كل يوم هنتكلم عن موضوع جديد خاص بصحه طفلك

ام سيمو ازيك وعامله ايييه

انا سؤالى خاص ببنت اختى هى عندها دلوأتى سنتين وبتغلب مامتها ف الاكل بتقعد بالساعتين تاكل ومبتاكلش وجبه علي بعضها

لان الاكل بيفضل ف بقها كتير بتحتفظ بيه ف بقها وممكن تتكلم وتلعب والاكل لسه ف بقها مبتبلعوش بسهوله

وزنها 11 كيلو تقريبا ومبتزيدش خالص

ف هي عاوزة تعرف اييه الطريقه الى تتعامل معاها ف الفتره دى وليه هى بتتعامل مع الاكل بالشكل ده رافضاه ومبتاكلش بسهوله ولو كلت بتخلي الاكل ف بقها كتير

OM SIMO;14539020:

تسلمى يا ايمى
و ربنا يخليلك جوجو وتعمليلها احلى عيد ميلاد فى الدنيا

:(:( دندن معلش هتعبك معايا دلوقتي هي موضوع مناخيرها ده من اليوم اللي قبل اللس سألتك فيه نسيت هو كان امتي :o:o المهم هي قلت سنة بس مازالت بردو مستمرة السائل اللي بينزل ده والخنفرة ولما بتقوم الصبح طبعا بيكون السائل ده نشف وعامل كتل ناشفة كده عند مناخيرها واللي زاد بقي انها دلوقتي لما نامت ابتدت تكح كل شوية وهي نايمة كحة جامدة ، الدور ده كان حصلها قبل كده وتقريبا طلع بلغم نزل علي صدرها وبعدين معدتها بسبب المخاط، بس هو الحمدلله منزلي في معدتها المرة دي يا إلا كانت رجعت زي المرة اللي فاتت علي ما اظن، هي كحة بس جديدة، اديها ايه بقي لأني ناسية كل حاجة للأسف ونفسي تخف خالص قبل العيد ميلاد :'(:'(

كتكوته ياجمميله ربنا يباركلك في جوجو وتخف خاالص وتبقى زى القمر في عيد ميلادها
دندونه لااا يويو مش كده خااالص الحمدللله ياااه الصورة صعبه اوى ربنا يشفي كل مريض يااارب والله يا ام سيمو انا لما بيحصل حااجه ليويو الدنيا بتبقى سوده في عينى وبخاف جدا وببقى نفسي اطمن علييه بخااف اوى ليكون فيه حااجه لاقدر الله ولله الولاد دول نعمه يااارب يخليهوملنا ويحميهم من كل شر يااااارب بس انا لما دققت لقيت هو الجنبين عنده اخر حاااجه في القفص الصدري العضمتييين الاتنين بارزين شويه ممكن تكون الشمال اكتر بس اليميين بردو بارزة لما دققت فيها لقيتها هى كماااان كده طب يعنى يا ام سيمو لو وديته المستوصف لدكتور اطفال عاادى هيعرف ولا لازم جرااحه انا كده كده ريحه المستوصف بكرة

M!ss Tuky;14549341:
ام سيمو ازيك وعامله ايييه

انا سؤالى خاص ببنت اختى هى عندها دلوأتى سنتين وبتغلب مامتها ف الاكل بتقعد بالساعتين تاكل ومبتاكلش وجبه علي بعضها

لان الاكل بيفضل ف بقها كتير بتحتفظ بيه ف بقها وممكن تتكلم وتلعب والاكل لسه ف بقها مبتبلعوش بسهوله

وزنها 11 كيلو تقريبا ومبتزيدش خالص

ف هي عاوزة تعرف اييه الطريقه الى تتعامل معاها ف الفتره دى وليه هى بتتعامل مع الاكل بالشكل ده رافضاه ومبتاكلش بسهوله ولو كلت بتخلي الاكل ف بقها كتير

بصى يا توكى
خلى مامتها تبقى صبورة شويه معاها و تحاول على قد متقدر تقدملها الاكل فى كميات صغيرة عشان الطفل لما بيلاقى كميه كبيرة م الاكل بيكرهه
و تنوعلها فى الكل من حيث الالوان
و تحاول تخللى شكل الوجبه حلو و محبب ليها

تانى حاجه انها متغصبش عليها فى حاجه
يعنى لو جات تاكلها و البنت مرضيتش تسيب الاكل قدامها و هيا لما هتجوع هتروح و تاكله لوحدها
على فكرة فى اطفال كتير بتحب هيا اللى تاكل بنفسها مش بتحب حد ياكلها

وخليها برضه تحاول تخللى وقت الاكل محبب ليها
بانها تلعب معاها او تغنيلها و هيا بتاكل

و تقدملها الاكل فى شكل متغير زى الصور دى

CuTie KaTkOoTa;14549447:
:(:( دندن معلش هتعبك معايا دلوقتي هي موضوع مناخيرها ده من اليوم اللي قبل اللس سألتك فيه نسيت هو كان امتي :o:o المهم هي قلت سنة بس مازالت بردو مستمرة السائل اللي بينزل ده والخنفرة ولما بتقوم الصبح طبعا بيكون السائل ده نشف وعامل كتل ناشفة كده عند مناخيرها واللي زاد بقي انها دلوقتي لما نامت ابتدت تكح كل شوية وهي نايمة كحة جامدة ، الدور ده كان حصلها قبل كده وتقريبا طلع بلغم نزل علي صدرها وبعدين معدتها بسبب المخاط، بس هو الحمدلله منزلي في معدتها المرة دي يا إلا كانت رجعت زي المرة اللي فاتت علي ما اظن، هي كحة بس جديدة، اديها ايه بقي لأني ناسية كل حاجة للأسف ونفسي تخف خالص قبل العيد ميلاد :'(:'(

متقوليش كده يا ايمى لا تعب ولا حاجه

بصى لو الكحه بتزيد لما بتنام على ظهرها و مفيش معاها سخونيه يبقى فعلا من الافرازات
انما لو الكحه زادت او كترت يبقى تعرضيها على دكتور احسن عشان يسمع صدرها

بالنسبه للرشح هو كده كده الرشح بياخد وقت و بيروح

بس لو عايزة حل سريع للرشح ده
انتى ممكن تستعملى
afrin drops
او
otrivin ped drops
(دا حاجه تانيه غير السالين )
نقطتين فى كل فتحه 3 مرات فى اليوم
بس النقط دى بلاش تستعمليها اكتر من 3 ايام ل 5 ايام بالكتير

بنت من الزمن ده;14552000:
كتكوته ياجمميله ربنا يباركلك في جوجو وتخف خاالص وتبقى زى القمر في عيد ميلادها
دندونه لااا يويو مش كده خااالص الحمدللله ياااه الصورة صعبه اوى ربنا يشفي كل مريض يااارب والله يا ام سيمو انا لما بيحصل حااجه ليويو الدنيا بتبقى سوده في عينى وبخاف جدا وببقى نفسي اطمن علييه بخااف اوى ليكون فيه حااجه لاقدر الله ولله الولاد دول نعمه يااارب يخليهوملنا ويحميهم من كل شر يااااارب بس انا لما دققت لقيت هو الجنبين عنده اخر حاااجه في القفص الصدري العضمتييين الاتنين بارزين شويه ممكن تكون الشمال اكتر بس اليميين بردو بارزة لما دققت فيها لقيتها هى كماااان كده طب يعنى يا ام سيمو لو وديته المستوصف لدكتور اطفال عاادى هيعرف ولا لازم جرااحه انا كده كده ريحه المستوصف بكرة

ربنا يخليهولك يارب و يطمنك دايما عليه

لا اعرضيه على دكتور اطفال عادى يا حبيبتى مش لازم جراحه
وانا متاكده انه هيطمنك وانه مفيهوش حاجه ان شاء الله

ام سيمو يا قمراية يعني ازود ليوسف الجرعة بدل ربع معلقة اديله معلقة صغيرة كاملة و لا ايه

حد جرب نوع بامبرز اسمه فلفيت

بنت من الزمن ده;14552000:
كتكوته ياجمميله ربنا يباركلك في جوجو وتخف خاالص وتبقى زى القمر في عيد ميلادها

F:F: تسلمي يا دودو يارب

OM SIMO;14552736:

متقوليش كده يا ايمى لا تعب ولا حاجه

بصى لو الكحه بتزيد لما بتنام على ظهرها و مفيش معاها سخونيه يبقى فعلا من الافرازات
انما لو الكحه زادت او كترت يبقى تعرضيها على دكتور احسن عشان يسمع صدرها

بالنسبه للرشح هو كده كده الرشح بياخد وقت و بيروح

بس لو عايزة حل سريع للرشح ده
انتى ممكن تستعملى
afrin drops
او
otrivin ped drops
(دا حاجه تانيه غير السالين )
نقطتين فى كل فتحه 3 مرات فى اليوم
بس النقط دى بلاش تستعمليها اكتر من 3 ايام ل 5 ايام بالكتير

حاضر خلاص هخلي جوزي يجيبها وهو راجع، طيب والكحة ملهاش حاجة بردو احسن صعبانة عليا اوي ومش بتجيلها إلا وقت النوم بس وبتخليها تتنفض كده عشان جامدة وكمان بخاف انها تصحيها من النوم، هي الحمدلله صدرها مش بيعمل صوت، بس انا فعلا لو استمرت هروح بيها للدكتور المشكلة بس اني جوزي بيرجع بالليل اليومين دول فمش عارفة انزل من غيره

dandona om jou;14553436:
ام سيمو يا قمراية يعني ازود ليوسف الجرعة بدل ربع معلقة اديله معلقة صغيرة كاملة و لا ايه

حد جرب نوع بامبرز اسمه فلفيت

ايوة يا دندن بالظبط كده

CuTie KaTkOoTa;14553664:
F:F: تسلمي يا دودو يارب


حاضر خلاص هخلي جوزي يجيبها وهو راجع، طيب والكحة ملهاش حاجة بردو احسن صعبانة عليا اوي ومش بتجيلها إلا وقت النوم بس وبتخليها تتنفض كده عشان جامدة وكمان بخاف انها تصحيها من النوم، هي الحمدلله صدرها مش بيعمل صوت، بس انا فعلا لو استمرت هروح بيها للدكتور المشكلة بس اني جوزي بيرجع بالليل اليومين دول فمش عارفة انزل من غيره

ماهى الكحه يا ايمى ان شاء الله هتروح بعد متصحى من الرشح
و ممكن تديها دوا اعشاب للكحه زى
بنتامكس
وزودى من السوايل و الميه و اديها رضعه كراويه او ينسون قبل متنام

دندونه اخبارك ايه يا جميل و سيمو عامله ايه دلوقتي
بقلك يا دندن ادهم ان شاء الله عنده تطعيم الشهرين يوم السبت الجاى
انا عارفه ان التطعيم ده بيسخن و بيخلي الرجل تورم
اديله ايه عشان السخونيه و اعمله كمدات ميه لرجله و لا سمعت من البنات عن كمدات جاهزة انهى احسن

sweetyronaaa;14555601:
دندونه اخبارك ايه يا جميل و سيمو عامله ايه دلوقتي
بقلك يا دندن ادهم ان شاء الله عنده تطعيم الشهرين يوم السبت الجاى
انا عارفه ان التطعيم ده بيسخن و بيخلي الرجل تورم
اديله ايه عشان السخونيه و اعمله كمدات ميه لرجله و لا سمعت من البنات عن كمدات جاهزة انهى احسن

الحمد لله يا قمر تسلميلى
بالنسبه للتطعيم اديله نقط سيتال 10 نقط
ممكن تديه كل 6 ساعات بس لو الحراره راحت خلاص ملوش لازمه تكرريه

و الكمادات الجاهزة اللى اللى اسمها تمبو كول حلوة اوى و عمليه

ام سيمو متعرفيش حل لشعر حور
اصلها قرعه اوى ونفسى اقعدها واسرح كده واشترى توك
وهل يا ترى ينفع أأكلها جمبرى؟؟

معلش سؤال :) الدكتور بتاع بنتي كاتبلها بيديكال 2ونص مللي ولما سالته مش كده قليل قالي لا دي لسه صغيرة وهي تمت السبع شهور النهارده ما شاء الله مش عارفه بقى انا بشوفكم بتقولوا دايما 5مللي؟؟ازودلها انا واديها 5مللي من نفسي ولا اعمل ايه؟؟

katkooota_7aboooba ام حــور;14557381:
ام سيمو متعرفيش حل لشعر حور
اصلها قرعه اوى ونفسى اقعدها واسرح كده واشترى توك
وهل يا ترى ينفع أأكلها جمبرى؟؟

هههههههههه والله انتى بنت حلال يا ام حور
انا كنت لسه بفكر اتكلم انهارده عن موضوع شعر البيبى
استنينى انهارده باليل هنزل الموضوع :):)

بالنسبه للجمبرى بلاش دلوقتى الافضل تستنى بعد سنه
عشان الجمبرى من اكتر الحاجات اللى ممكن تسبب حساسيه للبيبى

بسبوسةميدو;14559024:
معلش سؤال :) الدكتور بتاع بنتي كاتبلها بيديكال 2ونص مللي ولما سالته مش كده قليل قالي لا دي لسه صغيرة وهي تمت السبع شهور النهارده ما شاء الله مش عارفه بقى انا بشوفكم بتقولوا دايما 5مللي؟؟ازودلها انا واديها 5مللي من نفسي ولا اعمل ايه؟؟

لا يا حبيبتى جرعه البيديكال 5 سم يوميا

لان المفروض ان الطفل ياخد جرعه و قائيه من فيتامين د مقدارها 400 وحده دوليه

و انتى لو بصيتى على العلبه فى المكونات هتلاقى ان كل 5 مللى فيها 400 وحده

يبقى المفروض تاخد قد ايه؟

مش محتاجه تفكير 5 مللى

(على فكرة 5 سم يعنى 5 مللى مفيش فرق عشان بس متتلغبطيش:):):))

ام سيمو جزاكى الله كل خير ع الرد بس مشكله البنت انها بتزهق يعني لما لقمه كبده تقعد ف بقها ساعه وتتحرك وتتكلم وتجرى هنا وهنا وهى لسه ف بقها دى حاجه تطلع الروح بجد

صحيح انا تطعيم تايا الاربع شهور لسه هديهولها يوم السبت ان شاء الله في مشكله ف التأخير ده هى عندها 4 شهور و8 ايام ؟

توكي أنا طعمت آدم النهارده و بردو أربع شهور و اسبوع والممرضة قالتلي مفيش مشكلة ان شاء الله

طيب الاعراض يا ام ادم هى هى بتاع تطعيم الشهرين

انا مقلقه اووى من الحوار ده

M!ss Tuky;14560808:
صحيح انا تطعيم تايا الاربع شهور لسه هديهولها يوم السبت ان شاء الله في مشكله ف التأخير ده هى عندها 4 شهور و8 ايام ؟

M!ss Tuky;14560970:
طيب الاعراض يا ام ادم هى هى بتاع تطعيم الشهرين

انا مقلقه اووى من الحوار ده

مفيش مشكله فى التاخير

و اعراض التطعيم هيا هيا الشهرين
انتى جهزى السيتال و سيبيها على ربنا
ان شاء الله يعدى على خير

[BACKGROUND="70 #FFFFCC"]


انهارده موضوعنا خفيف و لذيذ

و هو عن

شعر البيبى







طبعا فى اطفال بتولدوا بشعر غزير و ناعم و فى اطفال تانيه بيتولدو من غير ولا شعرايه
:)
او بيتولدو بشعر خفيف جدا



الطبيعى ان الطفل بيبدا يفقد شعرة فى اول 6 شهور من عمرة

و بعديها ممكن يطلع تانى بسرعه وممكن ياخد وقت شويه على مايطلع تانى

و مش شرط ان الشعر يطلع بنفس مواصفات اللى اتولد بيه يعنى ممكن لونه يتغير و كمان

درجه النعومه

بس الاكيد انه هيطلع تانى فلا داعى للاستعجال


و هو دا الشعر اللى هيكمل بيه فترة طفولته كلها

يعنى ممكن خصائص الشعر ده تتغير تانى؟

ايوة فى احتمال تتغير عند البلوغ

و على فكرة 30% من الاطفال بيتولدوا من غير شعر و على سن سنه بيكون عندهم شعر كثيف


طيب شعر البيبى بتاعى ملولو من نهايته ؟





دى حاجه طبيعيه و بتكون بسبب عدم اكتمال نمو الروابط الكيميائيه و غالبا الشعر بيبقى مفرود بعد اول عيد ميلاد لطفلك




ازاى بقى اهتم بشعر طفلى؟

طبعا كل بيبى بيختلف عن التانى من حيث درجه نعومه شعرة


فى اطفال بيبقى شعرهم دهنى جدا و الطفل ده بيحتاج ان دايما شعرة يتغسل عشان يتخلص من الدهون الزياده
و فى اطفال بيبقى شعرهم جاف جدا دول لا ينصح بغسيل الشعر بالشامبو اللا مرة واحده اسبوعيا

اما الاطفال اللى شعرهم عادى برده لا يستحب ان تغسليله شعرة اكتر من مرتين فى الاسبوع

بالنسبه للزيوت عاده الطفل مش بيحتاج لاى زيوت فى اول سنه من عمرة



بس لو شعرة جاف اوى و هايش
انتى ممكن تستعملى زيت طبيعى زى زيت الخروع او زيت اللوز
بشرط انك تستعمليه قبل متغسلى شعر البيبى ب ساعتين او 3
و بعدها تغسلى شعر البيبى بشامبو مخصص للاطفال طبعا
و تمشطى شعرة بفرشاه ناعمه تكون خاصه بيه لوحده




طبعا كل واحده فينا و خصوصا اللى عندها بنانيت بيبقى نفسها تحطلها توك و سورتيتات

بس خللى بالك



التوك الصغيرة و الكليبسات ممكن تكون خطر ع البيبى لو شدتها و حطتها فى بقها
ممكن تبلعها لا قد الله






السورتيتات اللى ماسكه اوى على الشعر

بتسبب للبيبى صداع و بتضايقه

فعشان كده لازم تختاريها تكون حنينه و مش ضيقه






يفضل انك متشديش شعر البيبى ب توكه

عشان كده ممكن يكون سبب فى فقدان الشعر

عشان كده متبدايش تعملى للبيبى زعروره الا لما شعرها يطول يبقى ع الاقل 8 سم




و سؤال الحلقه :D:D

يا ترى بتتعاملى ازاى مع شعر طفلك او طفلتك
و هل بتستعملى زيوت معينه؟

[/BACKGROUND]

هههههههه أم سيمو كل ما اشوف شعر آدم بيقع ولما كمان عرفت انه ممكن يتغير أقول لجوزي يا خوفي يطلع ذيك ههههههه أصل أول حاجة كانت قلقته في الحمل وعلق عليها بعد الولادة موضوع الشعر ده أول ما قمت م البنج قالي الحمدلله شعره ناعم ذي شعرك ههههههه تسلمي ع الموضوع الجميل ده..توكي أجهزي بالسيتال ذي دندونة ما قالت و أول ما ترجعي حطي تمبو كول علي رجلها ان شاء الله مش يحصل أي اعراض..

صحيح نسيت اسأل بقي بخصوص الشعر جوزي شعره بيطير من قدام و في طريقة لمرحلة الصلع دي بس عموما أنا واخداه علي عيبه كده هههههههه اخوه كمان كده بس أخوهم الثالث لا وهو الاسمر في اخواته لكن جوزي و اخوه ابيض.. أعرف ازاي بقي إذا كان ممكن آدم يطلع كده وامتي الكلام ده يبان؟ بالنسبة لسؤال الحلقة أنا بغسل شعر آدم مرة أو مرتين في الاسبوع بسانوسان ومش بحطلو حاجة علشان عارفة ان أول سنة بيتغذي بالزيوت الطبيعية بتاعت الجسم يعني