شات حوامل مصر وتجهيزاتهم للبيبي .. لشهر شعبان1432

امانه عليكم تدعو لاختى هى كمان حامل بس سبقانى بشهر عملت السونار الى بيبين العيوب الخلقيه بعد الشر عنكم كلكم لاقت البيبى عنده ثقب فى القلب

انا مش عارفه ده خطر ولا بيتعالج ولا ايه محدش راضى يفهمنى وماما اصلا مكانتش عايزه تقولى عشان متقلقنيش على البيبى بتاعى بس مش ده خالص الى فدماغى انا اتضايقت على اختى ونفسى حد يفهمنى ده ايه ولا ليه علاج ولا هيحصلها ايه؟!! لو حد يعرف ارجوكم فهمونى وادعولها ابوس ايديكم لانها اكبر منى باربع سنين وده اول حمل ليها زييى وتعبت عشانه اوى

سلام عليكم يا بنات

يارب تكونوا كلكوا بخير انتوا و بيبيهاتكوا


دلوعة

ربنا معاكي يا حبيبتي و تقومي لنا بالسلامة انتي و البيبي

و ربنا ييسر ولادتك و تكون سهلة خاالص يااااا رب


بترفلاي

حبيبتي انا كمان مش فاهمة و الله

بس إن شاء الله يكون خير و ربنا يطمنكوا على البيبي

و ربنا يرزق اختك بيبي سليم و معافى و بصحة و عافية آميييييين يا رب


فلة

حبيبتي خير إن شاء الله و يكون التحليل كويس و كله تمام


تسلموا يا كيتي و ديسلي كمان ع المعلومات المفيدة اللي بتحطوها

بوبا

ربنا يقومك بالسلامة و يرزقك ساعة سهلة يا حبيبتي



انا مش عارفة يا بنات بيجيلي حالات كده اعيط من غير سبب محدد

و ابقى مش طايقة أي حاجة و لا أي حد

هو دا من الحمل و لا دا ايه بالظبط ؟

د . ودعة

كنتي سألتيني الدكتورة مش عايزاني اصوم ليه

هي قالت لي الصيام خطر عشان عدد ساعات الصيام و الدنيا كمان حر و بحتاج سوايل كتير

بس مش عارفة هل الحاجتين دول سبب انها تخليني افطر ؟

و لا في اسباب تانية إن شاء الله هاسألها لما اروح لها

ايمى دلوعة ركزى كدة المرة دة ههههههههههه لا بجد كلنا بندعيلك يا حبيبتى ربنا يقومك بالسلامة يااارب وييسر ولادتك امين
بترفلاى الف سلامة على اختك وعلى البيبى وربنا يخيب الظنون وتبقى حاجة بسيطة ان شاء الله ويشفى البيبى
ميسو ساعات فعلا فى فترة الحمل بيجيلك خنقة وبتعيطى واعتقد دة من تاثير هرمونات الحمل

ربنا يخفف عنا يا بوبا

و الله انا بضايق من العياط دا ليكون وحش على البيبي

ربنا كريم

صحيح يا بنات انا الدكتورة بتخليني اروح لها كل اسبوعين

هل السونار كل اسبوعين كدا غلط على البيبي ؟

ياريت تفيدوني

لا ياحببتى مش غلط على البيبى
وربنا يقومك بالسلامه ياايمو وتكون ساعه سهله

بترفلاي
ان شاء الله ربنا يعافيه ويجي بألف سلامة
الثقب ده ساعات بيكون صغير وبيلم بسهولة لما الطفل يتولد
لان الدورة الدموية ف القلب ف الجنين ماشية بعكس لما يتولد
فلما يتولد ضغط الدم بيقفل الثقب ده لو صغير
ان شاء الله يكون حاجة بسيطة ويقفل
ابن عمي كان كدا والحمد لله دلوقت زي الفل رايح تالته ثانوي اهو وماشاء الله جاب 204 ونص من 205 :)
عقبال ابنك وابن اختك ياااااااارب

*miso*;15414968:
د . ودعة

كنتي سألتيني الدكتورة مش عايزاني اصوم ليه

هي قالت لي الصيام خطر عشان عدد ساعات الصيام و الدنيا كمان حر و بحتاج سوايل كتير

بس مش عارفة هل الحاجتين دول سبب انها تخليني افطر ؟

و لا في اسباب تانية إن شاء الله هاسألها لما اروح لها

بصي ياميسو
هو اغلب الحوامل اللي اعرفهم في المنتديات لاننا اتكلمنا كتير في الموضوع ده
دكاترتهم قالو جربو صومو وشوفي تحملك يعني الدوخة الهبوط الجفاف وكده
ووصو ان فترة الفطار تكون كلها سوايل كتير
ومنقوع البلح والخشاف تشربي منه كتير بالليل وبالنهار الحركة بحساب طبعا
بس لو تعبتي يبقي لازم تفطري

Butterfly ʚϊɞ;15414805:
امانه عليكم تدعو لاختى هى كمان حامل بس سبقانى بشهر عملت السونار الى بيبين العيوب الخلقيه بعد الشر عنكم كلكم لاقت البيبى عنده ثقب فى القلب

انا مش عارفه ده خطر ولا بيتعالج ولا ايه محدش راضى يفهمنى وماما اصلا مكانتش عايزه تقولى عشان متقلقنيش على البيبى بتاعى بس مش ده خالص الى فدماغى انا اتضايقت على اختى ونفسى حد يفهمنى ده ايه ولا ليه علاج ولا هيحصلها ايه؟!! لو حد يعرف ارجوكم فهمونى وادعولها ابوس ايديكم لانها اكبر منى باربع سنين وده اول حمل ليها زييى وتعبت عشانه اوى

ربنا يقومها بالسلامة هي وجنينها يارب
اعرف كذا طفل اتولدو كده وبيخفو بيكون علي حسب مكان الثقب
وممكن علي ما يتولد يرجع طبيعي ان شاء الله

kitty_kity;15414382:
ايمي ربنا ييسر لك الامور وتقومي بالسلامة
بصي .. ماتعمليش بوش الا لما الدكتور يقولك عشان المفروض بيتعمل ف المرحلة التانية من الولادة مش الاولى عشان مش يحصل بواسير او كدا
واتنفسي بهدووء كدا .. وحاولي تتمالكي نفسك مش تصرخي او كدا عشان مش تطلعي الطاقة الي فيكي وتفرهدي
والتمر جميل جدا بيسكن الالم والاعصاب وفيه مادة زي الاوكسيتوسين


نور... المشبك مش بتفكيه خالص السرة بتقع بيه اساسا
كل ماتيجي ترشي بترشي عليها والمشبك موجود

هي بخاخ كوردو ده
بودر ولا سايل؟؟؟؟

لا ياجميل هو سائل وبيترش سبراي كدا
بس جميل
كحول وantiseptic

ان شاء الله خييير يا مروة مش تقلقى

انا سمعت الدكتور بيقول اان الثقب فى قلب البيبى عادى ولما بيتولد بيلم لوحده وبيقفل
ان شاء الله خييييير

ربنا يرزقها بطفل سليم معاافى يااارب

اساسا الطبيعي ف نمو الطفل انه قلبه وهو لسه بيتكون بيبقى الحاجز الي بين الاذينين والبطينين ده بيتكون بالتدريج وبيكون فيه ثقب
بس بيلم مع النمو على الولادة
وممكن يتولد بيه بس بيلم بعدها بحبة
لو صغير
لو لا قدر الله كبير بيتعمل برده ويقفل
ان شاء الله خير

بوبا

البيبي كالم هاتيه وخديه معاكي هو علبه من سيكم فيها 15 كيس ب5 جنيه باين او ب7 مش فاكرة بالظبط
وقولي لمامتك مثلا تدي النونة منه لو جاعت او كدا

الببرونة الازاز حلوة وكل حاجة بس عيبها بتتكسر وتقيلة
البلاستيك في منها نضيف اوي
ممكن تجيبي ايفنت
انا بتاعتي اسمها camera .. بابا الي جابها فماكانش يعرف الانواع فالصيدلي قاله دي حلوة ومش بتعدي هوا فجاب دي

اممم ايه تاني
اه بالنسبة لقيصري ولا طبيعي
انا زيك كان نفسي اولد طبيعي
بس بعد ماولدت بقول الحمد لله الف حمد والف شكر
اول مادخلت الحمام ولقيت نفسي عرفت ادخل لوحدي وماصوتتش لماالمية لمستني قلت الحمد لله
جرح بجرح وخياطة بخياطة بس ماتخيطش ف مكان زي ده
تاني حاجة الجرح تجميلي وف مكان كسرة البطن الي تحت دي...الي هي فوق العانة بالظبط فمش باين خالص
انا اول ماشلت البلاستر كان محمد معايا
اعد يقولي فين الجرح فين الجرح عايز اشوفه فبقوله اهو.. فاكراه بيهزر بس فعلا ماكانش شايفه خالص وبعدين لما شاورتله عليه قالي ياااااااه مش باين خالص
والحمد لله ماليش بطن نهائي ولا اي حاجة
هي بطن صغنتته اوي اوي عشان عضلات بطني لسه طرية مامسكتش نفسها
بس مسكت شوية عن اول الولادة وبترجع لطبيعتها المفروض بعد 6 اسابيع او حاجة
والدكتورة كانت مخيطالي خياطة تحت الجلد الي هي بتتني الجلد لجوه وتخيط من جوه ومفيش حتى اروح افك السلك ولا كدا.. لانها خيطت بخيط بيدوب يادوب فكت البلاستر وخلاص ومش باين اي حاجة ماشاء الله
توكلي على الله وسيبك من اي حاجة الي ربنا يكتبهولك هو الخير ليكي

اه بقيت اسئلتك سوري كنت نسيت
انا مش بدي كوكي كل يوم اعشاب انا نادر لما بديها زي مثلا لما الاقي عندها مغص جامد وغازات ومش عارفه تطلع بتبقى هي عمالة تحزق كدا سوري يعني وتحمر فبديها شوية
وبديها يادوب حبة صغيرين واشرب انا الباقي عشان ينزل لها ف اللبن
وكنت بديها ف الاول لما كان مفيش لبن كتير
او بالليل عشان كانت بتبقى عمالة ترضع كل شوية لان كانت بترضع يادوب مصة او مصتين وتبطل هههههه وتنام وتصحى بعد ربع ساعة ترضع تاني مصة كدا فماكانش بيتجمع لبن خالص
وكانت تقعد تصوصو من الجوع
دلوقت بقت بترضع كمية اكبر وتنام مثلا ممكن ساعة ونص او ساعتين فبقى يلحق يتحوش شوية لبن بطلت اديها

وماما كانت بتقولي عوديها كل يوم تاخد رضعة بالليل لانها عندها امساك وغازات بس انا مارضيتش..قلت لما ترضع رضاعة طبيعية مطلقة احسن
كمان مامتي كان قصدها تعود على الببرونة لاني هنزل الشغل كمان 10 ايام بس انا قلت مصلحتها اهم انشالله عني مانزلت خالص ههههههههه

دوا المغص ياستي هقولك كام حاجة يكونوا عندك
ماء غريب المستورد..المصري ب5 جنيه المستورد تقريبا ب40 باين بس من بره ب13 او 15 ريال
سايمثيكون
واكوافيرا
وفي دنتينوكس زي السايمثيكون بس المستورد بتاعه بس انا ماكنتش جبته
ونقط للانف عشان الافرازات لانها مش بتعرف تطلع الافرازات والمخاط...اسمها اوتريفين بيبي سالين او لايس... دي او دي
وكريمات الحفاضات ... انا جبتلها كل حاجة..سودو كريم وزنك اوليف ونو راش وبيبي اويل بالكاموميل.. ببدل منهم عليها

ازيكم يابنات عاملين ايه فى الجو ده ربنا يرحمنا ويقوينا فى رمضان

ايمى ربنا معاكى يارب وتقومى بالسلامة انتى والبيبى

كيتى ربنا يجازيكى خير على نصايحك دى للامهات وتفرحى بكرمنتس يارب وتشوفيها الاولى على

الجمهورية

بنات عاوزه اعرف اية الاكل اللى فيه خطورة على الحوامل

الله يخليكي ياوزة .. تسلمي ياقمر
بالنسبة للاكل الي غلط على الحوامل... اللحوم الي مش مستوية كويس بصفة عامة غلط
الدهون الكتير مالهاش لازمة مش مفيدة ... يعني الي تكتري فيه هو البروتين والخضار والفاكهه
القهوة والكافيين كترهم غلط
المشروبات الغازية برده لانها بتسحب الكالسيوم من العضم ترميه فالدم وينزل ف البول

الجبنات الطرية..مش زي الكيري والكوبايات لا... في انواع جبنة الي هي مش مطبوخة .. و الجبنة الريكفورد والجبنات دي لان فيها نوع بكتيريا معين هو الي بيديها طعمها ده
الي هي الليستريا

ايه تاني؟؟ فقدان الذاكرة مش راضي يسيبني

ميرسى ياكيتى اصلى نفسى اكل رنجه وعرفت انه غلط قولت بلالالالالالالاش قولت اشوف بقى

ايه تانى اللى ممكن يكون غلط ومعرفش

بعدين هى كل الولادات الطبيعيه بيبقى فيها خياطه فى المكان اياه ده

والولادة القيصرى انتى اللى بتختارى الخياطه التجميليه دى ولا على حسب امكانيات المكان اللى

بنولد فيه وهل ممكن نتفق عليها قبلها لو هنولد قيصرى وهى بتتكلف كام

اه نسيت اقولك بلاش الموالح ههههههه وبالذات الحاجات الي مش مستوية دي
عشان الملح بيرفع الضغط والحاجات دي ممكن تكون مش محفوظة كويس
استحملي وبلاش

بالنسبة للولادة الطبيعي اه لازم بيتعمل فتحة كدا وخياطة عشان الراس وهي نازلة ماتفتحش هي ولو فتحت مش بيكون الاطراف متساوية وكويسة وبتبقى اصعب ف الالتئام
الخياطة ف القيصري ... اسالي دكتورتك بس كله بيعمل دلوقت الخياطة ف المكان ده اسمها فينشتيل
الخياطة بقى تجميلي ولا لا اسالي الدكتورة
التكلفة طبعا ف طنطا ارخص...انا عندي الدكتورة اخدت 1850 بالمستشفى بس من غير الادوية بس الدكتورة دي مش غالية
دكتورتي الي كنت ماشية معاها بتاخد هي نفسها تقريبا 2000 ولا 2500 من غير المستشفى

الحمد لله بخير ازيك انتى واخبار البيبى بتاعك ايه واخبار محمود اية

ساســــــــــــــــــــــــــــو روووووووووووووحــــــــــــــــــــــــتى فـــــــــــــــــــــــــــــــين