25 مرة نقول يا تري بتعملي الأكله دي ازاي؟ ( مبدعات مصر القمرات ) شهر جماد الأخر 1432

احنا هناكل مكرونه بالصلصه وملوخيه وفراخ مسلوقه ومتحمره والحمد والشكر لله
بس انا مقهوره جيت لقيت ماما سلقت الفراخ من غير ورق لورى وانا بحب ورق اللورى :(

للدرجاتى مع انى بحس انى اللى بيدى ريحه للشوربه هو الحبهان
بحس ان ورق اللورى زى قلته ؟؟؟؟؟؟؟؟

سلام عليكم يا بنات

ازيكم يا حبيباتي

وحشتوني


و وحشتني لمة الطبخ الجميلة دي :)

يارب تكونوا كلكوا تمام


انا الحمد لله اتجوزت و بدأت اكون مسئولة عن مطبخ لوحدي

بس لسه مش عارفة اظبط مصروف البيت مع الطلبات و الكلام دا

يا ترى ينفع حد ينصحني في الحكاية دي ؟

و ياريت بالمرة طريقة الثومية استغلال بقى و افترا D:


بحبكم كتييييير

CuTie KaTkOoTa;15065461:
بنااااااااااااااااااااااااااات الحمدلله الحمدلله الحمدلله اصلي مبسوطة جدااااااااااا بس يارب تكمل علي خير انا قلتلكم اول ناس والله ومن قبل ما حتي نبدأ في اي ترتيبات عملية كله نظري وكلام وبس لسه الفعل، المحل اللي قلتلكم عليه قبل كده هنعملوا بإذن الله وقريب يعني هنبتدي فيه اليومين دول اهو ونحاول نفضي نفسنا شوية عشان نفتح في موسم الصيف بردو ويبقي قبل رمضان الاعيد وكده كمان بشوية، يلا بقي مستنياكم بجد انا اصلا عمالة بأكد علي كله وضامنة انكم اول ناس هتفرحولي وهتنفعوني وتبيضوا وشي قدام اهلي واهل جوزي صح كده ولا هتنفضولي
انا بقي عايزة منكم طلب صغنون وخفيف، كل واحدة كده تفكرلي في اسم ظريف يجي في دماغها عشان يبقي قدامي تشكيلة كده حلوة انقي منها واحنا بردو بنفكر في كام اسم بس لسه مستقرناش، وكمان لو فيه حد يقدر يعملي لوجو او ديزاين لذيذ وشيك بردو علي الكمبيوتر ويكون شاطر في الحاجات دي وعنده افكار يقولي بردو، ولو حد عايز يتعامل معايا او يقدر يجيبلي حاجات بردو او شغل من اي نوع يا مرحب يا مرحب نتناقش فيها ونشوف ايه النظام ، وياريت كله يبلغ التاني عشان اعرف اوصل لكل البنات وخصوصا طبعا بنات عين شمس عشان مش بيدخلوا كتير اصلا وانا هنقل نفس كلامي ده في باقي التجماعات اللي بدخلها


طريقة لقاء اهي يا نوجا والبنات اللي جربوها شكروا فيها اوي
المقادير


3 بيض
2 كوب دقيق
كوب ونص سكر
نص كوب زبدة او زيت
كوب لبن
معلقة بيكنج بودرة ومعلقة فانيليا





الف سلامة علي زيزو يا شيري ربنا يعافيه يارب ويخليهولك



ربنا يبعد العين عننا كلنا يارب يارب ان شاء الله، احسن فعلا الاسبوع اللي فات ده وحش اوي علينا كلنا تقريبا سبحان الله فعلا

مبروك يا كتكوتة على المحل ربنا يتمم لكم كل حاجة على خير و يبارك لكم فيه يا حبيبتي


عايزة اعرف يا بنات مقادير الكب كيك دي تعمل كام كب 12 و لا كام ؟



و مبروك للبنات اللي اتجوزت اللي كنت باشوفهم في التجهيزات و لقيتهم هنا

متأخرة موت طبعا بس معلش بقى D:


ربنا يبارك في حياتكم و يرزقكم جميعا الذرية الصالحة و انا معاكم إن شاء الله

ra_tamima;15087521:
للدرجاتى مع انى بحس انى اللى بيدى ريحه للشوربه هو الحبهان
بحس ان ورق اللورى زى قلته ؟؟؟؟؟؟؟؟

اه والله بحبه اوى

لا انا مبحطش حبهان انا بحط ورق اللورى ف الشوربه وكمان بحطه ف الكبه مع البصل والملح والفلففل اسود والخل يطحن معاهم واحطه جوا الفرخه

بحس بطعم حلو للفرخه بيه انما النهارده والله ماحسيتلها بطعم عشان ماما دايما تنساه:'(

*miso*;15087828:
سلام عليكم يا بنات

ازيكم يا حبيباتي

وحشتوني


و وحشتني لمة الطبخ الجميلة دي :)

يارب تكونوا كلكوا تمام


انا الحمد لله اتجوزت و بدأت اكون مسئولة عن مطبخ لوحدي

بس لسه مش عارفة اظبط مصروف البيت مع الطلبات و الكلام دا

يا ترى ينفع حد ينصحني في الحكاية دي ؟

و ياريت بالمرة طريقة الثومية استغلال بقى و افترا D:


بحبكم كتييييير

وانا كمان عاوزه الثوميه بس طريقه متجربه عشان شوفتلها كام طريقه



كان ف هنا موضوع معمول لتظبيط مصروف البيت بس مش عرفاه فين بصراحه

ام عمر افندى;15077594:

نووور ايه ده معقوله انا اساسا مش بعمل كشرى مصرى الا كل فييين وفين اللى بعمله كل اسبوع او عشر ايام اللى هوا الاصفر عشان سهلللللل ههههههههههههه تلاقي حصل عندك لخبطه من كده والسمك المشوى بصراحه لو اطول اكله كل يوم مش هقول لااااا ابدا انا بمووت فيه وسهل برضوا من الاخر بموت فى الاكلات السله خصوصا اليومين دول بس يا ستى النهارده اهو هتغدا سبانخ ورز ولحمه وسلطه اخيرا هتعطف عليهم واعمل خضار ههههههههههه ويوم الجمعه الجايه يا ستى هعمل سمك مشوى هههههههههههه ابقى ادخلى نت واحدفلك سمكه

النهارده زى ما قلت لنور اخيراا هتكرم واتعطف واعمل سبانخ ورز بشيعريه ولحمه وسلطه وبسس

لالالا ما انتي بتقولي كشري اصفر مش مصري وسلطة بصل وطماطم
انتي بتغيبي اصلا فترة وتيجي تقولي كشري ههههههههههه
وابعتيلي سمكة ولا راحت عليا خلاص :(

katkooota_7aboooba ام حــور;15078273:

السلام عليكم
جزاكم الله خيرا
انا فعلا ناويه اجيب التورته جاهزة وهعمل عليها صورتها بأذن الله
انا بعرف اعمل المينى بيتزا و زوجى بيقولى احلى من بره بس السؤال اعملها قبل عيد الميلاد ولا يومها ؟؟؟

بالنسبه بقى للترافيل ده هل بتبقى اى كيكه يعنى اعمل كيكه عاديه وافتتها وازاى اعجنها باللبن واحطها فى الشيكولاته معلش اشرحيلى شويه وبردو قبلها ولا يومها

معلش قوليلى طريقه البسبوسه

وناويه بردو اجيب باتون ساليه الصغير ده

هو حفلتها يوم 16 الشهر ده ان شاء الله وتقريبا هيكونى 40 او 50 نفر كده
ايه رأيك كده حلو

واعمل كب كيك زى ما قالت ام عمر افندى
وياريت الطريقه لو قلتى اه
ولا اجيب جاتوه
( الميزانيه خربت خالص ):'(:(:|

بصي يا جميل
بالنسبة للميني بيتزا انتي اعجنيها وشكليها من قبلها بيوم ورصي في الصواني وغطيها كويس بكيس عشان مش ينشف، وشيليها في التلاجة
وتاني يوم اخبزيها قبل ما يجو بكام ساعة تمام كده

الترافيل عادي كيكة عاديةجداااااا اللي هي الي باللبن دي
بصي استني هاجيبلك طريقة بسبس كانت عملاها في عيد ميلاد ابنها

بسبوسة شيمو بقى انا لسه عاملاها اهو وباكلها وسخنة ولساني اتلسع كالعادة الطفاسة بقى بعيد عنك ههههههههههه :lol:

نص كيلو سميد + مج لبن + مج سكر + مج الا ربع زبدة على زيت او سمنة على زيت كده يعني
معلقة كبيرة بيكينج باودر
والشربات بقى: كباية ونص سكر + كباية مية + فانيليها + نص لمونة

هاتحطي السميد على البيكينج باودر على جنب
وهتجيبي حلة تحطي فيها اللبن والسكر والسمنة ولما يغلي طفي عليها وضيفيه على السميد المخلوط بالبيكينج وقلبي قلبي وصبيها في صينية كبيرة مدهونة واخبزيها في الفرن

خلال بقى ما هي في الفرن
جهزي الشربات ويكون سخن وسيبيه يغلي 3 دقايق روحي ضيفيله الفانيليا واللمون ويغلي دقيقتين وطفي عليه
لما تستوي الهريسة خلاص يعني هتاخدلها ساعة الا تلت او الا ربع حطيها على الشواية تبقى دهبي طفي عليها وصبي عليها الشربات وهو سخن يعني كله سخن في سخن، وهتلاقي الشربات عام كده متقلقش الهريسة هتشربه
ودخليها الفرن تاني بس وهو مطفي لمدة 5 دقايق كده ودخليها بقى التلاجة تمسك نفسها

وبصي لو هتعملي كب كيك يبقى بلاش الهريسة ، وخليها تورتة وكب كيك والميني بيتزا والباتونساليه وجميل قوووي كده والترافيل معاهم

والكب كيك في بنوتة حطتلك الطريقة بتاعة لقاء بيقولو جميلة قووووي

وكل سنة وهي طيبة يا جميل اي حاجة اسالي كلنا في الخدمة F:

salad;15078347:

نور ابقى ابعتيلى طبق كفته لما تعملى نفسى اتعلمها قوى ومتفكش منى ماما بتعملها حلوه قوى بس انا مش بحبها اصلا فى البيت

طيب شوفي طريقتي كده انا منزلاها يا سالاد
جربيها يمكن تضبط معاكي

N0rma;15079863:
نور الحب الحب اهى طريقة المكرونه

http://forums.3roos.com/showthread.php?t=600417

بصى ممكن تكون باظت منى مش عارفه باظت ولا هى اللى وحشه

واللى ضايقنى منها ان العيش المحمص او التوست اللى ع الوش داا لما بتستوى بتحسيه كدا بيفرول ف بوئك او رمل كدا احساس العيش المفروم ولا المدقوق متهيئلى لو اتقلب هو كمان ف البشاميل هايكون كويس عن كدا فلو حد عملها ابقو قلبوه جواها بئا:D

بصي بالنسبة للبقسماط انا مرة عملت حتة حركة كانت روووووووووووووووعة بس طلعت صدفة معايا
انا جبت برطمان فيه بقسماط رشيت على وش المكرونة بالبشاميل كده كتجربة
اتاري بقى ايه، انا كنت خلطة معاه اصلا فيجيتار في مرة لما كنت باعمل بانيه وناسية انه مخلوط معاه، وكان فيجيتار سبايسي
بصراحة البشاميل الوش طلع رهييييييييييييييييييييب طعمه

sally2007;15085696:

معلشى ياحببتى اتاخرت عليكى بس والله مبعرفشى اقعد من ادهم سامحينى
اللبن لازم يكون سخن تنزليه من على النار وتصبيه على طول على البيض مبيقطعشى ولا بيكلكع نهائى بس تضربية بالمضرب على طول والبيض مش بيستوى ولا حاجة
وايوة الصنية تحطيها على النار ولما الماية تغلى تحطية القالب فيها عشان البخار يطلع عليه وتحطيها القالب فيها على البوتاجاز من فوق من 10 دقايق لربع ساعه انابسيبة ربع ساعه وبعدين باخد الصنية اللى فيها ماية بالقالب وبحطها فى الفرن ودى طريقة الشيف شربينى ومش تغطى القالب ولا الحاجة اللى هتعملى فيها ومش بيحصل ليه حاجة من تحت خالص واى استفسار انا معاكى ياقمر ووالله انا اول مرة فشلت فيها بس وربنا شاهد جوزى وكل اللى اكله قالى طعمها تحفة واحلى من الجاهز

جميييييييييييل ماشاء الله هاجرب الطريقة دي
عشان فعلا انا عملت الكريم كراميل مرة واحدة في حياتي وحسيت البيض زفر مع اني حطيت فانيليا كويس بس قولت يمكن لو حطيت نقطتين خل الزفارة تروح
بس كويس طريقتك دي باذن الله اجربها

N0rma;15086374:
احنا هناكل مكرونه بالصلصه وملوخيه وفراخ مسلوقه ومتحمره والحمد والشكر لله
بس انا مقهوره جيت لقيت ماما سلقت الفراخ من غير ورق لورى وانا بحب ورق اللورى :(

*miso*;15087828:
سلام عليكم يا بنات

ازيكم يا حبيباتي

وحشتوني


و وحشتني لمة الطبخ الجميلة دي :)

يارب تكونوا كلكوا تمام


انا الحمد لله اتجوزت و بدأت اكون مسئولة عن مطبخ لوحدي

بس لسه مش عارفة اظبط مصروف البيت مع الطلبات و الكلام دا

يا ترى ينفع حد ينصحني في الحكاية دي ؟

و ياريت بالمرة طريقة الثومية استغلال بقى و افترا D:


بحبكم كتييييير

الف مبروووووووووووووووووك يا جميل ربنا يسعدك يارب
بصي بالنسبة للمصروف كانت ام بودي عاملة موضوع بيه دوري في مواضيعها
واستني عليا بكرة برضه باذن الله هاساعدك فيها
التومية بقى انا عملت بطريقة سارة افندي كانت جمييييييييييلة ومعتمداها عندي

صلصة الثومية
أول طريقة::::
2 بياض بيضة
2 فص ثوم مهروووووس قوي
رشة ملح + رشة فلفل أسمر+ عصير ليمونة
كوب زيت نباتي

ندق التوم نااااعم قوي بالملح ونحط كل المكونات في الخلاط الكباية معادا الزيت
نشغل الخلاط لحد ما يبقى البياض عامل رغاوي اضيف قطرات من الزيت واحدة تلو الاخرى وبعدين اجعله سرسوب زيت
لحد ما يبدأ يغلظ القوام اضع عصير الليمون وأكمل بقيت الزيت إلى أن يغلظ القوام
وليس اساسي ان نكمل كل مقدار الزيت

عاملين ايه ؟ جوزي حيتغدي برا و عندي وركين بفكر أعملهم شاورما بس هما أصلا مسلوقين و أعمل خبز الصاج و ساندويتشات و خلاص

السلام عليكم ليكوا وحشة والله

ادخلوا الموضوع دى شوفوا تطبيقي للازانيا بتاعت سوسي


http://forums.3roos.com/showthread.php?p=15086307#post15086307

عملت ساندويتشات الشورما و عجبت العيال و الحمد لله اتغدينا و عملت خبز الصاج طلع حلو قوي الحمد لله

بالهنا يا ام بودى النهارده اكلنا بيتزا

عملت لسان عصفور بطريقه شاهى بجد لذيذ قوووى
دى الطريقه
نحمر لسان العصفور لحد مالونها يبقى دهبى بعد كده نضيف الماء و الطماطم و الفلفل و مكعب الماجى و الملح والفلفل الاسود و ملعقتين صلصة و نقلبها كويس ونسيبها على نار هاديه لغايه ما تستوى بجد حلوه قوى

ازيكم وحشتونى نفسي ارجع اعمل اكل معاكم زي زمان

سلمى لو رجعتى صفحه هاتلاقى المينى بيتزا تقريبا لسه شايفها

salad;15092861:
بالهنا يا ام بودى النهارده اكلنا بيتزا

عملت لسان عصفور بطريقه شاهى بجد لذيذ قوووى
دى الطريقه
نحمر لسان العصفور لحد مالونها يبقى دهبى بعد كده نضيف الماء و الطماطم و الفلفل و مكعب الماجى و الملح والفلفل الاسود و ملعقتين صلصة و نقلبها كويس ونسيبها على نار هاديه لغايه ما تستوى بجد حلوه قوى

سالاد انتى حطيتى طماطم عصير ولا قطع؟؟؟

نورما انا حطيت طماطم قطع ومعلقه صلصه جربيها طعمها مختلف وحلو انا عملتها النهارده وامبارح واول امبارح بس اول مره عملتها لقيتها غريبه ومش عارفه ايه السبب اتارينى نسيت احمر لسان العصفور

بنات دعواتكم لى بفك الكرب

انا مخنوقه ومش عارفه مالى

انا اعتذرت كمان عن الاشراف ويارب الاداره تقبل

ياريت تشرفونا بالتصويت لمسابقه اجمل عروس
http://forums.3roos.com/showthread.php?t=616689

ياسلام ياسلمى ع الميزانيه الجامده
بصى انا عن نفسى معايا نوت ماشيه بيها طول اليوم ف الشقه من اول الشهر كل ما ينقص حاجه
اكتب احتياجات شهر كذا وابتدى اكتب محتاجه كذا وكذا وطول ما واقفه ف المطبخ بينقص حاجات وواول مايجى
الشهر الجديد انزل على المحمل او سبينس او اولاد رجب واشترى كل اللى ناقصنى ومكتوب ف النوت علشان مش اذود حاجه او انقص حاجه
وطبعا احتياجات الشهر للحوم معروفه بجيب فراخ وبانيه وساعات سمك ولحمه وبقسمهم اكياس وبشيلهم ف الفريزر وطبعا كده مش بنزل من بيتى ولا يوم ف الشهر الا اذا احتجت طماطم او فلفل او خيار كده يعنى

بس ياسلمى حلو موضوع نوته للمناسبات لحسن اعياد الميلاد والمجاملات ساعات بتيجى ورا بعض وبتخرب الميزانيه خااااااااااااااالص