قروب الماء سر الحياة

انا بااااااك,,

ابتسامه خجل كلج ذوووق حبيبتي..فيج الخير

بصراحه الكمن يوم الي مضوا كنا ف عوافي وبر ههههه

واشرب وكل اشرب وكل!!وللأسف اعتقد خربت ماضبطت

بس اكيد اني بلتزم وبعووووووض ..

ومبروووووك لكل الي نزلوا..واصلوا

وان شا الله خير

:065:

ابتسامه
اوكيه راح امشي ع كلامك 3 يعني 3
تسلمي وخليك ع اتصال تراني معتمده على الله ثم عليك
في رشاقتي وانا ايضا راح اكون معاكم قلبا وقالب رغم مذاكرتي
بس بجد مليت نفسي ومنى عيني اشوف رقم 60 ع الميزان
هدفي 68
:065:
مس اي
ياهلا فيك خليك معانا لاتروحي
وماشاء الله عليك دله شاي اخضر ممتاز ويومك تمام
:065:
اسمحلي اخونك
انا فقدتك انتي واخت الشهيد وشوق الذكرى
وزين رجعتي واذا عرف السبب بطل العجب وكيب ان تتش :!!:
:065:
لوليتا
انا اول مرة اوزن بالليل لااني الصباح نسيت وشربت ماء

تقريري لليوم راح يكون بالليل كالعاده

بنات شدوا حيلكم لاتضعفوا
والله الجسم الجميل هو راس مال المراءة


تحياتي لكم:087:

سلام عليكم..
لا توقفون فديتكم!

انا والله العيال مدوخيني وماعرف أدخل أكتب بس متابعتكم عن طريق الفون..

ابتسامة خجل..
اي راح أمشي على النظام اللي كتبتيه انتي.. وراح أشرب شاي أخضر لو كاسة باليوم..
بس انتي ترضعين؟
لأني أرضع.. يعني اقدر امشي على نظامج ولا لا؟؟

شروووق..
تسلمين لي يا قمر..
شكراً لتشجيعج ما قصرتي..

بالنسبة لي، انا صج ما نزل وزني ذاك الزود..
لكن قعدت اطالع نفسي بالمنظرة.. كأن الكرشة نزلت حبة صغيرة..!!

وعلى قولكم دام نزل وزني احسن من ولا شي..

بالنسبة ليومياتي..
راح أكتب لكم بكرا وش سويت اليوم.. عشان يكون يوم متكامل..
ولا تسألوني عن الأيام اللي فاتت.. لأني نسيت :|

موفقين حبوبااااات

هلا بنت الاصاايل ...

ايه اني ارضع من جديه كل ماكثرتي الماي .. زاد الحليب عندش

ويلكمووو تسمحلي اخوونك ... مابغينه نشووفك

ميي ايه .. دوم هالحمااس يا رب .. عساش تنزلين كيلوين بهالاسبووع

شرووق

ماشاء الله ع هالارااده واايد تماام .. خليك دوم كذاا

بنات بالنسبه لجورجي .. ماتدخل ع اساس انها طعمت بنتها وسخنت

دعواتكم لها بالشفااء العااجل ...

هلا بسومة..
الله يثبتنا معاج على هالطريج..

امس كااان نظامي وايد حلو.. واليوم صحيت خفيفة ومرتاحة..!

صحيت متأخرة .. عشان جذي ما أكلت نشويات بالفطور واصلتها لين الغدى..

الفطور: 3 حبات سنطر

الغذاء: اكوب أرز بالخضار + سمكتين مشويتين "حجمهم صغير شوي" + صحن كبير سلطة +عصير جريب فروت.

العشاء: بيضة مسلوقة + شريحتين خبز أسمر مسحتهم بجبن+ صحن صغير سلطة + نسكافيه بالحليب.

شربتها عقبها كوب كبير شاي أخضر خليت فيه كيسين شاي اخضر ليبتون. وواصلتها ماء لين نمت.

الماء: 6-8 أكواب.. ما حسبت عدل:D
الرياضة: أمس سويت شغل البيت فقط! <<< أدري لازم أجتهد وأسوي أكثر بس ولدي ما خلاني الصراحة..

مساء الخيرات على الحلوات
ادر اني مقصررررره كثير في دخولي بس اعذروني
ما عندي نت
وعلشان كذا بحاول كل يومين او ثلاثه ادخل القروب

الحمدالله انا ماشيه على رجيم من مخيلان حاولت امشي على رجيم
بس ماقدرت الاالاسبوع اللي فات
والحمدالله نزلت 1.5
وهالاسبوع ان شاء الله
ومبروك عليكم النزول وعقبال باقي البنات يارب


اليوم
ما اافطرت
شربت كوب ماء
وبعدها كلت قطعة كيك وشربت كفي
وشاي اخضر بعدها
وراح امشي ساعه واعمل تمارين من 10 _15 د

والعشاء دجاج وشوية بطاطس مشوي

وبالتوفيق لكم

شخباركم؟

هلا فيج جورجي..
سلامات لبنتج.. ما تشوف شر الحلوة..
شخبارها الحين؟

وانتي شخبارج مع الريجيم؟!

أنا راح أكتب نظام اليوم عشان ممكن احتمال كبير بكرا ما يكون عندي مجال أدخل لأن ويك ايند!

الفطور:
شريحة خبز أسمر+ ممسوحة بزبدة الفول السوداني ومربى الخوخ بدون سكر+نص كبة كمثرى+كاسة نسكافيه.

وجبة خفيفة:
حبتين سنطر.

الغذاء:
خبز أسمر مصري+صحن بقوليات مشكلة(بازلاء خضراء+فاصوليا+حمص) مع صلصة الطماطم+عصير جريب فروت.

العشاء:
صحن كبير سلطة مكونة خيار وطماطم وفليفلة + تونة مصفاة + شريحتين خبز أسمر +كاسة نسكافيه.

راح أطلع الحين واتمشى شوي.. وبعدين لما أرجع بشرب شاي أخضر.. وخلاص ما راح أكل شي ما عدا الماء.

اخباركم

ما اقدر اخل واجد عشان ادرس

مرحبا بنات..

البارح ما دخلت انشغلنا ..
ما شا الله عليكن كلكن..
اهم شي نعدل نظام اكلنا..
ونحافظ ع الرياضه يوميا..
مب شرط انه ننزل اكثر عن 2 كليو اسبوعيا..اهم شي ان نفسيتنا تتحسن وانا نحس فيه امل انه بنخف..
انا قبل كانت شهيتيه مفتوحه ع الاخر..كل ما اكل ما اشبع واذا شفت احد ياكل..اكل معاه حتي لو اني ماكله من 10 دقايق .. بس
الحين الحمدالله..من دخلت معاكن وانا ملتزمه..

والحين احس اني في مساري الجديم.. ع فكره كان وزني قبل ثابت ع 62 وكسرته من 10شهور
نظام عدل ;)

ملخص :

امبارح كان فطوري
شاي اخضر مع خبزه رقاقه مع بيضه

غداي : سلمون مع جرجير

العصر : شاي اخضر

عشاي: عن خاطر امايه اكلت لقمتين عيش مع لحم.. وكوب مرقه لحم لذيذ مع سلطه صغيره ..

واليوم الصباح :صحن هريسه صغير مع شاي
والغدا: سلطه جرجير مع كب كيك كاكاو صغير بدون كريمه في خاطريه شفته ع الطاوله :)


والرياضه :شغل بيت وركض ورا الصغار ;)
وبس

ويعطيكن ربي الف عافيه..

السلام عليكم ورحمة الله

اعذروني الاربعاء والخميس طلعنا
وطبعا الطلعه حاست النظام وخربت بقوة
بس ماعلينا ننسى الماضي ونبدء مرة ثانيه

جورجي ياهلا وسلامة الامورة
بنت الاصايل الله يقويك
مس اي نفس حالتي الرياضه ركض مع الاطفال + دراسه
وصادقه مو ضروري 2 كيلو باسبوع اهم شئ نواصل ونغير نظام حياتنا

طبعا يوميات الاربعاء والخميس ماراح اكتبها:-#

اليوم الجمعه
الساعه 11ونص فطرت سندويش شكشوكه وشاي
الساعه 5ونص تغدينا صدور دجاج ورز ابيض وسلطه
بعدها القهوة والتمر وابشرك ياابتسامه اكلت بس 4 تمرات:D
وبكرة راح اكل بس 3 ان شاء الله ...

رياضه راح احاول اسوي رياضة البطن 50 مرة والخصر 100 مرة

تحياتي لااحلى قروب ومشكورين لاحظت رجع دب النشاط فيكم:thumbs_up:

بنات حصلت هالبرنامج وعجبني
وناوية بحول الله ابدء فيه بكرة لاني لازم اسوي كنترول

برنامج (750سعرة)

الافطار 200سعرة:
شريحتين توست بر +شريحة جبنه قليلة الدسم +حلقات خيار وطماطم
او
واحد صامولي بر-بيضة مسلوقة- حلقات خيار وطماطم

الغدا 250سعرة:
سلطة من دون زيت او جزر- سيخ شيش طاووق
او
سلطة من دون زيت او جزر- شريحة ستيك 125جرام
او
سلطة من دون زيت او جزر-3 حبات كفته مشوية
او
سلطة من دون زيت او جزر- ربع دجاجة مشوية بدون جلد
او
سلطة من دون زيت او جزر- ربع كيلو سمك مشوي

بين الغداء والعشاء 100سعره: حبتين تمر +قهوه عربي

العشاء200سعرة:
حبة موزة متوسطة-حبة تفاح صغيرة-حبتين برقوق
او
حبة برتقال متوسطة –حبتين تين
او
حبة كمثرى متوسطة-حبتين جوافة
او
ثلاث حبات كيوي –4حبات مشمش

مرااحب بناات ..

شروق حبيبتي .. ماعليه اخذي لش رجيم بس التزمي عليه .. لا كل يوم تدورين ع رجيم

بعدين جسمش مايحرق @_@

بنت الاصاايل ... الله يعطيش العاافية وخليش موااصله

مسس اي تماام .. اللي قاعده تسوينه حلوو .. لا تخلين الاراده تروح

جورجي احنه بخير وانتي اخباارك

زهور ملونه .. الله يوفقش بس هم دخلي طمنينه عليش لو مرة بالاسبووع

هبي ويك اند للكل

وكل سنه وانتو بخير حباايبي

احس اني مب قادره اسوي كنترول ع نفسي هاليومين

قبل امس عزيمه..وامس باارتي..

وابداً ماقصرت بالاكل هههه والمشكله اكل حلويات ×_×

حلوى-حلويات-وكيك.!

بس ان شاء الله من اليوم بلتزمم وبترد الهمه

خاصةً ان اياام الدوامات الواحد ماله نفس ياكل مثل قبل

والوعد الاسبوع الياي ف يوم الميزاااااان

شدو الهمه بنوتات

^_^

اسمحلي اخونك .. حطي في بالش اي قد تتعبين

ع جهاز المشي وبالريااضه وشلون انه وزنش ينزل بالغصب

صدقيني بتكرهين شي اسمه حلااوة

باكوووش!

والله يوم الجمعة أصعب يوم ريجيم الصراحة..
نروح بيت عمي وما يقصرون بالحلويات والحاجات اللذيذة تهيء!!!

امس مسكت نفسي ع الغذاء شوي..
بس خبصت اكلت 1كب كيك العصر..

وبالليل تعشيت متأخرة، :o غصب عني..
ماكان في وقت لعشاي المغرب لأني مو بالبيت.. ولما تأخر الوقت قرصني الجوع مع اني كنت مقررة مابي أتعشى خلاص..