شات حوامل مصر وتجهيزاتهم للبيبي .. لشهر شعبان1432

ازيكم يابنات عاملين ايه كلكم انا كنت بشارك معاكم من بدرى بس انشغلت شويه بمصطفى عنده سنه وشهرين دلوقتى بس انا محتاره فى حاجه وعاوزه اخد رئيكم فيها انا دلوقتى حامل مره تانيه ولسه طبعا مافطمتش مصطفى والدكتوره مش عاوزانى اصوم رمضان وجوزى موافقها على الكلام ده بس انا طبعا الموضوع ده تعابنى نفسيا انا عاوزه اصوم وفى نفس الوقت خايفه اتعب وفكرت انى افطم مصطفى قبل رمضان ومش عارفه اعمل ايه؟؟؟

روضة مبروك الحمل يا قمر.. بصي في موضوع الصيام مقدرش افتي بس رأيي اسمعي كلام الدكتورة لأنك حامل و بترضعي كمان.. بالنسبة للفطام بلاش هو لسه صغير سيبيه يرضع لحد ما الحمل يغير طعم اللبن هيسيب الرضاعة لوحده و يبقي اخذ أقصي استفادة ممكنة و كمان أنتي ارتحتي من تعب الفطام لأن هو هيسيبه من نفسه و ده كلام دكتور رفعت الجابري علي فكرة حبيت اوصلك المعلومة بس.. ربنا يقويكي

ازيكم يابناااااااااات وحشتتوووونىىىى اوىىىىىىىىىىى بجد كلكم عاملين ايه
ميسو وفله وساسو ودلوعه وسمر وكل البنات يارب تكونو بخير

انا النت كان فاصل عندى وكمان حماتى جت واعده معاها علاطول وتعبانه اوى على اخر اليوم بدخل السرير اتقلب محسش بنفس وظهرى وجعنى من المجهود وطبعا ولا مركزه مع البيبى ولا فى الحمل ...انا بقيت اجوع جامد اوى مش عارفه هصوم ازاى ربنا يقدرنى

المهم خلى بالكم من نفسكم لحد مجلكم تااانى موااااااااااااه:087:

السلام عليكن
عاملين ايه؟

روضه 2006;15409702:
ازيكم يابنات عاملين ايه كلكم انا كنت بشارك معاكم من بدرى بس انشغلت شويه بمصطفى عنده سنه وشهرين دلوقتى بس انا محتاره فى حاجه وعاوزه اخد رئيكم فيها انا دلوقتى حامل مره تانيه ولسه طبعا مافطمتش مصطفى والدكتوره مش عاوزانى اصوم رمضان وجوزى موافقها على الكلام ده بس انا طبعا الموضوع ده تعابنى نفسيا انا عاوزه اصوم وفى نفس الوقت خايفه اتعب وفكرت انى افطم مصطفى قبل رمضان ومش عارفه اعمل ايه؟؟؟

ليه بس ؟انتي مش حتفطري عشان نفسك او عشان بتدلعي
ده عشان الروحين اللي متعلقين بيكي ومسئولة عنها ومحتاجينك في كامل صحتك وتتغذي كويس
ومصطفي ماتحرميهوش بدري
خليه يرضع لحد الدكتور ما يقولك وقفي
عشان ماتبقيش قصرتي معاه
هو حقه يرضع سنتين وانتي لالكتير اللي فاضلة شهرين او تلاتة وحتفطميه طبيعي
فبلاش
ده رايي
وربنا يعينك يارب

fulla2010;15409624:
بناااات انا باااااااان عليا الكلف اوووووووووووى

باه عندى مناطق سوده او لونها بنى كده ومناطق بيضا عادييه

مافيش حاجه ااقدر افتح بيها المناطق دى ولا مافيش

فلة
ازيك ياقمر؟ ماتحاوليش تستعملي حاجة عشان لو امتصت بكميات كبيرة ممكن تكون ضارة
ده غير ان سبب السواد مستمر وبيزيد وهو الهرمونات
فحترهقي نفسك علي الفاضي
الحاجات دي بتخف بعد الولادة
وحتي بعد الولادة متتسرعيش في استعمال تفتيح غير لما تديها فرصة شهرين بالكتير وبعد كده استعملي

بنات ادعولى

روحت للدكتور النهارده وكان عايز يدينى طلق صناعى ويشوف هيحصل ايه لغاية بكره لو منفعش هيولدنى قيصرى وانا محتارة مش عارفة اعمل ايه استنى شوية ولا ايه

السلام عليكم
ازيكم يا بنات
حد يعرف ايمو دلوعة الغالى ولدت ولا لسه

سبحان الله يا ايمى لسه دااااخله مخصوص اسأل عليكى
هو انتى مش جالك طلق طبيعى يا ايمى خالص
انتى فى انهى اسبوع من التاسع؟

ازيك ياسالى

لسه مش ولدت ادعيلى ربنا يقدملى اللى فيه الخير يارب

ربنا يخليكى ياسالى

لا مش جالى طلق طبيعى انا ناقص يومين واخلص التاسع بس الدكتور خايف الميه تقل حوالين البيبى

ربنا معاااااااااااااااكى يا ايمى يارب يارب يارب يرزقك ولاده سهله وخفيفه عليكى معلش بئه هى علقه ولازم ناخدها هنعمل ايه يعنى ربنا يثبتك يارب
طب انتى قررتى هتاخدى الطلق الصناعى ده ولا هتستنى تولدى قيصرى على طول؟

والله ياسالى مش عارفه محتارة اووووووى وجوزى بيقولى شوفى دكتور تانى ونشوف نفس الكلام ولا لا

ايمى يا حبيبتى ربنا معاكى يا حبيبتى ويييسرلك امورك ويصلحلك حالك ويقدملك اللى فية الخير مش عارفة اقولك اية ممكن تغيرى الدكتور تشفى حد تانى كدة مش عارفة
ربنا يكتبلك وقت ولادة سهل يااارب
ميرسى على كل اللى دعولى علشان موضوع الصديد انا الحمد للله النسبة قلت خاالص بفضل اللله وبس فى شوية املاح بس مش مهم والدكتور طمنى الحمد لله على البيبى ووضعة وسالتة على الصيام قالى جربى لو حسيتى انك تعبانة افطرى فورا ومعاكى رخصة
كيتى بجد ربنا يجازيكى خير ويباركلك فى كوكى ياااارب ويهدهالك نصايحك هااايلة بجد وياريت تدخلى تنورينا كتير بنصايحك

ربنا معاكى يا ايمى ياااااااارب ولتودى بالسلامه ياارب انتى وبوبا

ساالى ازززيك عامله ايه واحشانى

ودعه ميرسى على ردك يعنى الواحد هايعد كده هههههههههههههه ربنا يستر وجوزى مياخدش باله

مروة عامله ايه واحشاانى يا جميل انتى المفروض تريحى برضو مش كده المفروض حماتك هى الى تساعدك فى البيت مش انتى الى واقفه

ما تقلقيش سبيها على الله ان شاء الله تعدى على خير عارفه كام واحده فى العالم بيولدوا فى اليوم كتيررررررررر اوى انا طبعا بطمن نفسي معاكى ههههههههههههههه

بوباااا ربنا معاكى انتى عسل اوى والله بموضوع الصديد اللى موعوده بيه ده ربنا يكمل شفاكى على خير يارب

الحمد لله يا فله تمااااام ماشى الحال
انا الحمد لله دخلت التاااسع بس طبعا على يقين انى مش هولد غير فى اخره ورايحه النهارده للدكتور ان شاء الله

كل عام وانتوا بخير يا بنات وما تنسوش احنا فى افضل ايام والدعاء فيها حلو اوى ومستجاب ان شاء الله ربنا يتقبل مننا جميعا يارب

ربنا معاكى يا ساالى يارررب

وتولدو كلكم على خير باذن الله

هى مروه مدخلتش النهارده؟

مروة كيتى ااه ماجتش النهارده

بصى ياايمى استنى شويه مدام حركه الجنين كويس والميه حوليه كويسه انا ولدت بعد ماالتاسع خلص والدكتوره كانت عاوزه تولدنى قيصرى فانتى اصبرى وان شاء الله هايجيلك الطلق وتولدى طبيعى وماتقلقيش خالص وادعى ان ربنا يرزقك ساعه سهله