25 مرة نقول يا تري بتعملي الأكله دي ازاي؟ ( مبدعات مصر القمرات ) شهر جماد الأخر 1432

ازيكم يابنات
فراشه التورته دى اصلا مجنانى انا عارفها من زمان بس تورته جامده وان شاء الله هاطبقها قريب
جوزى بيقولى انتى تخصص تورت اصلى عملت تورته لخالى امبارح وعجبتهم اوى هارفعلكو الصور
بس خالى بقى بيموت ف الشيكولا ووصانى ان لما عياله ينجحو اعملهم تورته كلها صوص شيكولا ف ان شاء الله ناويه اعمل التورته اللى انتى منزلاها
وجوزى يابنات اقترح عليا انى انزل اشترى مستلزمات الشيفات ههههههههههههههههههههههههه
قالى انتى هاويه اوى الحاجات دى اشترى حاجات واتشجعى وادينى ياويع ههههههههههههههههههههه
حد بقى يابنات يعرف عنوان المحل الكبير اللى ف العتبه ده اصلى سمعت عنه كتيررررررر

مها انتى كاتبة فى مقادير البسكوت سكر ودرة .. ازاى يعنى دقيق درة وللا ايه؟؟

صباح الخير

عندى ضيوف
وعايزة اعمل حاجة حلوة بجد

حد جرب الجلاس الجلاس بكريمة الباتسترى ؟

@زهرة دبلانة@;15148095:
شيرى انتى زوق اوى اوى ربنا يريح قلبك ويحبك متحرمش منك
اما بالنسبه للكريمة :lol::lol::lol:هتصدقينى لو قلتلك انك قلتى خليها دلعة شويه وانا معرفش دلعة يعنى ايه ؟ قلت قصدها مسكره عن الطبيعى:lol::lol::lol: عرفتى بقى انى من عالم تانى :lol:محدش علمنى الالفاظ دى:(لو كان ليا ام كنت شفتها ف المطبخ وبدات تعلمنى الكلمات دى :(الحمد لله بس فعلا انا بقرا كلمات كتير هنا وبفهمها بالتخمين:D
بس الكريمة طعمها رااااائع وانا قلللت السكر شويه ف الشربات بجد والكنافه خلاص اعتمدتها وعجبت الكل جدا بس بعد كده اعمل العكس اعدب الكريمة واكتر الشربات

وبنتى برده مابترضاش هههههههه ربنا يهديهم بس هحاول اعمل باللى قلتى عليه ربنا يكرمك
بس انتى تقصدى ايس كريم باللبن ف البيت ولا جاهز نفسى اعمله ف البيت اوووى لو عارفه قولى طريقته

وبالنسبة للست معرفهاش خالص اول مره تجيلى البيت مرات واحد ف الشركة جاى يبارك مع اصحاب جوزى هياست40 سنه كده وشكلها من قرية الناس الطيبين اوى دول فعشان كده قالتها بعشم يعنى هههههههه دى حتى شافت جاسى لابسة حلق بتقولى انتى ملبساها حلق من الوقتى يااختى ؟:Dلما بعد مامشت عايزة اقولها خلاص خدى الطقم اللى انتى جايبهولهاههههههههههههههه:lol::lol:
انا مازعلتش والله بس حاسه انها كانت جامده اوى وهيا بتقولها حتى فيه واحده مرات زميل زوجى وهيا بتمشى وتسلم عليا قالتلى ف ودانى متاخديش على كلامها انتى لسه صغيره زقططى براحتك:o:Dوجوزى برده نفس الكلام

ربنا يخليكى ياقمر ده انتى الذوق كله وايكى اتعلمتى اهو ولما تلاقى لفظ مش مفهوم اسالى واحنا معاكى

Boody we zady;15148173:
ازيكم يا بنات امبارح عملت توست بس طلع بجد روعه و جبت توست ماكر و العيال شاغلين ههههههههههههه بس للأسف مش صورته قلت أول مرة أجرب و أشوف حظي بس ان ان شاء الله المرة اللي جايه بالتفصيل و سهل جدا و الله يا بنات علي رأي بودي أحلي من اللي بره ههههههههههه

النهارده جربت سمكتين كده زيت و ليمون لما نشوف أخر التجارب ايه

عايزين الصور ياشيف علشان نعمل ونجرب لاحسن من بره مش بنلاحق عليه وجوزى ناوى من الشهر ده يدينى مصروف للبيت ويخلع ايده بدل مانا مفلساه زى ماهو بيقول:rolleyes: دعواتك بقى مايطيرش منى من اول اسبوع ويبعتى على امى اقضى بقيه الشهر ههههههههه:lol::lol:

مدام/اشرى;15149613:
فراشة
ما شاء الله التورتة فظييعة بجد تفتكرى نقدر نعملها وانتى اصلا استاذة وتورتك احلى واحلى كمان

انا شايفه انها سهله خاااااااااااااااالص دى اسهل تورته شفتها بفكر لما جوزى يطلب تورته اعملهاله واريح نفسى من دبكه النصين والفواكهه وكده

sally2007;15149728:
ده كريم كراميل طعمه حلو جدا جدا بس معلشى هو منعكش شوية





ودى كنافة بالقشطة طعمه الحمدا لله طلع خطير قوى

تسلم ايدك ياجميل ممكت حته كنافه بالقشطه بس حته صغننه علشان الدايت

miramiro;15150872:
تسلميلى ياااارب
ايوه انا فهمت الجلاش تمام اوى كده جزاكى الله خيرراا


والتورته اللى انتى حطاها دى بشعه
حلوه اوووووووووووووووووووووووووى
نمفسى اعل تورته حلوه كده
هى مقاديرها ايه؟ واسفه بجد انى تعبتك فى رفع الصور

وانتى قصدك التورته ليها كيكه معينه بمقادير خاصه دى ايه؟ يعنى مش بتبقى كيكه اسفنجيه؟:!!::!!: مش فاهمه بصراحه:o:o:o

اسفه ايه يابنتى ده انا بقولك كده علشان اشحت منك دعوه ههههههههههههههه

وايوة اقصد كيكه اسفنجيه انا بفتكرك بتقولى هاتعملى كيكه عاديه وتزينيها زى التورته فى ناس بتعمل كده

ra_tamima;15151155:
ازيكم يابنات
فراشه التورته دى اصلا مجنانى انا عارفها من زمان بس تورته جامده وان شاء الله هاطبقها قريب
جوزى بيقولى انتى تخصص تورت اصلى عملت تورته لخالى امبارح وعجبتهم اوى هارفعلكو الصور
بس خالى بقى بيموت ف الشيكولا ووصانى ان لما عياله ينجحو اعملهم تورته كلها صوص شيكولا ف ان شاء الله ناويه اعمل التورته اللى انتى منزلاها
وجوزى يابنات اقترح عليا انى انزل اشترى مستلزمات الشيفات ههههههههههههههههههههههههه
قالى انتى هاويه اوى الحاجات دى اشترى حاجات واتشجعى وادينى ياويع ههههههههههههههههههههه
حد بقى يابنات يعرف عنوان المحل الكبير اللى ف العتبه ده اصلى سمعت عنه كتيررررررر

ربنا يديكى الصحه وتعملى كمان وكمان هى فعلا منزلااها بقالها زماااااان بس انا جبتها لميرو علشان كانت عايزة تورته كلها شيكولاته

والمحل اللى بتسألى عليه فى العتبه انا كنت بتعامل نعاه قبل الجواز هو ناحيه محلات النجف اللى فى العتبه دى قدام تسيباس العتبه وجمبه الناس اللى بنجيب حاجه سبوع البيبى من عندهم شوفتى توهتك ازاى هههههههههههههههه:rolleyes:

وفى واحد فى السيده برضو رهيييييب وحاجته نضيفه مووووووووووووووت وكل حاجه عنده قدام جامع السيده بالظبط جمب محلات اللبس وكده واسمه الطاهره


ويالا فرجينا على احلى تورت بقى لاحسن انا واخده اجازة من التورت اليومين دوووووووووول لغايه ما اخلص دايت لانى مبقدرش اقااااااااااااوم:-#:-#

@زهرة دبلانة@;15147443:
شيرى ماعنديش جلاش اكلها وخلاص بس مسكره شويه ؟ماتقوليلى طريقة المهلبيه ينوبك ثواب بس تكون مش جامده اوى وطريقة تزيينها اصل جوجو مابتشربش لبن نهااااااااااااااائى واتفائلى كده انا دعيتلك كتير انتى واختك ربنا يصرف عنك وعنى
بجد الكنافه حلوة اوى خلصت الصنيه خلاص وعجبت ضيوف جولى امبارح بس حاسه انى ااتحسدت واتضايقت اوى انى قدمتها لان واحده مهنهم بتقولى انتى لسه والده وبتعملى حلويات والله انتى رايقة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وانا والله بعمل كده فعلا لانى ريقى بينشف جدا من الرضاعه ببقى عايزة حاجه حلوة على طول وممكن جوزى يجبلى من برا بس انا ببقى عايزة انسى الاكتئاب اللى هيقتلنى وقلة النوم انى ابوظ اى حاجه ف المطبخ واروح واجى عشان مااتعبش وهما اصلا جم على غفلة وقلت احطها برده بس مازعلتش منها لانى معرفهاش اوى وكانت جايه تباركلى على جاسى المهم انا رديت عليها بقولها اه انا رايقة مااروقش ليه الحمد لله وسكت بس كنت عايزة اعيط ف الاوضه وارجعلهم بس دخلت المطبخ اعمل اى حاجه عشان انسى وارجعلهم تانى
ماتعرفش انى تعبانه وسنانى وخدالها مسكن دى غير حساسيه عندى وكل ده وانا بضحك ف وشهم وبنتى شايلاها على ايدى وعنيا التانيه مع جوجو وبرده معاهم
مش عارفه انا حكيت القصه دى ليه ؟؟بس اهو بدل مااموت من كل اللى جوايا

سلامتك يارورو ربنا يقويكى ومش عارفه الناس دى بتحسد كده ليه يعنى هى مش شايفه غير انك عامله حلويات وبس ربنا يبعد عنك العين والحسد انتى والكتاكيت

Boody we zady;15148173:
ازيكم يا بنات امبارح عملت توست بس طلع بجد روعه و جبت توست ماكر و العيال شاغلين ههههههههههههه بس للأسف مش صورته قلت أول مرة أجرب و أشوف حظي بس ان ان شاء الله المرة اللي جايه بالتفصيل و سهل جدا و الله يا بنات علي رأي بودي أحلي من اللي بره ههههههههههه

النهارده جربت سمكتين كده زيت و ليمون لما نشوف أخر التجارب ايه

تسلم ايدك ام بودى وابقى قوليلنا نتيجه السمك

فراشه انا جربتها مره فى الفرن كانت مستويه من تحت ومن فوق لاء بفكر اجازف واجرب طريقه ماما فوق النار

Boody we zady;15148173:
ازيكم يا بنات امبارح عملت توست بس طلع بجد روعه و جبت توست ماكر و العيال شاغلين ههههههههههههه بس للأسف مش صورته قلت أول مرة أجرب و أشوف حظي بس ان ان شاء الله المرة اللي جايه بالتفصيل و سهل جدا و الله يا بنات علي رأي بودي أحلي من اللي بره ههههههههههه

النهارده جربت سمكتين كده زيت و ليمون لما نشوف أخر التجارب ايه

ماشاء الله ربنا يحميكى يابوسى هجربه بس كمان شويه اما تنزلى صوره

مدام/اشرى;15149613:
فراشة
ما شاء الله التورتة فظييعة بجد تفتكرى نقدر نعملها وانتى اصلا استاذة وتورتك احلى واحلى كمان

رورو
انا داخلة اقولك مخصوص متضايثيش ساعات كدة الواحد بيقابل شخصيات بيبق كل هدفها تهبط من عزيمة الواحد وتخلية يكتئب او ممكن تكون ساذجة ومش قصدها فى الحالتين مش تتضايقى
ومش عايزة اسمع كلمة الواحد ينسى الى فية دى منك خااالص عشان انتى ما شاء الله زى الفل وكل الى فيكى دة خير والله اينعم تعب وكدة ومجهود بس هى الدنيا كدة فهمانى بصى لبناتك واحمدى ربنا واعرفى ان دة خير والله وانك هتتعبى دلوقتى وهترتاحى بعدين ولعلمك والله احنا اقوياء الحمد لله تعرفى كدة انا سمعت واحدة بتتصل بدكتور وبتقولة انها من اول ما تبق حامل بتجيلها حالة نفسية بتخليها مش طايقة الحمل وبتبق عايزة تموت نفسها ولما ولدت مكنتش عايزة ترضع البيبى وكانت بتهرب من البيت حالة نفسية طحن يعنى وقعدت 18 سنة متخلفش المهم هى اتصلت بالدكتور لانها فوجئت انها حامل دلوقتى تانى بعد 18 سنة وخايفة من الحالة النفسية دى ترجعلها تانى تخيلى ربنا يارب يشفيها
المهم يعنى ان الدكترو قال ان فى ناس بيحصلها كدة منن كتر ما هما حالتهم النفسية رقيقة وومرهفة رقااااق بياكلوا رقاق يعنى ههههههه
شوفتى بقا احنا استحملنا ازاااى وانتى طلعتى قوية ازاااى

مش عارفة اية الى خلانى احكى الموقف دة المهم يعنى اقصد اقولك انك قوية وكملى بقا المسيرة واعملى حلويات وتورت وظبطى يا بت

تسلمى ياشرى الحمد لله والله انا ف نعمة بس بصراحه الصبر ساعات كتير بينفد عندى لكن راضيه وماعنديش حاجه اصلا بس ماتعرفيش الاكتئاب ممتد ليه:lol::D والموقف حلو لانى برده عارفه ان فيه واحده خلفت وقالت ماعدتش هخلف تانى وزهقت من العيال وتوبة ومش عارفه ايه قعدت 17 سنة ماتخلفش وكانت هتموووووووووت وتخلف وتجيب ولد راحت الحرم وقعدت تدعى وتستغفر ربنا لحد مارزقها بمحمد سبحان الله
الحمد لله على كل حال
وكلامك قوانى يااشرى مع انى مش قويه اوى :Dربنا يرزقك بساعه سهله ويفرحك ببنوتك عن قريب

sally2007;15149728:
ده كريم كراميل طعمه حلو جدا جدا بس معلشى هو منعكش شوية





ودى كنافة بالقشطة طعمه الحمدا لله طلع خطير قوى

ماشاء الله تسلم ايديكى ياسولا بالف هنا F:

salad;15153176:
سلامتك يارورو ربنا يقويكى ومش عارفه الناس دى بتحسد كده ليه يعنى هى مش شايفه غير انك عامله حلويات وبس ربنا يبعد عنك العين والحسد انتى والكتاكيت



تسلم ايدك ام بودى وابقى قوليلنا نتيجه السمك

فراشه انا جربتها مره فى الفرن كانت مستويه من تحت ومن فوق لاء بفكر اجازف واجرب طريقه ماما فوق النار

اللهم امين ياايمى انا بقيت بخير واحسن بفضل الله
وهيا ماحسدتنيش والله مش عايزة اظلمها بس بعد مامشت ماكانش ليا نفس اكل اى حلوياااااااات نهااائى ولحد الان:badly::-#ربنا يصلح حالها

ازيكم يا بنات وحشتونى اوووى عاملين ايه

النهارده عملت باميه ورز ولحمه وسلطه والحمد لله

شوفوا بقا انا عاوزه طلبين اول واحد من رورو ومن كل اللى ولدوا طبيعى الواحده بتقدر تقوم امته وتشد حيلها عشان تعمل اكل عشان عاوزة اعمل كذا حاجه واشيلها فى الفريزر عشان بعد لما اولد بالسلامه ان شاء الله احاول اريح نفسى شويه يعنى اعمل اكل يكفى اد ايه اسبوع مثلا مع العلم انى اصلا بعمل الصلصه واسبكها واحطها فى برطمان فى التلاجه وعلى وشها حبه زيت وبعمل كده من ساعه لما اتجوزت ومرتاحه اوى للموضوع ده عاوزه مثلا اعمل مكرونه بشاميل فى الاطباق الفويل واحشى سمبوسه وعلى الفريزر وبانيه اعمله كله وبرضوا على الفريزر يطلع على القلى علطول وهعمل كفته بس مش هسويها لا هصبعها واشيلها نيه وابقا اطله على الفرن علطول فى ايه تانى ممكن اعمله ولا كده كفايه


تانى حاجه بقا من البنات اللى عندهم الهاند بليندر انا ان شاء الله هجيبه اليومين دول انا عاوزة اعمل بيه حاجات معينه زى مثلا كفته الرز واطحن بهارات واطحن بقسماط وافرم بصل وطماطم وفلفل دى الحاجات الاساسيه اللى عاوزها اجيب بقا اللى هوا كام شغلانه بيعملها لانى شفت لحد 21 حاجه وياترى لو جبت ابو 21 ده هينفعنى ولا كركبه وخلاص عاوزة بقا ردود سرييييعه عشان ان شاء الله احتمال اجيبه يوم السبت ان شاء الله


ومش عارفه هطبخ ايه بكره عندى باقى باميه ورز بس مش هيقضى



رورو الف سلامه عليكى يا بنتى ايه بس معلش مكنتش لسه قريت اللى فات


بصى يا حبيبه قلبى الحلويات اصلا حاولى على اد ما تقدرى متاكليش منها كتير كلى فاكهه احسن مليون مره هاتى تفاح وكيوى واناناس وخوخ ومشمش ومانجا وموز مش لاازم طبعا تجيبى كميات كبيييره هاتى ان شاء الله نص كيلو من كل حاجه وقطعى كله على بعضه وتعصرى 4 برتقال من بتاع العصير وتحليه بسكر او عسل ابيض وتحطى معاه معلقه فانيليا ولو عندك عصير مانجا بتاع المراعى حطى كوبايه وقلبى كله على بعضه وكلى منه كل شويه وبالف هنا وشفا هيبقا افيدلك كتييييييير من الكنافه والبسبوسه والحلويات كلها صدقينى انت محتاجه غذاااااااااااااا مش حاجه تديكى طاقه كام ساعه وخلاص فاهمانى يا حبى وربنا يعينك ياااارب ويهديلك قطاقيطك يااارب


يا بنات الاكل كله تحففففففففففففففففففففففففففففه بجد وهم تسلم ايديكم كلكم وربنا يحميكوا يارب

انا هموووت على حتة كنافة من اللى بالقشطة دى ياااااه
بوسى ام عمر انا رايى انك تجهزى الاكل يكون جاهز للاخر على التسخين فقط جوزك يدخلو الفرن او الميكروييف لانك مش هتكونى قادرة تقفى تطبخى و شيلى اكلات تكفى اسبوعين على الاقل خلى بالك انا كنت جودى و بس و مكنتش بقدر لا اقوم ولا اعمل اول اسبوعين اعملى اكل يكون جاهز هو مش بيكون حلو اوى زى الطازة بس احسن من مفيش استحملو ملش اول اسبوعين و باذن الله بعدهم تبقى زى الفل يعنى اعملى بسلة للاخر و بامية للاخر و حتى الفراخ اسلقيها و تبقى على دخول الفرن بس وتدهنى وشها كاتشب و صويا صوص بتطلع جميلة و اكياس شوربة لسان عصفور بردة جاهزة فى اكياس تطلعيها ترميها فى حلة على النار و الفراخ و الطبيخ و الرز بقى هاتوه جاهز او كلو بعيش الفترة دى ربنا يعينك

يا بناااااات طلب ضررررورى ضررررورى لو سمحتم انا عند مامتى النهاردة وعاوزة طريقة جااامدة للبسبوسة قولت مفيش غركم اللى تعرف طريقة مضمونة ومجربة ياريت متبخلش عليا وميرسى ليكم كتيررررررررررررر

Boody we zady;15148784:
الله يهنيكي يا قمر


بصي أنا حطيت نص كيلو دقيق في العجانة و عليهم 2 م ك خميره و 2 م كبيره سكر و 4 م كبيره لبن بودره و 3 م كبيره زبده و ميه دافيه مملحة

سيحت الزبده و حطيت كله علي بعض و حطيت الميه بشويش أنا بعاير الميه و بملحها عشان الملح يطلع مضبوط و سيبتها خمرت ساعه و بعد كده قطعتها مصين و فردتها دايرة طخينة شويه و لفتها رول و حطيتها في القالب أخدت 2 فالب توست و سيبتها تخمر 3 ساعات و بعد كده دهنت وشها لبن بالقشطة و خبزتها لمده 20 ساعه و لما طلعتها من الفرن لفتها في فوطة شويه عشان مش ينشف و بس

تسلمى ممكن اعرف اية البديل للعجان؟

بوبا 123;15156885:
يا بناااااات طلب ضررررورى ضررررورى لو سمحتم انا عند مامتى النهاردة وعاوزة طريقة جااامدة للبسبوسة قولت مفيش غركم اللى تعرف طريقة مضمونة ومجربة ياريت متبخلش عليا وميرسى ليكم كتيررررررررررررر

بصى ياقمر جربى بسبوسه شيمو وانتى مغمضه واتباهى قدام اهلك بيها


بس لو جربتوا الطريقه دى هاتدعولى بجد



بسم الله نبداء



كوب لبن كوب سكر



كوب الا ربع سمنه بلدى



2 كوب سميد ناعم



ربع معلقه بيكنج باودر



السيرب خفيف جدا



كوب ونص ميه كوبايتين الاربع سكر ونقطتين لمون



وفانيليا ها نضعهم على النار حتى الغليان فقط وذوبان السكر لانه سيرب خفييييييييييف







هانضع اللبن مع السكر مع السمن على النار حتى تمام الغليان



ثم نطفى النار ونضع السميد والبيكنج باودر ونقلب ثم نضعهم فى صينيه متوسطه وندخله الفرن على 170 حلغاية ماتحمر كويس نطفى الفرن ونكون عاملين السيرب سخن



ونركز فى سخن دى



ايوه لازم البسبوسه والسيرب سخنين ولازم نضع مقدار السيرب كللللله



هانلاقى السيرب بقى كتير جدا فوق البسبوسه مانقلقش هاندخله الفرن وهو مطفى لمدة 10 دقايق هاتشربه البسبوسه



بصى بقى الزبده لاااااااااااااااازم ابقى كتير يعنى قولى كده 3 معالق كباااااااااااااااااااااااااااااااااار مليانييييييييييييييييين هايعملو معاكى الكوبايه الا ربه او تلتين الكوبايه اللى عايرتى بيها السميد والسكر واللبن

ميرسى يا فراشة ربنا يباركلك وجارى التنفيد وان شاء الله تطلع حلوة واكيد هقولك

بناتى حياتى;15156917:
تسلمى ممكن اعرف اية البديل للعجان؟

بديل العجان هو ايديك يا قمر ههههههههههه ايوة بجد حطي الحاجات علي بعض و اعملي حفره و صبي الميه بشويش و ابدئي لمي الدقيق و اعجنيها

تسلمو يا بنات أما السمك طلع بجد تحفه بجد يومين كده أصوره ان شاء الله و أنزله

دي حاجات كنت عملتها و حأنزلها بالتفصيل في الموقع ان شاء الله بيكاتا بالمشروم و موس فراوله و طاجت لسان عصفور بالكفته في الفرن

Boody we zady;15159117:







دي حاجات كنت عملتها و حأنزلها بالتفصيل في الموقع ان شاء الله بيكاتا بالمشروم و موس فراوله و طاجت لسان عصفور بالكفته في الفرن

تسلم ايديكي شكلها يجوع
بس انا بصيت ع الطاجين وبقول ايه الفول السوداني ده كله :!!:^o)
ههههههههههههههههههههههه
ذكاء خارق معلش

قوليليي طرقة الموس ؟؟

Bossy22;15151551:
مها انتى كاتبة فى مقادير البسكوت سكر ودرة .. ازاى يعنى دقيق درة وللا ايه؟؟

معلش غلطة مطبعية
اقصد سكر بودرة
يعنى مطحون (طحنتة ف المطحنة)

معلش ع التاخير النت عندى من الصبح مالوش مزاج يشتغل

كتبت رد طويييل وعريض ليكى يابوسى ام عمر بس هعيده تانى بس يارب ماانساش
انتى وحشانى اوى الاول

بالنسبة للولاده انا قمت من اول يوم :(ماعلينا
طبعا بفضل الله ثم جوزى ربنا يحنن قلب زوجك عليكى وويسهلك الحال
اما بالنسبة للجرح وكده اسبوع وايام هتقومى وتبقى زى الفل بس طبعا حاولى ماترهقيش نفسك ولا تشيلى حاجات ولاتقربى من النار او التلاجة وخلافه لان جسمك بعد الولاده لسه سااايب برده
واعملى اكلات كفتة رز صبعيها وعلى الصلصه على طول شوربه عدس اعصريها برده كفتة وبفتيك متبل ودايما شوربه ف الفريزر واعمليها لسان عصفور واشربيها تقويكى ساعتها وزى ماقلتى ربنا يعينك وانا من رايى ماترهقيش نفسك خااالص ف الاول لان المولود لسه صغييرررر ومحتاج عنايه وطبعا عنيكى على عمر وخلافه وحتى بعد الاسبوع الاول لو طبختى وعملتى حاجه وحسيت بارهاق ولبخه هاتى اكل من برا كبسه مشويات مشى حالك الله يعينك وييسرلك الحال
بس باذن الله ف الايام الاولى بيناااام كتير سواء بالليل او الصبح فهتقدرى تعملى حاااجات

اما بالنسبة للهاندبلندر هاتى كينووود روووووووووعه بجدد انا بحب اما اجرب الحاجه اصدق فيها واقولك بالظبط هتعمل كل اللى انتى قلتى عليه وهيسعف معاااكى جدا وضمااانه كويس وسعره حلو جدا ونظيف
هاتيه واتوكلى على الله





ام بودى تسلم ايديكى ماشاء الله

نوور فين ؟

وانت اكتر يا رورو والله واحشانى جدااااااااااااااااا

بس معلش هغلس عليكى بقا انت اللى جايباه كام وات 400 ولا 700 وات وبيعمل كام شغلانه يعنى 3*1 ولا اكتر معلش تقلت عليكى

وزى ما قلتلك متنسيش الفاكهه عشان تتغذى وتغذى جاسمين معاكى يا حبى وربنا يعينك ياااااااااااارب ويفرح قلبك بيهم ودعواتك معايا الفتره اللى جايه ربنا يسهلهلى ولادتى واولد علطول فى اول التاسع علطوول

ممكن يا بنات طريقة تخليل اللفت وكمان طريقة تخليل الخيار لو سمحتوا