وعايزة تحمرى الوش تعملى اييييييييه
بسيطة خالص
بعد ما تسوى الصينية عادى
ومعاكى صوانى لسة فى الفرن ما استويتش
مش هتقعدى تستانى لما اللى فى الفرن يستوى
لا
هتفتحى الدرج اللى تحت الفرن
فى البتوجاز من تحت وتحطى فيه الصينية
بس تخالى بالك معاها
لان الشعلة دى سخنة
اكتر من الشواية
وهتتطلع الصينية وشها زى الفل
وردى كدة وجميييييييييل
وكمان انجزتى فى الوقت
وبالهنا والشفا ان شاء الله
O
Om Omar&Lili
عروس مبدعة
08-08-2011 | 04:19 AM
ازيكم يا بنات مال الموضوع نااايم ليه كده
B
Boody we zady
عروس ماسية
08-08-2011 | 05:03 AM
حمد لله علي سلامتك يا أيمان
غديييييييييييييييييييييير تسلمي يا جميل علي الفكرة
دي حاجات عملتها ان شاء اله تعجبكم









الأول سنمك بوري مشوي زيت و ليمون

التاني ثوميه بس بجد حلوة قوي و الطرق في الموقع
أ
أم مازن*
عروس رائعة
08-08-2011 | 05:14 AM
ام عمر افندى;15449034:
ازيكم يا بنات مال الموضوع نااايم ليه كده

ازيك يابوسى وحشانى اوىىىىىىىىىىىىىىى
Boody we zady;15449171:
حمد لله علي سلامتك يا أيمان
غديييييييييييييييييييييير تسلمي يا جميل علي الفكرة
دي حاجات عملتها ان شاء اله تعجبكم









الأول سنمك بوري مشوي زيت و ليمون

التاني ثوميه بس بجد حلوة قوي و الطرق في الموقع

امممممممممم ماشاء الله
دموع اشتياقي;15447785:
السلام عليكم وحشتوووووووني جدا وكل سنه وانتم كلكم طيبين حد سئل عليه ولا لا اخباركم ايه وحده وحده يارب تكونون بخير جميعاااااااااااااااااا


وخشانى ياايمىىىىىىىىىىىىىىىىىى

غدير انا بعمل كده على طول مع الصوانى ياجمييييييييييييييييييييييييييييييييل
أ
أم مازن*
عروس رائعة
08-08-2011 | 05:17 AM
ساره افندي;15446688:
مرسي ياقمررر انتي بتسخدمي المطحون مع البهارات ديه في كل حاجه مش بياثر التتبيله في الطعم يعني لو تبلت بيه فراخ ولا لحمه الطعم مش بيبقا لازع


بستخدمه فى كللللللللللللللللل حاجه ولا بياثر على الطعم بالعكس بيدى نكهه حلوه اوى انا بحط اتنين على البهارات وانا بطحنها
ب
بيرق أمل
عروس برونزية
08-08-2011 | 06:31 AM
mitcy;15448156:
ازيكم يا حلوين
كل سنه وانتو طيبين
عندي عزومه لاصحاب زوجي
وعمل ان شاء الله فراخ مشويه
وستيك وسبرنج رولز.ولازانيا وجلاش باللحم المفروم
قولولي بقي اعمل ايه كمان معاهم
بفكر اعمل رز معمر وصينيه بطاطس جاراتان
وممكن طبق كفته رز...قولولي اوكي ولا عندكم افكار تانيه

الحلو بقي ان شا الله كنافه اساسي...بقكر معاها اعمل كاسات تشيز كيك او جلاش

صح بلاش الجلاش باللحمة المفرومة خليها بحشوة البيتزا
ورز ابيض عادي وكفتة رز وممكن تقطعي معاها مكعبات بطاطس في كفتة الرز نفسها
وياريت لو مخلل لمون بيكون جميل قوي مع الكفتة
ولازانيا وفراخ مشوية بس الاستيك ملوش لازمة خليها فراخ مشوية وسبرينج رولز وبس
واعملي شوربة جمبها برضه لو تقدري لان في ناس اساسي عندهم الشوربة في الفطار
وممكن تعملي المقبلات تاني بطاطس كروكيت محشية جبنة جميلة قوي وهتبقى شيك او سمبوسة محشية جبنة بالزعتر

يبقى بصي المنيو ازاي
الاطباق الرئيسية
لازانيا + فراخ مشوية + سبرينج رولز
كفتة رز (ممكن معاها مكعبات بطاطس) + رز ابيض

مقبلات
جلاش بحشوة البيتزا + بطاطس كروكيت محشية جبنة او سمبوسة بالجبنة
مخلل ليمون + سلطة كولوسلو وممكن تومية جمب الفراخ المشوية هتبقى جميلة
واعملي شوربة مشروم او لسان عصفور

والعصير بقى زي ما تحبي بس خلي لونين متضادين
يعني مثلا قمر الدين وعناب، او خروب وبرتقال كده يعني لونين مختلفين عن بعض متعمليش مثلا خروب وعرق سوس شبه بعض فهماني ازاي

والحلو كنافة اعمليها بالكاستر او الكريم باستري جربتها انهرده جميلة قووووووووووي
وبلاش الجلاش خليكي في التشيز او ايس كريم حاجة تطري على القلب عشان الحر المميت ده

وان شاء الله تشرفي جوزك يا قمر F:

Boody we zady;15448233:
الكهربا قطعت 3 ساعات يعني وقفه حال :( يللا الحمد لله ... ايوة العزومة بكرة يا نووووووووووووووووووووور تعالي يللا ههههههههههههه حأعمل فراخ علي صينينه بطاطس بيضا

ايمااااااااااااااااااااااااااان وحشاني جدا جدا عامله ايه و ليه مش باينه ؟

mitcy حلو كده قوي هما كام نفر الأول؟

ايووووووووه ليه كده لا حول ولا قوة الا بالله
معلش يا ام بودي ربنا يعينك بس المهم خلصتي ولا لسه؟
انا جاية جاية باحب قوي صينية البطاطس البيضة اكتر من اللي فيها طماطم تصدقي بقى
الف هنا يا جميل هاجي اكيد وماله منا فاضية اصلي هههههههههههههه :lol:

du;15448673:
لقيت المعلومه دى ف منتدى تانى قلت اقولهالكم تفيدكم

انا بعمل كده فعلا عمتو علمتني الحركة دي زماااان
س
سارة العروسة القديمة
عروس مبدعة
08-08-2011 | 08:59 AM
الفطار اليوم ان شاء الله

ارز ابيض ولوبيا ولحمة وسلطة
وعصير جوافة والحلو فاكهة طبعا والحمد الله

انا مش عارفة فى الجو دة مالناش نفس للكنافة وما شابة ابدااا

حد جاب توابل البريانى ؟
هيا توابل البريانى دى عبارة عن اية يا بنات ؟

ا
ام زوما
عروس متألقة
08-08-2011 | 12:36 PM
ازيك يا ساره
كل سنه وانتي طييه
فعلا رمضان السنه دي الواحد ملوش نفس للاكل والحلويات خالص

توابل البرياني دي عباره عن مجموعه توابل هنديه لعمل البرياني
.
.. Hopes
عروس مبدعة
08-08-2011 | 04:29 PM
النهارده هنفطر بأاااااخر حاجه فاضله من العزومة الحمدلله
بقالنا 4 ايام اهو بنخلص ف الاكل
م
مانشي
عروس متألقة
08-08-2011 | 05:37 PM
تسلم ايديكم يا بنات يا قمرات

عجباني اخر منيو قلتوها ما شاء الله

بس عايزة اعرف حاجة و اعذروني لو اسألتي هايفة و لا حاجة

ايه هي طريقة البطاطس الكروكيت بالجبنة ؟

و السمبوسة بتحشوها جبنة نوعها ايه اللي هي بالزعتر

انا جربتها جبنة فيتا قبل كدا

انتوا بتعملوها كدا و لا حاجة تانية ؟
&
"أم حمودى وفلة"
عروس برونزية
08-08-2011 | 05:50 PM
الفطار النهاردة عند ماما سمك بورى مشوى وسلطة خضرا وبابا غنوج وطبعا خشاف اساسى عندنا وعصاير
O
Om Omar&Lili
عروس مبدعة
08-08-2011 | 05:51 PM
شوشو والله وانت كمان واحشانى موووووووت بجد نفسى ارغى معاكى اوووووى

ام بودى السمك شكله حلو اووووووى تسلم ايدك

نووور ماشاء الله عليكى بقيتى شطوره فى المنيوهات مفيش كلام بعد كلامك يا قمر مواه

هوووبس انت كنت ممكن تشيلى حاجات فى الفريزر وتطلعيها فى وقت زنقه مش قادره تقفى تطبخى او مشغوله فى حاجه كده يعنى ابقى اعملى كده العزومه الجايه ومتخفيش الطعم مش بيتغير خالص

سااره انت لو قصدك على المكونات نفسها ممكن تلاقيها مكتوبه على العلبه بس انا معرفش مكوناتها ايه

ميسوو بصى انا بعملها بجبنه من غير زعتر بس بتطلع حلوة اووووى هتجيبى حته جبنه على اد اللى هتحشى بيه وتقطعى عليه يا اما بقدونس اخضر يا كزبره خضرا الطعم اللى بتحبيه اكتر او حتى كمان شبت انا بحب طعمه مع الجبنه وهتجيبى بيضه تكسريها وتحطى عليها سنه فلفل اسمر ونقطه خل وتضربيها كويس اوووى وقلبيها على الجبنه واحشى بيها هتطلع حلووووة اوى اوووى

لكن لو عاوزة جبنه بزعتر متهيالى الكيرى هتبقا حلوة مع الزعتر لو مش عاوزة الفيتا

النهارده كنت ناويه على سمك مشوى بس جوزى مقدرش يخرج تانى بعد ما جه من الشغل وانا مكنتش مطلعه حاجه من الفريزر فهنقضيها كشرى اصفر ودقوس ومخلل وخشاف
.
.. Hopes
عروس مبدعة
08-08-2011 | 05:58 PM
انا لسه مجبتش ديب فريزر ياام عمر وعايشه بفريزر التلاجه وصغير طبعا ويادوب بحط فيه كام كيس خضار متفرز وكام كيس لحمه وكام كيس فراخ ولو عامله عصير يشيل ازازة وبس كده :D
X