شات حوامل مصر وتجهيزاتهم للبيبي .. لشهر شعبان1432

ازيكو النهارده يا عيال يارب تكونو كلكو كويسين
من اول اليوم بتنزل افرازات بيضه هي دي عاديه ولا اييييييييييه
اصل انا اقل حاجه بتقلقني

اية يا عيال
هو الشات بقى مهجور كدة لييييييييييييية ؟؟

ازيكم يابنات وحشتونى مووووووووووووووووووت عاملين ايه كلكم

مدام/اشرى;15402418:
نور
حمد لله على سلامة جوزك يا سمر الف سلامة علية وخليكى جمبة اليومين دول والحمد لله انة عمل العملية دلوقتى عشان على معاد ولادك يكون فايقلك كدة

الله يسلمك يااشري ويحميكي انتي واسرتك من كل سؤ,,وعندك حق فعلا العمليه احسن كتير انها حصلت دلوقتي وانا لوحدي والبيبي لسه ماجاش

Love You 7abibi;15402626:
ازيكوا يا مدامات انا جديدة هنا معاكوا بس مش جديدة في التجمع
انا لسة متجوزة و حملت علطول طلعا كان نفسي استني شوية اعيش حياتي ولتفاجأت جدا بس يلا الحمدللة
انا دلوقتي في اخر التاني وان شاءاللة اولد في فبراير اخرة ان شاءاللة
انا نفسي ابقي معاكوا هنا واشارككوا كل احساسي عشان متلخبطة خالص وبحس ماليش نفس اعمل حاجة
ونفسيتي مش تمام
انا لللاسف مش عندي نت في بيتي انا هنا عند ماما هحاول اكون معاكوا علي قد مااقدر

لا غلط تفكري كده دي نعمه كبيره لازم تحمدي ربنا عليها صبح وليل مش ترضي بيها وخلاص ,,,,انتي بس لسه مش مدركه الوضع ومتاخده فحاسه الدنيا مكركبه لكن صدقيني احساسك بالحمل وانك تشوفي البيبي على السونار وكده حتفرحي جدا وتحبي الموضوع اوي وتحسي فيه اثاره شهر بشهر ولو عندك اي سؤال اتفضلي ياباشا واحنا هنا البنات كلهم مش بيقصروا والله وحتتبسطي معانا ان شاء الله

نور التقوى;15402777:
السلام عليكم

ازيكم يابنات وحشتونى كتير

وربنا يخليكم يارب على دعواتكم ليا ولبنوتى

انا نفسى ادخل من زمان بس الحمد لله كنت تعبانه ولسه يادوب فايقه شويه

وبوسى كانت قلقانى عليها مكنتش بتصحى خالص ولا بترضع وكنت بقعد اعيط جمبها والدكتور كان مدينى مهله 48 ساعه لو مرضعتش

منى كان هيكتبلها صناعى وتعبت وكان عندها احتقان ونزله ودرجه حرارتها كانت مرتفعه شويه وكانت بتاخد حقن كل 12 ساعه والحمد لله بقت احسن ادعولى ربنا يخليهالى ويباركلى فيها

والف حمدالله على سلامه الى ولدوا ربنا يبارك ليهم فى عيالهم يارب ويكونوا ذريه صالحه

وربنا يرزق يارب كل الى عاوز

ياحبيبتي سلامتها الف سلامه يارب وقلبي معاكي وبدعيلك يطمن قلبك عليها ويشفيهالك آمين

دلوعة الغالى;15402891:
ازيكم يابنات

نور ربنا يباركلك فى بوسى يارب ويخليهالك وتشوفيها عروسة

لف يو مبروك الحمل ياقمر ربنا يكملك بخير ياااااااااااااااااااااارب


هوبس حبيبتى عامله ايه ربنا يكرمك بحمل عاجلا غير اجلا بس متحطيش الموضوع فى دماغك سبيه يجى براحته وان شاء الله قريب ربنا هيكرمك وتيجى تفرحينا

سمر ربنا يكمل شفاء جوزك بخير يااااااااارب

الله يكرمك ياايمي يارب تسلمي

.. Hopes;15402781:
ازيكو يابنات

سمر
حمدالله علي سلامة جوزو ان شاء الله يبقي كويس علطول خدي بالك انتي بس من نفسك ومن النونة

بنات قولولي انا حاسه بغممان طول اليوم ومقريفه بقالي يومين
مش عاوزة يبقي عندي أمل وانزل علي مفيش .. تفتكرو ممكن يحصل حمل دلوقت ؟ انا اجهضت من 3 اسابيع تقريبا يوم 2 يوليو
ولو مش كده استني البريود امتي؟ انا عادة البريود عندي منتظمة يعني

هوبس كبري دماغك خالص وماتحسبيش ,,,البريود ماجتش لما تقفلي الشهر استني بعدها اسبوع كده وروحي اعملي تيست الحمل في الدم ,,,,,البريود جت يبقى الحمد لله ومافيش مشكله خالص واوعي تزعلي بجد ابداااااااا للان انا لما كنت بحسبها واستناها ماحصلش حمل لما كبرت دماغي وروقت مزاجي سبحان الله الحمل حصل لوحده

باربي 15;15403522:
ازيكو النهارده يا عيال يارب تكونو كلكو كويسين
من اول اليوم بتنزل افرازات بيضه هي دي عاديه ولا اييييييييييه
اصل انا اقل حاجه بتقلقني

عادي ياباربي طبيعي جداااااااااااا مش تقلقي ,,,الافرازات حتزيد عليكي طول الحمل وتحسي دايما برطوبه كده ,,,اهم حاجه الافرازات دي تبقى شفافه اكتر منها بيضاء وتحسي فيها لزوجه بسيطه مش تقيله وتخينه ومش يكون ليها ريحه خالص

يا ولاد عاوزاكوا تدعولى جاااامد
متقلقوش لسة مفيش اعراض ولادة بس ادعولى عمت امبارح تحليل بول مش فاكرة للمرة رقم كام والله بس ونتيجتة بكرة ان شاء الله وهاخدها وهطع عى الدكتور ادعولى ربنا يشفينى بن صديد البول انى اتهريت علااااااج
ولو فى كشف نسا ربنا يهون عليا ويطمنى عى النونة

ازيكوا حد هنا

بوبا 123;15404157:
يا ولاد عاوزاكوا تدعولى جاااامد
متقلقوش لسة مفيش اعراض ولادة بس ادعولى عمت امبارح تحليل بول مش فاكرة للمرة رقم كام والله بس ونتيجتة بكرة ان شاء الله وهاخدها وهطع عى الدكتور ادعولى ربنا يشفينى بن صديد البول انى اتهريت علااااااج
ولو فى كشف نسا ربنا يهون عليا ويطمنى عى النونة

بوبا ربنا يسهلك يارب وتبقى النتيجه سلبيه ومافيش صديد ,,,,بس ايه سبب الصديد المستمر ده بالرغم من العلاج؟؟؟

حد فقس تانى؟

صباح الخيرررررررررررر

عاملين ايه نفرايه نفرايه مش عرفه ايه الجديد عندكم مقرتش ال فاتني :)

بوبا يارب نتيجه التحليل تطلع حلوه ان شااااااااااء الله

انا كمان هعمل تحليل دم عشان الانيميا النهرده وهشوف بقى بليل النتيجه يارررررررررررررررب تكون النسبه عليت يارب

السلام علكين ياماميهات
عاملين ايه؟
متشكرة لكل اللي رحبو بيا
ديما بدخل ومش بلاقي حد



ربنا يتمم للجميع حملهم بخير ان شاء الله
ويهون التعب والالم ويعدي الرحلة بسلام
يارب

صباح الخييييييييير
ربنا يطمنك يارب يا بوبا انتى وايمو وتطلع النتايج حلوة كدة وتولدوا بالف سلامة

باربي 15;15403522:
ازيكو النهارده يا عيال يارب تكونو كلكو كويسين
من اول اليوم بتنزل افرازات بيضه هي دي عاديه ولا اييييييييييه
اصل انا اقل حاجه بتقلقني

ازيك ياقمر مش تقلقي مع الحمل الافرازات بتزيد كتيييييييييييييير عن الاول واسألي دكتورتك برده عشان ميكونش فيه التهابات لاقدر الله

مدام/اشرى;15404045:
اية يا عيال
هو الشات بقى مهجور كدة لييييييييييييية ؟؟

اززززززيك يااشري عامله ايه ياقمر انتي ورورو طمنينا عليها

روضه 2006;15404122:
ازيكم يابنات وحشتونى مووووووووووووووووووت عاملين ايه كلكم

ازيك ياقمر عامله ايه

بوبا 123;15404157:
يا ولاد عاوزاكوا تدعولى جاااامد
متقلقوش لسة مفيش اعراض ولادة بس ادعولى عملت امبارح تحليل بول مش فاكرة للمرة رقم كام والله بس ونتيجتة بكرة ان شاء الله وهاخدها وهطع عى الدكتور ادعولى ربنا يشفينى بن صديد البول انى اتهريت علااااااج
ولو فى كشف نسا ربنا يهون عليا ويطمنى عى النونة

ربنا يطمنك ع النونه يارب يا بوبا والتحليل يطلع تماااااااااام

monyfofo;15404176:
ازيكوا حد هنا

ازيك يامووووووووووني كل سنه وانتي طيبه

Love You 7abibi;15402626:
ازيكوا يا مدامات انا جديدة هنا معاكوا بس مش جديدة في التجمع
انا لسة متجوزة و حملت علطول طلعا كان نفسي استني شوية اعيش حياتي ولتفاجأت جدا بس يلا الحمدللة
انا دلوقتي في اخر التاني وان شاءاللة اولد في فبراير اخرة ان شاءاللة
انا نفسي ابقي معاكوا هنا واشارككوا كل احساسي عشان متلخبطة خالص وبحس ماليش نفس اعمل حاجة
ونفسيتي مش تمام
انا لللاسف مش عندي نت في بيتي انا هنا عند ماما هحاول اكون معاكوا علي قد مااقدر

تابعي معانا كل يوم وافرحي بحملك واقري حجات عن الحمل وكده وان شاء الله هتلاقي نفسك فرفشتي وبقيتي مبسوطه خالص ربنا يتمملك بخير يارب

نور التقوى;15402777:
السلام عليكم

ازيكم يابنات وحشتونى كتير

وربنا يخليكم يارب على دعواتكم ليا ولبنوتى

انا نفسى ادخل من زمان بس الحمد لله كنت تعبانه ولسه يادوب فايقه شويه

وبوسى كانت قلقانى عليها مكنتش بتصحى خالص ولا بترضع وكنت بقعد اعيط جمبها والدكتور كان مدينى مهله 48 ساعه لو مرضعتش

منى كان هيكتبلها صناعى وتعبت وكان عندها احتقان ونزله ودرجه حرارتها كانت مرتفعه شويه وكانت بتاخد حقن كل 12 ساعه والحمد لله بقت احسن ادعولى ربنا يخليهالى ويباركلى فيها

والف حمدالله على سلامه الى ولدوا ربنا يبارك ليهم فى عيالهم يارب ويكونوا ذريه صالحه

وربنا يرزق يارب كل الى عاوز

الف سلامه عليها يانور ربنا يخليهالك ويبارك فيها ياررررررررب ويشفيها ويعافيها من كل سوء

*miso*;15398727:
ازيكوووا يا بنات

فلة حبيبتي

مبروك دخول الخامس يا رب عقبال التاسع :)

انا قربت من الرابع يا رب يا مهون :)

هي المكسرات اكلها مفيد ؟

مبروك عليكم فله وميسو :D انا بقى قربت من السابع يامسهلللللللل بفرح جداااااااااااااااا كل مااخلص شهر

ميسو بقولك ايه انا قريت ع النت قبل كده ان اكل الفستق ف الحمل غلط الله اعلم بقى بس ابقى اعملي سيرش كده وشوفي

كيتي ازيك ياحبيبتي عامله ايه واضح ان كارمن مش بتنيمك خالص .. انتوا بتدلعوها تقولولها ايه ؟

ايمي حبيبتي سمعتلك الدكتور قال الولاده قبل الاسبوع 37 مش بنحبها لكن بعدها بقى بتبقى كويسه ربنا يسهل ولادتك ياحبيبتي يارب

ايمو.. بقولها كرمنتس ههههههههههههههههههههههههههههه
كرمنتس مامي ... فاكرة فيلم البحث عن فضيحة لما كان جورج سيدهم رايح يخطب نوال ابو الفتوح لما كان عمال يبص للصورة ويقول ياكرمنتس ياحبيبي
وبقولها يابطاطس هههههههه اصل ساعات بتاخد شكل عجيب كدا بتفكرني بالبطاطس
بس المعتاد يعني بنقولها ياكوكي

بالنسبة للنوم والله هي بالمقارنة باطفال كتير حلوة اوي الحمد لله وانا بطبق عليها الي قريته..بس ساعات بقى بتتغابى
هكتبلكم دلوقت نصايحي من واقع التجربة

هقولكم بقى يابنات ايه الي عملته ف الحمل وحسيته نفعني بعد الولادة
وايه الي لا
اول حاجة بالنسبة للاكل انا من اول الحمل كل ماحد يشوف وشي يقولي كلي كتير انتي اكلك وحش انتي بتاكلي لاتنين انتي انتي انتي
كنت بنفض لكل الكلام ده
وباكل المفيييييييييييد بس ... مازودتش الدهون ولا النشويات بس كنت باكل بروتينات كتير وفاكهه وخضار ولبن
اللبن طبعا الواحد بيزهق منه لما بيشربه كتير
كنت بعمله كريم كراميل انا بموت فيه كنت بعمل كل يومين مثلا
اعمل كيلو لبن واخلصه على يومين يبقى كاني شربت ف اليوم نص كيلو لبن صح؟ طبعا لو بشربه لبن كان مستحيل اشرب نص كيلو
وزبادي برده وحاجات مفيدة انما مثلا اكل رز ومكرونة وكدا قليل
ومع اني زدت كتير ف الحمل يعني زدت 17 كيلو ... بدأت ب58 ويوم الولادة كنت 75
بس تالت يوم الولادة بوزن لقيت نفسي 63
بعدها بكام يوم 61
دلوقت بقيت 60 ولسه بنزل الحمد لله ... لان التخن كان فعلا هو الحمل والجنين والمية الكتيييييييييييير الي كنت مورماها دي
الحمد لله
طبعا نفسيتي اتحسنت اوي لما خسيت لاني كنت خايفه اوي اني اتخن ومانزلش

تاني حاجة
ادعي للنونو بتاعك كتير اوي اوي اوي
بكل الي انتي عايزاه
انا كنت بدعي ان بنتي تطلع هادية ومش بتعيط كتير وربنا يهديهالي واعرف اعودها على مواعيد نوم واساليب تربية صح... ماتتعودش ع الشيل ماتتعودش ع الزن
وكنت بدعيلها اوي ان ربنا يوسع رزقها ف الللبن وف كل حاجة
الحمد لله الى حد كبير هي كويسة بالمقارنة بأطفال كتير
ومفيش طفل صغير كدا مريح 100% بس اهي احسن من غيرها الحمد لله يارب الحمد لله

تالت حاجة بقى ... معظمنا امهات لأول مرة
وكلنا بنستخدم الكمبيوتر والنت اهو صح ؟؟ استغلي قعدتك على النت دي ف التعليم عن الامومة والتربية
اقري عن كل حاجة
انا قعدت كتييييييييير اقرا ... مع ان عندي خلفية كويسة الى حد ما من الكلية
بس كنت بقرا الحاجات الي مش بتتدرس ف الكلية
افضل انواع البامبرز
افضل كريمات للتسلخات
ازاي اغير لبنتي
طرق الرضاعة الصح
التغذية الكويسة للام الي بترضع
ازاي اهدي طفلي... ازاي انيمها ف مواعيد واعودها عليها
ازاي اعودها ماتزنش
كدا يعني ...فضلت اقرا كتير وخبرات الامهات الي فاتت وكدا
من هنا ومن على فتكات
طبعا مش كل الكلام بناخده ونطبقه بس الي تقتنعي بيه نفذيه
والحمد لله فادني اوي اوي اوي الحمد لله

رابع حاجة... مفيش طفل مريح واحنا امهات لاول مرة صح؟؟
هتلاقي نفسك ساعات كتير زهخقانة ... ده بيزن ومش عارفه اسكته
ده تعبان
ده بيسهر
افتكري ساعتها ان انتي ربنا اداكي نعمة ماتتقدرش بتمن
والله مهما تقولي دلوقت وانتي حامل غير خالص لما تحضنني بنتك او ابنك
افتكري ده .. واصبري عليه .. بس ماتتنازليش عن الحاجات الي عايزة تعلميهالها
انا مثلا بعلم كوكي ماتتشالش
محمد اول ماتزن يجري يشيلها
انا اقوله سيبها يقولي بتعيط اقوله سيبها تعيط
بروح اشيلها احطها ترضع؟...رضعت كان بها ... مارضعتش احطها عشان تعرف ان الشيل ده للرضاعة وبس
والحمد لله الحمد لله طول النهار اهي راقده لوحدها ... بشيلها ارضعها بس
او اجرب اغير لها لو ماكانتش عايزة ترضع ممكن تكون عاملة بيبي وعايزة تغير
ساعات بحس انها بتعيط خايفه... بيبان عليها والله
انا بنتي بتزيق كدا مش بتفتح ف العياط على طول... لما بتكون خايفه بلاقيها مرة واحدة تقوم مصرخة وبادئة تعيط
دي ماينفعش اسيبها تتفلق بقى... بروح جري اشيلها واحضنها اوي عليا واحطها على قلبي
لما تهدا ارجع انيمها تاني
مع الوقت والله الحمد لله اتعودت على كدا الى حد كبير


اممم لو افتكرت حاجة تانية هقولكم بس امانة عليكم ادعولي ربنا يبارك لي فيها ... ويخليهالي وتفضل كدا واحسن يارب

كيتي
جزاكي الله خيرا
ربنا يباركلم في البنوتة ويهيدها ليكي وتشوفيه عروسة عسولة ان شاء الله

تسلمي ياجميل ربنا يخليكي

انا دايما والله بحب اقول للبنات على الجوانب الكويسة عشان يحسوا ان الحياة فيها حاجة مشرقة هههههه
الوحش بقى هيعرفوه لوحدهم مش محتاجين حد يقولهم عليه ههههههههههههه

والله عن نفسي
مش شايفة حاحة وحشة
كل حاجة حاوة وجميلة والحمل نعمة ميعرفش يتمتع بيها غير اللي انحرم منها واتبهدل عشان يطولها
انا حامل الحمد لله بعد 3 سنين
وكمان اللي ربو قبل كده ميزيدوش عننا حاجة
والطفل مسئولية بس برده زينة ومتعة وفرحة
ولو فيهم اسبوع متعب حيكون فيه ولو يوم حلو
حياتك مربوطة بحاجة بتكبر كل يوم وبتحسي بانجازك كل دقيقة لما يشبع
لما ينضف
لما يضحك
ولما يتعلم حاجة جديدة
اما الزهق والتعب والاكتئاب والعياط
فدول صحابنا الاعزاء
سابونا امتي؟عشان يفارقونا في رحلة الامومة
كنا بنمر بنفس العذاب
في المذاكرة
وفي خناقات مع اخواتنا او صحابنا
وفي الشغل
وفي الشارع
وبعد الجواز
اشي حماتك واشي سلفتك واخو جوزك وجوزك
وحتي مع الفراغ والوحدة والياس وبعد الحلم
يووووووووووووووووووه
وكله عدي الحمد لله
واللي جاي حيعدي والعيال حتكبر واحنا حنكبر
سي لافيييييييييييييييييييي

كيتي
حلوة حاجات البنوتة قويييييييييي
تخطف القلب
عثل عثل عثل
ربنا يباركلك فيها يارب
انا حاسة انها بنوتة برده ان شاء الله
عجبني السرير قوي
هو عرضه قد ايه؟ ويكفيها لسن قد ايه؟
انا اوضة نومي ضيقة وعاوزة سرير صغير يكون جنبي في اودتي

ودعه
كلامك مظبووووووط انا برده بفكر ف كدا
يعني لما تسهرني شوية بقول وماله مانا كنت بسهر بمزاجي اتفرج على التلفزيون
لما تعيط شوية اقول امال يعني عايزة طفلة سايلنت؟؟؟ مابتعيطش خالص
ببص لنص الكباية المليان
انا اقصد بكلامي اني من زمان بحب اطمن البنات هنا حتى اساليهم هههههههههههه

بالنسبة للسرير..اولا ميرسي على كلامك عن حاجات النونة ربنا يخليكي ياقمر عقبال نونتك
السرير بقى عرضه 40 سم وطوله 75 باين
بس نصيحة شخصية
ماتجيبيهوش صغير كدا لانه يادوب هيكفيها كام شهر بس
تاني حاجة كارمن لما بتمد ايدها بتلمس الجناب بتاعته بتصحى ... هي بتحب تنام مش حواليها حاجة فلما بتمد ايدها وتلمسه بتصحى
ومش بترضى ترقد فيه وهي صاحية ... يعني لازم لو صاحية انيمها على السرير الكبير او على الناموسية الي ليها مرتبة دي