meshmesh 2009;14248116:
سلام عليكم ازيكم يا بنات
ده طبق ممبار كنت عملته من يومين كده على السريع
انا بعمله صغنون ومكلبظ كده محدش يضحك ههههههههههههه
ما شاء الله يجنن يا مشمش انا بجد نفسي في اي حاجة من فصيلة المحاشي
الممبار والكرنب خصوصا:adore:
بس الحمد لله اكلت محشي كرنب النهاردة
sosiii-cat;14248177:
رشرووش ولوتس جزاكم الله كل خير خلاص بلاش احسن هعملها قبلها بيوم والله المستعان
وتسلم ايدك يا مشمش علي الممبار انا بحبه كدة :thumbs_up:
جزانا واياكي يا سوسي
cat lolo;14250065:
وحشتونى قووى تسلم ايديكو الاكلات كلها جميله وكلكو شطورين جداااااااا
انا كنت عامله بيتزا الناهرده بس كانت رووووعه هنا فى البيت الى قالو لى كده انا مش بشكر فى نفسى كنت عايزة اصورها لكم بس نسيت المره الجايه بقا
تسلم ايدك يا قمر
amatalrahman237;14251349:
طب ممكن افهم ليه يا قمر عشان دايما اسمع كدة بس مش مقتنعة بصراحة
يعني لما افكر كدة اقول انه معنى المثل ان كلنا محتاجين مساعدة و بحس انه بيقولنا بلاش تفتكر ان حد هو اللي هيساعدك دة ربنا هو المعين و احنا كلنا عباد المعين
اقلبها كدة اقلبها كدة مش مقتنعة برضه
ياريت تفهميني لو عارفة السبب :)
بصي يا عسل اسمك عزيز عليا :)
احنا لما بنقول المثل بنبقي فعلا قاصدين المعني اللي بنقوله ده تمام
لكن لو مشينا حرفيا بقي جبتك يا عبد المعين
اولا المعين مش من اسماء الله الحسني سليم
احنا بنقول الله المستعان مش الله المعين
ممكن نقول ان المعين اسم فاعل من فعل اعان.. يعين .. معين
نيجي بقي للمثل عبد المعين مش حاسين ان فيها شوية سخرية. استغفر الله العظيم
يعني انت يا اللي ربك المعين معرفتش تحلها ..بس كده
واتمني اكون اصبت وقدرت افهمك النقطة
بجد في امثال كتير والفاظ بتخالف العقيدة لازم ناخد بالنا منها
اللهم ارزقنا حسن القول والعمل
DodyCat;14252241:
أرجوكو أدعو لجدتى دخلت العمليات دلوقتى
ربنا يشفيها ويعافيها ويجعله طهور ان شاء الله
مدام/اشرى;14252330:
ازيكوا يا عيااال
عملت امبارح كيكة التايجر اخييييييييييييييييييييييييييرااا
عالجولى بقا المشاكل دى بسسسسسسرعة
تسلم ايدك يا اشري
الكيك سيبيها تبرد براحتها في الفرن بما ان الجو هوا وبارد كمان اليومين دول
بس جميلة ما شاء الله
@زهرة دبلانة@;14253384:
وحشتووونى كيفكم؟؟؟
لوتس اللهم امين متحرمش منك بس انا بضم نفسى لامة الرحمان وعايزة اعرف ليه المثل ده خطا ؟لان انا احيانا عندى لازمة فيه وبقوله لما تبقى عايزة اى عون ومساعدة من انسان فتلاقيه اشد منك احتياجا هههه ويحتاجك انتى لنجدته فلو فعلا بينتيلى خطاه يبقى جزاكى الله خيرا
خلصتى امتحانات ولا لسه؟
انا فهمتها فوق يا رورو يا حبي
لا انا لسه هخلص يوم 29 باذن الله
Bossy22;14253659:
انا جايبلكوو حاجة على قدى كده الباستافلورا عملتها تحفففففة جداااطعمها جميل جداا و عملتها بالزيت كمان و روعة تسلم ايدين دودى و بسبس الطريقة 2 كوب دقيق +تلتين كوب سكر+تلتين كوب زيت+فانيليا +بيكنج باودر+ 2 بيضة+بشر لمون و مربى
ما شاء الله جميلة تسلم ايدك يا بوسي
شجعتوني اجربها
عملناها مرة في الاقتصاد المنزلي في اعدادي كانت جميلة
@زهرة دبلانة@;14254266:
بنات انا عايزة احسن طريقةة للبطة والديك الرومى والحمام لانى مالياش فيهم خالص
انا برده عملت باستا فلورا امبارح بجد تسلم ايد بسبس ودودى روووعة وطعمها عجب الكل اوووى واكلناها مع شاى وعملت بمربى برتقال 3 معالق بس وحطيت بشرلمون زى بسبس كانت طعمها فريد وروووعة بجد
بصي يا رورو الحمام اعمليه بطريقة السمان اللي انا منزلاها جميلة الطريقة
البط بقي اسلقيه عادي وحمريه في الزيت او اعمليله تتبيلة وتدخليه الفرن يتحمر
القطة توتو;14254753:
ت
و لوتس جزاكي الله خيرا على نصيحتك وسابحث الموضوع باذن الله
بس على فكرة انا زعلانة8o|عشان محدش قالي ع البيكاتا ومخاصماكو كمان
جزانا واياكي يا حبيبتي تسلمي
Boody we zady;14254978:
الغدا لازنيا و بطاطس بيوريه ... اللزانيا في الموقع و البيريه عيباره عن بطاطس مسلوقه و مهروسه و عليها شويه لبن و حته زبده و ملح و كمون و علي الوش حطيت بقسماط و حمرت الوش و بس
تسلم ايدك يا ام بودي بالف هنا
