27 مرة نقول يا تري بتعملي الأكله دي ازاي؟ مبدعات مصر القمرات شهر شعبان 1432

بجد فكرة روووعة والله يام بودى متحرمش منكانا اصلا بتعلم من شطارتك ف المطبخ واقتصادك وانتى اللى علمتينى انى ماارميش العيش البايظ واعمله بقسماط وبرده الكيك اللى يفضل استخدمه تانى ف حاجه تانيه ربنا يبارك فيكى

بس ف الحواوشى ازاى فهمينى ؟؟اتبل بيه اللحمة يعنى والا ايه ؟؟واسيبها تفك الاول بعد مااطلعها ؟
والمضرب الافقى اللى هوا الهاند لندر ؟

اه وانا افتكرت كنت حاطه صوره كيكه جميله من ع النت وقلتى انك عملتى زيها انزلى بيها بقى


ام ادم معرفش بس فيه طريقه سريعه لواحده بتشكلر فيه اجبهالك والا تستنى حد يقولك ؟

ام مروان معرفش الرز الريزو بس هوا سهل تقريبا بسبس عارفاه

بصى ياجميل ديه طريقتى فى تخليل الخيار
بجيب الخيار بحاله واحطه فى برطمان واحط عليه ملح ومعلقه كبيره سكر وفص توم مشقوق وقرن فلفل مشقوق برضه واقفل عليه لحد مايستوى ومش بحط خل علشان ميتهريش وممكن تفتحى عليه بعد 5 ايام او حسب مايستوى وتدقيه لو عاوز ملح زودى لو حادق كوبى شويه مايه منه وزودى مايه بس وشويه سكر

رورو متحرمش منك ياقمر كنت لسه هقولك هاتي الطريقة لقيت رشروش جابت الطريقة.. متحرمش منكم ياقمرات.. رشا طيب كده بيقعد عندك قد ايه تقريبا

بصى ياام ادم
انا مش بخلل كتير يعنى ممكن كيلو او اتنين
بس فى رمضان بخلل لمون لوحده وجزر لوحده وخيار لوحده وفلفل لو حده هههههههههههههههه
وبعدين اجيب علبه كبيره تنفع تدخل التلاجه وافضى اللمون بمايته واقطع عليه الخيار والجزر والفلفل من غير مايتهم هى مايه اللمون بس واحطه فى التلاجه لحد مايخلص بس بيبقى روعه

فراشه فى بيتها;15332627:
ماتحرمش من زوقك يارب:adore:

بس ازو السكر ع العجينه؟؟؟

والعجوه اسيحه مع سمنه ع النار ولا احطها كده:!!:

اه يا جميل تقصد تزودي السكر في العجينة

~OM-ADAM~;15332836:
كل شهر وأنتم بخير ما شاء الله يا أم بودي تسلم ايديكي.. عايزه طريقة مخلل الخيار بس يكون كامل مش متقطع ومش سريع علشان عندي كمية ومش عايزه يبوظ بسرعة

بصي يا جميل انا هقولك طريقة الخيار دي واحد اصلا بتاع طرشي قالي عليه كان جارنا بس بغبائي ماخدتش الا الخيار بس هههههههههه
عشان الخيار يقرمش قووووي في التخليل لازم يدبل قبل ما يتخلل، يعني سيبيه كده في المطبخ بره التلاجة لمدة يوم ولا يومين تلاقيه المهم بقى دبلان كده ماشي
رصيه في برطمان من غير حتى ما تقطعي القمع اللي من فوق ميكونش فيه اي فتحة وهاتي مية دوبي فيها ملح وشوية شطة ومعلقة نونو سكر عشان بس الريم واقفلي البرطمان وبعد اسبوع كلي خيار رهيييييييييب صدقيني

&pinky tears&;15333181:

بس ف الحواوشى ازاى فهمينى ؟؟اتبل بيه اللحمة يعنى والا ايه ؟؟واسيبها تفك الاول بعد مااطلعها ؟
والمضرب الافقى اللى هوا الهاند لندر ؟

بعد اذن ام بودي تاني ارد كده :D
اه تحطي حتة من التتبيلة في اللحمة اللي هتعملي بيها حواوشي
والافقي اللي هو هاند بلندر صح

انتي يا وليه يا اللي اسمك نور مش كفايه وقعتي الوله من علي المرجيحة و كمان نستي تعلقي علي تورته عيد ميلاده ههههههههههههههههههه

بصي يا رورو يا قمر مش تنسيني من الدعا ها هههههههههههه انا بحط الفلفله و البصلايه و الطمطمايه دول علي ربع مفروم و أقلبه كويس و أحشي بيه الحواوشي و ان شاء الله حأعمله قريب و أنوله في الموقع

نوروووووووووووووووور جامد توقعيك

Boody we zady;15333790:
انتي يا وليه يا اللي اسمك نور مش كفايه وقعتي الوله من علي المرجيحة و كمان نستي تعلقي علي تورته عيد ميلاده ههههههههههههههههههه

بصي يا رورو يا قمر مش تنسيني من الدعا ها هههههههههههه انا بحط الفلفله و البصلايه و الطمطمايه دول علي ربع مفروم و أقلبه كويس و أحشي بيه الحواوشي و ان شاء الله حأعمله قريب و أنوله في الموقع

نوروووووووووووووووور جامد توقعيك

هههههههههههههههههههههههههههه تصدقي بالله انا دماغي دي لاسعة وربنا
اصلا واخدة مشاركتك اقتباس ضاعت وقولت طيب اشارك وبعدين اخدها تاني كوبي واعدل نسيت قومت اقلي البدنجان ههههههههههههه :lol:
وحياة ربنا ماشاء الله جميلة قوي ده انا نديت اختي تيجي تريل على الشاشة شوية :D
وانتي متعمليش حاجة وحشة يا حبيبة قلبي بس فين الحتة بتاااااااااااااعتي :(

تسلمي يا رشا أنا هعمل بردو في حدود ٢ ولا ٣ كيلو بس أصلا أنا مش باكله ده علشان جوزو فقلت يقعد شوية يعني تسلم ايدك.. نور حبيبتي وحشتيني موت تصدقي موت م الضحك لما قلتي يدبل شوية لسه جوزي بيقولي سايبه الخيار يدبل كده قريت كلامك طلعت جري اقوله دي شطارة بالفطرة يابني هو لازم يتعمل كده أنت ايه عرفك ههههههههه .. دلوقتي بقي عندي عزومة لحوالي ١٥ فرد يوم الجمعة هعمل ان شاء الله تشكيلة محاشي فلفل و بتنجان وكوسة وورق عنب وصينية بطاطس بالفراخ بتتبيلة أم بودي حلوة جدا وكفتة بطريقة شيري طلعت وهم فعلا أعمل ايه ثاني بس حاجة تكون مش صعب ولا بتأخذ وقت علشان هكون لوحدييييييي

Boody we zady;15332512:
أمااااااااااااني انتي يا بنتي مش كنتي ففي قطر و الا أنا بهبل ؟ ههههههههههه

هههههههههههه لا انا مش في قطر يا ام بودي.. انا في السعودية.. و كنت في اسكندرية من نص 4 و رجعت السعودية تاني اول شهر 6... عمري ما رحت قطر دي خالص... بس اشمعنى قطر يعني :D

manyaa;15334305:
هههههههههههه لا انا مش في قطر يا ام بودي.. انا في السعودية.. و كنت في اسكندرية من نص 4 و رجعت السعودية تاني اول شهر 6... عمري ما رحت قطر دي خالص... بس اشمعنى قطر يعني :D

انتي كنتي في اليكس و مش كلمتيني :-#:mad::study:8o|:'( طب أنا زحلانة بجد ليه كده ؟ كان نفسي أشوفك و الله

مش عارفه ليه جه في بالي قطر و الا شكلي اتلخبطن بينك و بين ساره اللي كانت في قطر

متحرمش منك يا ام بودى انتى قلتلى صلصه ولا طماطم معلش انا سخيفه بس عايزة اعرف بالظبط

نور متحرمش من توضيحك جبتى المايوه ولا لسه هههههههههههه؟

طب يام بودى عندى بطاطس كميه كبيره اعمل فيها ايه ؟؟
وبرتقال برده اعصره بسكر ولا من غير سكر واحطه ف الفريزر ؟؟؟

تسلم ايدك تحفه بجد
ماينوبك فينا ثواب وتنزلى طريقتها بقى

Boody we zady;15334407:
انتي كنتي في اليكس و مش كلمتيني :-#:mad::study:8o|:'( طب أنا زحلانة بجد ليه كده ؟ كان نفسي أشوفك و الله

مش عارفه ليه جه في بالي قطر و الا شكلي اتلخبطن بينك و بين ساره اللي كانت في قطر

والله يا ام بودي الأجازة كلها كانت مايعلم بيها الا ربنا و كنت اتخنقت و عايزة ارجع هنا بأي طريقة.. انا تعبت هناك و دخلت المستشفى و بعدين ماما وقعت رجله اتكسرت فدخلتالمستشفى عملت عملية شرايح و مسامير و لسة متجبسة لحد دلوقتي و بابا رجله ورمت جدا و بتجيب صديد و ربنا يكون في عونه بصراحة لانه رجع الشغل في السعودية تاني و عايش لوحده دلوقتي لان ماما ماقدرتش ترجع لسة.. و يوم خروج ماما من المستشفى اخويا عمل حادثة بالعربية و جت سليمة الحمد لله بس بات ليلة في المستشفى يطمنوا على حالته و خد كام غرزة في وشه .. والحمد لله.. و أخيرا اختتمت الاجازة بخبر حلو اني حامل بس قبل سفري بيوم واحد حصلي اجهاض بدون سابق انذار و كنت حامل في الاسبوع الخامس وقتها.... والحمد لله رب العالمين على كل حال... و شكلي كدا مش نازلة مصر الاجازة الجاية هههههههههه:D
عشان انا رغيت كتير في كلام مخالف بقى... عايزة طريقة اعمل بيها اللحمة بس بدون اي نقطة زيت.. اعملها ازاي؟؟؟

مانيا حبيبتى وجعتى قلبى اوى اوى ربنا يسلمكم جميعا من كل سووووء ويقر عينك عن قريب انتى واهلك وجوزك بذرية صالحة
وانا برده مبحبش نزولات مصر والله

بصى انا عمرى ماحطيت نقطه زيت ف الحمه ولا الفراخ بصى هتغسلى اللحمه وتجيبى الحله على النار وتحطى فيها اللحمه وتقطعى عليها البصله والفلفل والهيل وكده وتشوحيهم مع بعض وتغطيها بالغطا لحد مالونها يتغير وتقلبى فيها وممكن تجطى شويه ميه صغيرين خالص وبعد مالونها يتغير تنزلى بدورق ميه تسويها فيها وتهدى النار وسط وتسيبيها وكل ماميتها تنشف تزودى كوبايه لحد ماتستوى وبالف هنا
وربنا بيحبكم عشان كده ابتلاكم
ربنا يخفف عنكم ويشفيكم

&pinky tears&;15335029:
مانيا حبيبتى وجعتى قلبى اوى اوى ربنا يسلمكم جميعا من كل سووووء ويقر عينك عن قريب انتى واهلك وجوزك بذرية صالحة
وانا برده مبحبش نزولات مصر والله

بصى انا عمرى ماحطيت نقطه زيت ف الحمه ولا الفراخ بصى هتغسلى اللحمه وتجيبى الحله على النار وتحطى فيها اللحمه وتقطعى عليها البصله والفلفل والهيل وكده وتشوحيهم مع بعض وتغطيها بالغطا لحد مالونها يتغير وتقلبى فيها وممكن تجطى شويه ميه صغيرين خالص وبعد مالونها يتغير تنزلى بدورق ميه تسويها فيها وتهدى النار وسط وتسيبيها وكل ماميتها تنشف تزودى كوبايه لحد ماتستوى وبالف هنا
وربنا بيحبكم عشان كده ابتلاكم
ربنا يخفف عنكم ويشفيكم

حبيبتيي... جزاك الله خيرا يا قمر... :) آمين يارب... انا واثقة ان ربنا ان شاءالله محشولنا خير كتير باذن الله :)
و تسلمي على طريقة شكلها طعمها كدا حلو .. حجربها ان شاءالله ...:)

السلام عليكم
ازيكم يا اخواتى

ومبروك الجزء الجديد
وما شاء الله افتتح بتورته واوووووووووووووووووو ما شاء الله
تسلم ايدك يا ام بودى حلوه اوى تسلم ايدك

كل سنه وهو طيب


وازيكم كلكم عاملين ايه

انا بحب الموضوع ده جدا جداااااااا
ونفسى اتابع علشان اتعلم
بس مش بلاقى حد بيدخل كتير وبزعل على الموضوع اوى
علشان كده مش بدخل كتير عااااااااااااا

رورو انا كنت مرا جالى فلفل كتير قمت عملاه ف اكلبا وف برطمانات وف الفريزر كان حلو اوى لما باخد منه للباميه لاى حاجه محتاجه فلفل
بس بعد فتره طعمه بئا مش اد كدا

ميوى متحرمش من ردك بس المشكله انى هسيبه فترة كبيرة

ميرا ياحبى زعلانة ليه مااحنا اهو ولا احنا مش كفاااااااااااااااااية ؟؟
قولى اللى عيزاه واحنا نرد

عايزة طريقة سحق حلوة من غير فلفل

اماني خلالالالالالالالالالالالالاص براءه ههههههههههه ايه يا بنتي كل ده معلش ان شاء الله كله في ميزان حسناتكم يا رب

بصي يا رورو طماطم و بصل و فلفل واحده من كل نوع و عليهم م كبيره صلصه و ملح و فلفل و بهارات و شويه ميه لزوم الضرب يعني و الهاند بلندر تضربهم و كده تبقي جاهزة

البطاطس تقطيها كأنك حتقليها و بعد كده تسخني الزيت كويس قوي و تنزلي بيها علي الزيت يعني تحمريها نص تحميره و تطلعيها في مصفاه تنزل الزيت اللي فيها و لما تبرد تقسميها أكياس علي الفريزر و وقت ما تحتاجيها تطلعيها تكملي تحميرها حتكون زي فارم فريتس بالضبط

انتي رايحة فين؟؟؟؟؟

أنا ان شاء الله مسافره العريش بكرة يا بنات ابقوا خدوا بالكم من الموضوع ههههههههههههههه لو عرفت أدخل حأدخل و ان شاء الله اسبوع و راجعه