لمتنا السورية اهلا وسهلا فيكم لشهر محرم1432

شامة;14115585:
الف الحمد لله الي اله عمر ما بتهينه شدة
ليكي حبيبتي انا ببنتي الاخرانية شهوده كان النبض ضعيف وكنت عم انزف ووصفلي الدكتور خمس ابر مثبتة وتخيلي بقيت للابرة الرابعة انزف والحمد لله تجاوزت الامر وبنص الحمل صارت المشيمةتحت الجنين وكمان صرت انزف وسبحان الله كملت حملي وليكا بين ايدي سالمة غانمة الحمد لله
فسلمي امرك لله

سورية وبفتخر;14115775:
لولية وانتي بخير يارب يالله لاتطولي علينا سمعينا اخر اخبار البنات
سمورة الله يسعدك يارب وسنة خير عليكي
هند اهلا وسهلا فيكي وان شاء الله ربي بيسرلك امورك وتتزوجي ويكون وشنا خير عليكي
كاتس انتبهي على حالك وعلى تالا

سورية وبفتخر;14115840:
لؤلؤة وشامة الله يسعد اوقاتكم يارب
وبالنسبة للجاجة قال كاتس بتطلع الها بس انا رح قاسمها عليها 8o|هههههههههههههههه
بس مين رح يجيبها انتي لؤلؤة ولا دمشقية :rolleyes:

الدمشقية;14118632:
اهلين كاتي الحمد لله يمكن هالدكتور اللي طلع رسالة الك حتى تطمئني وانا قلبي مطمئن وباذن الله ربي بتمم بالخير واكيد راح نضل ندعيلك انتي وكل حامل بالتيسر والتمام على خير ياااارب,,, وانا متعودة على هالامور ودائما باخد مثبتات وربك بيلطف ولله الشكر

والحمد لله فرحتيني والله بخصوص تالا وضحكتيني انها بتقلدك بالبكا :lol: يعني عارفة حيلك تماما ههههه ... بس كتير منيح انو هالطرق عملت معها فائدة لان في اطفال بغلبوا اكتر من عندهم وجئارتهم .. وانتي ماتضعفي كاتي يعني حلو كتير كوب حليب الصبح وواحد تاني المسا وفترة الغدا لسى بابا ماجابلنا حليب ;) وان شالله مرة على مرة بتصير بتتعةد الاكل وبتشوفيها متل مابدك واحسن والعفو حبيبة قلبيF: كنا متلك بالبداية والايام والناس بعلموا كتيير ....

والاجواء عنا هادية والامن مستتب :cool:وعلى سنغة عشرة :ok:
وعم نستعد لاستقبال كم هائل من المعتمرين بس تفتح باب العمرة بقى دعواتك :confused::|
سيرة الحب كانت الخميس بيتزا وفطاير وشوربة عدس
والجمعة كانت بمطعم رحنا على الهوم ميل .. ستيك وبوفيه مفتوح
السبت مجدرة ههههه ومخللات سورية اممم بجننو
والاحد فاصوليا بزيت وبكرا اذا ربي اراد شاكرية وجنبها اكيد رز بشعيرية
هي المينيو كامل عطيتك ياه :D وانتي ؟

والله ياقمر اكيد مارح ننساكي وربي يسعدك ويقويكي ويتمملك بالخير وعلى خير ياااارب
والله يسلمك ياغالية انتي كمان بس غالية مو بالاسم :D غالية على قلبنا واللهF:
[/CENTER]

شامية للعظم;14122557:
مرحبا ياجماعة كيف الحال أنا بخير والحمد لله وسالم كمان بألف خير مبارح أخدتو عالدكتور لشيك عليه وشوف ايمتى بدي أعطيه لقاحاتو يقبرني طلع طولان 2 سم وأنا الحمد لله أموري تمام وصحتي عال العال بس شهيتي للأكل عدم غصب عني عم آكل بقى اذا عندكم شي نصائح مشان الحليب مع العلم انو عم اشرب حليب بس لأني ماعم آكل متل العالم خايفة حليبي يخف على ابني

مشان سؤالكم عن زوجي لاء لسا ما أجا عم يستنى مني الاذن لأنو ما بيجي لكون جاهزة للسفر متى ما أجي تكركبت وبدي ضب شناتي وبدنا نطلع لعند حماتي لأنو الفترة يلي بدو يكون فيها هون بدنا نقضيها ببيت حماي بقى لسا مالي خرج أنا بعد الولادة التهبو قطبي ولسا يادوب هلق حتى طابو متل العالم وصرت اقدر اتحرك
بس عالنت كل يوم زوجي بيشوف ابني عالنت وكل يوم بصورو بكل حركة وببعت الصور لزوجي وقريبا ان شالله ببعتلكم صورة لأبني