27 مرة نقول يا تري بتعملي الأكله دي ازاي؟ مبدعات مصر القمرات شهر شعبان 1432

بناتى حياتى;15336539:
عايزة طريقة سحق حلوة من غير فلفل

ممكن تعمليه بالخلطة بدون فلفل و بالبيض أو علي االبيتزا أو تحسيه زي الحواوشي

ام بودى تسلمى ع ردك
بس انا هعملة مع مكرونة يعنى مش بيتزا ولا حوواشى

كانت فراشة الايمان عملاة قبل كدة مع مكرونة متعرفيش الطريقة ازاىى؟

بناتى حياتى;15336609:
ام بودى تسلمى ع ردك
بس انا هعملة مع مكرونة يعنى مش بيتزا ولا حوواشى

كانت فراشة الايمان عملاة قبل كدة مع مكرونة متعرفيش الطريقة ازاىى؟

فراشة الايمان وصلت

انا كنت عاملااه كالاتى

خرطى بصله بايدك مش بالكبه وتحطى معاه شويه زيت وعلى النار وقلبلى لغايه مالون البصل يصفر شويه كده تكونى مقطعه طماطم زى السلطه كده ترميها عليه ولما تبدأ تغلى كده تكونى مقطعه فلفل وترميه عليها ومعاه رشه فلفل اسود ورشه قرفه ورشه بهارات ومكعب فاين فودز وسيبيها تتسبك شويه مش لازم تتسبك للاخر بس تبقى تقيله وترمى السجق عليها وتقلبيه دقيقه وتحطىى نص كوبايه مايه وتسيبيه هايتسبك ويشرب الميه والطماطم وبعد كده ظبطى ملحك لو محتاج ولو عاوزاه حرااااااق حطى شطه وبس وكلى احلى سجق بالهنا والشفا ووياريت تخليه صحيح ز ماهو متقطعيوهش علشان مش يبقى فتافيت:thumbs_up:

معقووول ربنا بيحبنى الحمد لله
تسلمى ياشيرى

Boody we zady;15332463:
دي صورة تورته عيد ميلاد بودي ......... ممممم هو انا كنت وعدتكن بأيه كمان ؟ هههههههه

رهيييييييييييييييبه بجد تهبل ماشاء الله عليكى يا ام بودى استاذه ورئيسه قسم

كل سنه والاستاذ بودى طيب مش هاتقولى عملتيها ازااااااااااااااااااااااااى وفين بقيه الحاجه

ولا انتى بتضحكى علينا بدى;)

هههههههههههه لا و الله يا شيري في حاجات في موبايل جوزي و هوا اليومين دول عنده مشاكل و تحقيق في الشغل و بلاوي يعني مش في الموود .

دي انا عملتا زي كل مرة نفس المعيار و قسمتها 3 أدوار و حشيتها موز و كريمة و الوش كريمه و سوداني علي الجناب و الفاكهة زي ما انتي شايفه كده و عملتله اسمه كده بقوالب بسكويت عندي منظر يعني عشان يتفشخر قدام بنات عمته هههههههههههه

ام بودى متحرمش منك مووووووووووووواه ربنا يباركلك ف بناتك فكرتينى بالبطاطس زى ماشيرى بتعملها
وانتى عرفتى منين انى مسافره اه منك اه هههههههههههه انا راحة لاختى ف جده اقعد معاها كام يوم لان جوزها نزل اجازة وهاجى قبل رمضان اغير جو شويه وترجعيلنا بالسلامة وترجعى مبسوطه يارب

انا عندى فرخة كامله اتبلها ايه ؟ واعملها ايه ؟حد يقولى وجبه حلوة كده بيها

كمان ياريت يابنات نعمل جدول كده اول يوم نطبخ ايه ف رمضان وتانى يوم لحد اخر الشهر لانى بحتار اوى ودماغى مش بتجمع

~OM-ADAM~;15334167:
تسلمي يا رشا أنا هعمل بردو في حدود ٢ ولا ٣ كيلو بس أصلا أنا مش باكله ده علشان جوزو فقلت يقعد شوية يعني تسلم ايدك.. نور حبيبتي وحشتيني موت تصدقي موت م الضحك لما قلتي يدبل شوية لسه جوزي بيقولي سايبه الخيار يدبل كده قريت كلامك طلعت جري اقوله دي شطارة بالفطرة يابني هو لازم يتعمل كده أنت ايه عرفك ههههههههه .. دلوقتي بقي عندي عزومة لحوالي ١٥ فرد يوم الجمعة هعمل ان شاء الله تشكيلة محاشي فلفل و بتنجان وكوسة وورق عنب وصينية بطاطس بالفراخ بتتبيلة أم بودي حلوة جدا وكفتة بطريقة شيري طلعت وهم فعلا أعمل ايه ثاني بس حاجة تكون مش صعب ولا بتأخذ وقت علشان هكون لوحدييييييي

ماشاء الله طيب مهو جميل المنيو كده يا حبيبتي اعملي بقى سلطة زبادي عشان تبقى مع ورق العنب هتبقى جميلة ومخللات ولو مش عايزة تعملي صينية بطاطس هاتي بفتيك واعمليه بشرائح البصل وشرائح الطماطم والفلفل وسويه في صينية في الفرن بيبقى جميل ولا اقولك خلي صينية البطاطس اقيم
واعملي صينية جلاش باللحمة المفرومة او السوسيس او صينية جلاش البيتزا اللي كنت عملتها قبل كده دي لو فاكرة طريقتها وماشاء الله كده جميل

&pinky tears&;15334505:

نور متحرمش من توضيحك جبتى المايوه ولا لسه هههههههههههه؟

طب يام بودى عندى بطاطس كميه كبيره اعمل فيها ايه ؟؟
وبرتقال برده اعصره بسكر ولا من غير سكر واحطه ف الفريزر ؟؟؟

مجبتهووووووش لسه وشكلي مش هاجيبه :(
هالبس بقى تحت العباية بجامة هههههههههههههههه :lol:
اصل المشكلة اني عايزاه عشان اي لبس تاني بيتملى رملة بحر والهدوم بتتقل فانا عايزة ده عشان خفيف مش بيحوش الرملة جواه وكده كده العباية مدارية يعني ووقت الفجرية مش بيكون في حد الناس نياااام ولو في ناس يبقى خلاص مش هانزل المية :'(
ال يعني انا ميتة على نزول البحر ده انا اخر مرة نزلت فيها كنت في 6 ابتدائي هههههههههههههههه ولما نزلت من سنتين غرقت والله العظيم وبابا انقذني فانا هاشتري المايوه عشان اقعد على الشط :lol:
رورو انا عايزة عجينة البيتزا بتاعتك كتبتها زمان ونسيتها معلش
بالنسبة للبرتقال شيلي كام واحدة في الفريزر بحالهم واعملي بيهم كيكة انا بضربهم في الخلاط بقشرهم والباقي اعصريه عادي من غير سكر ولا اي حاجة خالص وشيليه في علبة او برطمان وفي الفريزر هيطلع يسيح ويبقى فريش وجميل

miramiro;15335126:
السلام عليكم
ازيكم يا اخواتى

ومبروك الجزء الجديد
وما شاء الله افتتح بتورته واوووووووووووووووووو ما شاء الله
تسلم ايدك يا ام بودى حلوه اوى تسلم ايدك

كل سنه وهو طيب


وازيكم كلكم عاملين ايه

انا بحب الموضوع ده جدا جداااااااا
ونفسى اتابع علشان اتعلم
بس مش بلاقى حد بيدخل كتير وبزعل على الموضوع اوى
علشان كده مش بدخل كتير عااااااااااااا

كلنا كويسين يا جميل ان شاء الله تبقي بخييييير
على فكرة الموضوع ده نشيط جدااااا بس الشهر اللي فات بس هو اللي كان نايم اكيد عشان اغلب الناس كانت بتصيف وانا كنت بنفض البيت تنفيضة الصيف :D

&pinky tears&;15337808:
ام بودى متحرمش منك مووووووووووووواه ربنا يباركلك ف بناتك فكرتينى بالبطاطس زى ماشيرى بتعملها
وانتى عرفتى منين انى مسافره اه منك اه هههههههههههه انا راحة لاختى ف جده اقعد معاها كام يوم لان جوزها نزل اجازة وهاجى قبل رمضان اغير جو شويه وترجعيلنا بالسلامة وترجعى مبسوطه يارب

انا عندى فرخة كامله اتبلها ايه ؟ واعملها ايه ؟حد يقولى وجبه حلوة كده بيها

كمان ياريت يابنات نعمل جدول كده اول يوم نطبخ ايه ف رمضان وتانى يوم لحد اخر الشهر لانى بحتار اوى ودماغى مش بتجمع

اعمليها كبسة اصلي نفسي فيها ههههههههه
اشويها واعملي جمبها رز كبسة برضه او مكرونة وسلطة طحينة
اعملي فرحة محشية زي الحمام وفي صينية بطاطس بتطلع جميييييييييلة وهم بحبها قوي وجمبها رز بقى وعيشي

هههههههههههههههههههههههه ربنا يسعدك يانور ويهنيكى
بصى البيتزا بعملها زى نانى الله ييسر امرها ويصلح لها الحال_وحشتنى اوى؟_
بصى 3 كوبايات دقيق بيعملو اتنين وسط كده ماشى ؟
و3 معالق زيت زتزن عليهم ورشة ملح
وبتجيبى معلقه صغيره خميره فوريه وتحطيها ف نصف كوب ماء دافئ مع رشة سكر وتدوبيهم وتسيبيهم ربع ساععه هتلاقى الخميره ارتفعت تقلبيها ع الخليط مع نصف كوب ماء تانى للعجن او لبن زى ماتحبى مابتفرقش معايا بصراحه
وتعجنى جامد يمين وشمال وفوق وتحت هههههههههه
البيتزا مش طريقه على فكر؟هيا عجن وخميرة نظيفه وبس وتعجنى كويس لحد ماتنضف الطبق يعنى مش بتلزق خالص تحطيها وتغطيها بفوطه وتحطيها ف مكان دافئ نوعا ما ساعه تخمر وهتبقى جاهزة للاستعمال تقسمى العجينه قطعتين وتفردى ولو بتحبيها رقيقه بتبقى حلوة وافردى حلو للسمك اللى حباه وخدى بالك بعد مابتفرديها بتخمر تانى ف الفرن فرققيها شويه وحطى بقى التوبنج الصلصه او الكاتشب مع شويه زعتر والفلفل والطماطم والزتون والجبنه الرومى حلوة اوى احسن من المزاريلا بس حطى موزاريلا برده وحطيها ف فرن متولع قبلها بشويه عشر دقايق بالكتير تكون جاهزة وتحمريها حمار خفيف من فوق يادوب الجبنه تسيح فيها وبالف هنا ياروحى

وفيه عجينة شيرى للبيتزا برده لو عايزة اللينك اجبهولك وبتصلح لجميع العجائن



مممكن اعرف بتشوو الفراخ ازاى من غير شوايه ومن غير فحم هههههههه ومن غير ازازة ومن غير مااوقفها وتبقى حلوة ؟

بنات ماتعرفوش اكل حلو للدايت عشان زهقت من الكوسه المسلوقه والتونه والسلطه
انا حاولت افتكس النهارده سلقت بسله وجزر ولما استو حطيت رز بسمتى وبهارات وملح
مش قادره اقولكم كان هايغمى عليا من وحاشة الطعم
ارجوكم ارحمونى وجبولى اكل دايت او افتكسولى

نورما كلامك جابلى اوع فى معدتى وانا على شعره ونفسى ممغمغه ههههههههههههههههههههه
بصى ممكن تعملى صدور فراخ مشويه فى طاسه من غير زيت
سمك مشوى وعيش سن
لحمه مشويه برضه شريحتين مع سلطه
بطاطس مهروسه بالملح والفلفل
كده يعنى لو افتكرت حاجه حقولك واسئلك اختى استاذه رجيمات ولا بيحوء معاها حاجه ههههههههههههههه

يابناااااااااااااااااااااااااااااااات

ادعوا لنور التقوى هى دلوقتى فى غرفه العمليات بتولد قيصرى

لان نبض النونه ضعيييييييييف وادعولها ربنا يحنن قب جوزها عليها لانها فى مشاكل

N0rma;15339558:
بنات ماتعرفوش اكل حلو للدايت عشان زهقت من الكوسه المسلوقه والتونه والسلطه
انا حاولت افتكس النهارده سلقت بسله وجزر ولما استو حطيت رز بسمتى وبهارات وملح
مش قادره اقولكم كان هايغمى عليا من وحاشة الطعم
ارجوكم ارحمونى وجبولى اكل دايت او افتكسولى

بصى ياقمر نصيحه مجربه متربطيش نفسك بأكل ريجييم

بمعنى كيفى الاكل اللى هايتعمل فى البيت لمصلحتك

انا مثلا بعمل لجوزى مكرون وبانيه اخد البانيه بتاعى اشوحه فى طاسه تيفال مدهونه زيت واحط اربع معالق مكرونه وطبق سلطه

هاطبخ اقلل السمنه فى الاكل واخد اللحمه من غير دهن واخد 4 معالق خضار وزيهم رز

اى خضار طبعا اللوبيا والفاصوليا البيضه والقلقاس والبطاطس دول مش خضار

لو هاطبخ بفراخ اسلقها عادى واخد نصيبى بعد مايتسلق اشيل الجلد وادهن الوش كاتشب واحطه فى الفرن تحت الشوايه يتحمر

وهكذا واليوم اللى مش هاينفع خاااااالص اكل من اكله اكون عامله بشاميل او اكل مليان دهون ونشويات

اخد طاسه تيفال وادهنها زيت واعمل بيض اومليت او اسلق بيض او جبنه لايت وعليها طماطم وخيار او تونه وعليها طماطم وخيار وبصل وفلفل وبشبع جداااااااااااا

خلى اكل الريجيم لما يكون مش هاينفع تاكلى اكل البيت غير كده كيفى اكل البيت لمصلحتك

وطبعا العشا يكون اخره الساعه 8 اى فاكهه عندك ماعدا الممنوع او كوبايه زبادى او كوبايه لبن خالى الدسم وليكى معلقه سكر فى اليوم وبقيه يومك سكر دااااااايت

والفراخ المشويه دايت والكفته دايت

ده حتى الحواوشى بعمله ليا دايت بحط كل التوابل ومبحطش سمن وفى العيش واحط فى الفرن ومعاه سلطه

مش هاتزهقى كده من اكل الريجيم المحدود ولو كلتى رز ماتاكليش عيش والعكس والرز 4 معالق هو او المكرونه والعيش نص رغيف يعنى اجمالى يومك يكون رغيف

مع رياضه مش هاقولك ضغط وبطن وكده فى تمارين سحر اسمها تمارين ال 5 ميل ابحثى عنها فى جوجل هلى على اليو تيوب روووووووووووووووووووعه من اول اسبوعين هاتشوفى جسمك مشدود ورسمه جسمك بتتغير وخاصه ترهلات الفخدين

بس نصيحه اول يوم اعملى كليب واحد بس وتانى يوم كذلك وبعد كده زودى كل يوم كليب

لانى علت ناصحه وعملت 3 كليبات تانى يوم كنت عايزة اللى يشيلنى وبصرخ من الم رجلى :lol::lol:

الكليب مدته 12 دقيقه ومش هاتحسى بيه هى مشغله ميوزيك وهى بتتحرك وانتى بتقلدى حركاتها

وممكن تقفلى صوت الكليب لانك بتقلدى حركاتها بس وتشغلى اى حاجه بتحبيها

صدقينى هاتبقى مستمتعه وانتى بتلعبى

وبكده هاتخسى من غير زهق;):)

فراشة الإيمان;15341117:
بصى ياقمر نصيحه مجربه متربطيش نفسك بأكل ريجييم

بمعنى كيفى الاكل اللى هايتعمل فى البيت لمصلحتك

انا مثلا بعمل لجوزى مكرون وبانيه اخد البانيه بتاعى اشوحه فى طاسه تيفال مدهونه زيت واحط اربع معالق مكرونه وطبق سلطه

هاطبخ اقلل السمنه فى الاكل واخد اللحمه من غير دهن واخد 4 معالق خضار وزيهم رز

اى خضار طبعا اللوبيا والفاصوليا البيضه والقلقاس والبطاطس دول مش خضار

لو هاطبخ بفراخ اسلقها عادى واخد نصيبى بعد مايتسلق اشيل الجلد وادهن الوش كاتشب واحطه فى الفرن تحت الشوايه يتحمر

وهكذا واليوم اللى مش هاينفع خاااااالص اكل من اكله اكون عامله بشاميل او اكل مليان دهون ونشويات

اخد طاسه تيفال وادهنها زيت واعمل بيض اومليت او اسلق بيض او جبنه لايت وعليها طماطم وخيار او تونه وعليها طماطم وخيار وبصل وفلفل وبشبع جداااااااااااا

خلى اكل الريجيم لما يكون مش هاينفع تاكلى اكل البيت غير كده كيفى اكل البيت لمصلحتك

وطبعا العشا يكون اخره الساعه 8 اى فاكهه عندك ماعدا الممنوع او كوبايه زبادى او كوبايه لبن خالى الدسم وليكى معلقه سكر فى اليوم وبقيه يومك سكر دااااااايت

والفراخ المشويه دايت والكفته دايت

ده حتى الحواوشى بعمله ليا دايت بحط كل التوابل ومبحطش سمن وفى العيش واحط فى الفرن ومعاه سلطه

مش هاتزهقى كده من اكل الريجيم المحدود ولو كلتى رز ماتاكليش عيش والعكس والرز 4 معالق هو او المكرونه والعيش نص رغيف يعنى اجمالى يومك يكون رغيف

مع رياضه مش هاقولك ضغط وبطن وكده فى تمارين سحر اسمها تمارين ال 5 ميل ابحثى عنها فى جوجل هلى على اليو تيوب روووووووووووووووووووعه من اول اسبوعين هاتشوفى جسمك مشدود ورسمه جسمك بتتغير وخاصه ترهلات الفخدين

بس نصيحه اول يوم اعملى كليب واحد بس وتانى يوم كذلك وبعد كده زودى كل يوم كليب

لانى علت ناصحه وعملت 3 كليبات تانى يوم كنت عايزة اللى يشيلنى وبصرخ من الم رجلى :lol::lol:

الكليب مدته 12 دقيقه ومش هاتحسى بيه هى مشغله ميوزيك وهى بتتحرك وانتى بتقلدى حركاتها

وممكن تقفلى صوت الكليب لانك بتقلدى حركاتها بس وتشغلى اى حاجه بتحبيها

صدقينى هاتبقى مستمتعه وانتى بتلعبى

وبكده هاتخسى من غير زهق;):)

استني الحقققققققك قبل ما تمشي وبعدين ابقى اخد المشاركات التانية اقتباس وارد :lol:
انا كتبت في يوتيوب اللي قولتي عليه مطلعش ممكن تجيبيلي الاسم بالضبط عشان ترهلات الفخدين دي
اموت واعرف الترهلات جاتلي منين على اساس اني طخنت يعني وخسيت مش فاهمة هههههههه ال يعني تخنت

[YOUTUBE]ndVjwkaLGDk[/YOUTUBE]

ده واحد منهم اصل اللى كانت منزلااهم حسابها خلص فا اتشالو انا محملاهم لو عايزاهم ممكن ابعتهملك ميييييييل

[YOUTUBE]G8b4P57jNsQ[/YOUTUBE]

[YOUTUBE]J7gqbxZ_PQg[/YOUTUBE]

ازيكم يا بنات
لو سمحتوا يا بنات عايزة اللنك بتاع كيكه التايجر او لو حد حافظ المقادير بس ضرورى ربنا يكرمكم عايزة اعملها بكرة ان شاء الله

@smsm@;15341493:
ازيكم يا بنات
لو سمحتوا يا بنات عايزة اللنك بتاع كيكه التايجر او لو حد حافظ المقادير بس ضرورى ربنا يكرمكم عايزة اعملها بكرة ان شاء الله

http://forums.3roos.com/showthread.php?t=506217
اتفضلى ياقمر:adore::adore::adore: