كل يوم هنتكلم عن موضوع جديد خاص بصحه طفلك

~OM-ADAM~;14323869:
بنات الحمدلله رحت للدكتورة قالت العلاج كمان ١٥ يوم و نشوف بقي.. اللي يغيظ بقي ان البتاعه اللي في رقبته هربت و احنا هناك لدرجة أنا مش عرفت احدد مكانها وكده الدكتورة فهمت انها بتصغر وكان عنده في ايديه و رجليه حبوب صغيرة قالتلي جلده حساس طيب ماهو كل لبسه قطن ده من ايه بقي مش عارفه وكتبتله دهان للحبوب دي و علاج للبرد و هروح ثاني كمان خمس أيام..

بوسى الحمد لله يا حبيبتى انا كنت مستنياكى تيجى تقولى حصل ايه
و معنى انك مش عارفه تحددى مكانها انها فعلا صغرت بس انتى اللى مش واخده بالك

قوليلى هيا الدكتورة قالتلك تكملى بالريماكتين 15 يوم كمان؟ و ايه الادويه التانيه اللى اديتهالك؟

ربنا يكرمك يا أم سيمو متحرمش منك.. هي قالت ريمكتان كمان زجاجة ونشوف و الزجاجة عندي بتقضي أسبوعين تقريبا.. كتبت سالينيكس للخنفرة و برينجو لايديه ورجليه ورينو ستوب للبرد بس لما فتحنا الدوا وقبل ما جوزي يدي لآدم بص ع النشرة لقي مكتوب ممنوع لأقل من ست سنوات مع اني فاكرة انكم كنتم بتقولوا عليه في سن أقل من كده هو هيكلمها النهارده يقولها.. وسألها ثاني ع الفيتامينات مع اننا كنا متفقين هنجيب خلاص قالتله لما تيجي كمان خمس أيام يكون كمل ٣ شهور ونص هكتبلكم عليه ان شاء الله.. ولقينا وزنه الحمدلله ٦٦٠٠ وهو كان من أسبوعين ٦١٠٠ الحمدلله مش عارفه بقي ابدأ أدوقه اكل بعد الرابع ولا وزنه هيزيد عن الطبيعي..

~OM-ADAM~;14327276:
ربنا يكرمك يا أم سيمو متحرمش منك.. هي قالت ريمكتان كمان زجاجة ونشوف و الزجاجة عندي بتقضي أسبوعين تقريبا.. كتبت سالينيكس للخنفرة و برينجو لايديه ورجليه ورينو ستوب للبرد بس لما فتحنا الدوا وقبل ما جوزي يدي لآدم بص ع النشرة لقي مكتوب ممنوع لأقل من ست سنوات مع اني فاكرة انكم كنتم بتقولوا عليه في سن أقل من كده هو هيكلمها النهارده يقولها.. وسألها ثاني ع الفيتامينات مع اننا كنا متفقين هنجيب خلاص قالتله لما تيجي كمان خمس أيام يكون كمل ٣ شهور ونص هكتبلكم عليه ان شاء الله.. ولقينا وزنه الحمدلله ٦٦٠٠ وهو كان من أسبوعين ٦١٠٠ الحمدلله مش عارفه بقي ابدأ أدوقه اكل بعد الرابع ولا وزنه هيزيد عن الطبيعي..

بصى ادويه البرد كلها مكتوب عليها من سنين
بس هيا مكوناتها عادى ممكن تستعمل قبل كده
بس انا عن نفسى مش بحب ادويه البرد قبل البيبى ميكمل سنه كده اامن
و فى طبعا حاجات متنفعش قبل سنتين زى الكونجيستال فلو البرد مش جامد اوى انتى ممكن تكتفى بالسالينكس بس

بالنسبه لوزنه كده جميل ما شاء الله
انا راييى متبدايش تدخلى اكل من اول الرابع خليه فى اخرة
يعنى لما يتم شهولر ان شاء الله ابداى دوقيه الاكل بس

السلام عليكم ازيكم جميعا ازيك يا ام سيمو جزاكى الله كل خير
انا عندي استفسار
انا هنا في الامارات ومحمد بيتطعم حسب تطعيمات هنا ومن ضمن التطعيمات تطعيم الانفلونزا هو كان اتاخر عليه جرعه مخدهاش مع باقي التطعيمات
بس حددوله يوم للجرعه دي واخدهااا وكملها خلاص
المشكله ان بعد اخر تطعيم له لاقيت على بطنه وظهره حبوب حمرا صغيره اووى بس كتيررررررررررر وفي بطنه وظهره بس تفتكري دي حساسيه من حاجه ولا من التطعيم ولا ايه عامه هي قعدت معاه 3 ايام وبعد كده خفت خالص وقربت تختفي يبئا ده ايه؟

اه طبعا يا أم سيمو أنا قصدي بعد الرابع ما يخلص يعني أول الخامس أو علي نصه كمان يعني يدوق ويأخذ علي المعلقة وكده.. هو الزبادي بيدخل للبيبي من امتي و لو هعمله في البيت يبقي كويس ولا ايه أنا مش بحب الجاهز خالص بعمله بيتي؟

ام سيمو انا سمعت الدكتور مدحت الزيات بيقول امبارح ان بعد ست شهور تبدأ تدخل وجبه كامله 150 ملل هيقعد 3 ساعات و 200 ملل هيقعد 4 ساعات شبعان كده يعني

كان بيقول الافضل ياكل وجبه كامله الى هي 200 سواء سيريالز او حجات كده مش تطعيم

ق انا كونى بدى حجات بسيطة معلقه او اتنين من الحاجه ده ميعتبرش وجبه مش كده وده هيكون ف اول الخامس ان شاء الله

مشمش ام محمد;14330797:
السلام عليكم ازيكم جميعا ازيك يا ام سيمو جزاكى الله كل خير
انا عندي استفسار
انا هنا في الامارات ومحمد بيتطعم حسب تطعيمات هنا ومن ضمن التطعيمات تطعيم الانفلونزا هو كان اتاخر عليه جرعه مخدهاش مع باقي التطعيمات
بس حددوله يوم للجرعه دي واخدهااا وكملها خلاص
المشكله ان بعد اخر تطعيم له لاقيت على بطنه وظهره حبوب حمرا صغيره اووى بس كتيررررررررررر وفي بطنه وظهره بس تفتكري دي حساسيه من حاجه ولا من التطعيم ولا ايه عامه هي قعدت معاه 3 ايام وبعد كده خفت خالص وقربت تختفي يبئا ده ايه؟

اه ممكن يا مشمش يبقى حساسيه من التطعيم
عامه فى بعض التطعيمات د ممكن من الاعراض الجانبيه منه يظهر طفح جلدى
ومنها تطعيم الحصبه برده

~OM-ADAM~;14330863:
اه طبعا يا أم سيمو أنا قصدي بعد الرابع ما يخلص يعني أول الخامس أو علي نصه كمان يعني يدوق ويأخذ علي المعلقة وكده.. هو الزبادي بيدخل للبيبي من امتي و لو هعمله في البيت يبقي كويس ولا ايه أنا مش بحب الجاهز خالص بعمله بيتي؟

لا يا بوسى انا اقصد بعد ميتم الرابع
و الزبادى احسن حاجه فعلا انك تعمليه فى البيت
بس شيلى الدسم طبعا
و جربيه لو لقيتيه عمل اسهال لادم يبقى وقفيه و اجليه شويه

M!ss Tuky;14331238:
ام سيمو انا سمعت الدكتور مدحت الزيات بيقول امبارح ان بعد ست شهور تبدأ تدخل وجبه كامله 150 ملل هيقعد 3 ساعات و 200 ملل هيقعد 4 ساعات شبعان كده يعني

كان بيقول الافضل ياكل وجبه كامله الى هي 200 سواء سيريالز او حجات كده مش تطعيم

ق انا كونى بدى حجات بسيطة معلقه او اتنين من الحاجه ده ميعتبرش وجبه مش كده وده هيكون ف اول الخامس ان شاء الله

ايوة طبعا يا توكى بعد السادس
يبقى مش مجرد تطعيم وجبات كامله
ممكن وجبه او اتنين فى اليوم

طيب يا ام ادم دلوقتي انتي هتدي لابنك زبادي و هوا معمول من لبن جاموسي او بقري و دلوقتي لسه هوا مكملش سنة انا بقولك اللي اعرفه ان المفروض الزبادي يكون بعد سنة عشان مش معمول من لبن مخصص للاطفال الرضع و ممكن لا قدر الله يجيبله حساسية انا اسفة اني بنصحك بس بقولك اللي اعرفه يا حبيبتي

طيب السادس الى يقصدو هو اول السادس ولا بعد ما يتم السادس ؟

أم سيمو هنبدأ اللخبطة اهو هههههههه يابنتي مش بعد الرابع يعني بعد ما يخلص الرابع يعني أول الخامس ولا ايه؟ دندونة فيه بردو حاجة اسمها اسفه اني بنصحك امال كلنا بندخل هنا ليه بقي ما أنا علشان كده بسأل لاني شفت بنات كثير الدكاترة قالوا لهم يدوا زبادي عادي واولادهم لسه مش سنة ولا حاجة علشان كده بسأل

و الله يا ام ادم انا قلتلتك على المعلومات اللي اعرفها يا قمراية

توكي يا حبيبتي السادس يعني لما يخلصه و يبدأ في السابع ان شاء الله

يا بنات بعد السادس يعنى بعد ميخلص 6شهور و يبدا فى السابع
و بعد الرابع يعنى بعد ميخلص 4 شهور و يبدا فى الخامس و صلت؟
:):)

بالنسبه بقى لموضوع الزبادى و منتجات الالبان

عشان نفهم الجزئيه دى لازم نعرف اجابه السؤال ده؟

ليه اللبن ممنوع قبل سنه؟

اولا: لان اللبن البقرى بيبقى فيه بروتينات صعبه الهضم على معده البيبى

ثانيا: و دا من اهم الاسباب اللى خلت منظمه الصحه تمنعه ان الناس بتبقى فاكرة انه ممكن يحل محل لبن الام
و هو فى الحقيقه مش بيبقى فيه كل المكونات الغذائيه اللى فى لبن الام عشان كده مش بيغنى عنه

ثالثا: فى حالات قليله بيبقى عندها حساسيه من اللبن البقرى

رابعا:نسبه املاح الصوديوم والبوتاسيوم فى اللبن البقرى او الجاموسى بتبقى عاليه اكتر من لبن الام و بتسبب حمل كبير على كليه البيبى

مفهومه؟

يبقى دلوقتى لو اللبن الجاموسى اتخفف النص بالنص مايه هنبقى اتغلبنا على مشكله الاملاح


طيب بالنسبه لمنتجات الالبان زى الزبادى و الجبنه؟

الحاجات دى فى تصنيعها بتكسر اللاكتوز و البروتينات اللى كانت صعبه فى الهضم اللى قولنا عليها
فبتبقى خفيفه ع البيبى و سهله الهضم


و بكده بيبقى الزبادى و الجبنه مناسبه للطفل من سن 6شهور
طب ليه بقى منستفيدش من الكالسيوم والبكتيريا النافعه اللى موجوده فى الزبادى


و احنا بنعمل تست الاول بكميات قليله لاقيناها سببت مشاكل للبيبى بناخرها كمان شهرين

او لو كان فى تاريخ فى العيله ان حد عنده حساسيه من الالبان ساعتها بيفضل انك تاخرى منتجات الالبان


يا رب اكون قدرت اوصلكو المعلومه
:):):):)

طيب يا ام سيمو انا اكلت تاتا معلقه زبادى قبل كده والحمدلله ملاحظتش تغييرات عليها او تقريبا هو هو الى بيحصلها

ممكن تقولييل ايه التغيرات الى بكده نعرف ان البيبي عنده حساسيه من الالبان او الزبادى ؟

انتوا عارفين انا لما وديت جودى للدكتور بتاعها اللى كان بتاعى زمان انا وجوزى لما كنا اطفال قالى اول لما تبدا الاربعين دوقيها عصاير ولما بدات اديها كنت بديها مايه عنب لانه يعتبر جلوكوز ليها وكانت بين معلقه والتانيه كانت تعد تعيط انها عايزه تانى بجد كنت بفرح اوى لانها كانت يدوبك شهر ونص ولا حاجه واول ما تمت 4 شهور كان بيقولى اديها زبادى عادى وكمان كنت بحط عليه بسكوت وساعات كنت بديها زبادى فواكه وكانت بتحبه جداااااااااا وكان بيقولى متنظميش رضاعتها انتى متاحه ليها فى اى وقت حتى لو هى عايزه تاخده لعبه
انا عارفه انكم هتقولوا عليه دكتور غريب لكن بجد انا بثق فيه جداااااااااااااا لانه كان دكتورى وانا صغيره انا وجوزى وملفنا لحد دلوقتى عنده وبيبقى عنده ناس كتيييييييييييير جداااااااا

أم سيمو ايوه ما هو ده قصدي بعد الرابع يعني بعد ما يخلص بس أنتي مش اخذتي بالك ههههههه عندك واحدة كده.. طيب يعني كده اجرب لآدم الزبادي بعد الرابع ان شاء الله معلقة كده لو تمام يبقي عادي أديله منه مش كده.. طيب دلوقتي كان فيه بنات بيعملوا السيريلاك خفيف و في الببرونة ايه الحكمة من كده إذا كان الغرض من الاكل دلوقتي ان يأخذ البيبي علي حاجة غير الرضاعة و يعرف المعلقة و الاكل؟ و هل لو سلقت رز و ضربته و صفيته يبقي أحسن في سيريلاك الأرز ولا أنتي ايه رأيك؟ قصدي يعني ان تبقي كل البدائل من البيت اضمن و انظف اكل بره ده مهما كان فيه مواد حافظة ولا ايه؟

يا بنات انا عملت استخباراتى الدوليه على موضوع الزبادى و لقيت انه من 7 شهور عادى بعد ما يتمهم وده للى عايز امان اكتر يستنى 8او 9 شهور ده اللى بيقولوه الدكاترة فى امريكا و انا كنت موقفاه خالص بس بعد الكلام ده رجعيت اديها و برده مش مرتاحة بس هو حلاوته انمه سهل تخرجى بعلبة الزبادى ملكة ههههههههههههههه اول ما البيبى يجوع تلاقى حاجة تسعفك

M!ss Tuky;14335907:
طيب يا ام سيمو انا اكلت تاتا معلقه زبادى قبل كده والحمدلله ملاحظتش تغييرات عليها او تقريبا هو هو الى بيحصلها

ممكن تقولييل ايه التغيرات الى بكده نعرف ان البيبي عنده حساسيه من الالبان او الزبادى ؟

اعراض الحساسيه بتختلف من طفل للتانى

بس اشهر الاعراض دى:

اسهال او دم فى البراز

ترجيع مستمر بعد الاكل

طفح جلدى

تزييق فى الصدر و خروشه

سيلان مستمر فى الانف

مغص و بكاء مستمر بعد الاكل

لو لاحظتى الاعراض دى يبقى وقفيه وشوفى لو الاعراض راحت يبقى هو السبب

quiet girl;14337777:
انتوا عارفين انا لما وديت جودى للدكتور بتاعها اللى كان بتاعى زمان انا وجوزى لما كنا اطفال قالى اول لما تبدا الاربعين دوقيها عصاير ولما بدات اديها كنت بديها مايه عنب لانه يعتبر جلوكوز ليها وكانت بين معلقه والتانيه كانت تعد تعيط انها عايزه تانى بجد كنت بفرح اوى لانها كانت يدوبك شهر ونص ولا حاجه واول ما تمت 4 شهور كان بيقولى اديها زبادى عادى وكمان كنت بحط عليه بسكوت وساعات كنت بديها زبادى فواكه وكانت بتحبه جداااااااااا وكان بيقولى متنظميش رضاعتها انتى متاحه ليها فى اى وقت حتى لو هى عايزه تاخده لعبه
انا عارفه انكم هتقولوا عليه دكتور غريب لكن بجد انا بثق فيه جداااااااااااااا لانه كان دكتورى وانا صغيره انا وجوزى وملفنا لحد دلوقتى عنده وبيبقى عنده ناس كتيييييييييييير جداااااااا

فعلا دكتور غريب بس هو عشان كبير

مش ماشى تبع الطب الحديث:):)

~OM-ADAM~;14338066:
أم سيمو ايوه ما هو ده قصدي بعد الرابع يعني بعد ما يخلص بس أنتي مش اخذتي بالك ههههههه عندك واحدة كده.. طيب يعني كده اجرب لآدم الزبادي بعد الرابع ان شاء الله معلقة كده لو تمام يبقي عادي أديله منه مش كده.. طيب دلوقتي كان فيه بنات بيعملوا السيريلاك خفيف و في الببرونة ايه الحكمة من كده إذا كان الغرض من الاكل دلوقتي ان يأخذ البيبي علي حاجة غير الرضاعة و يعرف المعلقة و الاكل؟ و هل لو سلقت رز و ضربته و صفيته يبقي أحسن في سيريلاك الأرز ولا أنتي ايه رأيك؟ قصدي يعني ان تبقي كل البدائل من البيت اضمن و انظف اكل بره ده مهما كان فيه مواد حافظة ولا ايه؟

ههههههههههههه معلش يا بوسى العتب ع النظر

ممكن اه تبداى زى مقولتى تجربى مع انى بحبز تستنى للسادس عشان تبقى فى الامان

بالنسبه للسيريلاك بيتهيالى هما بيعملوه سايل عشان يبقى سهل عليهم ياخدوه لو خارجين بره
انما لو ابنك هيتقبله ماسك نفسه يبقى كده افضل

و طبعا الحاجات لما تتعمل فى البيت يبقى احلى نحاول على قد منقدر نبعد عن المواد الحافظه
بس هيا الفكرة ان فى سيريلاك بيبقو مزودين حاجات ع الرز يعنى فيتامين وحديد و الحاجات اللى بتبقى موجوده ع العلبه دى

Bossy22;14339381:
يا بنات انا عملت استخباراتى الدوليه على موضوع الزبادى و لقيت انه من 7 شهور عادى بعد ما يتمهم وده للى عايز امان اكتر يستنى 8او 9 شهور ده اللى بيقولوه الدكاترة فى امريكا و انا كنت موقفاه خالص بس بعد الكلام ده رجعيت اديها و برده مش مرتاحة بس هو حلاوته انمه سهل تخرجى بعلبة الزبادى ملكة ههههههههههههههه اول ما البيبى يجوع تلاقى حاجة تسعفك

يا واد انت يا بتاع الاستخبارات

متخافيش من الزبادى بقى بعد المنشيت اللى كتبته ده ولسه خايفه:):):):)

ام سيمو جزاك الله خيرا
موضوع رااااااااااااااااااااااااااااااااائع

ام سيمو ممكن تقوليلي اعمل ايه مع جود الكيكي بينزل جامد كده وناشف أوي أوي ياحرام بتصرخ وتعيط بتصعب عليا انا خايفه تتعقد من الموضوع ده

مريوم أنتي بتديلها سوائل كفاية ولا لا حاولي تزودي السوائل لها وألف سلامة عليها