.. Hopes;15450323:
النهارده هنفطر بأاااااخر حاجه فاضله من العزومة الحمدلله
بقالنا 4 ايام اهو بنخلص ف الاكل
اه مهو ده الطبيعي انا باحب العزايم عشان كده بصراحة
*miso*;15450461:
تسلم ايديكم يا بنات يا قمرات
عجباني اخر منيو قلتوها ما شاء الله
بس عايزة اعرف حاجة و اعذروني لو اسألتي هايفة و لا حاجة
ايه هي طريقة البطاطس الكروكيت بالجبنة ؟
و السمبوسة بتحشوها جبنة نوعها ايه اللي هي بالزعتر
انا جربتها جبنة فيتا قبل كدا
انتوا بتعملوها كدا و لا حاجة تانية ؟
بصي السمبوسة بحشوة الجبنة بالزعتر هاتي اييييييييي جبنة انا باحشيها بالجبنة البيضة العادية البراميلي دي وترشي عليها زعتر بري الناشف ده او ترشي حبة البركة كله بيبقى روووعة قوي مع الجبنة
البطاطس بقى يا ستي
هتسلقي 4 بطاطسات كبيرة + كبشة برغل + ملح + فلفل اسمر + ربع ملعقة كاري متزوديش لو مفيش ميلزمش بس الكاري بيخلي طعمه جميل ممكن تحطي بهارات لحمة بدالها + شطة بسيط + معلقة اكل لبن
هتسلقي البطاطس بس متهريهاش لا يا دوب تدخل فيها الشوكة وتستوي وتسلقيها بملح واول ما تصفيها اغسليها بمية ساقعة على طول من الحنفية او من التلاجة توقفي حركة السوا بتاعتها
خلال الوقت ده تغسلي البرغل كويس وتنقعيه في مية سخنة لمدة من ربع لنص ساعة وبعد كده تصفيه وتعصريه باديكي كويس قوووووووي بحيث ميبقاش في اي مية خالص عشان مش تخلي البطاطس لينة ماشي، واطحنيها في الكبة ناعم
لما تبرد خاااالص حطي عليها كل المكونات اللي فاتت واهرسي مع بعض بس خلي بالك تهرسي بالراحة متعجنيش عشان متبقاش مصمغة وتضبطي الملح وكله تمام ماشي
هاتي الجبنة بقى انا كنت باجيب الجبنة الشيدر اللي هي قوالب دي واقطع مكعبات قد العقلة واعمل دواير احشيها بحتة جبنة واكور وهكذا لحد ما اخلص الكمية وادحرجها في الدقيق وبعدين بيض وبعدين بقسماط وادخلها التلاجة كده ربع ساعة تمسك شوية وتطلعيها تحمي الزيت قوووووووي وتحطي الكور تقلي عشان لو الزيت بارد هتفك منك البطاطس خلي بالك ماشي
انا بعد كده بطلت خطوة البيض والبقسماط وبقيت ادحرجها في الدقيق بس واقليها كانت بتبقى جميلة قوي برضه
والف هنا يا جميل بس كده بجد هتتنسسسسسسف من على السفرة صدقيني