salad;15138190:
فراشه بجد مش قادره اقاوم ابعتيلى طبق انا بموت فيه وشكرا على الطريقه مع ان ماما كانت عاملاه امبارح بس معزمتنيش لانها كانت زعلانه منى انا بعمله معاها بس الصلصه هى كانت بتعملها وكنت بستغرب هى ليه مش بتبقى تقيله واهو عرفت الطريقه وهتحدى ماما واعمل لما الانبوبه تركب
رورو فينك يا بنتى واحشانى جدااااااااااا اخبار ايه انتى والكتاكيت انتى معندكيش اكونت على الفيس
وفراشه اخبار زيودا ابنك ايه عامل ايه
زياد احسن الحمدلله ربنا يهديه ويهدينى عليه لاحسن حاسه انه خلاص كرهنى من كتر عمايلى فيه والف هنا وشفا ياقمر وانا نزلته بالتفصيل ياقمر لو تحبى تشوفى حاجه:)
ra_tamima;15137835:
لا بقى انا عايزه طريقه الكشرى بالملى هاعمله بكره باذن الله
ادى اللينك والله نزلته دلوقتى مخصوص لما شوفت سؤالك معلش انتى كنتى سألتينى قبل كده لما نزلته من فتره ومردتش عليكى كانت حالتى النفسيه زفت
وافتكرتك وانا بعمله ودخلت صورت الكاميرا مخصوص علشانك ياقمر لانه شرحه كتير
http://forums.3roos.com/showthread.php?t=619592
واتمنى تسامحينى على عدم رد بس ربنا العالم انه غصب عنى
@زهرة دبلانة@;15137388:
شيرى وحشانى اوى وربنا انا مش متابعه اوى ربنا يفك كربك يااارب
اه طبعا عز الطلب الكريمه والقشطه الحقينى بيها
اكلك جوعنى تسلم ايديكى
ولو جايلى ضيوف وعايزة اعمل حلو اعمل ايه هما ناس كبببااار اوى وتقال عايزة اشرف جوزى ياريت تفيدونى
انا هعمل تورتتك باذن الله اعمل معاها ايه ؟
بصى ياقمر هو حسب المناسبه يعنى فى مناسبه معينه
ولا هيتغدوا معاكم وده الحلو
ولا جايين بعد غدا وهاتضايفيهم
والكنافه هاكتبلك طريقتها ياقمر
هاتجيبى الكنافه وتشيليها فى الفريزر وتطلعيها تفركيها وهى مجمده وتصبى عليها سمن بلد فاهمه بلد سايح ونايح كده وقلبيها كلها فى بعضها كده كهزت
الكريمه بقى
هاتجيبى نص كيلو لبن وتغليه وبعدين تدوبى فيه نشا معلقه كبيره وياريت كمان ظرف دريم ويب وتدوقيها وتشوفى عايزة سكر ولا لأ خلى بالك لازم تبقى دلعه شويه عن المذاق العدى لانى دى هاتحشى بيها
هاتحطى الخليط على النار بع ماتظبطى سكرك وسكرك تحطيه بعد الكريم شانتيه
وقلبى لغايه ماتلف زى المهلبيه كده لقيتيها خفيف حطى نص معلقه نشا فى سويه ميه صغننين وحطيهم عليها ولما تلف اطفى عليها بس ماتخليهاش تقيله علشان تبقى حلوه فى الحشو
واول ماتطفى عليها يكون عندك قشطه صابحه وش اللبن تكونى شايلاه بس يكون وش محترم كده وتحطى معلقتين كباااااار وقلبى بسرعه كده جاهز للحشو ومن وقت للتانى قلبى علشان متعملش قشره
تاخدى الصينيه اللى هاتعملى فيها وتدهنيها سمنه وبعدين تحطى نص مقدار الكنافه وتضغطيه جااااامد بايدك وبعدين ننزل بالكريمه عليه ومتخليهاش توصل للاطراف وبعدين بقيه مقدار الكنافه وساويها بايدك بالراحه علشان الكريمه اللى تحت
وجيبى حتت سمنه بلدى وحطى على الوش كده مش رش لا تكون جتمده وحطى حته فى كل مكان كده علشان تدى لون دهبى من فوق
وتحطيها فى الفرن واما تطلع تسقيها الشربات وتخليه يدخل من جوانب الصينيه علشان يشرب القاعد سكر
ولما تبرد قطعيها والف هنا وشفا
ولو هاتقدميها لضيوف بعد ماحطى الحته فى الطبق زينيها بورده من الكريم شانتيه وشريحه فراوله مقوعه بالورب كده
ياسلام على الشياكه والطعم الجميل
بس بقى فكرتينى وانا عامله ريجيم:'(:badly:
