كل يوم هنتكلم عن موضوع جديد خاص بصحه طفلك

~OM-ADAM~;14424340:
امممممم يعني مش اعتمد علي معلقة اللي مع الطبق اجيب ثاني ولا ايه؟ يا حبيبتي أنا نفسي اروح لماما من ييجي شهر مع انها ربع ساعة مواصلات يعني.. و طبعا مش عايزه اقولك عمري ما ابات بره البيت الا لو مسافرين هههههههه جوزي ده غريب مفيش أنا رايحه لماما ذي البنات كده لا لازم سوا سوا طول الوقت كده هههههههه

هههههههههه الحق ع الراجل مش عايز يحس انه بعيد عنك
اما صحيح الستات دول مش بيعجبهم العجب

المعلقه اللى كانت مع الطبق بتاعى كانت صغيرة و استعملتها فى الاول بس بعد كده غيرتها

بنت من الزمن ده;14425660:
ام سيمو ازيك ياحبيبتى انا عايزة اسالك في حااجه انا اديت يوسف من يومين كده لبن صناعى ف اليوم ممكن ياخد مثلا 120 مش اكتر من كده المهم من ساعه ما اخده وهو بيعمل كيكى ممكن 3 مراات ولونها فاااتح كده وسايبه شويه مختلفه عن الاول الاول كانت ماسكه ولونها اغمق مش عارفه هو كده يبقى اسهال هو كاام مرة ممكن نقول انه عنده اسهال انا عندى انتينال لو هديله اديله اد ايه

ازيك انتى يا جميل
او ل حاجه لو دى مش عادته يعنى لو كان اكتر فى عدد المرات يبقى اسهال و ممكن يكون محتاج يغير نوع اللبن الصناعى
ثانيا انتى ليه اديتيله لبن صناعى ؟
لو بيرضع طبيعى مع الاكل كده كفايه
و جرعه الانتينال 5 سم 3 مرات

sweetyronaaa;14427272:
ام سيمو ربنا يجازيكي كل خير
معلش عندي سؤال ليكي انا عندي ادهم بقاله فتره بيرجع كتير فوديته للدكتور قالي هو مفهوش حاجه بس بيرضع كتير فقالي انظمله الرضعات و كنت بديله لبن صناعى مع الطبيعي قالي لا بطليه فيعيني من امبارح و هو عياط على طول فمش عارفه هو كده مش بيشبع و لا ايه و اعرف منين انه شبع
و كمان هو امتى هيبتدي يعرفني

بصى يا جميل فى اسباب كتير للعياط غير انه ميبقاش شبعان
و احنا اتكلمنا عن اسباب البكاء فى الموضوع ده
http://forums.3roos.com/showpost.php?p=14104949&postcount=94
و تعرفى انه شبع بانك بتسيبيه يرضع زى ما هو عايز و لما يشبع هو هيسيب صدرك من نفسه و غالبا هتلاقيه ينام بعد الرضعه
و هو من دلوقتى بيحس بيكى و بيعرفك من خلال صوتك
بس مش هيبان دا عليه الا لما يكبر شويه يعنى على 3 شهور كده

sally2007;14431491:
ان شاء الله دودى هيطعم الست شهور بكرة
التطعيم ده بيسخن ولا ايه
وهو نقط ولا حقن

~OM-ADAM~;14431978:
ربنا يخليكي يا ايمي و بوسيلي جوجو كل سنة وهي طيبة.. طيب جربتي ماركة ديزني أو شفتيها ؟ و تطعيم أربع شهور بقي سالي فكرتني عبارة عن ايه و بيسخن ولا لا؟

يا بنات تطعيم الشهرين هو هو ال4 شهور هو الست شهور
عباره عن نقط شلل الاطفال
و حقنه تطعيم رباعى
و وارد طبعا ان الطفل يسخن بعديه و ممكن فى اطفال مش بتسخن

CuTie KaTkOoTa;14429941:
هاتيها في الفترة الاولي اللي هايبتدي ياكل فيها دي السيليكون او الطرية المطاط دي، في منها شفاف وفي منها بتبقي عادي بيضاء بس طرية ويفضل تكون صغيرة شوية مش كبيرة، ولما يكبر ويتعود علي الاكل ويبقي فاهم بقي وبيفتح بقه لوحده لما تقربي وكده هاتي بقي العادية الكبيرة

حمدالله على سلامتك يا ايمى منور يا جميل:)

ام سيمو مرسي ياحبيبتى على ردك انا اديته لبن صناعي لان انا اللبن عندى قل خااالص وفيه بريست من الاتنين تقريبا نشف خلاص معدش بييجى فيه لبن خاالص والتانى خفيف اوىى وكماان انا قلت رضعه مثلا ف اليوم زى ما الاطفال لما يكمالو سنه بنديهم حليب بقري مثلا عشان بردو يغزيهم انا قلت اللبن الصناعي مش هيضره ويغزيه بردو شويه هو غلط يعنى انى اديله صناعى دلوقتى ولا اييه وقلت كماان عشان ابقى اعمله رز بلبن بيه

طيب انا طعمت دودى النهاردة بس اخد حقنة بس مخدشى نقط ليه مخدشى نقط بقى

بنت من الزمن ده;14434138:
ام سيمو مرسي ياحبيبتى على ردك انا اديته لبن صناعي لان انا اللبن عندى قل خااالص وفيه بريست من الاتنين تقريبا نشف خلاص معدش بييجى فيه لبن خاالص والتانى خفيف اوىى وكماان انا قلت رضعه مثلا ف اليوم زى ما الاطفال لما يكمالو سنه بنديهم حليب بقري مثلا عشان بردو يغزيهم انا قلت اللبن الصناعي مش هيضره ويغزيه بردو شويه هو غلط يعنى انى اديله صناعى دلوقتى ولا اييه وقلت كماان عشان ابقى اعمله رز بلبن بيه

لا يا حبيبتى مش غلط ولا حاجه
بس لو لاحظتى ان الاسهال استمر معاه يبقى لازم تغيرى النوع

sally2007;14436486:
طيب انا طعمت دودى النهاردة بس اخد حقنة بس مخدشى نقط ليه مخدشى نقط بقى

طب ليه مسالتيهاش يا سالى يمكن نسيت او ماخدتش بالها

~OM-ADAM~;14431978:
ربنا يخليكي يا ايمي و بوسيلي جوجو كل سنة وهي طيبة.. طيب جربتي ماركة ديزني أو شفتيها ؟ و تطعيم أربع شهور بقي سالي فكرتني عبارة عن ايه و بيسخن ولا لا؟

وانتي طيبة يا جميلة تسلمي عقبال ادم يارب، ماركة ديزني بشوفها كتير وحلوة ومعروفة وتقريبا طقم القصافة بتاعها ديزني لكن مجبتش منهم معالق ولا اطباق.

OM SIMO;14432956:

حمدالله على سلامتك يا ايمى منور يا جميل:)

F:F:F:F: تسلمي يا دندن الله يسلمك يا جميلة

الامساك فى الرضع

الامساك مشكله شائعه فى اطفال كتير
كتير مننا بيواجهها و مش بتعرفى ازاى تتصرفى او تحكمى هل دا امساك ولا لا

اول حاجه



يعنى ايه امساك؟

الامساك عباره عن صعوبه فى اخراج البراز
بحيث يكون البراز اكثر صلابه فالطفل بيعانى فى اخراجه
و ممكن تلاقيه بيعيط و بيتالم جامد
و بيكون عدد مرات التبرز اقل
يعنى لو الطفل من عادته انه يتبرز مرتين او 3 كل يوم
بتلاقى عدد المرات قل

يعنى احنا بنحكم ع الامساك على حسب تغير عادات الطفل نفسه

و غالبا مش بنقول امساك الا بعد يومين من غير ولا مرة براز

بس لو هى دى طبيعه البيبى انه مش بيعمل براز غير كل يومين
مش بنسميه امساك

طبعا عدد مرات التبرز بيختلف من طفل لطفل
و بنلاقى ان السن ليه عامل كبير فى تحديد تكوين البراز و عدد المرات

و كمان الاكل بيبقى عامل اساسى

يعنى الاطفال اللى بيرضعو طبيعى بيبقى فرصه الامساك عندهم اقل من اللى بيررضع صناعى

ليه؟

لان لبن الام بيبقى سهل فى الهضم اكتر من الصناعى

و لان البكتيريا الصديقه اللى بتتنقل من الام لامعاء الطفل بتبقى سبب فى تنظيم عمليه التبرز

و عشان اللى بيرضعو طبيعى بيبقى عندهم نسبه من هرمون الموتيلين اللى بيساعد فى تنظيم حركه الامعاء

فبتلاقى البراز بتاعهم الى حد ما اقل تماسك


عللى العكس الطفل اللى بيعتمد بس على الحليب الصناعى
بيكون البراز بتاعه اكتر صلابه


اول بقى متبتدى تدخلى اكل هتلاقى ان البراز بتاع طفلك بدا يشبه البراز العادى
من حيث الصلابه و الريحه
و بيختلف حسب الاكل



طبعا اول ميحصل امساك لازم تتدخلى عشان تساعدى طفلك
ليه؟
لانك لو متدخلتيش ممكن تدخلى فى حلقه مفرغه
الامساك بيخلى البراز ناشف و قاسى و الطفل بيلاقى صعوبه فى الاخراج
و ممكن يسببله بعض الشروخ حوالين فتحه الشرج

و دا هيسببله الم اكتر هيخلى الطفل من نفسه يخاف من عمليه التبرز
و دا هيخليه يزود الامساك اكتر


طيب اتصرف ازاى؟

اول حاجه انك تعرفى ازاى تقى طفلك من الامساك

و دا بانك تكونى واخده بالك ان اول متدخلى اكل
تكونى مهتميه بالخضار و الفاكهه الغنيه بالالياف اللى بتساعد فى تكوين البراز


و تهتمى بالسوايل الكتير و الميه
بمجرد انك تدخلى الاكل لطفلك يبقى لازم تديله ميه



و ساعات بيبقى السبب نوع الحليب الصناعى و لازم هنا تغيرى نوعه

طيب طفلك جاله امساك اعالجه ازاى؟

اول حاجه انك تحاولى فى الحاجات الطبيعيه قبل متفكرى فى الملينات

زى مقولنا هتكترى السوايل و الالياف اللى فى الفاكهه و الخضار

و فى بعض الحاجات الطبيعيه اللى بتساعد فى علاج الامساك زى

الينسون



البابونج (الكاموميل)




منقوع التمر







منقوع القراصيه









عصير البرتقال






العنب



ممكن تعملى مساج لابنك و هو نايم على ظهرة دلكى بطنه بحركات خفيفه فى اتجاه عقارب الساعه و ممكن تدهنى بزيت جونسون او زيت زيتون



حركى رجليه فى حركات متبادله كانه راكب عجله و تضغطى بخفه على بطنه
دا بيساعد امعائه على الحركه

ممكن تديله حمام دافى و تدلكى بطنه بالراحه

طيب عملتى كل ده و برضه لسه عنده امساك؟
فى الحاله دى ممكن تحتاجى استخدام ملينات

بس طبعا بعد العرض على دكتور عشان يستبعد الاسباب المرضيه للامساك

بجد تسلم ايديك يا ام سيمو منتحرمش منك ابدا

سالي انا بردو بيكون تطعيم يوسف كله حقن عايزة اقولك ان التطيعم بيختلف من دولة لدولة فاهماني يعني هما في الكويت هنا بيكون التطيعم اغلبه حقن مرة واحدة بس كان حقن و نقط فما تقلقيش خالص مش بينسوا و لا حةج مفيش قلق ان شاء الله

بالنسبة للطبق و المعلقة يا ام ادم انا جبتهم من boots مش عارفة في من الصديلية دي عندك و لا لأ الصراحة بس مشاءا الله حلوين و مريحني و سهل تنظفيهم يا جميلة

بنت من الزمن ده انتي ايه نوع اللبن الصناعي انا بدي ليوسف اس 26 و ان شاء الله هغيروه ليه لما يتم ال 6 شهور ان شاء الله للمرحلة الاعلى

جميل اوى الدرس يادندن
بجد رائع وفيه ابداع كمان بجد مش مبالغة ربنا يرفع قدرك ويريح بالك

انا بقى بستخدم مع جوجو المعلقه الصغيره بتاعتنا وطبق عادى بحس ان الكلام ده فاضى ههههههههه ولا غلط ؟؟؟من يوم مااكلت بديها بيهم عادى مش فاهمه ليه الاطباق دى والمعلقه الا ممكن الفل وهوا صغير اوى يعنى ممكن المعلقه تجرحه ؟؟؟بس انا باكلها واشيلها براحه ؟؟

مرسي يا دندونه اوى ياحبيبتى انا وقفتهولو النهرده وفعلا معملش غير مرة والكيكى العادى بتاعه بكرة كده هديهولو تانى اشوف كده هيعمل بردو كده ولا لا انتى عارفه المشكله مش ف عجدد المرات كماان المشكله في شكل الكيكى نفسه بيبقى لونه فاتح وسايب كده مش زى الطبيعي خاالص

دندونه ازيك ياحبيبتى انا جبت ابتاميل انا ولله كنت هجيب بروميل اللي انتى بتجيلي المرحله الاولى منه بي سئلت الدكتورة في المستوصف قالتلي بروميل مش هيتقبله دلوقتى عشان طعمه مش حلو اوى قالتلي ابتاميل احسن ف الطعم وفيه وحده صحبتى بتجيب لبنتها ابتاميل وبتقول كويس فجبته معرفش بقى هو ليه مش ماشي مع يويو

بصي يا دندونة انا كنت جربت قبل كده ابتاميل و بردو مكنش كويس خالص في موضوع الكيكي مع يوسف حبيبي و مشي معاه الاس 26 و ان شاء الله هنقل عليه للمرحلة التانية صحيح هوا مش بياكل دلوقتي اكليه فاكهة و خضار يكون فيها الياف هتلاقيه ان شاء الله يعمل كيكي كويس جدا و ما تنسيش شرب المية مهم جدا جدا جدا و عصير البرتقال و العنب اديله كوسة تفاح متقشر و يكون مهروس ان شاء الله يبقى زي الفلو الكيكي لو الطفل بيرضع صناعي طبعا بيكون مختلف و غير الطبيعي و كل لبن صناعي كمان بيختلف عن التاني في لون الكيكي بتاعه فمتخافيش يا حبيبتي

ياريت معلش ياام سيمو تتكلمى كمان عن الاسهال ايه اسبابه ؟واسهال بدون ترجيع يبقى ايه واسهال بترجيع يبقى ايه ؟
والتسنين ممكن يسبب اسهال ولا مش شرط ؟؟؟
معلش بتعبك بس ياريت وايه الحاجات الممسكة واللى المفروض نعمله ؟
وجزاكى الله خيرا

أم سيمو يعني لما ازهق من جوزو أعمل ايه مش لازم كده شوية اجازة اوحشه و يوحشني ههههههههه ميرسي يا قمرات علي ردودكم كلها أنا جبتله الحمدلله طبق و معلقة ديزني ب ٢٤ جنيه الطبق بغطا و فيه مكان يثبت فيه المعلقة بس علشان هي مش سيليكون لا بلاستيك كده جبتله طقم ٢ معلقة واحدة نونو بايد طويلة و واحدة أكبر شوية ايدها عادية ماركة مش معروفة ب ١٠ جنيه و سيريلاك ارز .. لسه بقي شوية بعد ما يكمل أربع شهور بشوية ابدأ اجرب و يدوق كده.. دلوقتي مكتوب علي السيريلاك يضاف لبن الأم أو صناعي.. آدم الحمدلله مش بيأخذ صناعي و أنا مش عندي شفاط بببرونة لا العادي الرخيص ده علشان كنت برمي اللبن أصلا ساعة ما جبته.. و للأسف مش هعرف اجيب شفاط بببرونة حاليا اعمله ازاي؟

نسيت اقولكم المهم هههههههه فرحت بالحاجات دي و نسيت أقول اني رحت للدكتورة والحمدلله كده خلاص آدم بقي أحسن الحاجة اللي في رقبته صغرت خالص و فاضل حاجة بسيطة قالت هتروح لوحدها الحمدلله و كتبت لآدم علي بيبي فيت نص قطارة كل يوم

@زهرة دبلانة@;14439093:
جميل اوى الدرس يادندن
بجد رائع وفيه ابداع كمان بجد مش مبالغة ربنا يرفع قدرك ويريح بالك

انا بقى بستخدم مع جوجو المعلقه الصغيره بتاعتنا وطبق عادى بحس ان الكلام ده فاضى ههههههههه ولا غلط ؟؟؟من يوم مااكلت بديها بيهم عادى مش فاهمه ليه الاطباق دى والمعلقه الا ممكن الفل وهوا صغير اوى يعنى ممكن المعلقه تجرحه ؟؟؟بس انا باكلها واشيلها براحه ؟؟

تسلميلى يا رورو يا قمر على الدعوه الجميله دى

الطبق و المعلقه القصد منهم انها تبقى بلاستيك او مطاط عشان تبقى طريه ع الطفل و مش تعورة او توجعه و الالوان عشان تجذب الطفل للاكل
لكن ان جيتى للحق انا بنتى ضد اى حاجه تمت للاطفال
يعنى عمرها ما لعبت بلعبه مثلا و لا فرحتنى بحاجه جايباهالها
لعبتها المفضله هيا الريسيفر تروح تشده و توقعه
و اللاب توب مش بتهنينى عليه و صندوق اللعب بتاعها مش بيلفت نظرها اصلا
جيل اخر زمن
:lol::lol:

@زهرة دبلانة@;14440541:
ياريت معلش ياام سيمو تتكلمى كمان عن الاسهال ايه اسبابه ؟واسهال بدون ترجيع يبقى ايه واسهال بترجيع يبقى ايه ؟
والتسنين ممكن يسبب اسهال ولا مش شرط ؟؟؟
معلش بتعبك بس ياريت وايه الحاجات الممسكة واللى المفروض نعمله ؟
وجزاكى الله خيرا

انا اتكلمت مرة قبل كده عنه يا رورتى
شكلك مش مذاكرة كويس:)
بصى كده


http://forums.3roos.com/showthread.php?p=14085510&highlight=%C7%E1%C7%D3%E5%C7%E1#post14085510


و لو عندك اى استفسار او لقيتى حاجه ناقصه فيه قوليلى يا قمر

~OM-ADAM~;14442075:
أم سيمو يعني لما ازهق من جوزو أعمل ايه مش لازم كده شوية اجازة اوحشه و يوحشني ههههههههه ميرسي يا قمرات علي ردودكم كلها أنا جبتله الحمدلله طبق و معلقة ديزني ب ٢٤ جنيه الطبق بغطا و فيه مكان يثبت فيه المعلقة بس علشان هي مش سيليكون لا بلاستيك كده جبتله طقم ٢ معلقة واحدة نونو بايد طويلة و واحدة أكبر شوية ايدها عادية ماركة مش معروفة ب ١٠ جنيه و سيريلاك ارز .. لسه بقي شوية بعد ما يكمل أربع شهور بشوية ابدأ اجرب و يدوق كده.. دلوقتي مكتوب علي السيريلاك يضاف لبن الأم أو صناعي.. آدم الحمدلله مش بيأخذ صناعي و أنا مش عندي شفاط بببرونة لا العادي الرخيص ده علشان كنت برمي اللبن أصلا ساعة ما جبته.. و للأسف مش هعرف اجيب شفاط بببرونة حاليا اعمله ازاي؟

~OM-ADAM~;14442173:
نسيت اقولكم المهم هههههههه فرحت بالحاجات دي و نسيت أقول اني رحت للدكتورة والحمدلله كده خلاص آدم بقي أحسن الحاجة اللي في رقبته صغرت خالص و فاضل حاجة بسيطة قالت هتروح لوحدها الحمدلله و كتبت لآدم علي بيبي فيت نص قطارة كل يوم

مبررررررررررررررروك ع الطبق و المعلقه صوريهم و نزليهم بقى عشان نشوفهم
السيريلاك فى الاول اعمليه بميه عادى لو مش عندك لبن صناعى
وو حمد الله على سلامه دومى يا قمر

السلام عليكم جميعا:) طيب معلش يا ام سيمو انا بنتي عندها 6شهور ونص ومن كام يوم سخنت جامد جدا عدت ال 39 من غير سبب وقعدت يوم كده معندهاش اسهال ولا حاجه وتاني يوم بدا الاسهال عندها بقت تعمل 5 و6مرات ميه ملونه كده ووديتها للدكتور الحرارة الحمد لله بقت تروح وتيجي مع الخافض والكمادات والدكتور قالي دي حطت حاجه مش نضيفه في بقها او ايديها ماكانتش نضيفه ومرضاش يكتبلها دوا قالي سيبيها تخف لوحدها احسن بس لو سخنت اوي كده تاني اديلها انتينال بس الحمد لله السخونيه قعدت يومين وراحت والاسهال قل شويه بس برده لونه غريب اصفر اوي زي لون اللمون كده مش عارفه ده ايه؟؟
المهم امبارح وانا بغيرلها لقيت نقط حمرا كتيير زي الحمو نيل بالظبط على بطنها وبعد كده على رقبتها وقفاها ووشها وراسها حتى ياعيني على جفون عنيها من فوق وبتقعد تدعك فيهم اوي عايزة اعرف هل ده ليه علاقه بالموضوع يعني ده بسبب الميكروب اللي في معدتها ولا دي حساسيه ولا ايه مع العلم اني ما اكلتهاش اي حاجة جديده خالص غير اللي بتاكله هي عايشه على الزبادي والسريلاك وبس وساعات قليله بعملها خضار مسلوق
وعايزة اعرف معلش بطنها امتى هتتظبط هي بقالها كده اربع ايام ؟؟وامتى افكر اديها دوا لو فضلت كده؟؟

OM SIMO;14438626:

طب ليه مسالتيهاش يا سالى يمكن نسيت او ماخدتش بالها

منا عشان مكنتشى اعرف ان فى نقط فعشان كده مسالتش وجزاكى الله خيرا على ردك وعلى الموضوع الجديد

dandona om jou;14438996:
بجد تسلم ايديك يا ام سيمو منتحرمش منك ابدا

سالي انا بردو بيكون تطعيم يوسف كله حقن عايزة اقولك ان التطيعم بيختلف من دولة لدولة فاهماني يعني هما في الكويت هنا بيكون التطيعم اغلبه حقن مرة واحدة بس كان حقن و نقط فما تقلقيش خالص مش بينسوا و لا حةج مفيش قلق ان شاء الله

بالنسبة للطبق و المعلقة يا ام ادم انا جبتهم من boots مش عارفة في من الصديلية دي عندك و لا لأ الصراحة بس مشاءا الله حلوين و مريحني و سهل تنظفيهم يا جميلة

بنت من الزمن ده انتي ايه نوع اللبن الصناعي انا بدي ليوسف اس 26 و ان شاء الله هغيروه ليه لما يتم ال 6 شهور ان شاء الله للمرحلة الاعلى

يعنى انتى بتديله حقن يعنى كده مفيش حاجة ناقصه الحمدا لله

~OM-ADAM~;14442173:
نسيت اقولكم المهم هههههههه فرحت بالحاجات دي و نسيت أقول اني رحت للدكتورة والحمدلله كده خلاص آدم بقي أحسن الحاجة اللي في رقبته صغرت خالص و فاضل حاجة بسيطة قالت هتروح لوحدها الحمدلله و كتبت لآدم علي بيبي فيت نص قطارة كل يوم

ربنا يطمنك عليه يارررررررررب ومتشفيش فيه اى حاجة وحشه ابدا يارب ويريح قلبك من ناحيتة يارب

بسبوسةميدو;14446487:
السلام عليكم جميعا:) طيب معلش يا ام سيمو انا بنتي عندها 6شهور ونص ومن كام يوم سخنت جامد جدا عدت ال 39 من غير سبب وقعدت يوم كده معندهاش اسهال ولا حاجه وتاني يوم بدا الاسهال عندها بقت تعمل 5 و6مرات ميه ملونه كده ووديتها للدكتور الحرارة الحمد لله بقت تروح وتيجي مع الخافض والكمادات والدكتور قالي دي حطت حاجه مش نضيفه في بقها او ايديها ماكانتش نضيفه ومرضاش يكتبلها دوا قالي سيبيها تخف لوحدها احسن بس لو سخنت اوي كده تاني اديلها انتينال بس الحمد لله السخونيه قعدت يومين وراحت والاسهال قل شويه بس برده لونه غريب اصفر اوي زي لون اللمون كده مش عارفه ده ايه؟؟
المهم امبارح وانا بغيرلها لقيت نقط حمرا كتيير زي الحمو نيل بالظبط على بطنها وبعد كده على رقبتها وقفاها ووشها وراسها حتى ياعيني على جفون عنيها من فوق وبتقعد تدعك فيهم اوي عايزة اعرف هل ده ليه علاقه بالموضوع يعني ده بسبب الميكروب اللي في معدتها ولا دي حساسيه ولا ايه مع العلم اني ما اكلتهاش اي حاجة جديده خالص غير اللي بتاكله هي عايشه على الزبادي والسريلاك وبس وساعات قليله بعملها خضار مسلوق
وعايزة اعرف معلش بطنها امتى هتتظبط هي بقالها كده اربع ايام ؟؟وامتى افكر اديها دوا لو فضلت كده؟؟

حبيبتى الاعراض اللى بتقوليها بترجح ان عندها عدوى فيروسيه
الفيروس دا بيسبب حراره عاليه لمده 3 ايام و بعد كده ممكن تروح و تيجى تانى
و بيسبب ظهور طفح جلدى على هيئه حبوب صغيرة اوى بيبدا الاول فى البطن و يمتد بعد كده لباقى الجسم
و هو برضه اللى مسبب الاسهال
بس هيا ملهاش علاج غير انك تعالجى الاعراض
اللى هيا الحراره المرتفعه و انتى بتقولى الحمد لله انها خلباص راحت
و الاسهال دايما عوضيه بالسوايل هو ممكن يفضل معاكى لفترة شويه معلش ميخوفكيش من حاجه طول منتى بتعوضيه بالسوايل اهم حاجه
و استعملى الانتينال عشان يساعد معاكى فى تقليل الاسهال
و اقرى الموضوع بتاع الاسهال

http://forums.3roos.com/showthread.p...1#post14085510

و الف سلامه عليها
و الطفح الجلدى ان شاء الله هيروح لوحده متقلقيش

sally2007;14447352:
منا عشان مكنتشى اعرف ان فى نقط فعشان كده مسالتش وجزاكى الله خيرا على ردك وعلى الموضوع الجديد

انا كنت ناسيه يا سالى انك مش فى مصر
فعلا جداول التطعيمات بتختلف من مكان لمكان

OM SIMO;14432956:

بصى يا جميل فى اسباب كتير للعياط غير انه ميبقاش شبعان
و احنا اتكلمنا عن اسباب البكاء فى الموضوع ده
http://forums.3roos.com/showpost.php?p=14104949&postcount=94
و تعرفى انه شبع بانك بتسيبيه يرضع زى ما هو عايز و لما يشبع هو هيسيب صدرك من نفسه و غالبا هتلاقيه ينام بعد الرضعه
و هو من دلوقتى بيحس بيكى و بيعرفك من خلال صوتك
بس مش هيبان دا عليه الا لما يكبر شويه يعنى على 3 شهور كده

المشكله يا دندن انه بيقعد يرضع و ينام بس مفيش نص ساعه او اقل كمان و يصحي عايز يرضع تانى و الدكتور قالي بلاش يرضع على طول كده عشاان الترجيع عنده يقل فعشان كده حاسه انه مش بيشبع كويس منى و جربت اديله تيتينه مش بيرضي ياخدها
و كمان هو ما شاء الله زاد كيلو و 100 جرام في شهر و 10 ايام بس كنت بديله لبن صناعى مع الرضاعه الطبيعي فالدكتور قالي لا وقفيه انا خايفه بقي اما اوقفه مش يزيد كويس بعد كده و لا انتى رايك ايه

بوسي حمد الله على سلامه ادم ربنا يباركلك فيه ان شاء الله

sweetyronaaa;14448520:
المشكله يا دندن انه بيقعد يرضع و ينام بس مفيش نص ساعه او اقل كمان و يصحي عايز يرضع تانى و الدكتور قالي بلاش يرضع على طول كده عشاان الترجيع عنده يقل فعشان كده حاسه انه مش بيشبع كويس منى و جربت اديله تيتينه مش بيرضي ياخدها
و كمان هو ما شاء الله زاد كيلو و 100 جرام في شهر و 10 ايام بس كنت بديله لبن صناعى مع الرضاعه الطبيعي فالدكتور قالي لا وقفيه انا خايفه بقي اما اوقفه مش يزيد كويس بعد كده و لا انتى رايك ايه

بوسي حمد الله على سلامه ادم ربنا يباركلك فيه ان شاء الله

لو عايزة رايىى انا مش برجح تنظيم الرضاعه و خصوصا ان ابنك لسه صغير اوى
و القشط شىء طبيعى فى السن ده فمش معقول انى هجوعه عشان ميرجعش
سيبيه لحد ميشبع خالص و هو يسيب صدرك من نفسه و يكمل من كل ناحيه لاخرها عشان زى مقلنا ان اخر كميه من اللبن هيا اللى بتشبع و بيكون فيها نسبه الدهون كبيره

رضعى ابنك وقت متحسى انه جعان مش كل ميعيط

و الوزن هو اللى هيحكم لو لاقيتيه زايد عن الطبيعى فى الحاله دى يبقى تقللى الرضاعه شويه

@زهرة دبلانة@;14439093:

انا بقى بستخدم مع جوجو المعلقه الصغيره بتاعتنا وطبق عادى بحس ان الكلام ده فاضى ههههههههه ولا غلط ؟؟؟من يوم مااكلت بديها بيهم عادى مش فاهمه ليه الاطباق دى والمعلقه الا ممكن الفل وهوا صغير اوى يعنى ممكن المعلقه تجرحه ؟؟؟بس انا باكلها واشيلها براحه ؟؟

رورو انا بردو مجبتش اطباق خالص كنت بحط في اطباق عندي او سلاطين بلاستيك كده كده بتاعة البيت، لكن المعلقة قلت لازم اجيبها كده الاول عشان بيكونوا لسه عبط ومش فاهمين وممكن يضغطوا جامد او يعضوا او يقفلوا بسرعة كده يعني وتوجعهم، بس ابتدين بالسيليكون دي ودلوقتي عشان هي كبرت من فترة كبير يعني مش دلوقتي بس بقيت بأكلها بالعادية المعدن الصغيرة وخلاص ركنت التانيين، وكنت جايبة بقي علب صغيرة بلاستيك شفاف بغطاهم عشان الخروج بس

~OM-ADAM~;14442075:
دلوقتي مكتوب علي السيريلاك يضاف لبن الأم أو صناعي.. آدم الحمدلله مش بيأخذ صناعي و أنا مش عندي شفاط بببرونة لا العادي الرخيص ده علشان كنت برمي اللبن أصلا ساعة ما جبته.. و للأسف مش هعرف اجيب شفاط بببرونة حاليا اعمله ازاي؟

انا كنت بعمله عالطول بالمية هو القمح ولا مرة حطيت لبن