شات حوامل مصر وتجهيزاتهم للبيبي .. لشهر شعبان1432

كل سنه وانتوا طيبين يابنات ويارب يبقى شهر كله خير ويمن وبركات ويطمنا على بيبهاتنا وانفسنا واسرنا يارب

magda 1;15423607:
ربنا يخليكي يا نور انا الحمد لله صحيت النهارده احسن الحمد لله عملت بتعليمتكم و نايمه من امبارح علي ضهري و مش بقوم غير للحمام و اني اصلي وكمان بصلي وانا قاعده و الحمد لله يارررب مفيش تقل خالص انهارده ... ربنا يكمل لنا جميعا علي خير يارررب

الحمد لله ياماجده وان شاء الله مش يتعب اوي كده تاني ياقمر

Love You 7abibi;15425128:

نور القمر ازيك يا جميل
في حد تاني موجود؟؟؟

بنات انا عايزة اعمل السونار اللي هو بتاع العيوب الخلقية
اعملة امتي و عند ميييين؟
مش عارفة ممكن مع الدكتور اللي انا متابعة معاة؟؟
انا علي فكرة متابعة عند محمود فايز اللي في مصر الجديدة حد متابع عندة؟؟؟؟

ازيك ياجميل معلش ممكن تفكريني باسمك ؟؟ معلش بقى زهايمر الحمل وعمايله هههههههه لسه حتجربي بنفسك بعدين ,,, السونار بتاع العيوب الخلقيه عملته مرتين مره في الاسبوع ال 12 والتانيه في الاسبوع ال 20 ,,,بس دكتور اشعه اللي بيعمله مش دكتور النساء والولاده ,,بيشوف محيط راس البيبي,وعرض الرقبه ,ومحيط الحوض ,ويتأكد ان عظام الانف اتكونت ...ده اللي دكتورتي قالتلي عليه ساعتها والحمد لله وبفضل الله طمنيتني ...بس غالبا دكتور النسا بتاعك هو اللي بيحولك لدكتور اشعه ...انا في قطر بصراحه فما عرفش الدكتور بتاعك خالص معلش ,,لو كنتي بلدياتي من المنصوره كنت افدتك في موضوع الدكاتره ده :Dربنا يتمملك حمل بخير

☻/ღ˚ •。* ♥♥ ˚ ˚✰˚ ˛★* 。 ღ˛° 。* °♥ ˚ • ★ *˚ .ღ 。
/▌*˛˚ ۩ [̲̅̅R̲̅][̲̅̅à̲̅][̲̅̅M̲̅][̲̅̅à̲​̅][D̲̅][̲̅̅à̲̅][̲̅̅N̲̅]....[̲̅​̅K̲̅][̲̅̅à̲̅][̲̅̅R̲̅][̲̅̅é̲̅][​̲M̲̅] ۩ ˚ ✰* ★
/ \ ˚. ★ *˛ ˚♥♥* ✰。˚ ˚ღ。* ˛˚ ♥♥ 。✰˚* ˚ ★ღ ˚ 。✰

kitty_kity;15424889:
سارة
الطفل لما يمص الصدر ده الي بينزل اللبن لانه بيحفز ادرار الهرمونات
بالنسبة للتتنية بلشها احسن لانها بتضيع قدرة الطفل على المص بيضيع مجهوده فيها
ولوحظ انها بتزود نسبة التهابات الاذن الوسطى والمغص والنزلات وده ثابت علميا

اه طبعااا انا عارفه ان مص الطفل هوا اللي بيدر اللبن وكل مازاد الرضاعه كل مازاد اللبن
قوللي ايه علاقه التتتينه باالاتهاب الاذن انا اعرف انه لو رضع وهوا نايم يحصل المشاكل ديه لكن التتتينه ازاي

كل سنه و انتوا طيبين يا بناااات و رمضان كرييييم

سارة .. انا كنت قعدت اقرا عن اضرار التتينة بصفة عامة
هجيبلك المقال

عيوب استخدام اللهاية


• زيادة احتمال الإصابة بالتهابات الأذن - توجد علاقة مثبتة ما بين استخدام اللّهاية بكثرة والإصابة بالتهابات الأذن الوسطى. وهناك اعتقاد بأن مصّ اللّهاية يزيد من احتمالات الإصابة بعدوى تصل إلى قناة أوستاكي (إستاكيوس) (وهي القناة المملؤة بالهواء التي تصل الأذن الوسطي بمؤخرة الحلق)، وذلك رجوعاً من فم طفلك. لذا يجب قصر استعمال اللّهاية على أوقات النوم فقط لتجنب مثل هذه المشاكل.

•إمكانية التسبّب بالتهابات المعدة والالتهابات الأخرى- ثمة علاقة بين استخدام اللّهاية وازدياد مخاطر الإصابة بأعراض مثل القيء (الاستفراغ)، وارتفاع درجة الحرارة (الحمّى)، والإسهال والمغص.

• احتمال ظهور مشاكل في الأسنان مع استخدام اللّهاية لفترات طويلة - لا ينصح باستخدام اللّهاية أو مصّ الإبهام، لأنه قد ينتج عن كليهما مشاكل في نمو وتطور الأسنان، وخاصة إذا استمر طفلك في اتباع هذه الطريقة لبعث الراحة في نفسه إلى حين ظهور الأسنان الدائمة.

• مشاكل الكلام - يمنع استخدام اللّهاية الأطفال من الثرثرة، وهي خطوة هامة على طريق تعلّم الكلام، كما أنها لا تشجع الأطفال الدارجين على إجراء الحوار وهو ما يحتاجونه كي تتطور لديهم المهارات اللغوية.

• تأثير استخدام اللّهاية بصورة يومية سلباً على الرضاعة الطبيعية - هناك دليل قوي يشير إلى أن السيدات اللاتي يستخدمن اللهاية هن أكثر عرضة إلى فطام أطفالهن عن الرضاعة الطبيعية قبل اللاتي يرضعن أطفالهن رضاعة طبيعية ولا يستخدمن اللهاية بصفة يومية. كما تمّ الربط أيضاً بين استخدام اللّهاية والاعتماد على الرضاعة الطبيعية وحدها لمدة قصيرة من الوقت وبينانخفاض كمية الحليب (اللبن) عندما ينهي الطفل شهره الأول.

يكثر الجدل حول احتمال تأثير اللّهاية على انقطاع الأمهات عن الرضاعة الطبيعية. ويرى البعض أن الأمهات يستخدمن اللهاية بسبب مواجهتهن لمشاكل في الرضاعة الطبيعية أو بسبب عدم رغبتهن الفعلية في إرضاع أطفالهن رضاعة طبيعية. بينما يعتقد آخرون أن الأطفال الرضّع يجدون صعوبة في التحول من مصّ اللّهاية أو أي حلمة صناعية إلى مصّ الثدي مرة أخرى - وتسمى هذه الحالة أحياناً الحيرة في الاستدلال على الحلمة. يجادل فريق آخر في أن مصّ اللّهاية بدلاً من الثدي يؤدي إلى تخفيض تحفيز الثدي على إفراز هرمون البرولاكتين ما ينتج بالتالي انخفاضاً في مخزون الحليب (اللبن). تقول السيدات اللاتي توقفن عن الرضاعة الطبيعية خلال الاشهر الستة الأولى إن سبب التوقف يرجع إلى "نقص الحليب".

مهما كانت الأسباب، لقد تم ربط استخدام اللّهاية بصفة يومية بالتوقف عن الرضاعة الطبيعية قبل بلوغ الطفل ثلاثة أشهر من العمر. وقد حذرت منظمة اليونيسيف تحذيراً شديداً من استخدام اللّهاية (المصّاصة أو البزّازة) مع الرضاعة الطبيعية.

مرسي ياكيتي تعبتك

على ايه ياجميل

ماجدة كل سنة وانتي طيبة ..
كل سنة وانتم طيبين يابنات

ادعولي بقى واحنا داخلين على ايام مباركة ان ربنا يفك كربي

ازيكم يا عسلات وميرسي علي الترحيب

انا اسمي مرمر من سوهاج وده تاني حمل ليا وبشتغل و.......ايه تاني؟؟؟؟

بس المشكلة ان الواحد نسي الحمل الاولاني وتفاصيله جدا ....

كل سنة وانتوا طيبيبن
وربنا يفك كربك يا مروة انتى وانا وكل المسلمين اجمعيييييييين
ويحفظانا اطفالنا واهالينا ياااااااااااااااااااااااااااااااااارب من كل سوء ياااااااااارب

ويحفظ مصر ياااااااااارب والبلد حالها يتحسن ياااااااااااااارب

السلااااااااام عليكم يا بناويييييت
كل سنة وانتوا طيبيييييييييييييين
هتوحشوني كتييييييييير جدا جدا جدا
بس انا داخلة اقولكم على فكرة صغنووووونة
هي بجد عجبتني وناوية اطبقها باذن الله

عارفين الحديث ده ؟؟ شفتوه قبل كدة ؟؟
«إن لكل مسلم في كل يوم و ليلة دعوة مستجابة»

اكيد صح

عايزاكم بقى تكتبوا لستة عبارة عن 30 دعوة
وكل يوم تاخدي دعاء واحد بس وطول اليوم وانتي تدعي بيه
وتلحي ف الدعاء لان الالحاح في الدعاء حاجة بيحبها ربنا سبحانه وتعالى
وعند الفطار يااااسلام احسن موضع للدعاء
وف التراويح حتى لو هتصلي ف بيتك
وفي الثلث الاخير من الليل
وقت السحر كدة
واليوم اللي بعده تاخدي الدعوة التانية وهكذا
بس

عارفين وحدة كانت بتحكيلي عن صاحبتها
عملت كدة السنة اللي فاتت
والله بتحلف لصحبتي دي وتقول ال 30 دعوة اتحققت
ماشاء الله اللهم باااااارك

كل ده بششششرط العزم والجزم ف المسالة او الدعاء دون تعجججل
وكمان تدعي بيقيييييييييين ان ربنا هيستجيب لك
ان عاجلا او اجلا مش تقولي هجرب
لالالالا ربنا مينفعش معاه التجريب
وياريت بقى لو تكوني متوضية ومستقبلة القبلة
وتبداي بالحمد والثناء على الله وتختمي بالصلاة على النبي
صلى الله عليه وسلم وممكن تدعي بادعية تانية
كمان بجانب الادعية اللي انتي حددتيها مش شرط 30 دعوة بس
بس ركزي على اللستة اكتر حاجة ولحي جااااااااااامد وتتذللي لله
ما اللستة دي خلاصة خلاصة الدعوات المنتقاه بتاعتك

ودي اداب الدعاء :

1-الاخلاص لله
2-ان يبدء بحمدالله والثناءعليه ثم بالصلاة على النبي صلى الله عليه وسلم ويختم بدلك
3-الجزم في الدعاء واليقين بالاجابة
4-اللالحاح في الدعاء وعدم اللاستعجال
5- حضور القلب في الدعاء
6- الدعاء في الرخاء والشدة
7- لا يسال الا الله وحده
8-عدم الدعاء على اللاهل والمال والولد والنفس
9-خفض الصوت بالدعاء بين المخافته والجهر
10-الاعتراف بالذنب والاستغفار منه والاعتراف بالنعمة وشكرالله عليها
11-عدم تكلف السجع في الدعاء
12-التضرع والخشوع والرغبة والرهبة
13-رد المظالم مع التوبة
14-الدعاء ثلاثا
15-استقبال القبلة
16-رفع الايدي في الدعاء
17 الوضوء قبل الدعاء ان تيسر
18-ان لايعتدي في الدعاء
19-ان يبدء الداعي بنفسه اذا دعا لغيره
20-ان يتوسل الى الله باسمائه الحسنى وصفاته العلى
او بعمل صالح قام الداعي نفسه او بدعاء رجل صالح حي حاضر له
21-ان يكون المطعم والملبس والمشرب من حلال
22-ان لايدعوا باثم اوقطيعة رحم ..... وخدو بالكم من دي
32-ان يامر بالمعروف وينهى عن المنكر
42-الابتعاد عن جميع المعاصي والدعاء عند روية الكعبة ونسال الله حسن الخاتمة



يلا بقى كل وحدة تروح تعمل اللستة بتاعتها
وبالله عليكم متنسونيش من صالح دعواتكم
انا وصيتكم :) :)
وكلنا ندعي لبعض
فدعوة المسلم لاخيه المسلم بظهر الغيب مستجابة باذن الله
ويارب يتقبل مننا صالح الاعمال
ويجعلنا عنده من الفائزين
ويحقق لنا كل امنياتنا ياااارب
ومتضيعوش رمضان في المسلسلات بقى والاكل والذي منه
خلي رمضان السنة دي غيير
وكتروا من الذكر طول ما انتي بتشتغلي ولسانك
شغال بذكر الله استغفار وتسبيح وتهليل وحمد
ربنا يكرمنا جميعا

السلاااااااام عليكم ورحمة الله وبركاته

الجزء الجديد يا بنات
كل سنه وانتو طيبين



http://forums.3roos.com/showthread.php?t=629631