21 مرة نقول يا تري بتعملي الأكله ازاي ؟ مبدعات مصر القمرات لشهر صفر 1432

مشوره علي السريع
عندي جمبري مقشر عايزه اشويه ازاااااااااااااااي الخلطه

ام بوووودى طلب غلس شويه لو عاوزه اعمل دوناتس بكوباية دقيق واحده ممكن تقوليلى باقى المقادير بالظبط

اصلى عمرى ماعملتها وعاوزه اجربها من زمان

بنات عايزة صلصة الكشري و بكرة باذن الله هعمل فخدة في الفرن و مش عارفة اعمل الرز جنبها ازاي بس مش عايزة الرز طبعا عليه اي لحمة زيادة عشان مش عندي والفخدة كبيرة علينا اصلا انا بعملها عشان متبوظش من الركنة في التلاجة

بصوا محتاجاكوا اوي في حاجة ذوقية

قريب جوزي عايش هو و مراته في اليونان و هي شغالة في مذركير ، كلمت حماتي و قالتلها اني ما اجيبش اي حاجة من حاجات البيبي حتى البزازات رغم انها ولا شافتني ولا اعرفها و طبعا دي هدية محترمة كتر خيرهم و هتوفرلنا كتير واحنا طبعا محتاجين كل قرش دلوقتي
دلوقتي الراجل جة مصر لوحده النهاردة و هيدي الحاجة لجوزي ان شاء الله...... انا عايزة بقى نعملهم حاجة كنوع من الشكر يعني و مش عارفة نعمل ايه
بفكر نعزمه عندنا او برة مثلا في يوم و بفكر اجيب لمراته خاتم فضة مكتوب عليه اسمها برضه بس مش عارفة

عايزة اقتراحاتكم لو سمحتوا عارفة ان ذوقكم عالي

امه الرحمن للاسف يا حبيبتى مش هعرف افيدك في الموضوع ده بس البنات يفيدوكى ان شاء الله لحسن منى
بنات انا هعمل كفته في الفرن مش عارفه اعمل جنبها ايه فكرت في رز بس جوزى مش بيحب الرز قوى فكرت في بطاطس مقليه بس برضه لاغيتها لاننا بناكلها كتير قوى
حد يقترح عليا حاجه

امة الرحمن
رز بسمتى هيبق حلو اوووى مع الفخدة
بونبونة
مع الكفتة اعملى مكرونة سباجتى وسلطة طحينة وسلطة خضرا وهتبق تحفففففففففة وممكن تزودى شوربة لسان عصفور معاهم ودخلية الفرن طاجن هتبق بيييييييييس

طيب ميرسي جدا يا اشرى
طيب حد يقولى طريقه الرز بالكارى؟
؟

رشروووووش عايزه طريقه الجلاش لحادق اللى انت نزلتي صورته قبل كده عايزه الحشوه بالظبط

om_hienar;14256024:
انا عملت مولتون كيك بالطريقة دى بس ماطلعتش سايحة من جوا الغلط فين بقى؟؟؟؟

المقادير..



فانيليا تقريبا 2 ملعقه شاي




170 جرام زبده 4 بيضات 1/4 كوب طحين 1 ملعقه طعام بودره كاكاو مره 1/2 ملعقه شاي ملح 1 ملعقه شاي نسكافيه 1 كوب شوكولاته هيرشي الدارك...موضحه بالصوره 1/2 كوب سكر
في حمام مائب ذوبي الشوكولاته مع الزبده الى ان تذوب وتتجانس..

اخفقي البيض والفانيليا والسكر الى ان تصبح منفوخه وهشه..تقريبا 7 دقائق اضيفي باقي المقادير للبيض واخلطي برفق اضيفي لها خليط الشوكولاته صبي الخليط في اكواب الخبز المدهونه سعه 3/4 كوب تقريبا وتخبز على درجه حراره 180 في فرن مسبق التسخين لمده 15 دقيقه فقط
يجب مراعاه الوقت....لو خبزتيها اكثر راح تصير ناشفه..
بالضبط 15 - 17 دقيقه
مجرد ان تصبح الاطراف صلبه نوعا ما والسطح لم يعد لزج تخرجينها من الفرن

محدش رد ليه ياماميهات

بناااااااااااااااات اللي عملو الباستا فلورا بطريقة بسبس تقريبا
لو سمحتم لو حد محتفظ بالطريقة يجيبهالي هنا كوبي الا الورقة ضاعت مني :(
وان شاء الله عايزة اعملها بكرة الجمعة اجازتي

فراشة الإيمان;14272139:
دى طريقتى فى البيتفور ياقمر

ماشاء الله عليكي انا كتبتها دلوقتي ان شاء الله ارجع البيت اسجلها في الاجندة

فراشه فى بيتها;14272496:
ام بوووودى طلب غلس شويه لو عاوزه اعمل دوناتس بكوباية دقيق واحده ممكن تقوليلى باقى المقادير بالظبط

اصلى عمرى ماعملتها وعاوزه اجربها من زمان

بصي انا جبت من الموقع المقادير مدام هتعملي كباية يبقى هتنصصي المقادير كلها
كباية دقيق + 1 بيضة + ربع كباية سكر+ ربع معلقة صغيرة بيكينج باودر+ فانيليا + ربع معلقة صغيرة وحبة ملح + 1/8 كوب زبدة يعني نص الربع+ لبن للعجن بيتهيالي هيكونو اقل من الربع

هتخلطي كل اللي فات معادا اللبن وتحطي معلقتين كبار لبن واعجني كده كده وتزودي لو عوزتي بس بالمعلقة بلاش لبن كتير لحد ما تلم معاكي وتبقى طريقة كده واشتغلي بيها زي ما ام بودي موضحة في الموقع

amatalrahman237;14272647:
بنات عايزة صلصة الكشري و بكرة باذن الله هعمل فخدة في الفرن و مش عارفة اعمل الرز جنبها ازاي بس مش عايزة الرز طبعا عليه اي لحمة زيادة عشان مش عندي والفخدة كبيرة علينا اصلا انا بعملها عشان متبوظش من الركنة في التلاجة

بصوا محتاجاكوا اوي في حاجة ذوقية

قريب جوزي عايش هو و مراته في اليونان و هي شغالة في مذركير ، كلمت حماتي و قالتلها اني ما اجيبش اي حاجة من حاجات البيبي حتى البزازات رغم انها ولا شافتني ولا اعرفها و طبعا دي هدية محترمة كتر خيرهم و هتوفرلنا كتير واحنا طبعا محتاجين كل قرش دلوقتي
دلوقتي الراجل جة مصر لوحده النهاردة و هيدي الحاجة لجوزي ان شاء الله...... انا عايزة بقى نعملهم حاجة كنوع من الشكر يعني و مش عارفة نعمل ايه
بفكر نعزمه عندنا او برة مثلا في يوم و بفكر اجيب لمراته خاتم فضة مكتوب عليه اسمها برضه بس مش عارفة

عايزة اقتراحاتكم لو سمحتوا عارفة ان ذوقكم عالي

صلصة الكشري هتبشري 3 طماطمات كبار وتدقي فص توم بسنة ملح وفي زيت تشوحي التومة لما تصفر نزلي الطمطم المبشورة اوعي تضربيها في الخلاط
وحطي 3 معالق كبيرة خل وفلفل اسمر وشطة وسيبيها تتسبك وربع معلقة سكر صغنونة
لما تتسبك حطي ربع كباية مية تلحلها كده وتغلي اطفي عليها وبس يا جميل
الفخدة احنا دايما بنعملوها جمب المحاشي
اعملي جمبها رز بالمكسرات زي ناني لما عملت في المائدة الرمضانية
او اعملي رز بالطماطم اللي باللحمة بس اقطعي حتة صغيرة من الفخدة قد نص الكف او اقل المهم تعملي بيها الرز

الهدية حلوة اللي قولتيه الخاتم او سلسلة فضة الفكرة جميلة وبرضه تعزموهم
هي عندها اطفال طيب؟؟

مدام/اشرى;14273116:
امة الرحمن
رز بسمتى هيبق حلو اوووى مع الفخدة
بونبونة
مع الكفتة اعملى مكرونة سباجتى وسلطة طحينة وسلطة خضرا وهتبق تحفففففففففة وممكن تزودى شوربة لسان عصفور معاهم ودخلية الفرن طاجن هتبق بيييييييييس

قولييييييييييييلي
جربتي الطاجن لسان العصفور ولا لسه ;)

bonbona we bas;14273246:
طيب ميرسي جدا يا اشرى
طيب حد يقولى طريقه الرز بالكارى؟
؟

هتجيبي شريحة بانيه فراخ قطعيها صغير وفي سمنة او زبدة على زيت كده يعني شوحي بسنة فلفل اسمر ولما يتغير لونه وتزودي مية نونو ويستوي ويشرب المية كويس قوووووووي تحطي الكاري معلقة صغيرة مليانة يتشوح وحطي المية بعدين الرز وسويه عادي

على خطى الحبيب;14255947:



بصي يا عسل اسمك عزيز عليا :)

احنا لما بنقول المثل بنبقي فعلا قاصدين المعني اللي بنقوله ده تمام
لكن لو مشينا حرفيا بقي جبتك يا عبد المعين
اولا المعين مش من اسماء الله الحسني سليم

احنا بنقول الله المستعان مش الله المعين

ممكن نقول ان المعين اسم فاعل من فعل اعان.. يعين .. معين

نيجي بقي للمثل عبد المعين مش حاسين ان فيها شوية سخرية. استغفر الله العظيم

يعني انت يا اللي ربك المعين معرفتش تحلها ..بس كده

واتمني اكون اصبت وقدرت افهمك النقطة

بجد في امثال كتير والفاظ بتخالف العقيدة لازم ناخد بالنا منها

اللهم ارزقنا حسن القول والعمل

جزاكي الله خيرا يا قمر و ربنا يجعلنا من اسمك نصيب انتي كمان

@زهرة دبلانة@;14264095:


واخيرا سالتكم بالله
تدعو لبنتى من الساعه 3 الفجر امبارح وانا محجوزة ف المستشفى بيها ولسه جايه حالا
تعبانه جدا وهمدانه عندها نزله معويه وقلبت بجفاف وكان هيتركبلها محاليل :(:'(:'(
ومابتاكلش نهائى :'(:'(ولا بتضحك ولا اى حاجه :'(:'(وانا موجوعة بزيادة :'(
بس بفضل الله انا حاسه انها افضل من امبارح ف الاسهال لكن عايزاها تخف فخلو نصيب من دعاؤكم ليها
وربنا يشفى اولادنا واولاد المسلمين من كل شر :(

ربنا يشفيها يارب و يعافيها و ترجع تلعب و تضحك اللهم امين

om_hienar;14273325:
محدش رد ليه ياماميهات

انا والله مش عارفة

بيرق أمل;14273402:
بناااااااااااااااات اللي عملو الباستا فلورا بطريقة بسبس تقريبا
لو سمحتم لو حد محتفظ بالطريقة يجيبهالي هنا كوبي الا الورقة ضاعت مني :(
وان شاء الله عايزة اعملها بكرة الجمعة اجازتي




صلصة الكشري هتبشري 3 طماطمات كبار وتدقي فص توم بسنة ملح وفي زيت تشوحي التومة لما تصفر نزلي الطمطم المبشورة اوعي تضربيها في الخلاط
وحطي 3 معالق كبيرة خل وفلفل اسمر وشطة وسيبيها تتسبك وربع معلقة سكر صغنونة
لما تتسبك حطي ربع كباية مية تلحلها كده وتغلي اطفي عليها وبس يا جميل
الفخدة احنا دايما بنعملوها جمب المحاشي
اعملي جمبها رز بالمكسرات زي ناني لما عملت في المائدة الرمضانية
او اعملي رز بالطماطم اللي باللحمة بس اقطعي حتة صغيرة من الفخدة قد نص الكف او اقل المهم تعملي بيها الرز

الهدية حلوة اللي قولتيه الخاتم او سلسلة فضة الفكرة جميلة وبرضه تعزموهم
هي عندها اطفال طيب؟؟

ميرسي يا جميل، هي ولادها كبار مش اطفال

طريقة الباستا فلورا

المقادير :
2 كوب دقيق 2 بيضة ثلثين كوب سمن
ثلثين كوب سكر 1ملعقة فانيليا كبيرة 1 ملعقة بيكنج بودر
4 ملاعق كبيرة مربى وتفضل مربى المشمش
1.الطريقة تخلط المقادير جميعا مع بعضها البعض حتى نصنع عجين متجانس مائل للتماسك اكثر من الليونة .
2. نقسم العجينة ثلثين وثلث أما الثلث الأول فنفرده فى صينية متوسطة الحجم .
3 . تفرد المربى فوق العجين المرود فى الصينية .
4 نبشر باقى العجينة بالمبشرة فوق الصينية أو نعملها على هيئة أصابع طويلة ترص طوليا وعرضيا على هيئة مربعات على العجينة المفرودة فى الصينية .
5. تدخل الفرن لمدة تتراوح بين 15 و25 دقيقة
وبالهنا والشفا


انا عملتها بس حسيت السكر كتير شوية فلو انتي مش بتحبي الحاجة محلوة اوي ممكن تقلليه
لكن هي تحفة ما شاء الله

بنااااااااااااااات

بالله عليكم يا بنات الله يبارك لكم في اهلكم وفي عيالكم
عايزة اي حد يكون ليه في الهاكر اي بنت فيكم او لو تعرف واحدة صحبتها او لو ابوها او اخوها اي حد اييييييييييييييييييي حد

صاحبتي ايميلها اتسرق وكانت بتبعتلي ولصحبة تانية من الميل صورها عادي
وجه واحد الله ينتقم مننننننننننننننه سرق ايميلها وعمال يبعت صورها لكل الناس بقى اللي كانو على ايميلها
وناس كانو تبع الشغل
والمصيبة الكبيييييييييييرة انه عمال يبعت صورها لاهل خطيبها ومشاكل لرب السما واهل خطيبها عايزين يفركشو

المهم يا بنات الله يخليكم انا بتوسل بجد لو حد يعرف اي حد ليه في الهاكر ولا مهندس كبير ولا حاجة
مستنياكم يا بنات

CuTie KaTkOoTa;14270851:

انا كمان كنت بسأل علي البتنجان بردو يا انوسة واهيء اخيء محدش قاللي اي حاجة :'(:'( نفسي في اللي بيعملوه محلات الفول مش بتاعنا بتاع البيت ده مختلفين عن بعض جداااااااااااااااااااااااااااااااااا

وحشاااانى يا كتكت ويارب تكونى بخير انتى وجوجو
ولو عرفت هبقى اقولك ;)

ام عمر افندى;14271724:

وات كمان والله واحشانى جداااا يا حبى

البتجان للاسف مش عارفه

وعاوزة اقول لفراشه او ايمى اللى كانت قالت على حمص الشام بجد بقا ادماااااااااااان فظيييييييييييييييييع جدااااا بس عاوزة اسال على حاجه هوا بعد ما بتكلوة بتناااموا ولا ايه انا اول اكبارح اكلته ونمت مقدرتش وامبارح برضوا اكلت كوبايتين وكنت ناويه اتفرج على فيلم 10 دقايق ودخلت تحت الباطنيه جرررررى مع انى بحطله شطه كتيير يعنى الفروض يصحصحنى
بس بجد رهييييييب تسلم ايديك يا قمر

بكره بقا اعمل اكل اييييه فكروا معايا كشرى اصفر ولا سمك مشوى ورز بشيعريه

يارب تكونى بخير يا بوسى انتى والنونو وعمور صحيح عرفتى هتجيبى اخت وله اخ :)
وانا كمان بضم صوتى لصوتك حمص الشام تحفه بجد جزاكى الله خير يا فراشه
اما موضوع النوم تقريبا النونو مش بيستحمل فبيعوز ينام بعده ههههههههههههه

وبكره احلى حاجه فيه السمك :thumbs_up:

amatalrahman237;14272647:

قريب جوزي عايش هو و مراته في اليونان و هي شغالة في مذركير ، كلمت حماتي و قالتلها اني ما اجيبش اي حاجة من حاجات البيبي حتى البزازات رغم انها ولا شافتني ولا اعرفها و طبعا دي هدية محترمة كتر خيرهم و هتوفرلنا كتير واحنا طبعا محتاجين كل قرش دلوقتي
دلوقتي الراجل جة مصر لوحده النهاردة و هيدي الحاجة لجوزي ان شاء الله...... انا عايزة بقى نعملهم حاجة كنوع من الشكر يعني و مش عارفة نعمل ايه
بفكر نعزمه عندنا او برة مثلا في يوم و بفكر اجيب لمراته خاتم فضة مكتوب عليه اسمها برضه بس مش عارفة

عايزة اقتراحاتكم لو سمحتوا عارفة ان ذوقكم عالي

انا رائى تجيبلها حاجه غير الخاتم عشان متضمنيش المقاس بتعها
ممكن لو انتى قريبه من مدينه نصر فى استوديو اسمه سعيد كلر بيعمل الصور على كريستال لو عندك صورهم ممكن تعمليلهم اكيد هتعجبهم
او ممكن تجبيلها حاجه ديكور سيلفر شيك او حتى حاجه ليها علاقه بمصر او حاجه شكلها عربى اهو بما انهم بره ويكون شكلها مختلف

او سلسله فضه :thumbs_up:

وربنا يكملك على خير

بنات بصو المحشي الجديد ده
حد سمع عن محشي اللفت؟؟ :woo:
http://forums.3roos.com/showthread.php?p=14273908#post14273908
مش عارفة ليه خاطر في بالي اجيب لفتاية ولما نعملو محشي اجرب واحدة ولا اتنين واشوف

طب انا دلوقتي هنزل شغلي من اول الاسبوع الجاي ان شاء الله و عايزة اكلات تتحط في التلاجة وتححضر بسرعة او ممكن اسويها الصبح و اسخنها لما ارجع عشان ممكن جوزي يرجع معايا او قبلي كمان بساعة كدة

و معلش بلاش تقولولي الاكل على يومين عشان للاسف جوزي مش بيحب البايت

بونبون
ممكن تعملي صنيه بطاطس بيضا مع الكفته بتبقي حلوه


عملت دلوقتي باستا فلورا واخيرا ظبت معايا انا مبسوطه اوي والجديد بقي ان كان فاضل منها حته عجينه عملت منها بسكوتات صغيره كان طعمها رهيب بجد ودي المقادير لو حد عاوز انا كنت جيباها من علي النت
٢ونص كبايه دقيق
٣/٤‏ كبايه سكر
٣/٤‏ كبايه سمن
فانيليا وبودر
٢‏ بيضه

amatalrahman237;14274737:
طب انا دلوقتي هنزل شغلي من اول الاسبوع الجاي ان شاء الله و عايزة اكلات تتحط في التلاجة وتححضر بسرعة او ممكن اسويها الصبح و اسخنها لما ارجع عشان ممكن جوزي يرجع معايا او قبلي كمان بساعة كدة

و معلش بلاش تقولولي الاكل على يومين عشان للاسف جوزي مش بيحب البايت

شكرا يا جميل على الباستا فلورا F:
وكمان فراشة الايمان بعتتلي رسالة الله يعزها F:

بصي اعملي محشي ورق عنب وشيليه بس تكوني عاملة حسابك مش هقعد في الفريزر اكتر من 3 ايام
اعملي صينية مكرونة بشاميل وشيليها من غير تسوية عادي
صبعي كفتة، احشي خرشوف باللحمة المفرومة وبطاطس بعد ما تشوحيهم وشيليهم في طبق فويل
خلي عندك في التلاجة رنجة وفول
اعملي شوربة عدس وجهزيها خالص وشيليها في برطمان كبير ولما تيجي من الشغل شوحي البصلة وانزلي بالعدس يعني خلي بس الخطوة الاخيرة
جهزي عندك صلصات متسبكة للطبخ
تبلي بانيه وشيليه في اطباق فويل تيجي من الشغل تنزلي المكرونة وتحمري البانيه على طول
لو هتطبخي اكل
من بالليل تسوي اللحمة في الصلصة تبقى تلاتربع سوا ولما تيجي من الشغل تسقطي الخضار وتعملي الرز وبس
لو هتعملي فاصوليا او لوبا ناشفة تنقعيها لما تيجي من الشغل على بالليل تسلقيها وتجهزيها
عصجي الحمة المفرومة شيليها في الفريز وممكن تعملي بشاميل تشيليها في علبة لما تيجي تقلي كوسة واعملي صينية كوسة بالبشاميل
اعملي كفتة رز وشيليها مقلية في الفريز ويوم ما تعملي الاكلة اسقطيها في الصلصة

دي شوية افكار اهي يا جميل :)

بنات مش عارفة فيه حاجة غريبة دايما تحصل لما اعمل تورتة الشوكولاتة تحديدا ، وكمان بحس المقدار ده بتاع ناني محتاج صينية اكبر من 24 او اعلي الفرن اكتر من 170 زي ما هي قايلة، لأنها كده بتاخد وقت طويل اوي اوي عندي وطبعا بيحصل مشكلة ، بعد كده هخليها علي 180 زي اي كيك تاني وربنا يستر بقي بجد، وكمان مش عارفة ليه اتشققت المرة دي من الوش كده، انا عملتها بكاكاو المرة دي والمرة اللي فاتت كانت بالشوكولاتة وكانت كويسة بس زي ما بقولكم اخدت وقت رهيب بجد.

crazy ananas;14274340:
وحشاااانى يا كتكت ويارب تكونى بخير انتى وجوجو
ولو عرفت هبقى اقولك ;)

وانتي كمان يا انوسة وحشاني جدا جدا والله، شفتي ملقتش الموبايل زي بتاع نور لما رحت التوحيد :(

بيرق أمل;14274595:
بنات بصو المحشي الجديد ده
حد سمع عن محشي اللفت؟؟ :woo:
http://forums.3roos.com/showthread.php?p=14273908#post14273908
مش عارفة ليه خاطر في بالي اجيب لفتاية ولما نعملو محشي اجرب واحدة ولا اتنين واشوف

اه ده زماااااان كانوا بيعملوا يعني الجدات وكده ماما بتحكيلي محشي لفت ومحشي كرات ومحشي البصل ده عادي موجود دلوقتي بس محبش ادوقه ولا اعمله وفيه انواع تانية كمان نسياها

بنات ازيكم وحده وحده عملت البيتي فور بطريقه فراشه ودعتلك كتير والله بس انا عانيت مع اني عملت بنفس المقادير بضبط بس ممكن يكون بختلاف الكبايات كان بينزل بصعوبه مني جدا من كيس الحلواني وحسيت انه عايز زبده زياده وتلسع مني سنه فلفرن بس طعمه جميل يا قمر منتحرمش منك المره الجايه اضبطه اكترررر وزيينه بقي

مركز التحميل مش طالع عندي بكره ان شاء الله بقي احاول تاني

[BACKGROUND="70 #333333"]ازيكم يابنات انا استفدت منكم كتير اوى
ده كب كيك بس بيطلع تحفه معايا وبحشيه من جواه بكريم شانتيه

ودى كيكه التيجر مش عارفه هبطت ليه مع انى مش فتحت عليها خالص واتحرقت على خفيف من تحت تفكرو علشان مش دهنت الصنيه ولا علشان هى كانت تحت ف الفرن اصلى مش رفعتها ولا خليتها ف النص كانت تحت :o:!!:
[/BACKGROUND]

ra_tamima;14278357:
[BACKGROUND="70 #333333"]
ودى كيكه التيجر مش عارفه هبطت ليه مع انى مش فتحت عليها خالص واتحرقت على خفيف من تحت تفكرو علشان مش دهنت الصنيه ولا علشان هى كانت تحت ف الفرن اصلى مش رفعتها ولا خليتها ف النص كانت تحت :o:!!:
[/BACKGROUND]

حلوين اوي يا جميلة تسلم ايديكي، اه مفروض اي كيك يتحط في الرف الوسطاني مش تحت خالص وعلي 180