لمتنا السورية اهلا وسهلا فيكم لشهر محرم1432

المغتربةU.S.A;13912009:
اللهم اجعل شهرك هذا شهر مغفرة وتحريم قلوبنا للهموم وتحريم وجوهنا على نار

مسا الخير عجميع ونهاية اسبوع سعيدة عليكم يارب
انا رحت اليوم عدكتور وعملي مسحة لحلقي مشان يعمل مزرعة لانه لقى الصديد راجع ووصفلي مضاد حيوي تاني وقال اذا رجع صار في التهاب مرة تانية فلازم استئصال لوز بقا الله يستر
الجو عنا اليوم غائم من الصبح وبخبخت شوية مطر وكان الجو كتير حلو خرج مشوار بس انا كل جسمي عم يجعني من التهاب حلقي والصديد بيوجع العضام حتى
بقا مارضيت اطلع من البيت قام جوزي اخد الاولاد مشاهم شوي وجبلنا تشكيلة حلويات كيك ومافن وبسبوسة ومارس اهم شي يعني راضة الاولاد بدال المشوار لانه هي تاني اسبوع بيكون فينا حدا تعبان وما بنطلع
انتو ان شاء الله تكونو كلكم بخير وصحتكم تمام

كيفك كاتي وشلون تالا اليوم وشو مسهرك بغرف بتنامي بكير

لؤلؤة الشام0;13915317:
كاتس شو هالصور الحلوين ماشاءالله هيك بدي ياكي شطورة وتتذكرينا بمشويرك

لؤلؤة الشام0;13916765:
كيفك كاتي وشلون تالا اليوم وشو مسهرك بغرف بتنامي بكير

ليكى سورية كمان اهلا و سهلا

لؤلؤة الشام0;13916745:
مسا الخير عجميع ونهاية اسبوع سعيدة عليكم يارب
انا رحت اليوم عدكتور وعملي مسحة لحلقي مشان يعمل مزرعة لانه لقى الصديد راجع ووصفلي مضاد حيوي تاني وقال اذا رجع صار في التهاب مرة تانية فلازم استئصال لوز بقا الله يستر
الجو عنا اليوم غائم من الصبح وبخبخت شوية مطر وكان الجو كتير حلو خرج مشوار بس انا كل جسمي عم يجعني من التهاب حلقي والصديد بيوجع العضام حتى
بقا مارضيت اطلع من البيت قام جوزي اخد الاولاد مشاهم شوي وجبلنا تشكيلة حلويات كيك ومافن وبسبوسة ومارس اهم شي يعني راضة الاولاد بدال المشوار لانه هي تاني اسبوع بيكون فينا حدا تعبان وما بنطلع
انتو ان شاء الله تكونو كلكم بخير وصحتكم تمام

بعرف انه استئصال اللوز سهل كتير بس الصعب انه عندي بيبي ومدارس ولاد وبيت يعني اذا بغيب ساعة بتمشي الدنيا بالبيت بقى كيف عملية ومبيت ليلة بالمشفا
هلق بقول الله لا يحيجني وهو اعلم بالحال ويا محلا يلي كاتبه ربي
وتلاقي الخير يارب وجمعة مباركة عليكي وعجميع المسلمين

بنت الشام الله يسلمك يارب ويبعد عنك الهم والمرض ونحنا مشتاقين الك كتير
والله يعوضها لبنت اختك باحسن من هالعريس والله يقدملها اللي فيه الخير

********************

لولوة سلامة قلبك يارب طيب غيرتي الدكتور ولا نفسه
وحاولي تلاقيلك علاج طبيعي احسن من هالمضاد حسبي الله عليهم اسهل شي بوصفوه ونحنا هات يابلبعة ...
الله يشفيكي يارب وحق معك والله مسئولياتك كتيرة والله يختارلك الخير يارب

سلام يابنات يارب تكونو كلكن بخير رحت مبارح عند حماتي بس والله ما اتهنيت شهد قلب معها الرشح لسعلة قوية بعد ما قلت انها تحسنت والمسكينة ما ركنتني كل القعدةومانيمتنا كل الليل واليوم ما حبيت اطلع برات البيت ابدا لانو وين ما رحنا مالح ننبسط الله لا يبارك بالوجع يعافي كل موجوع يارب

CATS_ANGEL;13916631:

يلا حبيبتي الف سلامة عليكي و خلصتي من الابر الحمدلله و داومي على الحبوب و ان شاء الله بترجعي متل اول و احسن :thumbs_up:

ايه و الله في منخفض مرتب يوم السبت ما بعرف اذا رح اعرف روح عند اهلي و لا لأ بقولو شتا و رعد يعني منخفض عن جد الحمدلله على النعمة :L:
مشكلتي انو الاكل الجديد ما بعرف اجربو ان كان ارضي شوكي او ملوخية ورق او اي اكلة تانية مع اني بعشق الملوخية بس بورق ما عمري جربتو :rolleyes:
صحة وهنا على قلبك يا رب انا ما بلف ورق عنب كتير لهيك ما بحس فيهم و مستعدة لف كل اسبوع مرة او مرتين بتصدقي :D
و معك حق في شغلات الواحد بخلي حالو في السليم بلا ما يسمعلو كم كلمة ما الها داعي فبلا منو هالنسكافيه بنشربو لحالو بعدين :lol:
لا صدقيني يلي ما الو طولة بال ما بتفرق بنتو و لا غيرو يعني جبتلها كروت صور و الاسم تحتو بسألها كم صورة بعدين بزتهم تتسلى فيهم لحالها بترجع تسألني شو هاد و شو هاد بنجن بحكي ليش جبتهم 8o|

لسى ما شفتي شي من السمايلات مراعية ظروفك كنت لحتى حماتك ما تصحى على ضحكتك :lol: الله يبسطك دايما يا رب :thumbs_up:

هيدا الشلال هو الشلال الصغير العائلي الشلال يلي بتحكي عن لجوا بكون بس فاتحينو عام للكل ما حبيتو و هو الشلالات كل مالها عم تخف و نحنا رحنا قبل اي شتا و لما تشتي بزيدو

الله يخليكن لبعض يا رب انتي و زوجك و ما الكن غير بعض بهيك ظروف
قوليلي شو مشاريعكن هيدي الجمعة انا لهلأ ما بين معي شي لسى ;)

نهاية اسبوع سعيدة يا رب:L:

جمعة مباركة عليكي كاتي وربي يسعدك ويهنيكي يارب
واي الحمد لله انا بخير لا تقلقي ,,, وان شالله انتي دوم بخير F:
والله يعينكم على المنخفض بتعرفي مبارح نزلت عنا المطر كانت لربع ساعة بس بتجنن طلعت انا وولادي وشفناها ههههه واتبلبلوا شوي وفتنا والجو جدا راااائع يعني لا حر ولا رطوبة

اما عن الاكل الجديد فياستي على قولة المثل كول ماتشتهيه نفسك والبس مايليق بين الناس:):thumbs_up:
فمابلومك يعني في كتير ناس مابتقدر تجرب انا كنت هيك انا وبنت بس لما اتزوجت خربت اخلاقي هههههه

ووالله حبيبتي بدك تطولي روحك على الاخر مع تالا خصب عنك هلأ معك حق بس بعدين لما تفوت مدرسة مالها غيرك ههههه بقى وراكي وراكي
وان شالله بتشوفيها باحسن المراتب يارب
واي دخيلك كتري من هالسمايلات حتى اضيفهم عندي ههههه وربي يسعدك دوم مع احبابك

ومشاريعنا والله مبارح الخميس اجت سورية وماطلعنا بقينا عنا بالبيت اتعشينا وسهرنا على فيلم جديد اجنبي واليوم رحنا على مكان اسمه سوق الشاطئ منع محلات واسواق متنوعة ومنه جلسات والعاب للأطفال يعني اتسلينا شوي وغيرنا جو الحمد لله

اهلين شامة يسعد اوقاتك يارب
وسلامته شهد مسكينة والله عليكي بالزعتر الاخضر والاشيا السخنة والف لا باس عليها يارب

مسا الخير خير نشالله المرض كتران الله يعافيكن ويحميكن يارب

يسعد صباحكم ياحلوات
هلا ليان اي والله المرض والتعب كتران الحمد لله على اي حال .. وتغيير الجو اله علاقة بالموضوع

يالله بنات تعالو اتحلوا واشربو قهوة


سُكسيه او الليزي كيك مع الدمشقية

صباح الخير والمطر كيفكم ياجماعة مشتاقتلكم كتير
الحمد لله بعد شهرين من دخول الشتا واخيرا نزلت المطر لأول مرة بالشام بس شو مطرة بتجنن ماشالله كلها خير والحمد لله
وان شالله بعد هالمطر بينغسل الجو وبتخف هالأمراض والنزلات الصدرية لأنو الحال من بعضو كل هالناس عنا مريضة مو بس بنوتك شامة صاير الجو سقعة الصبح والمسا وبالنهار شمس هلق بعد هالمطرة ان شالله بيتحسن الوضع

ياجماعة فتت بالشهر التاسع طبعا مالي حاطة ببالي أولد قبل آخر أسبوع بشهري مو منشان شي منشان ما حط آمال اني رح أولد ببداية شهري وحس الأيام طويلة
وأنا عكس كل الحوامل بتمنى آكل شهري كلو كمان لأنو كل ما أتأخرت بالولادة مابعود بداوم بآخر العام الدراسي لأنو اجازتي 4 شهور واذا أخدتها بكير بدي اضطر داوم بآخر العام الدراسي

آخر أخباري مبارح كنت عند حماتي وحاببتني بشكل مو طبيعي أنا هيك حاسستها لأنو بتضل بتهتم فيني وما بتقعدني الا جنبها وما بتاكل حتى تسكبلي والسبب أنها حستني ست بيت والي لهفة وهي بتحب البنت الشاطرة بالطبخ وشغل البيت ولأنها حستني واعية وفهمانة وبتضل بتاخد وبتعطي معي وبتحكيلي قصص ومواعظ سبحان مغير الأحوال هي حماتي قلبها طيب حرام بس كانت كبرة نفسها مسيطرة عليها وطاغية على قلبها الطيب وقت مشي الحال وتم الصلح لك انا مستغربة كتير لدرجة أنها مبارح تقللي لا تسافري باجازة الأمومة خللي زوجك يرجع وتعالو اسكنو ببيت عين الفيجة كامل مكمل واذا مارضي يسطفل انت لا تسافري
تطور مو طبيعي والحمد لله لدرجة أنو سلفتي انتبهت مبارح وقالتلي والله مرت عمك حاببتك كتير لاحظت اهتمامها فيني بقى ألف الحمد لله والله الله بيعطي الانسان على حسب نيتو وأنا رح حاول قد مافيني اكسبها وسبحان الله أنا من النوع يلي بعجب الستات الكبار لاحظت هالشغلة كتير وزادت بعد ما تزوجت لأنو تفكيري أكبر من عمري

وهي كل أخباري الجديدة والمتطورة للأفضل والحمد لله طبعا انا قرأت أخبار الكل بس مارح أقدر رد عليكم لأنو ماشالله الشات صاير نشيط بشكل حلو والحبايب كلن على تواصل بس عم نستفقد لمونو غيباتها الطويلة هي وياسمينة وبيرل

صباح الخير والاحساس والطيبة انا الحمد لله صرت احسن بقى عم اساتنى نتيجة المزرعة لشوف شو بده يطلع معنا والله يا دمشقية هاد 3 دكتور بروح لعنده غير بعض الاستشارات لدكتورة ولادي ولدكتور رفيق زوجي وكلهم نفس الكلام في صديد ولازم مضاد مشان ما ينزل الصديد عل المفاصل والكلا وتصير المشكلة اكبر
بس الله وكيلكم يوم بفيق مرتاحة ومافيني تعب بيكون مابدي شي غير استمتع بنهاري واشكر ربي واحمده اني بخير
شامة سلامتها شهودة حبيبة قلبي ديري بالك عليها
شامية الله يحبب فينا خلقه وخصوصي الحموات ;)ويكتر المحبين والله يقيمك بسلامة مجبورة الخاطر واعتقد انك بتاخدي شهرك كامل يعني اول شي بكرية تاني شي امورك ولله الحمد بسم الله وماشاء الله تمام
ليان الله يفرج همنا يارب والله هالجو هو السبب بهالامراض
انا اليوم موجاية على بالي اطبخ رح افتحلهم كبة لبنية الدرة واقلي بطاطا وعندي صحن ستي زبقي ومفركة بطاطا يلي بتدخل تقول شو سيرة الحب عندها مشان تذكرنا والله الاكل بيضيق الخلق استغفر الله العظيم

سلام يا حلوات صباحكن فل وخير وصباحنا مطر بتجنن الله يبعت الخير
لؤلؤة حبيبتي سلامة قلبك الله يعافينا ويعافيكم عنجد ليان السبب بالامراض قلة المطر يارب هلق ينغسل الجو
شامية يارب يتمملك على خير وتقومي بالسلامة وفعلا حبيبتي الستات الكبار بدن مسايرة وببو الدلال والكلام الحلو فقد ما فيكي اكسبيها انا هيك بعمل مع حماتي واوقات بتزعل من ابنها وانا بتلاقيها معي عادي
صحي انت مدرسة شو وبأيا مدرسة
كاتي دمشقية سورية سلامات

مسا الخيرات والليرات مبروك المطر والله يبعت الخير
كيف اخباركن
انا والله اليوم عاملة شرحات مطفاية وبطاطا مقلية وناغتس وسلطة روسية
وعنجد كل وحدة تكتبلنا شو طبختا انا كتير عم بحتااااااااااااااار كل يوم