كل يوم هنتكلم عن موضوع جديد خاص بصحه طفلك

ام سيمواللهم امين ربنا يكرمك
جوجو بعد ماعنيها احمرت عطست بالليل وجالها دور رشح جامد بالله عليكى ايه اللى بيوقف الرشح ده بس حاجه طبيعيه يعنى تنصحينى اعملها ايه ؟ وبرده عنيها لسه محمره وبينزل منها ميه وحاسه انها همدانه من الرشح ؟؟؟؟وبتعطس كتير

وتقصدى حساسيه ايه ؟ممكن يكون انف تقصدى لانها قبل كده كانت تدعك ف مناخيرها جامد وتعيط كنت بقول بتسنن ياريت تعرفينى

وممكن اعرف كانو معترضين على الاسم ليه؟؟؟عشان اجنبى يعنى ؟؟؟هههههههههه

ام سيمو الحقيني
ادهم رجع الصبح و كان في مع الترجيع لون روز كده
ده من ايه ده
انا خايفه اوى ليكون عنده حاجه خطيره لاقدر الله

Bossy22;14505732:
حجات سما جميلة اوى ما شاء الله يا ام سيمووو
دلوقتى انا جودى مطلعتش ولا سنة و لا بتزحف و قلقانى و هى المفروض وزنها يبقى كام قالولى و هى بتتطعم ان وزنها قليل هى قربت تتم 10 شهور ووزن الولادة 3500 و انا مش عارفة ااكلها كميات اد ايه يعنى مثلا لو بسلق تفاحة و كمترايه دول يعملولها كام وجبة؟؟؟؟ انا مببقاش عارفة اعملها اد ايه و لو كوساية و جزرايه و حبة بسلة بتاع 5 او 6 دول بردو يعملو كام وجبة معلش اسالتى عبيطة لكن محتارة اوى و ضميرى بيانبنى انها خاسة

بصى يا بوسى الوزن من 8.5 ل 9.5
و بالنسبه للتسنين لسه متقلقيش دلوقتى خالص عادى لحد سنه و اكتر كمان
و الزحف كمان ميقلقكيش خالص اصلا فى اطفال مش بتزحف خالص و بتقف تسند و تمشى على طول
اهم حاجه انها تكون بتقعد كويس و بتحفظ توازنها

بالنسبه للاكل بقى زى مقولنا انتى مش بتحددى كميه معينه انتى بتاكليها لحد متشبع
و هيا اللى هتحدد الكميه اللى بتاكلها
لو لاقيتى اكلتها قليله سيبيها شويه و ارجعى تانى اعرضى عليها الكل

@زهرة دبلانة@;14506041:
ام سيمواللهم امين ربنا يكرمك
جوجو بعد ماعنيها احمرت عطست بالليل وجالها دور رشح جامد بالله عليكى ايه اللى بيوقف الرشح ده بس حاجه طبيعيه يعنى تنصحينى اعملها ايه ؟ وبرده عنيها لسه محمره وبينزل منها ميه وحاسه انها همدانه من الرشح ؟؟؟؟وبتعطس كتير

وتقصدى حساسيه ايه ؟ممكن يكون انف تقصدى لانها قبل كده كانت تدعك ف مناخيرها جامد وتعيط كنت بقول بتسنن ياريت تعرفينى

وممكن اعرف كانو معترضين على الاسم ليه؟؟؟عشان اجنبى يعنى ؟؟؟هههههههههه

رورو كل الاعراض اللى بتقوليها دى اعراض حساسيه
فى حاجه اتعرضتلها سواء كان تراب او برفان مثلا او حتى هوا بارد
ممكن هوا اللى سببلها الحساسيه فى الانف و هيا اللى عاملالها العطس الجامد و الرشح
و بيبقى الرشح عبارة عن ميه و مش مصاحبه اعراض برد زى السخونيه
و حساسيه العين بتسبب حكه و احمرار فى العين
و دموع كتير و ساعات تورم و انتفاخ فى الجفن

هيا محتاجه دلوقتى تاخد حاجه مضاده للهيستامين زى فينيستيل او زيرتك

هيظبطلها كل الاعراض دى


بالنسبه بقى للاسم احنا بس كنا مستغربينه عشان مش منتشر
بس هو اسم جميل توكلى على الله

sweetyronaaa;14506192:
ام سيمو الحقيني
ادهم رجع الصبح و كان في مع الترجيع لون روز كده
ده من ايه ده
انا خايفه اوى ليكون عنده حاجه خطيره لاقدر الله

حبيبتى متقلقيش

اللون ده ممكن يكون بسبب تشققات فى الحلمه بتاعتك و اثناء الرضاعه نزل شويه دم انتى ممكن تكونى محسيتيش بيهم و هما دول اللى غيرو لون الترجيع
و بصى ع البراز بتاعه لو فيه دم معاه
و لو استمر اللون ده فى الترجيع يبقى تعرضيه على الدكتور
بس ان شاء الله مش هيتكرر

هو الحمد لله مش اتكرر
يعني هو الصبح رجع 3 مرات اول مره بس هي اللي كان فيها اللون ده

و بقولك يا دندن هو بقاله كام يوم ساعات كده لما يطلع ريح بتبقي ريحته وحشه
انا كنت فاكره انى بيتهيالي بس بابا لاحظ كده النهارده

ام سيمو ياحبيبتى يااارب متتاخريش عليه في الرد انا قلقاانه اوى على يوسف دلوقتى كنت لسه بغيره ولقيت الكيكى بتاعته فيها حتت حمرا كده زى دم والمنطقه اللي حولين فتحه الشرج ملتهبه جدا وفيه حته كده ملتهبه اوى كده معرفش الدم ده ممكن يكون من ايه من الحتت الملتهبه دى ممكن تكون جابت دم ولا ايه مع انى كنت مغيراه من 3 سااعات مثلا مكنش فيه الحته الملتهبه اوى دى ولو من الكيكى نفسها ممكن يكون ايه يا ام سيمو هو سلوكه طبيعىالحمدلله مش متغير في حااجه معرفش ممكن يكون الدم ده ايه سببه معلش بتعبك معايا يا ام سيمو وربنا يبارك فيكى يااارب

OM SIMO;14507030:
ب
رورو كل الاعراض اللى بتقوليها دى اعراض حساسيه
فى حاجه اتعرضتلها سواء كان تراب او برفان مثلا او حتى هوا بارد
ممكن هوا اللى سببلها الحساسيه فى الانف و هيا اللى عاملالها العطس الجامد و الرشح
و بيبقى الرشح عبارة عن ميه و مش مصاحبه اعراض برد زى السخونيه
و حساسيه العين بتسبب حكه و احمرار فى العين
و دموع كتير و ساعات تورم و انتفاخ فى الجفن

هيا محتاجه دلوقتى تاخد حاجه مضاده للهيستامين زى فينيستيل او زيرتك

هيظبطلها كل الاعراض دى


بالنسبه بقى للاسم احنا بس كنا مستغربينه عشان مش منتشر
بس هو اسم جميل توكلى على الله

الله يريح قلبك يادندن روحى يابنتى ربنا مايوقفك ف ضيقة ولاتشوفى شر ابدا ف بنتك

فعلا كلامك 90 ف الميه ممكن يكون صح انا حسيت انها شمت حاجه وعطست ممكن برفيوم او تراب والاعراض دى كلها عندها الوقتى
بس معلش استحملينى دول
للهيستامين زى فينيستيل او زيرتك
ايه بالظبط وعباره عن ايه وفيهم ضرر يادندن مش قصدى يعنى لازم ولا اصبر شوية ولا لو صبرت غلط عليها وبالنسبه لاحمرار عينها ممكن تروح بالوقت ولا برده صبرى كده غلط ياريت تطمنينى معلش تعباكى ف الاسئلة
انا بجد نفسى ترتاح لان مش عارفه تنام من مناخيرها بتصحى كل ربع ساعة معرفش باين مخنوقه من مناخيرها حاسه انها سادة سدرها
ربنا يخفف عنها وعن كل ولاد المسلمين


سويت رونا وبنت من الزمن ده ربنا يطمنكم على عيالكو ويشفيهم ويعينكم قلبى معاكم

sweetyronaaa;14507317:
هو الحمد لله مش اتكرر
يعني هو الصبح رجع 3 مرات اول مره بس هي اللي كان فيها اللون ده

و بقولك يا دندن هو بقاله كام يوم ساعات كده لما يطلع ريح بتبقي ريحته وحشه
انا كنت فاكره انى بيتهيالي بس بابا لاحظ كده النهارده

الحمد لله يا رونا كده مفيش قلق من حاجه زى مقولتلك
بالنسبه للريحه الوحشه دى نتيجه عاديه للانتفاخ
اديله نقط سايمثكون او اى دوا انتفاخ عندك

بنت من الزمن ده;14508001:
ام سيمو ياحبيبتى يااارب متتاخريش عليه في الرد انا قلقاانه اوى على يوسف دلوقتى كنت لسه بغيره ولقيت الكيكى بتاعته فيها حتت حمرا كده زى دم والمنطقه اللي حولين فتحه الشرج ملتهبه جدا وفيه حته كده ملتهبه اوى كده معرفش الدم ده ممكن يكون من ايه من الحتت الملتهبه دى ممكن تكون جابت دم ولا ايه مع انى كنت مغيراه من 3 سااعات مثلا مكنش فيه الحته الملتهبه اوى دى ولو من الكيكى نفسها ممكن يكون ايه يا ام سيمو هو سلوكه طبيعىالحمدلله مش متغير في حااجه معرفش ممكن يكون الدم ده ايه سببه معلش بتعبك معايا يا ام سيمو وربنا يبارك فيكى يااارب

ام يوسف معلش يا قمر اتاخرت عليكى
بصى يا حبيبتى غالبا الدم ده هيكون نتيجه للالتهابات اللى عنده
انتى دخلتى اكل جديد الفترة دى؟
او غيرتى نوع البامبرز؟

و عشان تطمنى اكتر جاوبينى ع الاسئله دى

هل يوسف بيعيط جامد اوى و هو بيعمل كيكي؟
هل عنده امساك و البراز بتاعه جامد و ناشف؟
هل فى اعراض تانيه زى الترجيع المستمر او الشحوب ؟
هل لون الدم غامق اوى و مسود؟

لو الاجابه لا يبقى زى مقولتلك هو دا السبب
و لاحظيه فى الفترات اللى جايه بعد متعالجى الالتهابات

@زهرة دبلانة@;14508314:
الله يريح قلبك يادندن روحى يابنتى ربنا مايوقفك ف ضيقة ولاتشوفى شر ابدا ف بنتك

فعلا كلامك 90 ف الميه ممكن يكون صح انا حسيت انها شمت حاجه وعطست ممكن برفيوم او تراب والاعراض دى كلها عندها الوقتى
بس معلش استحملينى دول
للهيستامين زى فينيستيل او زيرتك
ايه بالظبط وعباره عن ايه وفيهم ضرر يادندن مش قصدى يعنى لازم ولا اصبر شوية ولا لو صبرت غلط عليها وبالنسبه لاحمرار عينها ممكن تروح بالوقت ولا برده صبرى كده غلط ياريت تطمنينى معلش تعباكى ف الاسئلة
انا بجد نفسى ترتاح لان مش عارفه تنام من مناخيرها بتصحى كل ربع ساعة معرفش باين مخنوقه من مناخيرها حاسه انها سادة سدرها
ربنا يخفف عنها وعن كل ولاد المسلمين


سويت رونا وبنت من الزمن ده ربنا يطمنكم على عيالكو ويشفيهم ويعينكم قلبى معاكم

الله يخليكى يا رورو متحرمش منك يا رب
بصى مضادات الهيستامين دول اللى هما الادويه مضادات الحساسيه
و مفيش منهم ضرر ولا حاجه زى ادويه البرد ماهى بيبقى فيها نسبه من مضادات الحساسيه
و الافضل طبعا انك تديها الدوا لانه هيخفف عنها كتير
تخيلى نفسك طول النهار قاعده تعطسى و عندك رشح و مناخيرك بتاكلك
و فى نفس الوقت عينيكى بتحرقك و بتدمع و كان فيها رمل
احساس متعب جدا
اصلى مجربه موضوع الحساسيه دى من وانا صغيرة
اديها
zyrtec syp
معلقه صغيرة مرة قبل متنام
مع نقط اوتريفين بيب سالين عشان الخنفرة
وان شاء الله ربنا يزيح عنها
بوسيهالى بوسه كبيرة

و رجعنالكم بموضوع جديد اخير
و هو زى مطلبت رورو
عن

كيفيه استحمام البيبى





طبعا كلنا بنبقى خايفين فى الاول اننا نحمى بيبيهاتنا
و دا لانهم بيبقو صغيرين اوى فبنبقى خايفين عليهم

لكن الموضوع بسيط جدا خليكى معايا

اول حاجه هنحضر كل الادوات الللى احنا هنحتاجها
لانك مش مسموحلك طبعا تسيبى البيبى لوحده عشان تروحى تجيبى حاجه
حتى لو كان كبر و بيقعد لوحده

ايه الادوات دى؟

بانيو



ليفه ناعمه







و ممكن تستعملى الاسفنجه دى عشان البيبى يتزحلقش





شاور
و
شامبو





قطن طبى




لعبه صغيرة(بعد 3 شهور)




فوطه كبيرة او بشكير





حضرتيهم؟


طيب يلا املى البانيو او الحوض اللى هتحمى البيبى فيه بميه دافيه

و بعدين اختبريها بايدك و اتاكدى ان درجه حرارتها مناسبه


هنبدا بقى

شيلى البيبلى على ايديكى بالطريقه دى

و ابداى اغسلى جسمه كله بالليفه و الشاور

و بعدين صبى ميه نظيفه لحد متنضفيه كله من اول رقبته لحد رجليه من تحت





بعد متخلصى لفيه فى فوطه و ابداى اغسلى راسه و شعره
حتى لو كان اقرع :lol:

هتحطى نقطه شامبو او اتنين بالكتير و ترغى و بعدين تغسليه

خللى بالك من الميه متدخليهاش فى ودانه
و لو مش هتعرفى تتحكمى فيها هاتى قطنه و حطى عليها فازلين و سدى بيها و دانه


يبقى فاضل وشه

اغسليه بالميه بس

و بللى القطنه ميه و امسحى بيها عينيه من جوة لبره
وورا ودانه

و طبعا استخدمى قطنه جديده فى كل عين


بعد متخلصى نشفى شعره كويس
و لفى جسمه كله و شعره بالبشكير

نشفى جسمه كله كويس اوى و خللى بالك من الثنيات

و طبعا تكونى مجهزة كل لبسه و البامبرز

قبل متلبسيه ادهنى جسمه بالبيبى اويل بيحافظ عاى نعومه بشرته
و فى نفس الوقت بيخللى ريحته جميله



بعض الملاحظات:

فى ناس بتخاف تحمى البيبى فى اول اسبوع عشان السرة بتاعته
دا مش مانع ابدا انك تبداى تحميه

حاولى تخللى وقت الحموم فرصه انك تقربى من طفلك بانك تغنيله و تلعبى معاه
عشان تخليه وقت محبب بالنسباله

بالنسبه للبنات لما تيجى تنضفى المنطقه الحساسه تنضفيها من قدام لورا
عشان تتجنبى انك تنقلى الميكروبات الى فتحه التبول و بالتالى تمنعى العدوى فى المنطقه دى

دندن سؤال خارجي بره الموضوع ممكن بس بجد اصلي مزنوقة فيه اوي :lol::lol::lol:
انتي ما شاء الله مطقمة لسيمو السورتيتات مع اللبس وكلهم بجد حلوين اوي ومختلفين وجمال، منين دول بقي بليز عشان انا كل ما بدور وفي محلات كتيرة من الكبار او الصغيرين مش بلاقي غير قليل وكمان اشكالهم مش حلوة، متقوليش انتي اللي عملاهم :-o:-o

ام سيمو جزاكى الله خيرا يا قمر هو فعلا كل الاسئله لاا بس هو في الكيكى قبلها كان بيحزق بس وفيه حته مع الكيكى ناشه شويه لكن مش كلها بس هو ميعتبرش عنده امساك لان بيعمل كل يوم ومكنش بيعيط ولا حااجه كان بيحزق بس معرفش بيدلع ولا بسبب حته الكيكى الناشفه دى انا بس كنت باكل جاتوه وايديته حته صغيره بس دى الحااجه الجديده اللي اكلها طيب ياحبيبتى امتى ابتدى اقلق وارووح للدكتور لو عمل تانى يعنى ولو ماعملش اطمن ولا اييه طيب هو ممكن يكون فيه حااجه داخليه لاقدر الله ويعمل مرة وحده ولا اييه اصل قبل كده وانا في مصر الدكتور قال انه عنده اميبا لما عملت تحليل براز بس اخد علاج وعملت التحليل تانى وطلع مفيش ممكن يكون الدم ده حااجه وحشه من الاميبا مع انى ولله اصلا موسوسه في النضافه معرفش هى كانت فعلا عنده ولا لا لان لما رحت لدكتور تانى قال اكييد التحليل كان غلط لان الاميبا مش بتيجى للسن الصغير ده كان عنده ساعتها 5 شهور تقريبا ومرسي اوى ياحبيبتى على ردك ,, هو صحيح لو عملت مهلبيه او رز بلبن بالحليب الصناعي لازم ياكله في خلال سااعه زى الحليب ما بيبقى لوحده مكتوب ع العلبه ياخد الرضعه في خلال ساااعه ولا عاادى ممكن اعمل واحطه ف التلاجه عاادى

@زهرة دبلانة@;14508314:
الله يريح قلبك يادندن روحى يابنتى ربنا مايوقفك ف ضيقة ولاتشوفى شر ابدا ف بنتك

فعلا كلامك 90 ف الميه ممكن يكون صح انا حسيت انها شمت حاجه وعطست ممكن برفيوم او تراب والاعراض دى كلها عندها الوقتى
بس معلش استحملينى دول
للهيستامين زى فينيستيل او زيرتك
ايه بالظبط وعباره عن ايه وفيهم ضرر يادندن مش قصدى يعنى لازم ولا اصبر شوية ولا لو صبرت غلط عليها وبالنسبه لاحمرار عينها ممكن تروح بالوقت ولا برده صبرى كده غلط ياريت تطمنينى معلش تعباكى ف الاسئلة
انا بجد نفسى ترتاح لان مش عارفه تنام من مناخيرها بتصحى كل ربع ساعة معرفش باين مخنوقه من مناخيرها حاسه انها سادة سدرها
ربنا يخفف عنها وعن كل ولاد المسلمين


سويت رونا وبنت من الزمن ده ربنا يطمنكم على عيالكو ويشفيهم ويعينكم قلبى معاكم

ميرسي يا حببتي وربنا يطمنك على جوجو

OM SIMO;14510929:
الحمد لله يا رونا كده مفيش قلق من حاجه زى مقولتلك
بالنسبه للريحه الوحشه دى نتيجه عاديه للانتفاخ
اديله نقط سايمثكون او اى دوا انتفاخ عندك





ام يوسف معلش يا قمر اتاخرت عليكى
بصى يا حبيبتى غالبا الدم ده هيكون نتيجه للالتهابات اللى عنده
انتى دخلتى اكل جديد الفترة دى؟
او غيرتى نوع البامبرز؟

و عشان تطمنى اكتر جاوبينى ع الاسئله دى

هل يوسف بيعيط جامد اوى و هو بيعمل كيكي؟
هل عنده امساك و البراز بتاعه جامد و ناشف؟
هل فى اعراض تانيه زى الترجيع المستمر او الشحوب ؟
هل لون الدم غامق اوى و مسود؟

لو الاجابه لا يبقى زى مقولتلك هو دا السبب
و لاحظيه فى الفترات اللى جايه بعد متعالجى الالتهابات





الله يخليكى يا رورو متحرمش منك يا رب
بصى مضادات الهيستامين دول اللى هما الادويه مضادات الحساسيه
و مفيش منهم ضرر ولا حاجه زى ادويه البرد ماهى بيبقى فيها نسبه من مضادات الحساسيه
و الافضل طبعا انك تديها الدوا لانه هيخفف عنها كتير
تخيلى نفسك طول النهار قاعده تعطسى و عندك رشح و مناخيرك بتاكلك
و فى نفس الوقت عينيكى بتحرقك و بتدمع و كان فيها رمل
احساس متعب جدا
اصلى مجربه موضوع الحساسيه دى من وانا صغيرة
اديها
zyrtec syp
معلقه صغيرة مرة قبل متنام
مع نقط اوتريفين بيب سالين عشان الخنفرة
وان شاء الله ربنا يزيح عنها
بوسيهالى بوسه كبيرة

ربنا يطمن قلبك يا دندن و تفرحي بسيمو كده و هى عروسه

موضوع حمى البيبي ده حلو جدا
انا بحمي ادهم كده بالظبط بس بحميه في الحوض لان البانيو بتاعه اللي هو بيكون قاعد فيه و قالولي ميستخدموش الا بعد 3 شهور

زهرة دبلانه مرسي حبيبتى وربنا يطمنك على جوجو يااارب وموضوع الحموم حلو اوى انا لحد دلوقتى بحمى يوسف على ايدى وباباه بيصب المياه عليه بس انا لازم اجيبله بانيو ان شاء الله هجيبهولو هو فيه من جواه كده زى حتت مانعه للانزلاق لان فعلا الحموم ده متعه بس قلت لما الجو يدفى شويه

سويت رونا وبنت من الزمن ده الله يكرمكم واياكم

دندن باستك العافية يارب
انا فعلا رحت جبت فينيستل امبارح وعندك حق الرشح هدها ياعينى واتروفين مش هنا بس عندى ابيسال وليه قلتى زيرتك انا ادتلها فينيستل بس امبارح والنهارده خايفه ;) بس هديها وبكره لا بقى متحرمش منك
اما موضوع الحمى غاية ف الروعة والصور جميلة فكرتنى بايام جوجو
بجد الدرس جميل اوى اوى ووافى كالعادة
بس سؤال انا بخاف من منتجات جونسن اوى عشان الاشاعات اللى طلعت عليها ولا هيا فعلا مش حقيقه انا بستخدم شامبو سيباميد جميل اوى بس غالى شويه لكن الصراحه بغسل جسمها كله بصابونة جلسرين برده شركة حلوة
وبخاف برده من بيبى اويل ياريت تفهمينى فيه منهم اضرار ولا ابدا

ام سيمو لو سمحتي انا ليا سؤال بس مش خاص بالاطفال
ولو مخالف ممكن تمسحيه معلش انا اسفه بس مش عارفه اسال مين غيرك
ربنا يجزيكي كل خير يارب ويجعله ف ميزان حسناتك


انا عاوزة اعرف لو مية الجنين قليله ايه الاضرار اللي ممكن تحصل لاقدر الله ؟
وهل ده بياثر على حركته ولالا ؟

*Om Mo3az*;14515222:
ام سيمو لو سمحتي انا ليا سؤال بس مش خاص بالاطفال
ولو مخالف ممكن تمسحيه معلش انا اسفه بس مش عارفه اسال مين غيرك
ربنا يجزيكي كل خير يارب ويجعله ف ميزان حسناتك


انا عاوزة اعرف لو مية الجنين قليله ايه الاضرار اللي ممكن تحصل لاقدر الله ؟
وهل ده بياثر على حركته ولالا ؟

لا يا حبيبتى انتى تسالى زى منتى عايزة
بصى الميه اللى حوالين الجنين ايه اهميتها انها بتحمى البيبى من الصدمات و بتوفرله الغذا
و بتساعد على نموة و بتوفرله درجه حرارة مناسبه
و بتساعده على الحركه

فلو قلت بدرجه كبيرة فى بدايه الحمل بتاثر على نمو الجنين

انما فى نهايه الحمل بتبقى مضاعفاتها انها ممكن تؤدى لولاده مبكرة و لو قلت اوى بتصعب الولاده الطبيعيه و بتحد من حركه الجنين

@زهرة دبلانة@;14515155:
سويت رونا وبنت من الزمن ده الله يكرمكم واياكم

دندن باستك العافية يارب
انا فعلا رحت جبت فينيستل امبارح وعندك حق الرشح هدها ياعينى واتروفين مش هنا بس عندى ابيسال وليه قلتى زيرتك انا ادتلها فينيستل بس امبارح والنهارده خايفه ;) بس هديها وبكره لا بقى متحرمش منك
اما موضوع الحمى غاية ف الروعة والصور جميلة فكرتنى بايام جوجو
بجد الدرس جميل اوى اوى ووافى كالعادة
بس سؤال انا بخاف من منتجات جونسن اوى عشان الاشاعات اللى طلعت عليها ولا هيا فعلا مش حقيقه انا بستخدم شامبو سيباميد جميل اوى بس غالى شويه لكن الصراحه بغسل جسمها كله بصابونة جلسرين برده شركة حلوة
وبخاف برده من بيبى اويل ياريت تفهمينى فيه منهم اضرار ولا ابدا

عادى يا رورو الفينستيل زى الزيرتك
بس الفرق ان الفينيستيل بيدروخ و ينيم اوى انما الزيرتك لا نص نص
منتجات جونسون اعتقد انها كويسه بس الاشاعات دى دايما تطلع على اى منتج ناجح
و سيباميد كويسه برده

بنت من الزمن ده;14514665:
زهرة دبلانه مرسي حبيبتى وربنا يطمنك على جوجو يااارب وموضوع الحموم حلو اوى انا لحد دلوقتى بحمى يوسف على ايدى وباباه بيصب المياه عليه بس انا لازم اجيبله بانيو ان شاء الله هجيبهولو هو فيه من جواه كده زى حتت مانعه للانزلاق لان فعلا الحموم ده متعه بس قلت لما الجو يدفى شويه

sweetyronaaa;14514618:
ميرسي يا حببتي وربنا يطمنك على جوجو



ربنا يطمن قلبك يا دندن و تفرحي بسيمو كده و هى عروسه

موضوع حمى البيبي ده حلو جدا
انا بحمي ادهم كده بالظبط بس بحميه في الحوض لان البانيو بتاعه اللي هو بيكون قاعد فيه و قالولي ميستخدموش الا بعد 3 شهور

انا كمان بكسل احمى سما فى البانيو و بحميها فى الحوض
بس فى الصيف بقى هخليها تبلبط براحتها

بنت من الزمن ده;14513947:
ام سيمو جزاكى الله خيرا يا قمر هو فعلا كل الاسئله لاا بس هو في الكيكى قبلها كان بيحزق بس وفيه حته مع الكيكى ناشه شويه لكن مش كلها بس هو ميعتبرش عنده امساك لان بيعمل كل يوم ومكنش بيعيط ولا حااجه كان بيحزق بس معرفش بيدلع ولا بسبب حته الكيكى الناشفه دى انا بس كنت باكل جاتوه وايديته حته صغيره بس دى الحااجه الجديده اللي اكلها طيب ياحبيبتى امتى ابتدى اقلق وارووح للدكتور لو عمل تانى يعنى ولو ماعملش اطمن ولا اييه طيب هو ممكن يكون فيه حااجه داخليه لاقدر الله ويعمل مرة وحده ولا اييه اصل قبل كده وانا في مصر الدكتور قال انه عنده اميبا لما عملت تحليل براز بس اخد علاج وعملت التحليل تانى وطلع مفيش ممكن يكون الدم ده حااجه وحشه من الاميبا مع انى ولله اصلا موسوسه في النضافه معرفش هى كانت فعلا عنده ولا لا لان لما رحت لدكتور تانى قال اكييد التحليل كان غلط لان الاميبا مش بتيجى للسن الصغير ده كان عنده ساعتها 5 شهور تقريبا ومرسي اوى ياحبيبتى على ردك ,, هو صحيح لو عملت مهلبيه او رز بلبن بالحليب الصناعي لازم ياكله في خلال سااعه زى الحليب ما بيبقى لوحده مكتوب ع العلبه ياخد الرضعه في خلال ساااعه ولا عاادى ممكن اعمل واحطه ف التلاجه عاادى

لا يا حبيبتى اطمنى
مادام حصلت مرة واحده بس يبقى زى مقولتلك
وعشان تطمنى اكتر انتى ممكن تعملى تحليل فى معمل محترم
مع انى مع الراى اللى بيستبعد الاميبا فى السن ده

بالنسبه للحليب الصناعى
مش عارفه والله مقدرش افيدك لانى مجربتهوش

CuTie KaTkOoTa;14513521:
دندن سؤال خارجي بره الموضوع ممكن بس بجد اصلي مزنوقة فيه اوي :lol::lol::lol:
انتي ما شاء الله مطقمة لسيمو السورتيتات مع اللبس وكلهم بجد حلوين اوي ومختلفين وجمال، منين دول بقي بليز عشان انا كل ما بدور وفي محلات كتيرة من الكبار او الصغيرين مش بلاقي غير قليل وكمان اشكالهم مش حلوة، متقوليش انتي اللي عملاهم :-o:-o

ههههههههههههه لا والله يا ايمى انا شارياهم من المحلات اللى بيبقى فيها توك و اكسسوارات اللى احنا بنشترى منهم زى اخر العنقود و لبن العصفور والمحلات دى
و فى واحده قريبتى كانت جايبالى منهم كل الالوان
وانا كنت كل مدخل محل اجيب شويه لحد مبقى عندها ثروة
و السورتيت الوحيد اللى انا عملتهولها مش بترضى تلبسه مش عارفه ليه كل ملبسهولها تقعد تشده الظاهر مش عاجبها:lol::lol:

ام سيمو انا كنت عند اختى الاسبوع الى فات وفي نموسه قرصت تايا ف خدها من ساعتها وحبوب شكل الحبه الى بتسيبها الناموسه بقت كتير فوشها يعنى كترت ف وشها

ف ده ايه بقي حساسيه ولا ايه واعمل اييه

بصوا يابنات الكرسى ده انا جايبة لدودى وبحمية عليه جبتة بدل البانيو بس رووووووووووووعه انا جايبة الصورة من النت بس هصورلكم بتاع دودى ان شاء الله بس الفرق ان بتاع دودى فى حزام امان بتربطيه عشان ميتزحلقشى وكمان الكرسى ده ميزتة انوا ممكن يقعد عليه عادى ياكل حتى على الكرتونة بتاعته عملين ليه اكتر من استخدام للحموم وللاكل وانوا يقع عليه كده ومستويات كمان بس بجد انا بعرف احمى دودى من غير مااكون خايفة وبحمية براحتى ولوحدى كمان مش لازم حد يمسكه ليه وتحفة تحفة كنت شايلة هم ان احمى ازى بعد ما سافرت لانى كانت بمسكة مع ماما ونحميه وكمان الكرسى مش غالى خالص 45 درهم يعنى 67 مصرى وللعلم الكرسى ده فى منه من اول صفر ل 6 شهور ومن 6 شهور لسنة بس انا جبت من 6 شههور ل سنة عشان ادهم كان عنده 5 شهور وقت مااشتريتة
وكمان هو ضهرة زى الشبكة عشان الماية تنزل من وراء وهو قاعد بتحمية ومتين الحمدا لله
وادى الصورة اللى من النت وهصورلكم بتاع دودى على الحقيقة برضه

OM SIMO;14515830:
لا يا حبيبتى انتى تسالى زى منتى عايزة
بصى الميه اللى حوالين الجنين ايه اهميتها انها بتحمى البيبى من الصدمات و بتوفرله الغذا
و بتساعد على نموة و بتوفرله درجه حرارة مناسبه
و بتساعده على الحركه

فلو قلت بدرجه كبيرة فى بدايه الحمل بتاثر على نمو الجنين

انما فى نهايه الحمل بتبقى مضاعفاتها انها ممكن تؤدى لولاده مبكرة و لو قلت اوى بتصعب الولاده الطبيعيه و بتحد من حركه الجنين

ربنا يجزيكي كل خير يارب ويبارك لك ف سيمو القمره
طب ازاي بتصعب الولاده ؟
انا ف نص التاسع دلوقتي والدكتورة من وانا ف التامن بتقول لي الميه قليله بس اخدت اسبوسيد ووقفته اول ما دخلت التاسع ووقتها كانت الميه كويسه بس رجعت قلت تاني

كده ممكن الولاده تبقى صعبه :(

M!ss Tuky;14516103:
ام سيمو انا كنت عند اختى الاسبوع الى فات وفي نموسه قرصت تايا ف خدها من ساعتها وحبوب شكل الحبه الى بتسيبها الناموسه بقت كتير فوشها يعنى كترت ف وشها

ف ده ايه بقي حساسيه ولا ايه واعمل اييه

ادهنيلها كالاميل على مكان الحبوب هيهديها ان شاء الله
و لو الحبوب زادت اكتر او انتشرت فى اماكن تانيه اديها فينيستيل

sally2007;14517804:
بصوا يابنات الكرسى ده انا جايبة لدودى وبحمية عليه جبتة بدل البانيو بس رووووووووووووعه انا جايبة الصورة من النت بس هصورلكم بتاع دودى ان شاء الله بس الفرق ان بتاع دودى فى حزام امان بتربطيه عشان ميتزحلقشى وكمان الكرسى ده ميزتة انوا ممكن يقعد عليه عادى ياكل حتى على الكرتونة بتاعته عملين ليه اكتر من استخدام للحموم وللاكل وانوا يقع عليه كده ومستويات كمان بس بجد انا بعرف احمى دودى من غير مااكون خايفة وبحمية براحتى ولوحدى كمان مش لازم حد يمسكه ليه وتحفة تحفة كنت شايلة هم ان احمى ازى بعد ما سافرت لانى كانت بمسكة مع ماما ونحميه وكمان الكرسى مش غالى خالص 45 درهم يعنى 67 مصرى وللعلم الكرسى ده فى منه من اول صفر ل 6 شهور ومن 6 شهور لسنة بس انا جبت من 6 شههور ل سنة عشان ادهم كان عنده 5 شهور وقت مااشتريتة
وكمان هو ضهرة زى الشبكة عشان الماية تنزل من وراء وهو قاعد بتحمية ومتين الحمدا لله
وادى الصورة اللى من النت وهصورلكم بتاع دودى على الحقيقة برضه

جميل اوى فعلا يا سالى
و ينفع خصوصا للبيبهات الصغيرة اللى مش بيعرفو يقعدو

*Om Mo3az*;14518286:
ربنا يجزيكي كل خير يارب ويبارك لك ف سيمو القمره
طب ازاي بتصعب الولاده ؟
انا ف نص التاسع دلوقتي والدكتورة من وانا ف التامن بتقول لي الميه قليله بس اخدت اسبوسيد ووقفته اول ما دخلت التاسع ووقتها كانت الميه كويسه بس رجعت قلت تاني

كده ممكن الولاده تبقى صعبه :(

ربنا يخليكى يا ام معاز
متخافيش يا قمر الحالات اللى بتصعب الولادة بتبقى الميه فيها قليله جدا لدرجه انهم بيخافو ع البيبى عشان كده الدكتور بيقرر يولد الحالات دى قيصرى
و طول منتى متابعه مع الدكتورة مفيش قلق
اشربى ميه كتير الايام دى
و ربنا يقومك بالسلامه و يسهل ولادتك و يرزقك باحلى بيبى فى الدنيا
قوليلنا بقى هتسميه ايه

ام سيمو جزاكى الله خير على كل مواضيعك
النهاردة كان تطعيم حور التسع شهور ومتابعتها عند الدكتور قالى ان مصها لصوبعها اثر على الفك الى فوق اعمل ايه عشان تبطل الحركة دى

هى وزنها 8 كيلو ما شاء الله ومولودة 2.600 كده كويس ولا ضعيفة الكل بيقولى انها رفيعه