كل يوم هنتكلم عن موضوع جديد خاص بصحه طفلك

ياسمينــــا;14406755:
ام سيمو
بجد جزاكى الله كل الخير
ربنا يكتب في ميزان حسانتك يارب ويخليك سيمو
بصي عندى سؤال ياريت مكنش بتقل عليكى
انا آدم تعبان وبيرجع وطول الوقت عياط وبلغم كتييير انا بأكلة زبادى وسيرلاك قمح وبرطمانات هيرو بيبي دية الي هي بالفاكة
تفتكري البلغم زاد عندة بسبب الاكل واديلة اية علشان البرد الي في معدتة دة
معلش تقلت عليكى انتى عارفة الي احنا فية في مصر ومش عارفة اروح لأي دكتور خايفة موووووووووت أنزل بية منرجعش اصلا
ربنا يعدى الايام دية على خيييير ياااارب

ربنا يخليكى يا ياسمينا و الف سلامه على ادم
بصى يا حبيبتى اول حاجه اتاكدى انه ترجيع مش ارتجاع و احنا قلنا ازاى نفرق مابينهم هنا
http://forums.3roos.com/showpost.php?p=14193971&postcount=189


لو هو ترجيع يعنى بينطر لقدام و مصاحبه انقباض فى المعده
ممكن تستعملى
motinorm susp
2.5 سم 3 مرات فى اليوم

و لو هو بيرجع كل حاجه و مفيش حاجه بتستنى فى بطنه يبقى الافضل تعرضيه على دكتور

بالنسبه للبلغم هل معاه كحه
او كان عنده دور برد و رشح؟
ممكن يكون البلغم ده نفسه هو سبب الترجيع بس لازم تقوليلى سبب البلغم نفسه

و نصيحه اعملى الفاكهه فى البيت احلى من البرطمانات الجاهزة خليها للطوارىء بس
يعنى لو خارجه برة ولا حاجه
مهما كان بيبقى فيها مواد حافظه حاولى طول منتى فى البيت تخلى اعتمادك ع الفاكهه الطازة و الخضار برده

العاب الاطفال



طبعا الطفل فى مراحل عمرة المختلفه بييبقى محتاج التواصل معاكى
و انك تلعبى معاه دا متاج منك تبقى عارفه كل سن ايه المهارات الجديده اللى ممكن يكتسبها و ايه الالعاب اللى تناسب السن ده
اول 3 شهور:




الطفل فى السن ده بيبقى محتاج اكتر للنوم و الرضاعه اكتر حاجه و هما دول اللى بيخلوه يشعر بالسعاده\
بس دا ميمنعش انه بيبدا يتعرف عليكى من خلال صوتك و تعبيرات و شك و لمساتك
و الحاجات دى بتخليه يحس اكتر بالامان
مع انك ممكن ماتحسيش باى استجابه منه الا بعد الشهرين او 3 شهور لما يبدا يديكى ابتسامته الجميله
ممكن برده اول ميتعلم يفتح ايده و يقفلها تحطيله فيها لعبه صغيرة او شخشيخه و هو مع الوقت هيفهم انه لما يبتدى يرك ايديه هتعمل صوت
استجيبى للاصوات اللى بيطلعها البيبى و اعملى زيها عشان تشجعبه يكررها
الالعاب المناسبه للسن ده




:
طبعا من افضل الالعاب المناسبه للسن ده هى لعبه السرير
بتوفرله كمان الموسيقى الهاديه اللى بتناسبه فى السن ده










من 3 ل 6 شهور:


طبعا فى الوقت ده احساس البيبى بالملمس و انجذابه للالوان بيزيد فانتى حاولى توفريله العاب ملونه كتير
مختلفه فى الملمس و الشكل و الحجم
و هيبدا يتعرف على الوجوه المالوفه و يضحك بصوت عالى
هيتعلم ازاى يشد لعبه
هتلاقيه بيقعد يبص على ايديه و هيا بتتحرك و بتبقى ممتعه بالنسباله
امسكى ايديه و حركيها و خليه يسقف
استعملى الالعاب اللى بتطلع اصوات عشان تجذب انتباههه
خللى وقت من يومه يقضيه نايم على بطنه عشان تساعديه على تقويه عصلات الرقبه
و انتى تبقى مرقباه


الالعاب المناسبه:
الالعاب القطنيه والعضاضات











البيبى جيم






المرايات














6-9 شهور:




معظم البيبيهات هيبقو قادرين يقعدو لوحدهم فى السن ده


و لما حاجه تقع منه هتلاقيه بيدور عليها


و هتلاقيه متفاعل اكتر معاكى و مع اللى حواليه


الالعاب اللى تناسب السن ده هى اللى الالعاب اللى بتدى رد فعل لحركاته زى البيانو اللى بيعمل اصوات و اضواء لما يلعب عليه










و الموبايل











من 9 ل 12 سنه:

طبعا دا وقت الانطلاق
معظم الاطفال بيكونو بداو يتحركو بيحبو او يسندو ع الاثاث و يمشو
هتحتاجى فى الوقت ده للالعاب اللى تساعدهم ع المشى زى المشايه














او على الزحف زى الكورة اللى بتبعد كل مايمسكها






و دى بعض الالعاب المفيده













من سنه ل سنتين:



طفلك دلوقتى غالبا ممكن يكون بيمش لوحده


و قادر انه يلعب لوحده و يستمتع بوقته


و يبدا يستعمل الالعاب فى استعمالاتها الصحيحه




و من الالعاب اللى تناسبه



























واشوفكم على خير بعد يومين ان شاء الله

هنوحشونى:):)

جزاكى الله كل الخيلر على اللى بتعمليه وبتفدينا بيه ربنا يقعدلك كل خير ياررررررررررررررب

والله يادندن انتى بنت حلال وربنا هيجازيكى خيرويشفيلك سما ويفرحك بشفائها تصدقى الام الرضاعة كانت بتجيلى زى ماشرحتى بالظبط والعضمة اللى ف الايد دى كانت بتالمنى جدا وماكنتش اعرف السبب وكنت اقول من غسيل المواعين ههههههههههههه ربنا يبارك فيكى
وضحكتينى موت على ان سما زعلانه على مصر ههههههههههه الله يسعدك ويشفيها ويخفف عنها ويعافيها

وانا عرفت اسمك لانك قلتيه هنا ههههههههه واسمى صحيح ياافندم بس ممكن تحذفيه:o:o
والدرس رائع جدا بس للاسف مش بلاقى اللعب دى ع الاطلاق هنا معرفش ليه ؟؟
وترجعيلنا بالسلامة باذن الله

يا بنات انا جيت تانى:)
لقيت نت عند ماما هو صحيح بطىء و ممل بس شغاااااااااااااااااااااااال

sally2007;14410683:
جزاكى الله كل الخيلر على اللى بتعمليه وبتفدينا بيه ربنا يقعدلك كل خير ياررررررررررررررب

ربنا يخليكى يا سوسو ع الدعوه الحلوة دى

@زهرة دبلانة@;14411139:
والله يادندن انتى بنت حلال وربنا هيجازيكى خيرويشفيلك سما ويفرحك بشفائها تصدقى الام الرضاعة كانت بتجيلى زى ماشرحتى بالظبط والعضمة اللى ف الايد دى كانت بتالمنى جدا وماكنتش اعرف السبب وكنت اقول من غسيل المواعين ههههههههههههه ربنا يبارك فيكى
وضحكتينى موت على ان سما زعلانه على مصر ههههههههههه الله يسعدك ويشفيها ويخفف عنها ويعافيها

وانا عرفت اسمك لانك قلتيه هنا ههههههههه واسمى صحيح ياافندم بس ممكن تحذفيه:o:o
والدرس رائع جدا بس للاسف مش بلاقى اللعب دى ع الاطلاق هنا معرفش ليه ؟؟
وترجعيلنا بالسلامة باذن الله

تسلميلى يا رورو

بس بجد انا اسفه جدا جدا انا مش لاقيه الايقون بتاعه التعديل راحت
بس متخافيش هحاول اتصرف

بالنسبه للوجع انا كمان نفس النظام و كان بيوقفلى ايدى
بس للاسف ملوش علاج غير الجراحه
قولت لا طبعا دا لو فضل يوجعنى طول العمر:lol::lol:
الجبن سيد الاخلاق

السلام عليكم
ازيك يا ام سيمو
جزاكى الله خيرا على كل حاجه
معلش عندى كام سؤال كده
حور مش عندها امساك لا هى بتعمل فى اليوم مرتين او اكتر بس بتتعب اوى وفى الاخر بلاقى الكيكى بتاعها جامد اوى وحته صغيرة
كمان دلوقتى هى مناخيرها مسدودة وبتكح وبتعطس وعنيها دبلانه كده بس مش سخنه اوى ممكن تقوليلى اديها ايه لان الدكتور بتاعها مش بيفتح العياده عشان حظر التجول

katkooota_7aboooba ام حــور;14412653:
السلام عليكم
ازيك يا ام سيمو
جزاكى الله خيرا على كل حاجه
معلش عندى كام سؤال كده
حور مش عندها امساك لا هى بتعمل فى اليوم مرتين او اكتر بس بتتعب اوى وفى الاخر بلاقى الكيكى بتاعها جامد اوى وحته صغيرة
كمان دلوقتى هى مناخيرها مسدودة وبتكح وبتعطس وعنيها دبلانه كده بس مش سخنه اوى ممكن تقوليلى اديها ايه لان الدكتور بتاعها مش بيفتح العياده عشان حظر التجول

ازيك يا ام حور؟
فينك مش باينه من زمان
الف سلامه على حور

بصى حاولى تكترى من الفاكهه و الخضار و شربيها ميه كتير
و سوايل على قد متقدرى
و خصوصا الينسون او البابونج

و بالنسبه للبرد مدام مفيش رشح يبقى خليكى على لايس او اوتريفين بيبى سالين
و قوليلى الكحه ناشفه ولا ببلغم
و كتريلها من السوايل الدافيه
و عصير البرتقال هيساعد معاكى كمان فى الامساك

دندن ولا يهمك ياحبيبتى ماتتعبيش نفسك
وفعلا الجبن سيد الاخلاق هههههههههههههه
بس الحمد لله انا فطمت جوجو من زمان وايديا كويسه الحمد لله

سؤال معلش ياام سيمو الالعاب اللى حطاها دى اكثر من رائعه موجوده عندك ف مصر بتشوفيها ؟؟؟

@زهرة دبلانة@;14414521:
دندن ولا يهمك ياحبيبتى ماتتعبيش نفسك
وفعلا الجبن سيد الاخلاق هههههههههههههه
بس الحمد لله انا فطمت جوجو من زمان وايديا كويسه الحمد لله

سؤال معلش ياام سيمو الالعاب اللى حطاها دى اكثر من رائعه موجوده عندك ف مصر بتشوفيها ؟؟؟

رورو تم التعديل يا قمر
اى خدمه:cool::cool:

بصى الالعاب دى اكترها موجود و بشوفه فى محلات اللعب
و الحاجات الغريبه هتلاقيها ماركات
و فى جروب ع الفيس بوك بيبيع الحاجات دى هبعتهولك ع الخاص

بس بحس اسعاره مبالغ فيها

ام سيمو جزاكى الله كل خير والله بنتبعك معانا والله
انا روحت طعمت جوجو تطعيم السنه ولاقيت وزنها زى ما هو مزدتش خالص 9200 عايزه اعرف هى اصلا المفروض تبقى كام هى مولوده 3500 واعمل معاها ايه بقى بتاكل بسييط اوى وبعد كدا ترفض تكمل اكل
رورو هتلاقى كل اللعب دى فى سنتر بوينت انا شوفتها هناك حتى اخر مره روحت شوفت المرجيحه دى بالظبط تقريبا 150 ريال
واغلبيه اللعب دى بشوفها هناك

quiet girl;14415760:
ام سيمو جزاكى الله كل خير والله بنتبعك معانا والله
انا روحت طعمت جوجو تطعيم السنه ولاقيت وزنها زى ما هو مزدتش خالص 9200 عايزه اعرف هى اصلا المفروض تبقى كام هى مولوده 3500 واعمل معاها ايه بقى بتاكل بسييط اوى وبعد كدا ترفض تكمل اكل
رورو هتلاقى كل اللعب دى فى سنتر بوينت انا شوفتها هناك حتى اخر مره روحت شوفت المرجيحه دى بالظبط تقريبا 150 ريال
واغلبيه اللعب دى بشوفها هناك

دودو متقلقيش الوزن كده كويس الحمد لله
الطبيعى بيبقى من 8 ل 11 و على وزن الولاده كده كويس
و على فكرة معدل الزياده فى الوزن هيبدا يقل
يعنى طول السنه الجايه دى الزاده بتبقى 2 كيلو

بالنسبه للاكل
حاولى معاها بالراحه كده و نوعيلها فى الاكل عشان متزهقش
اكليها قدام التليفزيون و حاولى تلعبى معاها و هيا بتاكل
اهتمى بشكل الاطباق و المعالق اللى بتاكليها فيهم

بمناسبة الطبق و المعلقة ايه مواصفات المعلقة اللي ياكل بيها البيبي أول مرة؟ و هل فيه ماركة معينة حلوة و شكلها ايه و سعرها بالمرة حد يبعتهالي ههههههههه أنا شفت طبق بمعلقة ديزني بس مش رحت ثاني بسبب الظروف طبعا حد يعرف سعره كام و حلو ولا لا؟ أم سيمو هو أنتي رحتي لطنط علشان تقعدي ع النت امشي يا ماما اقعدي معاها يلا ههههههههه

ام سيمو تسلمى اه شفت الجروب بس هتفرج بس هههههههههههههههههه

كوايت جيرل خلاص ابقى اروح اشوف متشكرة اوى جزاكى الله خيرابس نبقى نجبلها ف يوم ميلادها بقى ههههههههههههه وبس كده

~OM-ADAM~;14417954:
بمناسبة الطبق و المعلقة ايه مواصفات المعلقة اللي ياكل بيها البيبي أول مرة؟ و هل فيه ماركة معينة حلوة و شكلها ايه و سعرها بالمرة حد يبعتهالي ههههههههه أنا شفت طبق بمعلقة ديزني بس مش رحت ثاني بسبب الظروف طبعا حد يعرف سعره كام و حلو ولا لا؟ أم سيمو هو أنتي رحتي لطنط علشان تقعدي ع النت امشي يا ماما اقعدي معاها يلا ههههههههه

هههههههههههههههه نفس الكلام اللى ماما بتقولهولى بس اصل مشكلتى انى معرفش اقعد كده لازم حاجه تشغلنى

بصى يا بوسى اعتقد ان الماركه متفرقش
اهم حاجه انها تكون ماركه كويسه يعنى مضمونه
و المعلقه تكون طريه عشان مش تعورة

انا كنت جايبه لسما طبق بيبى جونيور ب 30 جنيه ومعاه معلقه و شوكه
بس بعد كده جبتلها معالق تانيه

امممممم يعني مش اعتمد علي معلقة اللي مع الطبق اجيب ثاني ولا ايه؟ يا حبيبتي أنا نفسي اروح لماما من ييجي شهر مع انها ربع ساعة مواصلات يعني.. و طبعا مش عايزه اقولك عمري ما ابات بره البيت الا لو مسافرين هههههههه جوزي ده غريب مفيش أنا رايحه لماما ذي البنات كده لا لازم سوا سوا طول الوقت كده هههههههه

ام سيمو ازيك ياحبيبتى انا عايزة اسالك في حااجه انا اديت يوسف من يومين كده لبن صناعى ف اليوم ممكن ياخد مثلا 120 مش اكتر من كده المهم من ساعه ما اخده وهو بيعمل كيكى ممكن 3 مراات ولونها فاااتح كده وسايبه شويه مختلفه عن الاول الاول كانت ماسكه ولونها اغمق مش عارفه هو كده يبقى اسهال هو كاام مرة ممكن نقول انه عنده اسهال انا عندى انتينال لو هديله اديله اد ايه

ام سيمو ربنا يجازيكي كل خير
معلش عندي سؤال ليكي انا عندي ادهم بقاله فتره بيرجع كتير فوديته للدكتور قالي هو مفهوش حاجه بس بيرضع كتير فقالي انظمله الرضعات و كنت بديله لبن صناعى مع الطبيعي قالي لا بطليه فيعيني من امبارح و هو عياط على طول فمش عارفه هو كده مش بيشبع و لا ايه و اعرف منين انه شبع
و كمان هو امتى هيبتدي يعرفني

~OM-ADAM~;14417954:
بمناسبة الطبق و المعلقة ايه مواصفات المعلقة اللي ياكل بيها البيبي أول مرة؟ و هل فيه ماركة معينة حلوة و شكلها ايه و سعرها بالمرة حد يبعتهالي ههههههههه أنا شفت طبق بمعلقة ديزني بس مش رحت ثاني بسبب الظروف طبعا حد يعرف سعره كام و حلو ولا لا؟ أم سيمو هو أنتي رحتي لطنط علشان تقعدي ع النت امشي يا ماما اقعدي معاها يلا ههههههههه

هاتيها في الفترة الاولي اللي هايبتدي ياكل فيها دي السيليكون او الطرية المطاط دي، في منها شفاف وفي منها بتبقي عادي بيضاء بس طرية ويفضل تكون صغيرة شوية مش كبيرة، ولما يكبر ويتعود علي الاكل ويبقي فاهم بقي وبيفتح بقه لوحده لما تقربي وكده هاتي بقي العادية الكبيرة

ان شاء الله دودى هيطعم الست شهور بكرة
التطعيم ده بيسخن ولا ايه
وهو نقط ولا حقن

ربنا يخليكي يا ايمي و بوسيلي جوجو كل سنة وهي طيبة.. طيب جربتي ماركة ديزني أو شفتيها ؟ و تطعيم أربع شهور بقي سالي فكرتني عبارة عن ايه و بيسخن ولا لا؟