شات حوامل مصر وتجهيزاتهم للبيبي .. لشهر شعبان1432

صباح الخير يا حوامل

عاملين ايه

وحشتوونى كلكم

بااربى مش هزيد عن كلام البنات حاجه طبعا

اشرى اززيك يا حببتى عامله ايه واحشتينى اوى عامله ايه فى الامومه

انا فرحاانه قربت ادخل على الخامس فاضلى 4 ايام يا مسهلللل

امبارح جالى مغص فى بطنى غريب عامل زى مغص البيريود شويه

عمال يرروح ويجى وانا والله اعد اوسوس روحت فى الاخر نمت شويه لاقيت نفسى باقيت كويسه

بس اول مرة يجيلى مغص كده فى نص بطنى او فى بطنى من تحت كده

فلة مش تقلقي ده الرحم بيتمدد بس لان البيبي هيبدأ يكبر بقى ويبقى له وزن

مروة عاملة اية
انتى وحشة يا بت مش بتسالى عليا لييييييييييييييية ؟؟
محدش هنا يا عال عايزة ارغى شوية قبل ما البت تصحى

مرمر عامله ايه وكارمن عامله ايه

ماشاء الله ربنا يباركلك فيها يارب وفعلا كلامك صح بس انا تعبت اوى من التقل واللى خايفه منه انى يجيلى طلق واولد قيصرى هو ده اللى قلقينى ربنا يسهلها يارب


ازيكم يابناااااااااات

اشرى ومروة منورين اتجمع ومنكم نستفيد
ايمى اية يا وزة انا كل يوم بدخل علشان اطمن عليكى مفيش جديد ولا اية ؟؟

ازيكوووا يا بنات

فلة حبيبتي

مبروك دخول الخامس يا رب عقبال التاسع :)

انا قربت من الرابع يا رب يا مهون :)


اشري و كيتي

منورين يا ماماهات

محتاجين خبراتكم اكيد :)

دلوعة

ربنا يكرمك يا جميل و تولدي بالسلامة


مروة بترفلاي

انا قلقانة عليها يا بنات

يا رب تدخل تطمنا عليها


هي المكسرات اكلها مفيد ؟

*miso*;15398727:
ازيكوووا يا بنات

فلة حبيبتي

مبروك دخول الخامس يا رب عقبال التاسع :)

انا قربت من الرابع يا رب يا مهون :)


اشري و كيتي

منورين يا ماماهات

محتاجين خبراتكم اكيد :)

دلوعة

ربنا يكرمك يا جميل و تولدي بالسلامة


مروة بترفلاي

انا قلقانة عليها يا بنات

يا رب تدخل تطمنا عليها


هي المكسرات اكلها مفيد ؟

هي المكسرات طبعا لذيذه وكل حاجه بس طبعا بتخن جدا:D لكن قرأت معلومه مهمه جدا ان المكسرات بتزود ذكاء البيبي وهو لسه جنين ...علشان كده انا كل فتره اجيب طبق احط فيه 5 حبات من كل نوع لوز وفول سوداني وصنوبر وفستق واحطهم ادامي واكل علشان لو حطيت الكيس كله حفتح وادي جامد:)

سمر

عاملة ايه و زوجك يا رب تكونوا احسن

paradise rose;15396410:
انا لو مكانك هاروح للدكتوره اللى جمب بيت باباكى اقربلك وباين انها فاهمه لان لازم التحاليل
ربنا معاكى يارب

ميرسي حبيبي علي ردك انا قررت اسمع الكلام واعمل كده علشان ده اللي هيريحني
بس ادعولي الدنيا تمشي زي ما انا عاوزه ومش تتلخبط احسن جوزي شكله كده عاوز يرجع في كلامه وبيهرج وعاوزني اقعد مع اخواته وهو مسافر وده كلام مش ينفع ابداااااااااااااااااااااااا

نورالقمر999;15396862:
شطوره ياباربي احب البنات اللي بتسمع الكلام :thumbs_up: وربنا يكتبلك اللي فيه الخير يارب


:D:D

طبعا ده انا شطوره موت سقفي لي بقي يا ابله :biggrin:

نورالقمر999;15397149:
باربي لالالالالالالالالازم تشربي سوائل والا فعلا حيجيلك جفاف وحاجت تانيه وحشه لاقدر الله ومش حاقولك عليها علشان ماتخافيش بس بجد لازم تشربي سوائل كتير وانا ماكنتش طايقه الميه برضه زيك وبحس فيها طعم غريب حتى لو كانت معدنيه فكنت عايشه على العصاير الفريش لو قدرت اعملها في البيت خير وبركه لو ماقدرتش بشتري المعلب الحجم الكبير في السوبر ماركت زي جهينه وبيتي والمراعي وكده ,,,اهم حاجه الميه مهمه علشان البيبي والميه اللي حواليه للان مش معنى انك مش عطشانه يبقى هو مش محتاج الميه دي ولو الميه قليله بتعمل مشاكل انتي في غنى عنها ,,,خدي بالك من نفسك

خلاص والله بدات احاول واحده واحده غصب عني وربنا يسهل

دلوعة الغالى;15398405:
مرمر عامله ايه وكارمن عامله ايه

ماشاء الله ربنا يباركلك فيها يارب وفعلا كلامك صح بس انا تعبت اوى من التقل واللى خايفه منه انى يجيلى طلق واولد قيصرى هو ده اللى قلقينى ربنا يسهلها يارب


ازيكم يابناااااااااات

ربنا معاكي يارب ان شاء الله تقومي بالسلامه وتولدي طبيعي

fulla2010;15397709:
صباح الخير يا حوامل

عاملين ايه

وحشتوونى كلكم

بااربى مش هزيد عن كلام البنات حاجه طبعا

اشرى اززيك يا حببتى عامله ايه واحشتينى اوى عامله ايه فى الامومه

انا فرحاانه قربت ادخل على الخامس فاضلى 4 ايام يا مسهلللل

مبرووووووووك عقبال الشهر التاسع
وانا كمان فرحانه علشان هبدأ الشهر التالت يوم واحد رمضان

*miso*;15398916:
سمر

عاملة ايه و زوجك يا رب تكونوا احسن

الحمد لله ياميسو النهارده كان عندنا متابعه عند الدكتور واتفاجات ان لسه فيه حاجات زي قطن وفتيل كده جوه انف جوزي:woo::woo: بجد سبحان الله انا مش عارفه هو كان مستحمل البلاوي دي ازاي؟؟؟ ده من ساعة ماخرجنا من عند الدكتور بقوله دي مش مناخير ,دي شنطة جحا :D:D

الحمد لله يا سمر

المهم يكون هو مرتاح دلوقتي

ربنا يقومه ليكي بالسلامة

صحيح انتي عندك نونة و لا نونو ؟ :)

حد موجود

*miso*;15399440:
الحمد لله يا سمر

المهم يكون هو مرتاح دلوقتي

ربنا يقومه ليكي بالسلامة

صحيح انتي عندك نونة و لا نونو ؟ :)

والله يا ميسو دكتورتي بتقولي ولد و دكتورة الالترا ساوند بتقولي بنت !!!!!!! :!!::confused: بس انا حاسه انها بنت ان شاء الله ,,,واضح اني حامل في الطفل المعجزه ههههههههه

وصفة سحرية لصيام آمن للحامل فى رمضان

----------------------------------------------------------------------------------
تسأل قارئة: ما هو غذاء السيدة الحامل فى رمضان؟ يجيب عن هذا التساؤل دكتور أسامة عزمى، أستاذ وزميل الكلية الملكية لأمراض النساء والتوليد بإنجلترا، ورئيس قسم بحوث الصحة الإنجابية بالمركز القومى للبحوث قائلا: يدور الحديث دائمًا عند حلول شهر رمضان المعظم عن أثر الصيام على الحامل ومدى إمكانية الصيام لها، وما هى المحاذير والشروط الواجب توافرها قبل الإقدام على الصوم فى هذا الشهر الفضيل، وبداية نود أنه يمكن أن تصوم السيدة الحامل فى رمضان ولكن بمحاذير وشروط خاصة وبعد استشارة الطبيب أو الطبيبة المتابعة لحالتها وحالة الجنين الصحية.

ويضيف أن معظم السيدات الحوامل حتى اللاتى لا يصمن فى رمضان تتغير عاداتهن الغذائية فى هذا الشهر من حيث عدد ونوعية الغذاء المتناول، حيث إنه من المعروف أن الإنسان يتناول وجبتين فقط فى رمضان وكثير من السيدات الحوامل لا يأكلن إلا مرتين فقط حتى المفطرات منهن، كما تكثر الحلويات والنشويات والعادات الغذائية غير الصحية على الإطلاق لكل الناس وبالأخص للمرأة الحامل.

ويستطرد قائلا: بداية نحب أن نؤكد أنه يمكن أن يسمح بالصيام للمرأة الحامل فى الشهور الستة الأخيرة من الحمل إذا لم تكن تعانى من أى مشاكل صحية تمنعها من أداء هذه الفريضة الإسلامية التى يحرص كل الناس على الوفاء بها فى ميعادها على أن تتناول السيدة فى الإفطار ما تحتاجه من بروتينات ونشويات ودهون بكمية كافية، وأيضًا الإكثار من تناول الفاكهة والسلطة الخضراء لما تحتويه على العديد من الأملاح والفيتامينات، فالجنين يتناول ما يحتاجه من مواد أولية مثل السكريات والأحماض الأمينية والفيتامينات وخلافه عن طريق الحبل السرى والمشيمة، وذلك مما يتوافر فى دم الأم، كما أن الجنين لا يتغذى طوال الوقت، ولكنه مثل الشخص البالغ له أوقات ومواعيد للأكل، ولكنها على فترات متقاربة ومتعددة.
ويضيف أنه إذا لم يجد الجنين الغذاء الكافى له فإنه يتأثر بذلك فيبدأ أولا فى التوقف عن الحركة للمحافظة على كمية الطاقة المخزونة لديه لتوفيرها للأعضاء الأساسية بالجسم مثل المخ والقلب والغدة فوق الكلوية وإذا طالت فترة حرمان الجنين من الغذاء لعدة أسابيع يبدأ فى حرق كمية الدهون الموجودة بالكبد والعضلات، وهنا يتعرض لنقص النمو ويعانى من اختلال فى التمثيل الغذائى ويولد طفل قليل الوزن له مشاكل صحية كثيرة.

ويقول ليس هذا ما يحدث للجنين فى شهر رمضان المعظم إذا ما قررت الأم أن تصوم الشهر الكريم لأنه بالرغم من عدم توافر الغذاء المطلوب للجنين بعد أربع ساعات من الصيام فإنه يتم إمداد الجنين من المخزون المتوافر بجسم المرأة، ولكن ستلاحظ الأم قلة أو عدم حركة الجنين طوال النهار وعند موعد الإفطار، وبدأ سريان المواد الغذائية، وخصوصًا السكريات إلى دم الأم ومنها إلى المشيمة ثم الجنين يبدأ فى الحركة بعدها مباشرة وعلى هذا فلا ينصح بالصيام لمن تعانى من الأنيميا الحادة أو نقص السكر أو التعرض لحالات الإغماء المتكررة وعلى هذا فيمكن للأم الصيام بدون التخوف من أن يتأثر الجنين من جراء الصيام، ولكن أحب أن أضيف أن هذا الكلام ينطبق فقط على السيدات الحوامل الآتى لا يعانين من أى مشاكل صحية أثناء الحمل مثل ارتفاع ضغط الدم أو سكر الحمل، وأيضًا نمو الجنين قبل البدء فى الصيام مثاليًا والمشيمة لا تعانى من تقلصات أو ضمور.

ويضيف يجب أن تقوم السيدة الحامل فى وجبة الإفطار بتناول التمر لما يحتويه من سكريات سهلة الهضم ومعادن يكون الجسم فى أمس الحاجة إليها بعد ساعات الصيام، ثم تبدأ فى تناول الشوربة ومعها بعض الفطائر الطازجة ثم تتوقف عن الطعام وتقوم لأداء صلاة المغرب، وهذا لأن هذا يعطى الفرصة للمعدة للبدء فى العمل بعد ساعات الكسل الطويلة ويمنع الشعور بالتعب والإحساس بعدم القدرة على التركيز وانتفاخ وحرفان المعدة والقولون بعد تناول الإفطار الثقيل مرة واحدة، وهو ما تشكو منه معظم السيدات الحوامل اللاتى قمن بالصيام ثم أفطرن مرة واحدة.

ويضيف أنه بعد صلاة المغرب تبدأ السيدة فى تناول السلطة الخضراء والكثير من البروتينات مثل اللحم أو الفراخ أو الأسماك وخلافه مع تناول أى صنف من الخضراوات والإقلال من العيش والأرز والمكرونة ثم بعد نصف ساعة يمكن للمرأة من تناول قطعة أو قطعتين من الحلوى مع تعاطى الأدوية والفيتامينات التى أوصى بها الطبيب المباشر لحالتها مع تناول كوب كبير من اللبن.

وفى الساعة الحادية عشرة مساء يجب أن تتناول السيدة "ساندويتش" من الجبن مع طبق سلطة كبير، أما فى السحور فلابد من تناول ملعقتى عسل أبيض وبيضة مسلوقة مع كوب زبادى على الأقل مع وجبة السحور التى لابد أن تأخير موعدها حتى آخر وقت ممكن قبل موعد الإمساك مباشرة مع شرب حوالى 2-3 لترات من المياه والسوائل أثناء فترة الإفطار مع كوب لبن كبير أيضًا لمنع الحموضة أثناء فترة الصيام.

نور
حمد لله على سلامة جوزك يا سمر الف سلامة علية وخليكى جمبة اليومين دول والحمد لله انة عمل العملية دلوقتى عشان على معاد ولادك يكون فايقلك كدة

ازيكوا يا مدامات انا جديدة هنا معاكوا بس مش جديدة في التجمع
انا لسة متجوزة و حملت علطول طلعا كان نفسي استني شوية اعيش حياتي ولتفاجأت جدا بس يلا الحمدللة
انا دلوقتي في اخر التاني وان شاءاللة اولد في فبراير اخرة ان شاءاللة
انا نفسي ابقي معاكوا هنا واشارككوا كل احساسي عشان متلخبطة خالص وبحس ماليش نفس اعمل حاجة
ونفسيتي مش تمام
انا لللاسف مش عندي نت في بيتي انا هنا عند ماما هحاول اكون معاكوا علي قد مااقدر

السلام عليكم

ازيكم يابنات وحشتونى كتير

وربنا يخليكم يارب على دعواتكم ليا ولبنوتى

انا نفسى ادخل من زمان بس الحمد لله كنت تعبانه ولسه يادوب فايقه شويه

وبوسى كانت قلقانى عليها مكنتش بتصحى خالص ولا بترضع وكنت بقعد اعيط جمبها والدكتور كان مدينى مهله 48 ساعه لو مرضعتش

منى كان هيكتبلها صناعى وتعبت وكان عندها احتقان ونزله ودرجه حرارتها كانت مرتفعه شويه وكانت بتاخد حقن كل 12 ساعه والحمد لله بقت احسن ادعولى ربنا يخليهالى ويباركلى فيها

والف حمدالله على سلامه الى ولدوا ربنا يبارك ليهم فى عيالهم يارب ويكونوا ذريه صالحه

وربنا يرزق يارب كل الى عاوز

ازيكو يابنات

سمر
حمدالله علي سلامة جوزو ان شاء الله يبقي كويس علطول خدي بالك انتي بس من نفسك ومن النونة

بنات قولولي انا حاسه بغممان طول اليوم ومقريفه بقالي يومين
مش عاوزة يبقي عندي أمل وانزل علي مفيش .. تفتكرو ممكن يحصل حمل دلوقت ؟ انا اجهضت من 3 اسابيع تقريبا يوم 2 يوليو
ولو مش كده استني البريود امتي؟ انا عادة البريود عندي منتظمة يعني

ازيكم يابنات

نور ربنا يباركلك فى بوسى يارب ويخليهالك وتشوفيها عروسة

لف يو مبروك الحمل ياقمر ربنا يكملك بخير ياااااااااااااااااااااارب


هوبس حبيبتى عامله ايه ربنا يكرمك بحمل عاجلا غير اجلا بس متحطيش الموضوع فى دماغك سبيه يجى براحته وان شاء الله قريب ربنا هيكرمك وتيجى تفرحينا

سمر ربنا يكمل شفاء جوزك بخير يااااااااارب