27 مرة نقول يا تري بتعملي الأكله دي ازاي؟ مبدعات مصر القمرات شهر شعبان 1432

تسلمي يا شيري فكرة حلوة فعلا.. بس اللي عندي أكثر من حدود الفتة بكثير ههههههه مفيش حلول ثانية كمان؟

بوسي ولدت يا بناااااااااااااات



http://forums.3roos.com/showthread.php?p=15351689#post15351689

الله يسلمك يا فراشه والحمدلله اتبسط كتيررررررررررررررررررررر
بقولك بقى انا اول رمضان يعدى عليا وانا متجوزه وعايزه احضر حاجات ف التلاجه وطبعا اهل جوزى واهلى خلاص خدو فكره عنى انى بقيت شيف ههههههههههه ف عايزه اظبط اكلات ومشروبات تنفع او ع الاقل ايه المشروبات اللى تنفع ف رمضان

بصى انا بفكر احضر مثلا 3 فراخ واقسمهم وكيلو مفروم واعصقه وكيلو تانى اسيبه زى ماهو علشان ينفعنى ف اكفته ومثلا 2 كيلو بانيه واقسمه برضه ايه رايك؟؟؟؟
بلنسبه للمشروبات انا جوزو بيحب البلح باللبن وانا لالالالالالالالالالا ف عايزه اعرف بيتعمل ازاى واعمل معاه ايه تانى
مثلا قمر الدين كركاديه وفراوله بس للاسف مش عندى جوافه مع انى بموت فيها وممكن مانجه تفتكرى ايه تانى بيروى ف الصياااااااااااااام؟؟؟؟؟؟؟؟؟؟؟؟؟؟؟؟؟؟؟
صدعتك صح؟؟؟؟؟؟؟؟؟؟؟ معلشى بقى انتى حبيبتى انتى والبنات كلهم

انا بضم صوتي لصوت رشا
رمضان جاي وهنعزم ناااس وانا لسه معزمتش اهل جوزي ولا مرة
عاوزة تظبيطات جامده بقا

طب كده بقينا صوتين اهو يلا مين تااااااااااااااااااااااااااانى
عايزين نعمل رابطه ههههههههه

انا الصوت التالت

كنت عايزة اسالكو يا بنات عن شوربة السى فود البيضا
بس طريقة تكون متجربة
والحاجات اللى حستخدمها حتكون فروزن مش طازة
يعنى ممكن اعملها من غير كابوريا او قشر جمبرى؟؟

بصوا ياقمرات


بالنسبه لتجهيزات رمضان انا عن نفسى بعمل الاتى
1 - اجهز تسبيكه مكرونه وخلصها للاخر تبقى فاضله على انى اقلب المكرونه عليها واشيله التسبيكه فى الفريزر وساعه ما احتاجها بطلعها تلج واحطها على نار هاديه تفك واسلق المكرونه بس
2- تسبيكه محشى كامله بس من غير ما احط الخضرة ولا الرز بقلبهم فيها بعد مافكها على النار واحشى على طول وغالبا بطلعه قبلها بيوم وبحشيه ببالليل قدام المسلسلات واشيله فى التلاجه يبقى جاهز على السوا تانى يوم
3- بعصج لحمه مفرومه وتبقى جاهز للباشميل للجلاش للكانيلونى
4- اتبل البفتيك واشيله بالتتبيله ويطلع على البقسماط والقليه وكذلك البانيه
5- اجهز كفته واصبعها واشيلها على التسويه
6- الفراخ المشويه اتبلها واحطها تاخد نص سوا وبعدين اشيلها فى الفريزر ولما احتاج اطلع واحط فى الفرن تكمل سوا وساعات بشيلها بالتتبيله واطلعها على الشوى
7- الشيش طاووق اتبل واشيل فى التتبيله
8 - سمبوسك احشيه واشيله جاهز على القليه
9 - بجهز عجينه بيتزا واسويها نص سوا واشيلها فى الفريزر والصلصه بتاعتها برضو وبطلعها بعد كده يادوب اقطع الحاجات وارصها عليها وحطها مجمده فى الفرن
10- كفته رز احمرها واشيلها وطلعها بتلجها احطها فى التسبيكه
11 - احمر بطاطس نص مقليه
12- حتى الشربات بتاع الحلويات بعمله واشيله فى برطمانات زجاج بعمل نوع خفيف للجلاش والبسبوسه ونوع تقيل للكنافه والقطايف
13- بعمل كباب حله واشيله قبل مايكمل سوا بشويه بسيطه وبعدها اطلعه على نار هاديه واعمل جمبه مكرونه وبطاطس واقلب
14- تسبيكه الخضار يعنى احمر البصله لغايه ماتصفر واحط الطماطم وملح بسيط واسيبها تتسبك واشيلها وبعد كده اطلع منها اضبخ بيها الخضار كله تسبيكته واحده تقريبه دى بتبقى عندى للكوسه والباميه والفاصوليا البيضاء الخضراء بحط مع البصله فصين توم وكذلك اللوبيا بتطلعى التبيكه وتخليها تفك وتحطى الخضار وتديله الشوربه والتوابل وتظبطى ملحك

العصاير بقى بجيب فراوله وانضفها واشيلها صحيحه والمانجا اقطعها واشيلها واطلعها اعملها عصير الجوافه اقطع 4 اربع واشيل تبقى عندى عصاير لرمضان وخاصه رمضان ده حر مووووووووووووووووووت


ده اللى فاكراه دلوقتى لو افتكرت حاجه هاكتبها

ويارب تفيدك فى حاجه

بالنسبه للبلح باللبن

بتغسلى البلح الناشف وتطقعيه نصين وتشيلى النقى

وتكونى غاليه اللبن وتسيبيه يهدى شويه وتحطى البلح فيه وشويه سكر مش كتير لان البلح لسه هاينزل سكره فى اللبن

وشويه جوز هند ده لو بيحبه لوحده لو بيحب القراصيا معاه قطعى وحطيه مع البلح بس متحطيش مشمشيه فيه هاتغير طعمه

وبعمل قمر الدين عصير

بقطعه حتت واحطه فى حبه مايه يغلو على البوتجاز فى ناس بتنقعه بس ده اسرع واسهل وتخليه لما المايه تغلى شويه

وتطفى عليه ولما يهدى تصبى الخليط ده فى الخلاط ومعاه السكر وطبعا انتى مش هاتكونى حاطه مايه كتير هايبقى تقيل ومحتاج يتزود لغايه ماتحسى ان قوامه مظبوط كعصير ومتحطيش سكر كتير علشان هو اصلا مسكر

وحطيه فى التلاجه وطلعيه على الفطار بيبقى جميييييييييييييل

والفراوله تطلعيها من الفريزر قبل ماتكونى هاتعمليها بربع ساعه ويكون اللبن سااااااااقع وتحطيها فى الخلاط باللبن الساقع وهى مجمده ورشه فانيليا والسكر

ودوقى احلى عصير فراوله بس متمتريش الفراوله يعنى العصير يبقى لونه بينك كده اللبن هو الاكتر ومش تخليها خفيفه قوووووووووى

خلى عينك ميزانك

مش فاكره حاجه تانى دلوقتى بس لو عايزة حاجه اسألى

الله كل افكار تخزين لرمضان هايله اوى بس مش ليا طول بال اعملها :)
هاقولها لماما

الجدول عجبنى وقلت مبخلش على اخواتى بيه

ميه ميه يا فراشه وكل سنه وانتو طيبين :)

بسجل حضوورررررررررررررررررررررررررررررررر

اه انا شوفته ف المنتدى التانى بس مش عارفه بحس بلغبطه لما بشوفه هههههههه

شيرى جزاكى الله خيرا وكل سنه وانتو طيبييييييييييييييييين

تسلم ايدك يا شيري وكل سنة وأنتم طيبين.. بنات طريقة مربي التفاح بليز بس تكون متجربة علشان مش عملتها من زمان.. كمان مربي العنب الكيلو يأخذ سكر قد ايه؟

معلش سؤال كمان.. عايزه اغطي تورتة شيكولاتة ايه أحسن و أسرع حل.. لو فيه صوص بالكاكاو يبقي أحسن عايزه أعمل تورتة في يوم ميلاد جوزي و مش عايزه يحس علشان هو اللي بيجيب طلبات البيت طبعا هههههههه.. ولو عندي صينية بتلسع الكيكة ينفع تتحط في حمام ماء ولا بلاش هبل وأعمل في صينية كبيرة وخلاص ههههههههه

~OM-ADAM~;15359557:
معلش سؤال كمان.. عايزه اغطي تورتة شيكولاتة ايه أحسن و أسرع حل.. لو فيه صوص بالكاكاو يبقي أحسن عايزه أعمل تورتة في يوم ميلاد جوزي و مش عايزه يحس علشان هو اللي بيجيب طلبات البيت طبعا هههههههه.. ولو عندي صينية بتلسع الكيكة ينفع تتحط في حمام ماء ولا بلاش هبل وأعمل في صينية كبيرة وخلاص ههههههههه

انا على طول بغطى التورته بصوص شيكولاته انا عاملاه من الكاكاو

حطى كام معلقه كاكاو خاااااااام ومعاه معلقه زبده او سمنه وحطيهم على النار يادوب يسيحوا وتلاقيهم سايل كده

تبدأى بصب اللبن عليهم بس ببطئ وايدك التانيه بتقلب بسرعه هايلف معاكى زى البشاميل كده وتوقفى صب اللبن لما توصلى للقوام المطلوب ( خلى بالك بتتقل لما تبرد ) ولما توقفى صب اللبن تحليها بالعسل الابيض او شربات حلويات موجود عندك تصبى وتقلبى ودوقى حسب تذوقك للسكر يعنى حسب مابتحبوا الحاجه مسكره ولا لأ وخلاص خلصت كده وافضل قلبى فيها كل شويه علشان متعملش قشرة ولما تهدى الحراة تصبى على التورته قبل ماتتمسك نفسها قوى وتتقل لانها لما هاتبرد على التورته بتبقى زى الجناش كده بتلمع وطعمها جميل لو بردت خالص هاتبقى تقيله ومش سهله الفرد ولو لقيتيها بردت وتقلت ممكن تفكيها بحبه لبن نونو على النار

انا بعملها واشيلها فى التلاجه اللى يفيض بعمل بيه حلويات تانى بعد كده ولو عندك شيكولاته خام ولا كادبورى ممكن تحى عليها كام قطعه كده لما تخلص وهى على النار وقلبى واطفى وقلبى لغايه ماتسيح

وهاتبقى طعمها امممممممممممممم هاتاكليها كده اصلا وابقى قوليلى رايك وكل سنه وجوزو بصحه وبخير ومالى عليكم حياتكمF:

بنات بعد اذنكم
انا عارفه اني سألت قبل كده وجاوبتوني بس مش لاقيه الاجابه خالص :o

رمضان داخل والعزومات وانا لسه اول مره هعزم اهل جوزي فعاوزة محدش يتريق عليا يعني
عاوزة اعمل محشي بتنجان
ينفع اشيل البتنجان في الفريزر من دلوقت وهيطلع زي الطازة؟ واشيله ازاي

فراشه يا استاذه ههههههههههه
دانا كنت لسه داخله اسئلكو لو عايزه اغطى التورته بصوص شيكولا ويكون طرى مش لما ينشف يتكسر ويبقى زى الجناش كده
اصلى شوفت طريقه الجناش لقيتها ليها حاجات صعبه اجبها
بس الطريقه بتاعتك دى ف تغطيه التورته ولما تتحط التورته ف التلالاجه وتيجى تقطعى منها تلاقيها طريقه كده وطعمها شيكولاته شيكولاته؟؟؟؟؟؟؟؟؟؟؟؟؟؟؟؟

وممكن كمان بعد خطواتك دى اضيف فعلا من عندى شيكولاته خام مع الكاكاو علشان يبقى اتقل وكده ينفع صح؟؟؟؟؟؟؟؟؟؟؟؟ وهايدى نفس النتيجه؟؟؟؟؟؟؟؟؟؟؟

فراشة حبيبتي متحرمش منك و ربنا يستجيب دعوتك يارب.. بوسيلي زياد السكر

ra_tamima;15360317:
فراشه يا استاذه ههههههههههه
دانا كنت لسه داخله اسئلكو لو عايزه اغطى التورته بصوص شيكولا ويكون طرى مش لما ينشف يتكسر ويبقى زى الجناش كده
اصلى شوفت طريقه الجناش لقيتها ليها حاجات صعبه اجبها
بس الطريقه بتاعتك دى ف تغطيه التورته ولما تتحط التورته ف التلالاجه وتيجى تقطعى منها تلاقيها طريقه كده وطعمها شيكولاته شيكولاته؟؟؟؟؟؟؟؟؟؟؟؟؟؟؟؟

وممكن كمان بعد خطواتك دى اضيف فعلا من عندى شيكولاته خام مع الكاكاو علشان يبقى اتقل وكده ينفع صح؟؟؟؟؟؟؟؟؟؟؟؟ وهايدى نفس النتيجه؟؟؟؟؟؟؟؟؟؟؟

هاتلاقيها شيكولاته شيكولاته يعنى طعمها جميل ده انتى هاتاكليها وانتى بتزيينى بيها وممكن تضيفى قطع شيكولاته خام بس قلبى كويس لغايه ماتدوب ومتكتريش

هاوريكى شكلها ولمعتها





شايفاها بتلمع ازاااااااااااى

ومتنسيش تساويها بالسكينه وهى لسه سايله