كل يوم هنتكلم عن موضوع جديد خاص بصحه طفلك

لما حور كان عندها شهرين كنت مواظبه على فيدروب لحد 4 شهور ولما بدأت ااكلها بصراحه بقيت شويه اديها وشويه لا لحد دلوقتى ساعات بديها ديكال وساعات لا بس انا يوم ويوم بنزل بيها السوق ولو قدرت بفطرها فى البلكون واحنا فى الشمس بشمر كمها والبنطلون وبنقعد فى الارض هل ده يكفى؟؟؟؟

رجائي رضا ربــــي;14263895:
شكرا يا أم سيمو انك اتكلمتى عن فيتامين د لانى كنت لسه هقولك عليه سبحان الله :)
أول لما ولدت عيسى كانت الرضاعة طبيعي دكتورة فى المستشفى كتبتلى فيتامينات ليه من ضمنها كان فيتامين د وبعد ما دخلت الصناعى وقفته لان الصناعى فيه فيتامين دال والحمد لله الشمس بتدخل للبيت وبعرضه ليها بس بيكون لابس هدوم بكم وبطلون هوا لازم يكون مكشوف ؟

طيب دلوقتى الجو فى دبى قلب خالص والشمس مبتظهرش أصلا أعمل ايه؟ هل الفيتامين فى اللبن الصناعى يكفي ؟

انا رحت النهارده للكشف على عيسى والحمد لله مطلعش حاجة فى صدره بس الدكتور قالى حافظى من الاتربة والعطور وكدا عشان لا قدر الله متنزلش على صدره وعملوله شفط لمناخيره وقالي استمر على البروسبان 4 ايام كمان ,,, الحمد لله

طيب معلش يا أم سيمو هطول عليكي لما أسلق الخضار فى تكون فى ميه ولا شوربة طيب لو شوربة ويكون فيها بهارات مش هيكون غلط ؟ ^o)

كويس كده اوى انك تعرضيه للشمس كل يوم مع نسبه الفيتامين د اللى فى الصناعى
كده مش هتحتاجى تديه فيتامين د بس خللى بالك من غير هدوم يعنى ارفعيله البنطلون و شمريله كمه و انتى بتعرضيه للشمس

الطفل بيحتاج 400 وحده يوميا كجرعه وقائيه
و حمدالله على سلامته يا جميل ربنا يطمنك عليه
بالنسبه للخضار هو لسه صغير على انك تعمليهوله فى الشوربه
اعمليه دلوقتى بميه و لما يتم 7 شهور ان شاء الله ابقى اعمليه بشوربه

بسبوسةميدو;14264088:
شكرا يا ام سيمو طمنتيني والله الحمد لله :)وشكرا على الدعوة الجميله دي ولك مثلها يارب

تسلمى يا قمر

~OM-ADAM~;14264124:
جزاكي الله كل خير يا أم سيمو.. دلوقتي أنا شقتي مش بيدخل شمس مباشرة كده خالص.. قلت للدكتورة تكتب لآدم فيتامينات قالت هو بيعرق كثير قلتلها لا قالت خلاص مش محتاج فيتامينات لأن فيه علامات معينة بتقول انه محتاج فيتامين هو كده كويس.. هو دلوقتي بيرضع طبيعي بس الحمدلله أعمل ايه معاه اجيب من نفسي وأديله ولا ايه؟

مع احترامى للدكتوره
بس انتى خليكى معايا كده لبن الام فيه نسبه قليله جدا من فيتامين د
و مفيش شمس عشان تعرضيه ليها
و كمان لسه مش دخلتيله اكل عشان لسه مكملش 6 شهور
يبقى هيحصل على فيتامين د منين؟

اكيد هيحتاج
و بعدين احنا بنديه كجرعه وقائيه يعنى مش لسه هنستنى الاعراض زى زياده العرق و كده
انا رايى تبداى تديه وانتى وراحتك طبعا يا قمر

katkooota_7aboooba ام حــور;14264312:
لما حور كان عندها شهرين كنت مواظبه على فيدروب لحد 4 شهور ولما بدأت ااكلها بصراحه بقيت شويه اديها وشويه لا لحد دلوقتى ساعات بديها ديكال وساعات لا بس انا يوم ويوم بنزل بيها السوق ولو قدرت بفطرها فى البلكون واحنا فى الشمس بشمر كمها والبنطلون وبنقعد فى الارض هل ده يكفى؟؟؟؟

كده يكفى طول مانتى مواظبه على تعريضها للشمس و مهتميه بالاكل

M!ss Tuky;14264191:
ام سيمو جزاكى الله كل خير انا فعلا والله كن في بنوته قدامى ف مكان ما ربنا يعافيها ويعافينا رجليها كانت مقوسه زى الولد الى انتى حطاه وكنت محتاجه اعرف من ايه وافادتيني بجد

انا بدى ل تايا فيدروب ده الدكتور قالى اديلها 6 نقط بعد سن شهرين ولحد دلوأتى بديهولها

ويا بوسي انا الدكتو ر كتبهولى من غير ما يسألنى بتعرق ولا لا لان تايا ف اغلب الاوقات مبتعرقش بتعرق ف اوقات معينه وعرق غير ملحوظ

والدكتور ادالى كمان حديد اسمو هيدروفيرين بديلها نص قطاره بس موقفاه شويه حاليا عشان عاملها امساك

وبالنسبه للشمس ف حماتى فوقي وعندها شمس لما بتيح الفرصه ليها بتاخدها تعرضها للشمس بصراحة الفرصه بقي انها تصحي بدرى وده غالبا مبيحصلش لانها مبتنامش بدرى :D

وبردو عشان الشتا ومفيش شمس اليومين دول والجو تلللج

ف مش موافقنى الفتره دى

صح كلامك
بس جرعه ال فيدروب 4 او 5 نقط كفايه
:):)

معلش يا ام سيمو حور بتعرق كتير اوى بطريقه وحشه يعنى مكان راسها بيكون مبلول جامد وهدومها وساعات بتبقى ريحتها كمان عرق
والله باباها بيقولى انا اول مرة اشوف بيبى بيعرق كده هو ده من ايه؟؟؟

katkooota_7aboooba ام حــور;14264504:
معلش يا ام سيمو حور بتعرق كتير اوى بطريقه وحشه يعنى مكان راسها بيكون مبلول جامد وهدومها وساعات بتبقى ريحتها كمان عرق
والله باباها بيقولى انا اول مرة اشوف بيبى بيعرق كده هو ده من ايه؟؟؟

الطفل بيبذل مجهود جامد فى الرضاعه فطبيعى انه يعرق معى الرضاعه و فى اطفال بتعرق جامد وهيا نايمه
و
طبيعى ان الاطفال بتعرق زينا احنا بس بنبقى مستغربين شكلهم و هما عرقانين

اطمنى خالص دى حاجه طبيعيه مادام مش مصاحبها نهجان كتير او كحه او اعراض تانيه

و اتاكدى انك مش ملبساها لبس كتير محررها
حور تلبس زيك بالظبط زياده عنك طبقه واحده

و ربنا يخليهالك يا ام حور

بالمناسبه وحده قريبتى كانت مسميه بنتها حور وكنا كلنا مستغربين الاسم بس
لما اتعودنا عليه حسيت انه اسم جميل و معناه جميل اوى
ربنا يجعلها من اسمها نصيب

متحرمش منكم ياقمرات أنا قلت لجوزي قالي خلاص اجيبهوله.. اجيب نوع ايه بقي لاني شايفه البنات بيقولوا أنواع يعني فيدروب و ديكال وبيديكال وهو أول ما اتولد كان بيأخذ مع الصناعي بيبي فيت كمان.. نجيب ايه وجرعته قد ايه ومعادها امتي؟

~OM-ADAM~;14265137:
متحرمش منكم ياقمرات أنا قلت لجوزي قالي خلاص اجيبهوله.. اجيب نوع ايه بقي لاني شايفه البنات بيقولوا أنواع يعني فيدروب و ديكال وبيديكال وهو أول ما اتولد كان بيأخذ مع الصناعي بيبي فيت كمان.. نجيب ايه وجرعته قد ايه ومعادها امتي؟

هاتيله vidrop
4 نقط يوميا

و لما يكمل 6 شهور ان شاء الله
ابقى اديله PEDICAL او DECAL B12
5سم كل يوم

ازيكوا وحشتونى اوىى بقالي كتير مدخلتش بحس ان مفييش وقت خااالص ,, بناات يوسف يااعينى تعبااان عنده كحه ورشح مناخيره سايبه خااالص وبتجيب ميه كده وعنده زكاام جاامد اعمل اييه بقى حد يعرف حااجه للبرد والكحه دول وهل لازم مضاد حيوى ولا فيه حاجاات للبرد انا عندى نقط رينوستوب بس معرفش غلط قبل سنتين ولا لا .. والفيتامينات اوقفها لحد مايخف ولا اديله عاادى ربنا يخليكوا ياابناات ردوا عليياا
ام سيمو جزاكى الله خير ع الموضوع الجميل ده انا مكنتش اعرفه قبل كده ويااريت تقوليلي رايك ياقمر
وكمان يوسف تحت عينة غامق شويه ممكن ده يكون نقص حديد ولا ايه

ام سيمو انا بقى للاسف الشمس مش بتدخل الشقة خالص و بقالي مدة كبيرة منزلتش بيه الصح خااالص عشان الجو وحش اوي هنا و ثلج و مش بدي ليوسف فيتامين دال و لا اي حاجة مع العم انه بيرضع طبيعي و بدأت اكله الحمدلله ايه الحل بقى كده هو ماشاء الله الله اكبر دلوقتي 5 شهور بالظبط

دندونة انتى كان المفروض تديلة فيتامين د من الشهر التانى بس انتى ان شاء الله من بكرة تنزلى تشترية وتبتدى تديله انا كنت شارية فيدروب من مصر ب 5ج العلبه وبديله 4 نقط بضبط كل يوم

ام سيمو ادهم عنية على طول بتاكلة وبيحاول يحك نفسه فيا عشان يهرش فيها وانا دايما بحاول ادعمها ليه بس ياريت لو فى اسم قطرة يبقى كويس قوى لان النوع اللى معايا خلص ومش لاقيه منه هنا خالص

ام سيمو كماان يوسف عينه الشمال اللى وهو صغير القناة الدمعيه كانت مقفوله وكانت بتدمع جاامد بس خلاص بقت كويسه بقالها فترة كبيرة بس كل مايجيله برد وعطس عينه اللى كانت تعبانه دى هى بس اللى بتفضل تدمع كتيير والتانيه مش بتدمع زيها خااالص انا خايفه تكون قفلت تانى بس ف العادى مكش بتدمع غير لو عنده عطس وبرد وكماان فيها شعيره دمويه كده ف البياض بتاع العين باينه اوى ومش بتروح خاالص اوديه لدكتور عيون ولا اييه؟؟؟

موضوع حلو جدا انا لسه شايفاه دلوقتي
قولولي بأه جود عندها كحه جامده شويه ادعولها ربنا يشفيها عشان صعبانه عليا خالص المهم صفار البيض غلط عليها مع الكحه ولا ايه؟
كمان انا الدكتور كان كاتبلي على هاي كال الكالسيوم ده طبعا عارفينه وكان كاتبلي الجرعه 5 سم فأنا اتلخبطت وكنت بديلها نص سم مش عارفه اعمل ايه دلوقتي والبنت لغايه النهارده ماطلعتش ولا سنه ولا زحفت وعضمها طري كده جسمها مش ماسك نفسه اعمل ايه بصراحه ضميري مأنبني أوي

بنت من الزمن ده;14265874:
ازيكوا وحشتونى اوىى بقالي كتير مدخلتش بحس ان مفييش وقت خااالص ,, بناات يوسف يااعينى تعبااان عنده كحه ورشح مناخيره سايبه خااالص وبتجيب ميه كده وعنده زكاام جاامد اعمل اييه بقى حد يعرف حااجه للبرد والكحه دول وهل لازم مضاد حيوى ولا فيه حاجاات للبرد انا عندى نقط رينوستوب بس معرفش غلط قبل سنتين ولا لا .. والفيتامينات اوقفها لحد مايخف ولا اديله عاادى ربنا يخليكوا ياابناات ردوا عليياا
ام سيمو جزاكى الله خير ع الموضوع الجميل ده انا مكنتش اعرفه قبل كده ويااريت تقوليلي رايك ياقمر
وكمان يوسف تحت عينة غامق شويه ممكن ده يكون نقص حديد ولا ايه

ازيك يا جميل منورانا
الف سلامه على يوسف اقرى موضوع الكحه انا كنت لسه منزلاه من يومين
و بالنسبه للبرد فى دوا خفيف تركيبته كلها اعشاب و امن من اول يوم فى الولاده اسمه
flucease
و لو البرد جامد اوى ممكن تستعملى rhinostop نص قطارة مرتين يوميا
و طبعا اوعى تدى مضاد حيوى من نفسك لو لقيتى الحراره عليت او الحاله ساءت يبقى لازم تروحى بيه لدكتور و هو اللى يحدد ياخد مضاد حيوى ولا لا

بالنسبه للانيميا ف اعراضها انك تلاقى البيبى دايما مهمد و مش بيلعب كتير

و هتلاقى و شه بهتان و الاغشيه المخاطيه عنده بهتانه مش حمرا

لو لقيتى الاعراض دى يبقى اعمليله تحليل دم عشان تطمنى

dandona om jou;14266124:
ام سيمو انا بقى للاسف الشمس مش بتدخل الشقة خالص و بقالي مدة كبيرة منزلتش بيه الصح خااالص عشان الجو وحش اوي هنا و ثلج و مش بدي ليوسف فيتامين دال و لا اي حاجة مع العم انه بيرضع طبيعي و بدأت اكله الحمدلله ايه الحل بقى كده هو ماشاء الله الله اكبر دلوقتي 5 شهور بالظبط

لا يا دودى ابداى اديه طبعا vidrop
4 نقط يوميا

sally2007;14266353:
دندونة انتى كان المفروض تديلة فيتامين د من الشهر التانى بس انتى ان شاء الله من بكرة تنزلى تشترية وتبتدى تديله انا كنت شارية فيدروب من مصر ب 5ج العلبه وبديله 4 نقط بضبط كل يوم

:thumbs_up::thumbs_up:

sally2007;14266360:
ام سيمو ادهم عنية على طول بتاكلة وبيحاول يحك نفسه فيا عشان يهرش فيها وانا دايما بحاول ادعمها ليه بس ياريت لو فى اسم قطرة يبقى كويس قوى لان النوع اللى معايا خلص ومش لاقيه منه هنا خالص

الاكلان و الاحمرار ده يا سالى اعراض حساسيه

لو احاله زياده معاه يعنى الاكلان جامد و عنيه بتدمع كتير ممكن تدى قطرة فيها نسبه كورتيزون خفيفه زى flucon drops لحد ما الحمرار يروح


و يكمل ب قطرة epichrome 4%
طول الفترة اللى بيبقى عنده فيها الحساسيه

والافضل طبعا انك تستشيرى دكتور رمد

بنت من الزمن ده;14266440:
ام سيمو كماان يوسف عينه الشمال اللى وهو صغير القناة الدمعيه كانت مقفوله وكانت بتدمع جاامد بس خلاص بقت كويسه بقالها فترة كبيرة بس كل مايجيله برد وعطس عينه اللى كانت تعبانه دى هى بس اللى بتفضل تدمع كتيير والتانيه مش بتدمع زيها خااالص انا خايفه تكون قفلت تانى بس ف العادى مكش بتدمع غير لو عنده عطس وبرد وكماان فيها شعيره دمويه كده ف البياض بتاع العين باينه اوى ومش بتروح خاالص اوديه لدكتور عيون ولا اييه؟؟؟

لا يا حبيبتى ده عرض طبيعى من اعراض البرد
ممكن عشان احتقان الانف بيقفل القناه الدمعيه
عشان كده بيدمع كتير فى الفترة دى و لما الرشح بيروح بتفتح تانى
0

marioum27;14268124:
موضوع حلو جدا انا لسه شايفاه دلوقتي
قولولي بأه جود عندها كحه جامده شويه ادعولها ربنا يشفيها عشان صعبانه عليا خالص المهم صفار البيض غلط عليها مع الكحه ولا ايه؟
كمان انا الدكتور كان كاتبلي على هاي كال الكالسيوم ده طبعا عارفينه وكان كاتبلي الجرعه 5 سم فأنا اتلخبطت وكنت بديلها نص سم مش عارفه اعمل ايه دلوقتي والبنت لغايه النهارده ماطلعتش ولا سنه ولا زحفت وعضمها طري كده جسمها مش ماسك نفسه اعمل ايه بصراحه ضميري مأنبني أوي

اهلا بيكى يا مريومه
الف سلامه على بنوتك اقرى موضوع الكحه
بالنسبه للبيض ملوش دعوة بالكحه مش هيزودها ولا حاجه
بالنسبه للكالسيوم عادى يا قمر متانبيش نفسك ولا حاجه انتى متاخرتيش اوى
ابداى من دلوقتى
و بالنسبه للتسنين هيا متاخرتش ولا حاجه

ام سيمو الفيدروب استمر عليه لحد امته ان شاء الله عشان انا اخواتي جايين من مصر و هيبجبهولي من هناك فاجب كام علبة ان شاء الله و عايزة كمان جل لتخفيف الام التسنين اسم جل كويس

dandona om jou;14269042:
ام سيمو الفيدروب استمر عليه لحد امته ان شاء الله عشان انا اخواتي جايين من مصر و هيبجبهولي من هناك فاجب كام علبة ان شاء الله و عايزة كمان جل لتخفيف الام التسنين اسم جل كويس

هاتى فيدروب علبه واحده تكفيكى شهر
و بعد 6 شهور هتبتدى بيديكال
و الجيلoracure
او dentinox

ام سيمو مرسي ياقمر على ردك ياحبيبتى طيب الاشعة على الصدر ليوسف ضرر عليه ولا لا لان رحنا المستشفى الدكتورة طلبت اشعه على صدره عشان تتاكد فيه حساسيه ولا لا مع انه مش بيكح كتيير اوى بس لما بيكح بيكح جااامد اوى مش عارفه اعمل الاشعه دى ولا لا انا خفت بصراحه اعملها
معلش كماان الاغشية المخاطيه دى بتكون فين وعامله ازاى

بنت من الزمن ده;14269309:
ام سيمو مرسي ياقمر على ردك ياحبيبتى طيب الاشعة على الصدر ليوسف ضرر عليه ولا لا لان رحنا المستشفى الدكتورة طلبت اشعه على صدره عشان تتاكد فيه حساسيه ولا لا مع انه مش بيكح كتيير اوى بس لما بيكح بيكح جااامد اوى مش عارفه اعمل الاشعه دى ولا لا انا خفت بصراحه اعملها
معلش كماان الاغشية المخاطيه دى بتكون فين وعامله ازاى

لا يا حبيبتى متقلقيش مش مضرة ليه ولا حاجه
و الغشيه المخاطيه دى يعنى تبصى على شفايفه من جوه و على جفن عنيه من جوة برضه

شكرا ليكى ام سيمو يعنى ااعملهالو هى تقريبا اكس راى اشعه سينيه انا كنت فاكرة انها لازم يكون سنتين اعملها يعنى ,, انا بخاف اوى من الاشعات واالحاجات دى

بنت من الزمن ده;14269729:
شكرا ليكى ام سيمو يعنى ااعملهالو هى تقريبا اكس راى اشعه سينيه انا كنت فاكرة انها لازم يكون سنتين اعملها يعنى ,, انا بخاف اوى من الاشعات واالحاجات دى

بصى يا جميل اعملبهاله عادى
بس اهم حاجه يكون دكتور شاطر اوى و مكان الشعه مكان كوبس اوى
عشان فى احطياتات لازم تتعمل لما يكون اللى بيعمل الاشعه طفل صغير

ام سيمو الاشعه بتتعمل في مستشفى هنا ف الكويت معرفش هى كويسه ولا لا بس المكان نضيف يعنى طب ايه الاحتياطات دى ,, ممعلش بتقل عليكى