25 مرة نقول يا تري بتعملي الأكله دي ازاي؟ ( مبدعات مصر القمرات ) شهر جماد الأخر 1432

خير يا بنات اختفيتوا كدا ليه


يارب تيجوا بسرعة انا جوعت كدا من غير وصفات جديدة ;)


انا كنت باقلب في الصفحات اللي قبل كدا

و كان في وصفات المقادير بتبقى بالجرام

بيتهيألي في معالق المعايير دي بس اللي مش عنده بيحسبها ازاي ؟

*miso*;15101816:
بنات كنت شايفاكم بتتكلوا على البقسماط انكم بترشوه على وش المكرونة البشاميل

و في موقع ام بودي بتحطه على البطاطس البيريه

انتوا بتحطوا البقسماط اللي بيبقى من الفرن او السوبر ماركت

و لا بقسماط بتطحنوه انتوا في الكبة بحيث مش يبقى ناعم أوي

يبقى خشن شوية يعني ؟

انا عن نفسي بجيب ريتش بيك الجاهز من السوبر ماركت وبعمل به كل حاجة بانية مكرونة بالبشاميل كله

سارة العروسة القديمة;15104079:
حلو قوى دة
مشكورة يا سكرة

طيب ممكن اعرف بتخنوا ورق العنب مسلوق ولا نى ؟

ني افضل بكتير وعمره اطول وطعمه احلي

عاملين ايه يا بنات يارب تكونوا كلكم بخير يااارب

النهارده سمك مشوى وجمبرى شوربه وصنيه فى الفرن

نووووور سمكتك وجمبريياييتك شايلهوملك يا قمر

ام بودى معلش كنت عاوزة اعرف انت بتسوى الاكل فى الاطباق الفويل دى علطول لو اه مش بتتلسع من تحت ولا ايه النظاام

السلام عليكم

ازيكم يابنات
بجد كل اللى هنا وحشونى وحشووووووووووووووونى اوى بشكل فظيع
معلش انا مكنتش بدخل
يا اما مشغوله او تعبانه
او من الاخر و بصراحه مش قادره اشوف صور الاكل لانى من اول الحمل والحمد لله نفسى مسدوده و مش عارفه اكل و لا اطبخ نهاااائى
بس انا قرررت انى لازم اطلع من الحاله دى ان شاء الله

لان جوزى لما كان هنا كنت بطبخ وحش جدا جدا جدااااااااااااااااااا

فانا عايزه اعاده تاهيل و البركه فيكم

بس ايهه ده يا جماعه
17 صفحه بس من اول الشهر؟؟؟؟؟؟؟؟؟؟؟؟؟ معقول انا قلت هلاقى مش اقل من 100 وحاجه
خير حد يفهمنى ليه الصفح الصغيره دى


و بعد اللك كله ده
احنا عندنا كشرى اصفر النهارده
تعالوا كلوا معانا بقى

وازيكم بقى
عايزه اطمئن عليكم كككككككككككككككككككلم

ام عمر افندى;15109525:
عاملين ايه يا بنات يارب تكونوا كلكم بخير يااارب

النهارده سمك مشوى وجمبرى شوربه وصنيه فى الفرن

نووووور سمكتك وجمبريياييتك شايلهوملك يا قمر

ام بودى معلش كنت عاوزة اعرف انت بتسوى الاكل فى الاطباق الفويل دى علطول لو اه مش بتتلسع من تحت ولا ايه النظاام

وانا كمان عايزه :o

أم عمر مش تقلقي يا قمر زيه زي صزاني الفرن تأخدي بالك بس من السخونيه و بس لكن بالنسبه مثلا للفراخ هيا مش حتسويها فيها هيا حتسويها في صينيه كبيره و بعد كده تقسمها في الفويل لكن البشامل تسويها فيها طبعا مش تقلقي زي مكرونة فرن عندنا هنا

و كمان ممكن تعملي وصفات من موقعي يا جميل و تقسميها و ان شاء الله تلاقي حاجات تعجبك

Boody we zady;15111259:
أم عمر مش تقلقي يا قمر زيه زي صزاني الفرن تأخدي بالك بس من السخونيه و بس لكن بالنسبه مثلا للفراخ هيا مش حتسويها فيها هيا حتسويها في صينيه كبيره و بعد كده تقسمها في الفويل لكن البشامل تسويها فيها طبعا مش تقلقي زي مكرونة فرن عندنا هنا

و كمان ممكن تعملي وصفات من موقعي يا جميل و تقسميها و ان شاء الله تلاقي حاجات تعجبك

هو الموقع دا فين :)

ازيكم وحشتوووووووني

ام عمر ازيك ياقمر عامله ايه انا بطبخ في الفويل عادي بشوي فراخ وبعمل بشاميل وكل حاجه تقريبا كل شغلي بيها علشان ما اغسلش الصواني ههههههههههههه

يابنات عاوزه اعمل سندوتشات هوت دوج اسويه ازاي احمره ولا ايه؟؟؟؟؟؟

انا كمان عايزه الموقع بتاعك يا ام بودى تانى معلش لان فى جزء من رسايلى طاااااار غصب عنى كده وكان فى حاجات مهمه
يلا معلش خير
ولما بعمل بحث بجوحل الموقع بتاعك مش بيجى لاسف عااا
ممكن تبعتهولى تانى بليزززززز

اكتبوا في جوجل يا بنات كلمة أكله حلوة و حتلاقوه أول لينك حيضهر هو ده الموقع

بنات كنت عايزه منكم طريقه للحمام علشان نفسى اعمله لجوزى
وطريقه بقى تكون حلوه للجمبرى وشوربه السى فود لانى ولا مره جربت الاكلتين دول

ra_tamima;15113229:
بنات كنت عايزه منكم طريقه للحمام علشان نفسى اعمله لجوزى
وطريقه بقى تكون حلوه للجمبرى وشوربه السى فود لانى ولا مره جربت الاكلتين دول

يا سلام يا رشا يا بنتي

سبحان الله كنت هاسأل على الاكلتين دول بردو بالاضافة للرز اللي بيتعمل في طاجن لو تعرفوه

نفسي اجرب في جوزي :rolleyes:

ra_tamima;15113229:
بنات كنت عايزه منكم طريقه للحمام علشان نفسى اعمله لجوزى
وطريقه بقى تكون حلوه للجمبرى وشوربه السى فود لانى ولا مره جربت الاكلتين دول

*miso*;15113255:
يا سلام يا رشا يا بنتي

سبحان الله كنت هاسأل على الاكلتين دول بردو بالاضافة للرز اللي بيتعمل في طاجن لو تعرفوه

نفسي اجرب في جوزي :rolleyes:

دى طريقة الحمام اللى بعمله

http://forums.3roos.com/showthread.php?t=505105

مايونيز;15111544:
ازيكم وحشتوووووووني

ام عمر ازيك ياقمر عامله ايه انا بطبخ في الفويل عادي بشوي فراخ وبعمل بشاميل وكل حاجه تقريبا كل شغلي بيها علشان ما اغسلش الصواني ههههههههههههه

يابنات عاوزه اعمل سندوتشات هوت دوج اسويه ازاي احمره ولا ايه؟؟؟؟؟؟

وحشتييييييني يا غادة، بصي انتي موقفة الرسايل عندك، الهوت دوج حسب ما انتي بتحبي طعمه، ولو عايزة تخففي شوية من الدهون وكده اسلقيه وبس وبيبقي حلو اوي بردو، ولو مكنش يبقي ممكن تحمريه الاتنين بينفعوا، هو طبعا التشويح ده بيدي طعم ولون وشكل احلي هما غالبا المحلات بيعملوا المتشوح ده للمكسيكان وكده لكن السندويتشات العادية فيه كده وفيه كده


بصي انا بعتلك ميل بس قلت احطهولك هنا بردو عشان لو مشوفتهوش:

ده من sweet toota
بنات انا كنت بدور على حاجة و قريت على سايت معلومة كانت بتسأل عليها مايونيز و هى ممكن نأكل البيبي زبدة الفول السوداني بعد سنة و مكناش متأكدين اة او لا بس لقيت ان الافضل من اول 3 سنين ياريت يا بنات اللى بيدخل كتير و بيشوف مايو يقولها ربنا يكرمكم انا معرفش هى بتدخل هنا كتير ولا لا بس عموما دة اللى مكتوب

Peanut Butter

Many allergists now think it is wise to wait until children are 3 years of age before giving them peanut butter

ra_tamima;15113229:
بنات كنت عايزه منكم طريقه للحمام علشان نفسى اعمله لجوزى
وطريقه بقى تكون حلوه للجمبرى وشوربه السى فود لانى ولا مره جربت الاكلتين دول

انا لسه عامله الجمبرى امبارح والشوربه بتاعته

هقولك الطريقه الى عملت بيها ودى طريقه مامتى ربنا يخليهالى

قطعت لمونتين ومعلقه كمون ومعلقه ملح وشويه فلفل اسود صغيرين خالص

و4 فصوص توم وضربت كل ده فى الكبه

وبعدين حطيت الجمبرى فى الحله وقعطعت عليه عودين بقدونس وكسبره

وحطيت عليه التتبيله الى ضربتها فى الكبه ويادوب غطيت الجمبرى بميه

وسيبته يستوى وطمعه طلع تحفه بجد وشويه كده وهنزل ليكى صورته ان شاء الله

بنات لو جايلى ليا ضيوف بعد الغدا


هقدم ليهم بيبسى

وكاسات الجيلى بالفراوله والكريم شانتيه

وهعمل كيكه بالشيكولاته وشاى

كده كويس ولا اعمل ايه تانى ياريت تقترحوا عليا

نور التقوى;15115686:
بنات لو جايلى ليا ضيوف بعد الغدا


هقدم ليهم بيبسى

وكاسات الجيلى بالفراوله والكريم شانتيه

وهعمل كيكه بالشيكولاته وشاى

كده كويس ولا اعمل ايه تانى ياريت تقترحوا عليا

اعتقد كده كويس هما اكيد مش هايقدروا ياكلوا اكتر من كده

نور التقوى ميرسى ع الطريقه بس ياترى بتنظف ازاى؟؟؟؟؟
والشوربه بتاعته ازاى معلشى بقى الجهل وحش اصلى عمرى ماعملتها خاااالص ومكنتش بسئل ماما

حد يعرف طريقة قرع العسل الحلو ده؟؟

mona sh;15110607:
وانا كمان عايزه :o

يا حبيبه قلبى انت تؤمرى يا قمر السمك والجمبرى كله :adore:

مش انت منى اللى فى قطر تقريبا صح كده ولا ايييه

Boody we zady;15111259:
أم عمر مش تقلقي يا قمر زيه زي صزاني الفرن تأخدي بالك بس من السخونيه و بس لكن بالنسبه مثلا للفراخ هيا مش حتسويها فيها هيا حتسويها في صينيه كبيره و بعد كده تقسمها في الفويل لكن البشامل تسويها فيها طبعا مش تقلقي زي مكرونة فرن عندنا هنا

و كمان ممكن تعملي وصفات من موقعي يا جميل و تقسميها و ان شاء الله تلاقي حاجات تعجبك

تسلميلى يا ام بودى ربنا ما يحرمناش منك

مايونيز;15111544:
ازيكم وحشتوووووووني

ام عمر ازيك ياقمر عامله ايه انا بطبخ في الفويل عادي بشوي فراخ وبعمل بشاميل وكل حاجه تقريبا كل شغلي بيها علشان ما اغسلش الصواني ههههههههههههه

يابنات عاوزه اعمل سندوتشات هوت دوج اسويه ازاي احمره ولا ايه؟؟؟؟؟؟

ناااااصحه يا مااايو والله فكره جااامده

الهوت دوج بقا انا عملته مره كده طيارى بس كان مكسيكان عليه بصل وطماطم وفلفل سلقته وقطعته واديته تحميره وبعدين شيلته وحطيت مكانه بصل جوانح وقلبت وبعدين فلفل اخضر وقلبت وبعدين طماطم وحطيت رشه ملح نوونه وفلفل اسمر ونزلت عليهم الهوت دوج تانى واديتهم تقلبتين تلاته وبس كده

لكن لو عاوزاه عاادى انا عن نفسى بديله سلقه الاول وبعدين بشرحه بالورب كده مش بقطعه لاا بعمل فيه شقوق مش عارفه فهمتينى ولا ايييه وبعدين اديله تحميره وبس كده فى سندويتش مع كاتشاب او مايونيز او مسترده زى ما بتحبى

ra_tamima;15113229:
بنات كنت عايزه منكم طريقه للحمام علشان نفسى اعمله لجوزى
وطريقه بقى تكون حلوه للجمبرى وشوربه السى فود لانى ولا مره جربت الاكلتين دول

بصى يا قمر انا بعمل الجمبرى شوربه حلوة اووى هقولهالك من الالف لليااااء اول حاجه هتجيبى الجمبرى تقشريه الراس والقشره بتاعته دى تمام مش ترميها اووووعى ازعل منك تغسليهم وتحطيهم فى حله مع 4او 5 فصوص توم مدقوقين وحبه ملح نوووونه وسنه كمون وقرن فلفل اخضر حااااامى لو بتحبى يبقا الاكل مشطشط وتحطى ميه فى الحله لحد ما تغطى القشره وشويتين كمان فوقيه وتسيبيها تغلى كويس اووووى لحد ما الميه تقل شويه عقبال ما الميه تقل بقا تروحى انت زى الشاطره تجيبى سكينه وتروحى للجمبرى اللى قشرتيه ده ومن عند الضهر تعملى فتحه بطوول الجمبرى هتلاقى زى خيط اسود كده شيليه وتشطفى الجمبرى وتدقى 4 فصوص توم كويس اوى وتحطى عليهم كمون ولو عندك كارى حطى سنه كارى نوونه وتجيبى حله تحطى فيها حبه زيت نونه وتنزلى بالجمبرى والتوم والكمون والكارى وتقلبى تقلبى خمس دقايق وتطفى وتشوفى الشوربه بتاعت قشر الجمبرى لو الميه قلت صفيها وحطى الشوربه على الجمبرى وسيبيها تغلى 10 دقايق واطفى وبس كده انا بموووت فى الشوربه كده مش بحب اللى عليها كريمه والحاجات دى بحسها كده اطعم واخف ممكن بقا تجيبى كلمارى وتنضفيه وتقطعيه مكعبات وتشوحيه قبل الجمبرى بشويه لانه بياخد سوا اكتر وممكن بلح البحر برضوا وحتت سمك فيليه وبس كده


صنيه الجمبرى عملتها مره وحسيتها زيها زى الشوربه حتى الصوص بتاعتها نفس طعم الشوربه هتجيبى الجمبرى زى ما هوا بقشره وتيحى من عند الراس وبمقص رفيع تقصى بطول الجمبرى برضوا وممكن متمليش القص لاخر الجمبرى ممكن لنصه لحد ما تقدرى تشيلى الخيط الاسود ده وتسيبى راسه فيه وتشطفيه وهتجيبى توم مدقوق وبصله صغننه جوانح وطماطمايه وفلفل اخضر وتقطعى كله وحبه ملح وكمون وقلبى كله مع بعضه وتحطى نص كوبايه ميه وغطى الصنيه كويس بالفويل ودخليها الفرن تمام كده وخليها ربع ساعه وبس كده

وعلى فكره الجمبرى كل ما طولتى فى تسويته مبيبقاش حلو خاالص يعنى اخره ربع ساعه بالكتييييير

الحمام غيرى يفيدك فيه احسن
واى خدمه ;)

*miso*;15113255:
يا سلام يا رشا يا بنتي

سبحان الله كنت هاسأل على الاكلتين دول بردو بالاضافة للرز اللي بيتعمل في طاجن لو تعرفوه

نفسي اجرب في جوزي :rolleyes:

ميسوووووو الطرق فووق يا قمر



بنات هتعملوا اكل اييييه انا زهقققققققققققت

وفين رورو حد بيكلمها سلمولى عليها هيه وسوسى اماااانه