كل يوم هنتكلم عن موضوع جديد خاص بصحه طفلك

ام سيموو جزاكى الله خيرا فعلا اسلوبك فى الشرح جميل و سهل المفروض تدى دروس بيدوو للعيال بتوع الكلية سنة خامسة الغلابة دول ولا رابعة مش فاكرة
الموهيممم انا قلتلك ان جودى بلبسها طول اليوم شرابين عشان متتلجش زى ما انتى عارفة و لقيت فى بطن رجلها بقع حمرا كده فى رجلها الاتنين و بغسلها رجلها كل يوم و لقيت بقى الحبوب دى ابتدت تطلع على جنب رجلها و لقيت واحدة فى قصبة رجلها دى ايه دى بكتريا بتكون جوا الشراب وللا ايه اعلاجها ازاى معلش دوشاكى بس انا مودتهاش لدكتور هنا
دندونة متخافيش الفيتامينات مش بيكتبوها ولا الكالسيوم فى اى بلد اجنبى انا عندى هنا مش بيدو خااالص ممنوع اساسا و فى امريكا بردو انتى ممكن تجيبلها من مصر و تديله او تعرضيه للشمس بس انا اساسا معنديش شمس

أم سيمو جزاكى الله خيرا
انا ابنى يوسف عنده سنه وشهرين الا اسبوع المهم هو عنيه الشمال لسه بتقلب أحيانا
ده طبيعى ولا اوديه لدكتور رمد ؟؟

ام سيمو ادى يوسف الفيتامينات بتاعته مع الادويه اللى هى علاج الكحه اللى عنده ولا اوقف الفيتامينات لحد ما اخلص كورس العلاج

بخصوص النوم فعلا ولله كنت عايزة اسال ف الموضوع ده يويو قالب يومه خااالص بينام مثلا 5 الفجر كده وكماان كل ساعتين مثلا يصحى يعيط عايزنى ارضعه ارضعه شويه ينام تانى مع ان صدري معدش فيه لبن غيرر قليييل جدا ده حتى عايزة ادخله صناعى معرفش هيبقى كويس دلوقتى ولا لا انا قلت مثلا رضعه ف اليوم او اتنيين كماان بقى موضوع انه يصحى كل شويه ده انا حاسه انه كبر على كده ولا ده طبيعي ومررسي ليكى اوى اوى يا ام سيمو انتى اسمك اييه بقى ؟

ام سيمو معلش كماان هو المشاايه غلط انى اقعد فيها يويو قبل 9 شهووور ولا عاادى انا لما برفعها بلاقي يويو بيبقى بردو بيطول الارض وساعات بعملهاله كرسي وبحط السجاده دى اللى جايه مع المشايه بيبقى طايلها عاادى كده غلط ولا استنى لما يكمل 9 شهور واركنها دلوقتى انا بقالي شهر بقعده فييها ومعرفش لقيت جوزى بيقوللى انه قرا ع النت انها غلط ع الاعصااب وعلى الحوض قبل 9 شهور وحتى بعد 9 شهور مفروض يقعد فيها مش اكتر من سااعتيينت معرفش الكلام ده صح ولا غلط

بنت من الزمن ده;14300985:
ام سيمو ادى يوسف الفيتامينات بتاعته مع الادويه اللى هى علاج الكحه اللى عنده ولا اوقف الفيتامينات لحد ما اخلص كورس العلاج

بخصوص النوم فعلا ولله كنت عايزة اسال ف الموضوع ده يويو قالب يومه خااالص بينام مثلا 5 الفجر كده وكماان كل ساعتين مثلا يصحى يعيط عايزنى ارضعه ارضعه شويه ينام تانى مع ان صدري معدش فيه لبن غيرر قليييل جدا ده حتى عايزة ادخله صناعى معرفش هيبقى كويس دلوقتى ولا لا انا قلت مثلا رضعه ف اليوم او اتنيين كماان بقى موضوع انه يصحى كل شويه ده انا حاسه انه كبر على كده ولا ده طبيعي ومررسي ليكى اوى اوى يا ام سيمو انتى اسمك اييه بقى ؟

اول حاجه اسمى دينا:):):):):)

تانى حاجه الافضل توقفى الفيتامينات لحد متخلصى العلاج

تالت حاجه بالنسبه للنوم انا كمان عندى المشكله دى مع سما
بعد مكملت 6 شهور بدات تقلق كتير بالليل
حاولى تشبعيه كويس قبل مينام
يعنى خللى الوجبه اللى قبل مينام سيريالز او رز
عشان تشبعه
بالنسبه للصناعى بقى معتقدش هيتقبله دلوقتى خالص
و ليه تدخلى صناعى اصلا وانتى ممكن تاكليه

DodyCat;14297342:
أم سيمو جزاكى الله خيرا
انا ابنى يوسف عنده سنه وشهرين الا اسبوع المهم
هو عنيه الشمال لسه بتقلب أحيانا
ده طبيعى ولا اوديه لدكتور رمد ؟؟

بصى يا دودى
الحول ليه انواع فى نوع حول ظاهرى او كاذب ودا بيبقى بسبب ان العظمه بتاعه الانف اللى بين العينين يا اما بتبقى عريضه اوى يا اما رفيعه و دا بيدينا احساس الحول
ودا بيتحسن مع العمر
و فى نوع تانى بيبقى بسبب عيوب الابصار ودا يا اما بيبقى طول الوقت يا اما على فترات
و بيكون علاجه تصحيح عيوب النظر
فالاحسن تروحى لدكتور رمد عشان يكشف على نظرة

Bossy22;14295725:
ام سيموو جزاكى الله خيرا فعلا اسلوبك فى الشرح جميل و سهل المفروض تدى دروس بيدوو للعيال بتوع الكلية سنة خامسة الغلابة دول ولا رابعة مش فاكرة
الموهيممم انا قلتلك ان جودى بلبسها طول اليوم شرابين عشان متتلجش زى ما انتى عارفة و لقيت فى بطن رجلها بقع حمرا كده فى رجلها الاتنين و بغسلها رجلها كل يوم و لقيت بقى الحبوب دى ابتدت تطلع على جنب رجلها و لقيت واحدة فى قصبة رجلها دى ايه دى بكتريا بتكون جوا الشراب وللا ايه اعلاجها ازاى معلش دوشاكى بس انا مودتهاش لدكتور هنا
دندونة متخافيش الفيتامينات مش بيكتبوها ولا الكالسيوم فى اى بلد اجنبى انا عندى هنا مش بيدو خااالص ممنوع اساسا و فى امريكا بردو انتى ممكن تجيبلها من مصر و تديله او تعرضيه للشمس بس انا اساسا معنديش شمس

ههههههههههههههههههههههههههه تصدقى عمرى مشرحت لحد
عمرى متخيلت نفسى مدرسه

بصى بقى يا بوسى البقع دى حمرا و ناشفه و عليها قشور خفيفه ده
زى الصورة دى




لو كده تبقى اكزيما

ممكن تكون بسبب خامه الشرابات اتاكدى انها قطن مش صوف ولا بوليستر
عشان تبقى حنينه عليها
وممكن كمان بسبب الكتمه المستمرة عشان كده لازم تهويها بس خللى بالك متقلعيهاش الشرابات مرة واحده عشان تغيير الحرارة من سخن اوى لبارد اوى بيزو د المشكله

ولازم تحافظى على ترطيب البشرة دايما و متخليهاش جافه
باللوشن المرطب 3 او 4 مرات فى اليوم

و لو الحاله زادت ممكن تستعملى كريم فى كورتيزون زى ديرماتوب بس خليها اخر الحلول

جزاكى الله خيرا يا دينا طيب ما تعرفيش بقى دكتور رمد كويس؟؟ ولا اوديه المغربى وخلاص؟

ام سيمو طيب لو انا يوسف بيرضع صناعي بردو هيحتاج فيتامين د و كالسيوم و كده و لا مش لازم

السلام عليكم
بجد ما شاء الله عليكي يا ام سيمو ربنا يجعله ف ميزان حسناتك يااااااااااااااااارب ويبارك لك ف بنوتك


بصي انا عاوزة اعرف الام تعمل ايه عشان اول ما تولد البيبي مش ييجي له الصفرا
هل فيه حاجات معينه بتبقى غلط عشان كده معظم البيبهات بتيجي لهم ولا دي بتبقى تبع مناعة الام في الحمل ولا ايه بالظبط

وربنا يجزيكي خير ياااااااااااااارب

DodyCat;14306839:
جزاكى الله خيرا يا دينا طيب ما تعرفيش بقى دكتور رمد كويس؟؟ ولا اوديه المغربى وخلاص؟

انا والله اعرف دكاترة فى اليكس معرفش فى كايرو يا دودى

dandona om jou;14308555:
ام سيمو طيب لو انا يوسف بيرضع صناعي بردو هيحتاج فيتامين د و كالسيوم و كده و لا مش لازم

الصناعى بيكون مضاف اليه فيتامين د
عشان كده انتى ممكن تكتفى بكدهه مع الاهتمام بتعريضه للشمس
و كلها شهر و يكمل شهور و تبتدى تدخليله صفار البيض و كبد الفراخ

*Om Mo3az*;14308601:
السلام عليكم
بجد ما شاء الله عليكي يا ام سيمو ربنا يجعله ف ميزان حسناتك يااااااااااااااااارب ويبارك لك ف بنوتك


بصي انا عاوزة اعرف الام تعمل ايه عشان اول ما تولد البيبي مش ييجي له الصفرا
هل فيه حاجات معينه بتبقى غلط عشان كده معظم البيبهات بتيجي لهم ولا دي بتبقى تبع مناعة الام في الحمل ولا ايه بالظبط

وربنا يجزيكي خير ياااااااااااااارب

الله يخليكى يا ام معاز
بالنسبه للصفرا انتى مفيش فى ايديكى حاجه تعمليها
لان سبب الصفرا الفسيولوجيه ان الكبد بتاع الطفل بيكون لسه منضجش كفايه عشان يتخلص من البيليريوبين اللى بيسبب الصفرا و بياخد وقت عشان ينشط و يبد يقوم بعمله
عشان كده بيظهر ع البيبى الصفار غالبا من تالت يوم و بيبدا يقل تدريجيا مع الوقت و الرضاعه
و مش بتحتاج اى علاج

لكن لو الصفرا ظهرت من اول يوم يبقى لازم يتعملها تحليل
عشان بتبقى صفرا مرضيه ومحتاجه علاج

يعني يا ام سيمو مجبش فيتامين دال و لا كالسيوم بلاش يعني و ابدأ اعوض انا باكل و غذاء طبيعي

نكمل بقى موضوع النوم



ايه افضل وضع لنوم البيبى الصغير؟

افضل وضع هو انه ينام على جنبه

لان النوم ع الضهر بيعرضه انه ممكن يشق لو حصل ارتجاع للبن

و لان النوم ع البطن ممكن يعرضه لخطر الاختناق لانه بيبقى لسه مش عارف يتحكم فى راسه

و من الافضل انك متحطيش تحت راسه مخده وخصوصا اول شهر

ودى شويه نصايح حسب السن

اول شهر

زى متفقنا بيبقى البيبى مش مميز ليل ولا نهار عشان كده صعب اوى انك تعوديه على معاد معين للنوم
و خللى بالك الاطفال فى السن ده ممكن تلاقيه بيعيط مثلا او بيضحك و هو نايم
متجريش عليه و تروحى شايلاه اول ميعيط
استنى شويه عشان ممكن يرجع ينام تانى


من شهرين ل 4 شهور

الفتره دى بقى اللى بتبداى تعملى معاه الروتين اللى قولنا عليه المرة اللى فاتت
عشان بيبدا يميز بين الليل و النهار



من 4 ل 6 شهور



فى الفترة دى هتلاقى نومه منتظم جدا و ممكن ينام طول الليل لفترات تصل ل9 ساعات احيانا
و خصوصا ان موضوع المغص و مشاكل اول 3 شهور بتكون هديت خالص

من 6 ل 12 شهر


هتلاحظى فى الفترة دى ان نومه بالنهار بيقل يعنى مبقاش خلاص ينام بعد كل رضعه
زى الاول
و ممكن تلاحظى فى الفترة دى انه بيقلق كتير بالليل
و دا بسبب بعض المشاكل زى الام التسنين اللى بتبقى فى الفترة دى
وزى قلق الانفصال و خصوصا لو كان بينام فى سرير لوحده
هو فى المرحله دى بيكون فهم ولما بيقلق بالليل مش بيلاقيكى جنبه هيعيط
ممكن تفضل الاضطرابات دى لعمر سنه او سنتين

كانت فى بنوته سالتنى عن ازاى نعود البيبى ينام لوحده فى اوضه؟

الحكايه دى بتبقى بالتدريج عشان متسببش صدمه نفسيه للبيبى

يعنى لو انتى اصلا معوداه ينام معاكى فى السرير يبقى الاول تعوديه على انه ينام فى سرير لوحده فى نفس الاوضه
و دا المفروض كان يحصل من اول يوم
انك تعودى البيبلى ينام فى سريره
اما انك تفصليه فى اوضه لوحده
فانا راييى الشخصى مش قبل سنه ونص او سنتين
و يكون تدريجيا برضه
يعنى مش هتاخديه فجاه فى اوضه لوحده و تقوليله نام لوحدك

لا الموضوع هياخد معاكى وقت الاول انك تنامى معاه فى الاوضه يوم عشان يتعود ع الاوضه و ميبقاش خايف منها
اليوم اللى بعده هتبداى تدخلى معاه و تحكيله حكايه مثلا او تغنيله اغنيه
و تستنى لما يروح فى النوم خالص وساعتها تسيبيه وترجعى لاوضتك
ممكن تسيبيله نور خافت فى الاوضه عشان لو كان بيخاف من الضلمه

dandona om jou;14310135:
يعني يا ام سيمو مجبش فيتامين دال و لا كالسيوم بلاش يعني و ابدأ اعوض انا باكل و غذاء طبيعي

لو انتى هتبقى مواظبه على الشمس و الالاكل يبقى مش هتحتاجيه خالص

أم سيمو جزاكي الله كل خير.. دلوقتي عندي شوية أسئلة أولا آدم شعره بيقع كثير الأول كان شعر قصير دلوقتي الطويل كمان بيقع ده عادي ولا ايه؟ كمان هو لما بيلعب مع نفسه كده بحس انه بيلعب بعصبية و يمص ايديه جامد لدرجة ساعات يشرق ويبقي مش قادر يأخذ نفسه مع انه بيتكرع بعد كل رضعة كويس بقيت اخاف اسيبه لوحده واروح أعمل حاجة أحسن يشرق وهو لوحده أعمل ايه؟ وموضوع العقدة اللي في رقبته دي الدكتور كان قال علاج لمدة شهر طيب دلوقتي الشهر خلص و هي ذي ماهي ايه الحل بقي؟ أنا لسه هروح يا بكرة يا بعده و بجد مرعوبه يقول عملية والله ربنا يستر

~OM-ADAM~;14310580:
أم سيمو جزاكي الله كل خير.. دلوقتي عندي شوية أسئلة أولا آدم شعره بيقع كثير الأول كان شعر قصير دلوقتي الطويل كمان بيقع ده عادي ولا ايه؟ كمان هو لما بيلعب مع نفسه كده بحس انه بيلعب بعصبية و يمص ايديه جامد لدرجة ساعات يشرق ويبقي مش قادر يأخذ نفسه مع انه بيتكرع بعد كل رضعة كويس بقيت اخاف اسيبه لوحده واروح أعمل حاجة أحسن يشرق وهو لوحده أعمل ايه؟ وموضوع العقدة اللي في رقبته دي الدكتور كان قال علاج لمدة شهر طيب دلوقتي الشهر خلص و هي ذي ماهي ايه الحل بقي؟ أنا لسه هروح يا بكرة يا بعده و بجد مرعوبه يقول عملية والله ربنا يستر

بالنسبه للشعر دا طبيعى يا ام ادم هتلاقيه فى الفترة دى بيقع وبعد كده هيطلع تانى متقلقيش
و نفس الكلام بالنسبه للشرقان دى حاجه طبيعيه بس لما ييشرق انفخى فى و شه من عند القورة كده عشان يبلع و كده الشرقه هتروح:):)
بالنسبه للعقده متقلقيش يا قمر ان شاء الله ربنا كاتبله اللى فيه الخير وكله هيبان بالفحص والجراح اللى هيفحصه هو لوحده اللى يقدر يقولك لو كان محتاج جراحه عشان ياخد منها عينه او يشيلها كلها
سيبيها على ربنا وطمنينا بكرة

*Om Mo3az*;14308601:
السلام عليكم
بجد ما شاء الله عليكي يا ام سيمو ربنا يجعله ف ميزان حسناتك يااااااااااااااااارب ويبارك لك ف بنوتك


بصي انا عاوزة اعرف الام تعمل ايه عشان اول ما تولد البيبي مش ييجي له الصفرا
هل فيه حاجات معينه بتبقى غلط عشان كده معظم البيبهات بتيجي لهم ولا دي بتبقى تبع مناعة الام في الحمل ولا ايه بالظبط

وربنا يجزيكي خير ياااااااااااااارب

ايمى كترى من اكل العنب قبل الولاده كلى عنب كتيييييييييييييييير لانه بيعتبر جلوكوز للبيبى وبيقلل من حدوث الصفرا
ام سيمو بجد ما شاء الله عليكى اسلوبك جمييييييييييييل فى الشرح انا فعلااااااا جودى بتصحى كتير اوى بليل بجد مش عارفه هتعمل ايه لما تتفطم
دودو معلش ممكن تقولى ايه انسب وقت للفطام ونفطم البيبى ازاى

quiet girl;14314174:
ايمى كترى من اكل العنب قبل الولاده كلى عنب كتيييييييييييييييير لانه بيعتبر جلوكوز للبيبى وبيقلل من حدوث الصفرا
ام سيمو بجد ما شاء الله عليكى اسلوبك جمييييييييييييل فى الشرح انا فعلااااااا جودى بتصحى كتير اوى بليل بجد مش عارفه هتعمل ايه لما تتفطم
دودو معلش ممكن تقولى ايه انسب وقت للفطام ونفطم البيبى ازاى

انسب وقت للفطام يا دعاء سنه ونص ع الاقل
و بتفطمى بالتدريج
يعنى انهارده مثلا 3 رضعات بكرة يبقو اتنين بعده مرة واحده
عشان متسببيش صدمه للبيبى
عشان دا بياثر على نفسيته طبعا

بس بتسالى ليه اوعى تكونى بتفكرى تفطمى جوجو من دلوقتى

لا مش هفطمها دلوقتى طبعا بس انا نازله مصر شهر 4 فكنت عايزه افطمها وانا تحت علشان تكون ماما معايا فهى فى الوقت ده هيكون عندها سنه و3 شهور ان شاء الله
فشكلى كدا بقى هستنى فى مصر لحد ما يبقى عندها سنه ونص ان شاء الله

مشكوووره

مشكوووووووووره

بنات الحمدلله رحت للدكتورة قالت العلاج كمان ١٥ يوم و نشوف بقي.. اللي يغيظ بقي ان البتاعه اللي في رقبته هربت و احنا هناك لدرجة أنا مش عرفت احدد مكانها وكده الدكتورة فهمت انها بتصغر وكان عنده في ايديه و رجليه حبوب صغيرة قالتلي جلده حساس طيب ماهو كل لبسه قطن ده من ايه بقي مش عارفه وكتبتله دهان للحبوب دي و علاج للبرد و هروح ثاني كمان خمس أيام..