27 مرة نقول يا تري بتعملي الأكله دي ازاي؟ مبدعات مصر القمرات شهر شعبان 1432

شكرا رشروش ربنا يخليكى

رشرووش;15341014:
نورما كلامك جابلى اوع فى معدتى وانا على شعره ونفسى ممغمغه ههههههههههههههههههههه
بصى ممكن تعملى صدور فراخ مشويه فى طاسه من غير زيت
سمك مشوى وعيش سن
لحمه مشويه برضه شريحتين مع سلطه
بطاطس مهروسه بالملح والفلفل
كده يعنى لو افتكرت حاجه حقولك واسئلك اختى استاذه رجيمات ولا بيحوء معاها حاجه ههههههههههههههه

ههههههههههههههههه كويس انى عرفت اوصلك الاحساس;) وشكرا ياحبى ع الاكلات بس ازاى بطاطس ف الدايت:!!: مش هاتتخن؟

فراشة الإيمان;15341117:
بصى ياقمر نصيحه مجربه متربطيش نفسك بأكل ريجييم

بمعنى كيفى الاكل اللى هايتعمل فى البيت لمصلحتك

انا مثلا بعمل لجوزى مكرون وبانيه اخد البانيه بتاعى اشوحه فى طاسه تيفال مدهونه زيت واحط اربع معالق مكرونه وطبق سلطه

هاطبخ اقلل السمنه فى الاكل واخد اللحمه من غير دهن واخد 4 معالق خضار وزيهم رز

اى خضار طبعا اللوبيا والفاصوليا البيضه والقلقاس والبطاطس دول مش خضار

لو هاطبخ بفراخ اسلقها عادى واخد نصيبى بعد مايتسلق اشيل الجلد وادهن الوش كاتشب واحطه فى الفرن تحت الشوايه يتحمر

وهكذا واليوم اللى مش هاينفع خاااااالص اكل من اكله اكون عامله بشاميل او اكل مليان دهون ونشويات

اخد طاسه تيفال وادهنها زيت واعمل بيض اومليت او اسلق بيض او جبنه لايت وعليها طماطم وخيار او تونه وعليها طماطم وخيار وبصل وفلفل وبشبع جداااااااااااا

خلى اكل الريجيم لما يكون مش هاينفع تاكلى اكل البيت غير كده كيفى اكل البيت لمصلحتك

وطبعا العشا يكون اخره الساعه 8 اى فاكهه عندك ماعدا الممنوع او كوبايه زبادى او كوبايه لبن خالى الدسم وليكى معلقه سكر فى اليوم وبقيه يومك سكر دااااااايت

والفراخ المشويه دايت والكفته دايت

ده حتى الحواوشى بعمله ليا دايت بحط كل التوابل ومبحطش سمن وفى العيش واحط فى الفرن ومعاه سلطه

مش هاتزهقى كده من اكل الريجيم المحدود ولو كلتى رز ماتاكليش عيش والعكس والرز 4 معالق هو او المكرونه والعيش نص رغيف يعنى اجمالى يومك يكون رغيف

مع رياضه مش هاقولك ضغط وبطن وكده فى تمارين سحر اسمها تمارين ال 5 ميل ابحثى عنها فى جوجل هلى على اليو تيوب روووووووووووووووووووعه من اول اسبوعين هاتشوفى جسمك مشدود ورسمه جسمك بتتغير وخاصه ترهلات الفخدين

بس نصيحه اول يوم اعملى كليب واحد بس وتانى يوم كذلك وبعد كده زودى كل يوم كليب

لانى علت ناصحه وعملت 3 كليبات تانى يوم كنت عايزة اللى يشيلنى وبصرخ من الم رجلى :lol::lol:

الكليب مدته 12 دقيقه ومش هاتحسى بيه هى مشغله ميوزيك وهى بتتحرك وانتى بتقلدى حركاتها

وممكن تقفلى صوت الكليب لانك بتقلدى حركاتها بس وتشغلى اى حاجه بتحبيها

صدقينى هاتبقى مستمتعه وانتى بتلعبى

وبكده هاتخسى من غير زهق;):)

نفس كلام ماما:D طب تصدقى انك كدا ماشيه دايت بردو لان كنت متابعه من دكتوره كانت تقولى اكل 4 معالق رز او مكرونه من العادين اللى بسمنه
هطبء نفس نظامك كدا لانى بقالى شهرين عامله دايت ونزلت 4 كيلو بس

ممكن ابعتلك ايميلى وتبعتيلى التمارين ع الميل طالما بتقولى اتشالت

وازاىيشيلوها الاندال دول بئا8o|

&pinky tears&;15339377:
هههههههههههههههههههههههه ربنا يسعدك يانور ويهنيكى
بصى البيتزا بعملها زى نانى الله ييسر امرها ويصلح لها الحال_وحشتنى اوى؟_
بصى 3 كوبايات دقيق بيعملو اتنين وسط كده ماشى ؟
و3 معالق زيت زتزن عليهم ورشة ملح
وبتجيبى معلقه صغيره خميره فوريه وتحطيها ف نصف كوب ماء دافئ مع رشة سكر وتدوبيهم وتسيبيهم ربع ساععه هتلاقى الخميره ارتفعت تقلبيها ع الخليط مع نصف كوب ماء تانى للعجن او لبن زى ماتحبى مابتفرقش معايا بصراحه
وتعجنى جامد يمين وشمال وفوق وتحت هههههههههه
البيتزا مش طريقه على فكر؟هيا عجن وخميرة نظيفه وبس وتعجنى كويس لحد ماتنضف الطبق يعنى مش بتلزق خالص تحطيها وتغطيها بفوطه وتحطيها ف مكان دافئ نوعا ما ساعه تخمر وهتبقى جاهزة للاستعمال تقسمى العجينه قطعتين وتفردى ولو بتحبيها رقيقه بتبقى حلوة وافردى حلو للسمك اللى حباه وخدى بالك بعد مابتفرديها بتخمر تانى ف الفرن فرققيها شويه وحطى بقى التوبنج الصلصه او الكاتشب مع شويه زعتر والفلفل والطماطم والزتون والجبنه الرومى حلوة اوى احسن من المزاريلا بس حطى موزاريلا برده وحطيها ف فرن متولع قبلها بشويه عشر دقايق بالكتير تكون جاهزة وتحمريها حمار خفيف من فوق يادوب الجبنه تسيح فيها وبالف هنا ياروحى

وفيه عجينة شيرى للبيتزا برده لو عايزة اللينك اجبهولك وبتصلح لجميع العجائن



مممكن اعرف بتشوو الفراخ ازاى من غير شوايه ومن غير فحم هههههههه ومن غير ازازة ومن غير مااوقفها وتبقى حلوة ؟

ربنا يعزك يااااااارب يعني انتي بتعمليها بطريقة ناني طيب كويس طريقتها عندي
بالنسبة بقى للشوي ايه رايك تشوي ومن غير فرخة كمان بالمرة ولا نار ههههههههههههههههههههههه
بصي ممكن تسويها عادي في صينية يعني مش هيجرى حاجة نفس حركة القزازة بس خليها بحالها في صينية وغطيها بفويل ولما تستوي خالص افتحي الفويل واديها تحمير من كل النواحي في الشواية من فوق

N0rma;15339558:
بنات ماتعرفوش اكل حلو للدايت عشان زهقت من الكوسه المسلوقه والتونه والسلطه
انا حاولت افتكس النهارده سلقت بسله وجزر ولما استو حطيت رز بسمتى وبهارات وملح
مش قادره اقولكم كان هايغمى عليا من وحاشة الطعم
ارجوكم ارحمونى وجبولى اكل دايت او افتكسولى

بصي انا كل ما افتكر اكل الدايت افتكر ام بودي لما عملت كباب حلة دايت
عملته من غير ولا نقطة زيت نهائيااااااااا وفي الاخر عملت طبق سلطة وقلبت كباب الحلة على السلطة وقلب واكلته بتقول كام جميل قوي
انا كنت باجيب بفتكي لاختي اجيب حتتين ومعلقة زبادي ارش عليها ملح وفلفل واقلب فيها البوفتيك واسيبه ساعة واجيب طاسة امسح الطاسة بمنديل فيه زيت وممكن من غير زيت نهائيا تسخني الطاسة وحطي الشريحة ولما تتشوح اقلبيها على الوش التاني وتتشوح كويس حطي معلقتين كبيرة مية وسيبيها على نار هادية او حطي ربع كباية نونو على حسب وتستوى وتتشرب بتبقى خطيييييييييرة طعمها تحفة

فراشة الإيمان;15341054:
يابناااااااااااااااااااااااااااااااات

ادعوا لنور التقوى هى دلوقتى فى غرفه العمليات بتولد قيصرى

لان نبض النونه ضعيييييييييف وادعولها ربنا يحنن قب جوزها عليها لانها فى مشاكل

ربنا يقومها بالسلامة يااااااااااااااارب طيب طمنيني عليها يا شيري عملت ايه؟ يارب تكون قامت بالسلامة

فراشة الإيمان;15341392:
[YOUTUBE]ndVjwkaLGDk[/YOUTUBE]

ده واحد منهم اصل اللى كانت منزلااهم حسابها خلص فا اتشالو انا محملاهم لو عايزاهم ممكن ابعتهملك ميييييييل

جميييييييييييييييييييييييل وتصدقي حركاتها جميلة بتشجع
طيب انا عايزاه انا كمان ممكن :D

ياينات نور التقوى الحمدلله قامت بالسلامه وربنا رزقها ( بيسان ) بنوته قمر

وده لينك المباركه

http://forums.3roos.com/showthread.php?t=626584

وبالنسبه للتمارين

انا هارفعها على حسابى فى اليوتيوب وابعتلكم اللينكات وهارفعلكم تمارين السليوليت رهييييييييييييييييييبه وسهله ونتيجته جااااااامده

بس لما ارجع لانى نازله مشوار مع حماتى

لانى حاولت ارفعهم على عروس لقيته مش بيرفع فيديو

وحششششششششتنونى كلكم اااااااااااااااااوى
ازيكم يابنات عاملين ايه يارب تكونوا بخير يااااااااااااارب

[YOUTUBE]6WMoR6Zl_w8[/YOUTUBE]

[YOUTUBE]paAsSINSQJo[/YOUTUBE]

[YOUTUBE]2NNMXAQDx5I[/YOUTUBE]


[YOUTUBE]h8E6gA4CICs[/YOUTUBE]

[YOUTUBE]0iA8rAdEggo[/YOUTUBE]


دول يابنات الفيديوهات رفعتهم على اليوتيوب تانى

وياريت تنزلوهم قبل مايتشالو تانى ولو عاوزين كليب السليوليت احمله هو كمان

واللى عايز اللينكات علشان يحمل

من الييوتيوب يقولى احملهم

ميرسي يا نور اوى


فراشه طب انا احملهم ع اللاب بتاعى ازاى بءائ؟

ازيكم يابنات
وحشتونى مووووووووووووووووووووووووووووووووت
تسلم ايدك يا ام بودى التورته تحفه عقبال كل التورت يارب

بنات مينفعش كده لازم نكسف دخولنا الشات علشان رمضان
وعايزين افكار علشان العزايم يعنى مش ينفع الموضوع يهش كده ف رمضان ده عز الدخول للشات رمضان ولا ايه؟؟؟؟؟

فراشة الايمان

ماشاء الله الكليبات دى حلوة اوى ممكن تبعتيلى ليكاتهم على الخاص لو ينفع يعنى

ماشاء الله اكلكم كلكم تحفة اوووووووووووى بس عااااااااااااا انا بعمل دايت حرام عليكوا

جزاكم الله خيرا حتابعكم من بعيد بقى لزوم الدايت وياسلام لو تعملوا حسابنا فى الاكلات يبقى كتر خيركم

السلام عليكميابنات

انا دخلت اول مرة بأيدىفاضيةقلت عيب يابت لازم تجيبلهمحاجةفى ايدك وانتىداخلة عليهم

جبتلكم عمايل ايدينى ست الكل مامتى حببتى

شيش طاووق - خضار مشوى - مكرونة بيضاء - تومية

اتفضلوا معانا

ماشاءالله تسلم ايد مامتك جمييييييييل اوي بجد
عايزين الطريقة

تسلمى ياكيتى ياحبى ويباركلك فى كوكى يارب

بصى ياسيتى المكرونة مسلوقة عادى ومتشوحة فى زيت زيتون بسيط اوووووووى ومحطوط عليها جبنة مبشورة وانا حطيت لمساتى شوية مسترد

التومية علبة زبادى وعليها حبة نعناع وتوم كتير شوية ملح وفلفل وليمون ويتقلبوا مع بعض وممكن نقطة زيت نونو اوووووووى

الشيش طاووق ماما قطعت الفراخ البانيه ضغننه وبالطماطم والبصل وفلفل اخضر المهم تبلت الفراخ تتبيلة جامدة من امبارح علشان مش تاخد

وقت فى السوا

التتبيله : بصل - ملح - فلفل-بهارات فراخ- مستردة- خل - ليمون

وبعدين رصت الفراخ والطماطم والفلف والبصل فى الشيخ وحطيته فين بقى حطيتهم على الصاجة الى بنحطها تحت الرز دى بجد تحفـــــــــة

اما بقى الخضار السوتيه المشوى هى جابت البطاطس والجزر وقطعتهم نونو وراحت مشوحاهم فى زيت زيتون وسابتهم لما نزلوا مايتهم

وبعدين وطت عليهم وحطت حبة ماية نونو وسابتهم يستوا براحتهم

وبالف هنا وشفا

سااره تسلم ايدييييييكى ع الاكله

تسلمى ياطمطم ياحبى تعالى اتفضلى دى خطوة كعب بينى وبينك حسيبلك الباب مفتوح

تسلم ايد مامتك الاكل تحفه

شيررررررري
تسلمي يا حبيبة قلبي اديني اهو بحملهم ربنا يسهل والنت يسعفني الا هيجيبلي المرض :badly:

Peincess SaSo;15347704:
فراشة الايمان

ماشاء الله الكليبات دى حلوة اوى ممكن تبعتيلى ليكاتهم على الخاص لو ينفع يعنى

ماشاء الله اكلكم كلكم تحفة اوووووووووووى بس عااااااااااااا انا بعمل دايت حرام عليكوا

جزاكم الله خيرا حتابعكم من بعيد بقى لزوم الدايت وياسلام لو تعملوا حسابنا فى الاكلات يبقى كتر خيركم

ماشاء الله تسلم اديكي الشيش طاووق شكله جمييييييييل
انا عمري ما عملته في البيت دايما باكله جاهز من عند ابو فارس السوري تحفة مع الكولوسلوووو يا سلااااااام لسه كنت بتوحم عليه امبارح مع اختي :D
تسلم ادييكي ان شاء الله اجربها واعمل عيش صاج معاها واجرب كده ربنا يسهل

وباذن الله لو عايزة اكل دايت في وصفات كتيرة كانو هنا البنات بيقولوها لما كانو ماشيين على نظام دايت بس مش عارفة فينه :|
انا ممكن اخترعلك اكل دايت :biggrin:

ربنا يخليكى يانور يارب مانحرم منكم ابدا يارب

مامتى بتشكركم على ذوقكم ان شاء الله كل ماتعمل حاجة كدة حلوة حنزلهالكم ان شاء الله

ساسو تسلم ايد مامتك بجد الاكل تحفة ما شاء الله.. بنات عندي عيش الاسمر ده البلدي كثير مش عارفه أعمل بيه ايه.. حد عنده حل له؟

Peincess SaSo;15349901:
ربنا يخليكى يانور يارب مانحرم منكم ابدا يارب

مامتى بتشكركم على ذوقكم ان شاء الله كل ماتعمل حاجة كدة حلوة حنزلهالكم ان شاء الله

الاكل جميييييييييل تسلم ايد مامتك

~OM-ADAM~;15350653:
ساسو تسلم ايد مامتك بجد الاكل تحفة ما شاء الله.. بنات عندي عيش الاسمر ده البلدي كثير مش عارفه أعمل بيه ايه.. حد عنده حل له؟

حمصيه فى الفرن لغايه ماينشف بس مش يتحرق طبعا

وشيليه لما تعملى فته طلعى منه سواء فته عدس او فته اللحمه

نورما حملى الكليبات ببرنامج الريل بلاير لو عندك او برنامج داونلود مانجر

حمليهم من على اليوتيوب

هابعتك الروابط انتى وساسو

رشا حمدالله على سلامتك ياقمر يارب تكونى انبسطى فى المصيف:)

بصوا يابنات بالنسبه للفيديوهات مش نافع ابعتها روابط لانى مجرد مابحطها روابط بتظر كليب برضو لانه لينك فيديو

انتوا اكتبوا ف جوجل تمارين ال 5 ميل اول لينك يظهر افتحوه

ولما يفتح هاتلاقوا اول اربع كليبات على ايدكم الشمال بقيه الخمسه ادخلوا لينك لينك منهم بعد التحميل