25 مرة نقول يا تري بتعملي الأكله دي ازاي؟ ( مبدعات مصر القمرات ) شهر جماد الأخر 1432

فراشة الإيمان;15157153:
بصى ياقمر جربى بسبوسه شيمو وانتى مغمضه واتباهى قدام اهلك بيها


بس لو جربتوا الطريقه دى هاتدعولى بجد



بسم الله نبداء



كوب لبن كوب سكر



كوب الا ربع سمنه بلدى



2 كوب سميد ناعم



ربع معلقه بيكنج باودر



السيرب خفيف جدا



كوب ونص ميه كوبايتين الاربع سكر ونقطتين لمون



وفانيليا ها نضعهم على النار حتى الغليان فقط وذوبان السكر لانه سيرب خفييييييييييف







هانضع اللبن مع السكر مع السمن على النار حتى تمام الغليان



ثم نطفى النار ونضع السميد والبيكنج باودر ونقلب ثم نضعهم فى صينيه متوسطه وندخله الفرن على 170 حلغاية ماتحمر كويس نطفى الفرن ونكون عاملين السيرب سخن



ونركز فى سخن دى



ايوه لازم البسبوسه والسيرب سخنين ولازم نضع مقدار السيرب كللللله



هانلاقى السيرب بقى كتير جدا فوق البسبوسه مانقلقش هاندخله الفرن وهو مطفى لمدة 10 دقايق هاتشربه البسبوسه



بصى بقى الزبده لاااااااااااااااازم ابقى كتير يعنى قولى كده 3 معالق كباااااااااااااااااااااااااااااااااار مليانييييييييييييييييين هايعملو معاكى الكوبايه الا ربه او تلتين الكوبايه اللى عايرتى بيها السميد والسكر واللبن

جربتها وطلحت طعمها حلو اوووى بس طلعت عالية شوية كانت تقريبا محتاجة صنية اكبر المرة اللى جاية بقى ان شاء الله تسلم ايديكم

ولايهمك يابوسى 700 وات ممتاز ماشاء الله ومش عارفه بيعمل كام اوبشن بس بيعمل كل حاجه يابوسى بيقطع ويفرم ويعصر وبيعمل الشوربااات وبيعمل الكريمة والكيك وكله كله راااائع بصدق متخافيش هاتيه على ضمانتى بس هيا بس الكبة بتاعته صغيرة على اد طبخاتك يعنى ومعاه دورق برده للعصير حلو اوى بجد انا استخرت ربنا كتير وربنا اختارلى الافضل ولعلمك ارخص من براون وبراون اسم ع الفاضى وغااااااااااالى اوى اما شفت الاسعار وفاضلت بين كله لقيت ده افضلهم ع الاطلاق
متخافيش انتى عارفانى مبحبش اجيب حاجه الا لما اسال عنها الف مره ومااندمش عليها

وربنا يسهلك الحال ويرزقكك ولاده سهله يااااااااااااارب بس ليه اول التاسع سبيها زى ماييجى يمكن تبقى زيى هههههههههه ف اخر العاشر ههههههه

ازيكم جميعا انا اول مره اكتب هنا بس انا متبعاكم من زمان واستفدت منكم كتير جدا بس مش بشارك لاني علي قدي في الطبيخ مش مبدعه زيكم مشاء الله كلكم مبدعين بس عايزه اسئلكوا علي حاجه ضروري انا قريت قبل كده عن انكم بتعملوا فراخ في الكيس الحراري ممكن حد يقولي بعد ما اتبل الفراخ واحطها في الكيس بدخلهاالفرن ازاي ادهن الصنيه زيت ولا ايه يعني الصنيه مش هتتحرق وكمان بتفضل قدايه في الفرن بس انا الفرن بتاعي هادي شويه وممكن اعمل جمبها ايه معلش اسئلتي كتير

samar2011;15162018:

السلام عليكم

ازيكم جميعا انا اول مره اكتب هنا بس انا متبعاكم من زمان واستفدت منكم كتير جدا بس مش بشارك لاني علي قدي في الطبيخ مش مبدعه زيكم مشاء الله كلكم مبدعين بس عايزه اسئلكوا علي حاجه ضروري انا قريت قبل كده عن انكم بتعملوا فراخ في الكيس الحراري ممكن حد يقولي بعد ما اتبل الفراخ واحطها في الكيس بدخلهاالفرن ازاي ادهن الصنيه زيت ولا ايه يعني الصنيه مش هتتحرق وكمان بتفضل قدايه في الفرن بس انا الفرن بتاعي هادي شويه وممكن اعمل جمبها ايه معلش اسئلتي كتير

أهلا بيكي يا جميل بصي تدهني الصينيه بالزيت و بعد كده تحطي فيها الكيس و بعدين الفرخة و انتي متبلاها و لو عايزة معاها بطاطس أو خضار براحتك و حكايه تسيبيها قد ايه مش أقل من ساعه مع فرنك ده عشان هادي و كمان اعملي معاها رز بالخلطة أو رز بالشيعريه لو فيه خضار أو مكرونة

السلام عليكم

بنات عاوزه طريقه حلويات احط فيها صفار بيض

السلاام عليكم ورحمة الله وبركاته

وحشتووووووووووووووووووووووووووووووووووووووووووني يا بنات قوي قوي قوي
كده محدش يسال عليا مش يمكن اكون روحت مارينا وانتو متعرفوش :lol:
اناعاذرة كل واحدة ربنا يكون في عونا وعونكم يا بنات يااااااااارب

بقولكم بقى انا بقالي يومين باعمل صينية جلاش الصوابع
مرة ناشفة قوي ومرة بلوظة ههههههههههههههه ومش عايزة اخد تريقة من حد من اللي في البيت معصبيني
والرجالة ما تصدق تتريق وبابا الله ينور عليه هو واخويا ما يصدقو :mad:
قولولي بقى اعملها ازاي تطلع طرية من جوه ومقرمشة من بره وماسكة نفسها

شكرا ليكي يا ام بودي عاملتها وطلعت حلوه
ممكن حد بقي يقلي طريقه سهله لكفته الفراخ انا مصبعها بس عايزه طريقه تكون حلوه

ايد ده انتوا روحتوا فين يا بناااااااااااااااااات !!!!!!!!! احنا اتحسدنا و الا ايه :(

النهارده حأعمل قوناص اسكندراني و شكشوكة لجوزي و انا و العيال طاجن لسان عصفور بكبد الفراخ بأكل فيه أهو وهم بجد

مش عارفه في ايه !!!

انا جبت كوكي كبد و قوانص طلعت فاشله فاشله و مش حلوة و ريحتها زفره بجد

النهارده حأعمل مقلوبه

اية الفراغ الى انا فية دة

اية بتطلتوا تاكلوا

انا بقة اليوم ان شاء اللة هاعمل فراخ فى الكيس الحرارى

اسكتوا مش امبارح اشتريت عبوتين من الاكياس الحرارية ماركة كوين ومالقتش اللزق الى بيلزق بيقفل الاكياس

والادهى كان عندى ضيف على الغذاء وكنت طلعت الفراخ وقطعت البصل والخضار والبطاطس وتبلة الخضار وابص فى العبوتين مافيش
والادهى الضيف امام 4/3 ساعة ويطب على الغذاء
كانت حوسة وطبعا اتجننت بس الحمد الله لميت الدنيا وجريت على التليفون وطلبت اكل دليفرى والضيف جة وخد واجبة والحمد الله لحد 9.30 بالليل

بس حاجة صعب بجد
حد حاسلة الى حصلى دة

أنا حايسة في رز السمك

انتوا فين يابنات
فين ام معاذ ونانى زهرة دبلانة وبسبس وبيرق امل وسوسى؟؟؟؟؟؟؟؟؟؟؟؟؟
ام بودى مابقيتيش تحطى اكلاتك الحلوة ليه؟

اتحسدتوا ولا ايه؟

خير يابنات روحتو فيييييييييين وحشتونى

ادعولى لانى شكلى هولد فى التامن ربنا يستر

لو هعمل بكره طاجن لسان عصفور بالكبد والقوانص اعمل جنبه ايه؟؟؟؟؟؟؟؟

سارة العروسة القديمة;15174994:
اية الفراغ الى انا فية دة

اية بتطلتوا تاكلوا

انا بقة اليوم ان شاء اللة هاعمل فراخ فى الكيس الحرارى

اسكتوا مش امبارح اشتريت عبوتين من الاكياس الحرارية ماركة كوين ومالقتش اللزق الى بيلزق بيقفل الاكياس

والادهى كان عندى ضيف على الغذاء وكنت طلعت الفراخ وقطعت البصل والخضار والبطاطس وتبلة الخضار وابص فى العبوتين مافيش
والادهى الضيف امام 4/3 ساعة ويطب على الغذاء
كانت حوسة وطبعا اتجننت بس الحمد الله لميت الدنيا وجريت على التليفون وطلبت اكل دليفرى والضيف جة وخد واجبة والحمد الله لحد 9.30 بالليل

بس حاجة صعب بجد
حد حاسلة الى حصلى دة

ازيكم يا بنااااااات

وحشتووووووووووووونى جداااااااااااا جداااااااا

انا وصلت لصفحة 25 و بعدين تعبت ههههه

تسلم ايديكم كلكم ما شاء الله دايما مبدعين

تامن ليه يا نانوخير

ام بودي انا معرفتش اطلع الطريقه بتعت طاجن لسان العصفور بكبد من الموقع ممكن لينك الوصفه او الطريقه
كمان سؤال اهني احسن تفال نوفال ولا تروفال
لان بشوف عروض عليهم كتيررررر واللي عندي من دبي فرنساوي او من زهران بس ممكن اجبلي كام حاجه كده تسند بس مش عارفه مين فيهم احسن من التاني ومش بيقشر

ساره افندي;15181548:
ام بودي انا معرفتش اطلع الطريقه بتعت طاجن لسان العصفور بكبد من الموقع ممكن لينك الوصفه او الطريقه
كمان سؤال اهني احسن تفال نوفال ولا تروفال
لان بشوف عروض عليهم كتيررررر واللي عندي من دبي فرنساوي او من زهران بس ممكن اجبلي كام حاجه كده تسند بس مش عارفه مين فيهم احسن من التاني ومش بيقشر

ربنا معاكي يا نانو و ان شاء الله يكملك علي خير

و الله يا ساره أنا جبت تيفال نمبر ون من بتاع كارفور و بجد روعه مع الأستخدام النضيف ممتازة عشان حلتي بتاعه الكويت تيفال أصلي قشرت فا سيبتها للفشار و جبت بدلها دي

اما اللسان عصفور بالكبد شبه اللي بالكفته بالضبط اللي أنا نزلته موجود في الموقع

مش عارفه البنات شكلهم بطلوا يطبخوا و الا ايه

النهارده عملت سمك بلطي زيت و ليمون روعه بجد يا بنات ان شاء الله حأنزل طريقته قريب

انا زلاعنة دخلت اسلم عليكم و محدش عبرنى :(