نور التقوى;15134678:
السلام عليكم
بنات عاوزه طريقه عصير البوريو
ولو هعمله ببسكون البوريو الكبير احط اد ايه لبن على كام بسكوته
ازيك يا نور عامنله ايه يا حبيتى
ra_tamima;15134810:
ازيك يانور
عصير البوريو انا بحط 5 اكياس وبظبط اللبن على حسب لو عايزاه تقيل وفى ناس بتحط ايس كريم وطبعا سكر
على فكره يانور انا عملت مهلبيه بالشيكولا بالطريقه بتاعتك وطلعت تحفه هانزلكم الصور
رشا و نور
ايه عصير البوريو ده حد يفهمنى مسمعتش عنه قبل كده:!!::!!::!!:
معلش الجهل وووحش :o:o:o
ra_tamima;15134913:
تورته عيد ميلادى
ايه رايكم؟؟؟؟؟
كل سنه وانتى طيبه يا رشروش
التورته طبعا ما شاء الله جميييييله
و و ايه اللى فى الاطباق ده يا رشروش
و ده ترايفل و لا ايه ؟؟؟
بليز عايزه توضيح علشان اطلب الطريقه بعد كده :o:o:o
نور التقوى;15136714:
ا
والف هنا وشفا على المهلبيه ياحبيبتى واكيد حلوه علشان عمايل ايدك F:F:
ايه المهلبيه اللى بالشيكولاته ده
بليزززززززززززززززز
عايزه اجربها ويااارب تطلع حلوه ياااااااااارب
فراشة الإيمان;15136858:
دى بقى شويه حاجات كده
مكرونه
وده بانيه مشوى انا شويت حتتين ليا وعملت لجوزو ولزياد مقلى اصلى بقالى 3 اسابيع عامله دايت
كشرى مصرى جوزى مدمنه لازم اعمله على الفطار يوم اجازته بس ساعات بزحلقه واعمله اى حاجه لكن اغلب الاوقات يطلب الكشرى
محشى ورق عنب
بتنجان مخلل حبيب قلبى والفلفل ده لجوزى لانه بيعشقه
كده خلصت
قولولى اعمل اكل ايه النهارده
تسلم اييييييييييييييييييييدك
لالا ما شاء الله ايه الحاجات الجااااااااااااامده
تسلم ايدك يا حبيبتى
واو المكرونه شكلها جمييييل تحفه بجد انا بموووت فيها
و الكشرى جااااااااااااااااااااااااامد والحمد لله انك قولتى الطريقه لا بجد الاكل جامد :thumbs_up::thumbs_up::thumbs_up:
فراشة الإيمان;15136981:
بصى ياقمر صلصه الكشر سهله خاااااالص
تفرمى توم وتحمريه فى زيت لغايه مايبقى لون دهبى وتنزلى عليه بمعلقتين خل
وتحطى الطماطم المعصوره وتحطى عليها شويه فلفل اسود ورشه كمون وملح وسيبيها تتسبك ولما تتسبك خااالص بالشكل ده
نحطى ميه بسيط بحيث الصلصه تبقى تقيله بالشكل ده وظبطى ملحك
شايفه باين تقلها ولا لأ
علشان لما تتحط على الكشرى تبقى على الوش كده
ثابته كده زى محلات الكشرى
الصوره دى قبل ما احط التقليه
والدقه سهله برضو
فى الكبه تحطى توم وتقطعى عليه فلفل ورشه كمون وشطه
وافرمى كله ناااعم
وتكونى مسخنه نص كوبايه ميه وتحطى عليها نص كوبايه خل وحطى ملح واعصرى ليمون عليها وتحطى الخلطه اللى فرمناها وقلبى كله وكده بقت الدقه جاهزة ودوقيها لو محتاجه ملح يعنى ظبطى الطعم لو محتاج حاجه زودى
ما شاء الله
تسلم ايدك
وطريقه الصلصه يم يم يم
والصور موضحه
جزاكى الله خيررررررررا
كنت عايزه اقمك بس مش عارفه هيرجعوه امتى بقى
فراشة الإيمان;15138322:
هاتجيبى الكنافه وتشيليها فى الفريزر وتطلعيها تفركيها وهى مجمده وتصبى عليها سمن بلد فاهمه بلد سايح ونايح كده وقلبيها كلها فى بعضها كده كهزت
الكريمه بقى
هاتجيبى نص كيلو لبن وتغليه وبعدين تدوبى فيه نشا معلقه كبيره وياريت كمان ظرف دريم ويب وتدوقيها وتشوفى عايزة سكر ولا لأ خلى بالك لازم تبقى دلعه شويه عن المذاق العدى لانى دى هاتحشى بيها
هاتحطى الخليط على النار بع ماتظبطى سكرك وسكرك تحطيه بعد الكريم شانتيه
وقلبى لغايه ماتلف زى المهلبيه كده لقيتيها خفيف حطى نص معلقه نشا فى سويه ميه صغننين وحطيهم عليها ولما تلف اطفى عليها بس ماتخليهاش تقيله علشان تبقى حلوه فى الحشو
واول ماتطفى عليها يكون عندك قشطه صابحه وش اللبن تكونى شايلاه بس يكون وش محترم كده وتحطى معلقتين كباااااار وقلبى بسرعه كده جاهز للحشو ومن وقت للتانى قلبى علشان متعملش قشره
تاخدى الصينيه اللى هاتعملى فيها وتدهنيها سمنه وبعدين تحطى نص مقدار الكنافه وتضغطيه جااااامد بايدك وبعدين ننزل بالكريمه عليه ومتخليهاش توصل للاطراف وبعدين بقيه مقدار الكنافه وساويها بايدك بالراحه علشان الكريمه اللى تحت
وجيبى حتت سمنه بلدى وحطى على الوش كده مش رش لا تكون جتمده وحطى حته فى كل مكان كده علشان تدى لون دهبى من فوق
وتحطيها فى الفرن واما تطلع تسقيها الشربات وتخليه يدخل من جوانب الصينيه علشان يشرب القاعد سكر
ولما تبرد قطعيها والف هنا وشفا
ولو هاتقدميها لضيوف بعد ماحطى الحته فى الطبق زينيها بورده من الكريم شانتيه وشريحه فراوله مقوعه بالورب كده
ياسلام على الشياكه والطعم الجميل
بس بقى فكرتينى وانا عامله ريجيم:'(:badly:
يم يم يم يم
لا بجد فين الميييييزان تستاهلى احلى تقييم
هجربها ان شاء الله واقولك النتيجه :thumbs_up::thumbs_up::thumbs_up:
